اعتذر لى يا اوباما

[~Heba~]

السلام عليكم

اوباما مرشح للرئاسة الاميريكية لن يختلف عن من سبقوه كثيرا

فالقاسم المشترك بين جميع مرشحى الرئاسة هو محاولة ارضاء اللوبى اليهودى

الامر فى نظرى ليس له علاقة بالتمييز الدينى.......اشمعنى يعنى التمييز الدينى ده يكون ضد المسلمين

و لماذا يؤكد اوباما دائما انه ليس مسلم و يتنصل من جذوره المسلمة

على حد علمى ان هبه عارف لم تقبل باعتذاره بعكس شيماء

هى محامية و هى ادرى ازاى تقدر تستغل الموقف لصالحها....بس ياريت ميتقالش عليها انها بتسعى لشهره زى ما قرأت :lol:

تم تعديل 21 يونيو 2008 بواسطة ~Heba~

[أشرف حسين]

بس ياريت ميتقالش عليها انها بتسعى لشهره زى ما قرأت

للاسف انا بـ ميل للرأي ده اكتر يا بشمهندسه

معتقدش انها من الغباء بحيث انها كـ مواطنه امريكيه عمرها مـ عدا عليها او حتى قراءة تصريحات

و اقوال اوباما السابقه او حتى خلال حملته الانتخابيه الحاليه بـ كل ما تحمله من تحيز سافر

ضد كل مـ هو اسلامي

الراجل ده برغم انه جده اسمه حسين لا انه عمره مـ كان مسلم

بل بالعكس ده في كل منسبه كان بيحاول يثبت عكس ذلك..

مش هو اللي قال انه في حالة فوزه هيعمل على ضمان تفوق اسرائيل العسكري النوعي فـ الشرق الاوسط

و حاجات من نوعية ان السلام الحقيقي يخدم مصلحة أمريكا وإسرائيل !!

و ان سياسة بوش الضعيفه في مواجهة الارهاب اضعفة صورتهم قدام العالم

و قال ان العلاقة بين الولايات المتحدة وإسرائيل تتجاوز المصلحة الوطنية

وتتجسد في القيم المشتركة التي تجمع المخروبتين

الراجل مشكورا كان صريح و كاشف ورقه من الاول wst:: ...يبقي ليه اختنا المسلمه المتحجبه

تسوق العبط و تروح عشان تتصور معاه...ده كان اللوبي الصهيوني طين عيشة اللي خلفوه :closedeyes:

لا و كمان بتقول انها حست بتميز عنصري..

شوف الاستعباط يا مؤمن :unsure:

[~Heba~]

الراجل مشكورا كان صريح و كاشف ورقه من الاول ...يبقي ليه اختنا المسلمه المتحجبه

تسوق العبط و تروح عشان تتصور معاه...

طب ليه متقولش انها حاولت تكشفه بدل ما هو بيشدق بالديموقراطية و مكافحة التمييز لانه كان واضح انه فيه مسلمين فى امريكا مخدوعين بيه

[أشرف حسين]

طب ليه متقولش انها حاولت تكشفه بدل ما هو بيشدق بالديموقراطية و مكافحة التمييز لانه كان واضح انه فيه مسلمين فى امريكا مخدوعين بيه

الناس اللي مخدوعين فيه عندهم قصر نظر مستعصي و مـ بيشفوش ابعد من تحت رجليهم يا هبه

و بعدين هي حتي لو فعلا عاوزه تكشفه مش حتلاقي حاجه تكشفها

باراك أوباما مش عاوز اصوله الاسلاميه(رغم اعتناقه المسيحيه)تكون عائق في طريقه للبيت الابيض..

و لو كان على التميز العنصري

فـ اوباما نفسه كان بيعاني منه و ده شئ طبيعي و معترف بيه هناك

اللي بين المسلمين و الاداره الامريكيه على مر السنين تعدت مرحلة التميز العنصري بـ مراحل..

المسلم بيتعرض لـ ظلم و أجحاف ممنهج داخل امريكا بل مقارنه مع اصحاب الديانات الاخرى

اما خارجها فحدث ولا حرج..

المحاميه"هبه عارف"اللي صورتها علي صفحات كبرى وسائل الاعلام

ليه مـ تستغلش وجودها في دائرة الضوء و تكشف الوجه القبيح للاداره الامريكيه(المكشوف اساسا)

فى تعاملهم مع اخواتها المسلمين في الشرق الاوسط بدل الكلام عن التميز العنصري

صدقيني حتي كمان لو حولت كانو عملولها mislead و طلعوها ارهابيه

انتي عارفه يا هبه بعض الامريكان البيض بيعتبرو وصول باراك للبيت الابيض بيعزز مكانتهم كـ جنس ارقي

(يعني هما بكرمهم اصحاب القرار في وصوله) شفتي التكبر و الغرور..اعوز بـ الله

معلش وجعة دماغك

[shawshank]

أنا رأيي أن الموضوع بعيد تمامًا عن أي تمييز أو ايدلوجيات .

الموضوع أن أوباما وفريقه يسعون لوصول الأول لمقعد الرئاسة ، بصرف النظر عن "كيف" وبصرف النظر عن أي مبادئ أو ايدلوجيات ، طالما كان الطريق قانونيًا .

كمرشح للرئاسة ، ينكر أوباما بشدة أنه مسلم . ليس كرهًا في الإسلام ، ولا حبًا في المسيحية ، لكن لأنه وجد استنكارًا من معظم الأمريكيين لأصوله الإسلامية ، واستنكارًا لأن يكون رئيس أمريكا مسلمًا . فحرص على درء تلك الشبهة عن نفسه طوال حملته ، وخصوصًا مؤخرًا ، ليكسب أكبر عدد من الأصوات .

بخصوص تلك الواقعة ، فقد اتخذ أوباما وفريقه الطريق الذي يعطيه أكبر عدد من النقاط لدى الناس . فمن ناحية ظهور فتاتين محجبتين خلفه يقلل من مصداقيته في كونه غير مسلم ، ويثير تساؤلات حول ميله للإسلام وللمسلمين . ومن ناحية أخرى فمنعه الفتاتين من الظهور فيه تعسف وتمييز عنصري . فاختار هو وفريق حملته الحل الوسط الذي يمنحه أكبر قدر ممكن من التأييد . قام فريقه بمنع الفتاتين من الظهور ، ثم عاد أوباما وأعلن أن هذا ليس أسلوبه أبدًا وأنه ضد أي تمييز ويشهد تاريخه السابق على ذلك (وربما اعتذر عما حدث) . بذلك يكون قد كسب أكبر عدد ممكن من الطرفين ممن لهم الحق في التصويت : الأمريكان غير المسلمين ، وفي نفس الوقت لم يخسر كل الأمريكان المسلمين .

السياسة ليس فيها مبادئ . الموضوع موضوع مكاسب ومصالح سياسية ليس إلا . وخصوصًا في تلك المرحلة من حياة أوباما السياسية . فمن مصلحته أن لا يعلن عن أي ميول ايدلوجية أو ثوابت في أجندته ربما تكون فعلاً ما ينوي عمله لكنها قد تعرقل وصوله للبيت الأبيض .

ينطبق نفس الكلام تمامًا على إعلانه تأييده لليهود . فلو فرضنا جدلاً أن المسلمين كانوا المسيطرين على رءوس الأموال ، ومن ثم على السياسة ، في أمريكا ، لكان أوباما أول من يعلن تأييده للمسلمين .

تم تعديل 1 يوليو 2008 بواسطة shawshank