مقارنة بين الشاب المصري وغيره..

[الطفشان]

الموضوع أخد اتجاه مش ظريف بالمرة وأسجل اعتراضي فعلا على الكلام اللي بيتقال في هذا الموضوع من جميع البنات اللي المفروض يعتبروا من صفوة بناتنا في التفكير...

هو اللي حصل ان الموضوعات اللي بدأت في باب دعوة للابتسام انتقلت هنا بطريقة لا ارادية

و هذا يجب ان نراعيه

ان لا تنتقل المواضيع من باب هزلي الى باب جدي (الاسرة و الطفل)

هو الحرب بين الجنسين بدأت أم ماذا؟

ايوة بدأت

في المواضيع الاتية في باب دعوة للابتسام

- انواع النساء

- صورة كوميدية: حنفي و فكيهة

- البنات مستنيه ايه

بس عندك حق انها لا يجب ان "تنضح" هنا

[بنت شعنونة]

:D :) :) :) :) :cry:

لا

اسمحوالي اسجل اعتراضي

انا في اول الموضوع كنت قايلة اني بادياه تهريج اكتر من جد

يعني خليط من دا على دا

وبعد كدا لما استا> مراوي زعل وحد كمان

انا قلت الكلام دا

وقلت انكم على عنا وعلى راسنا والله :roll: :roll:

لكن موضوع العرق والريحة لو حضرتك كنت بتشوف برامج داوود حسين في رمضان كان بيتريق على المصريين في دا وكان بيجيبهم دايما مدرسين ومن غير شعر + رسمة عرق تحت دراعهم كدا!!!

يعني مش احنا بس اللي بنقول كدا

وان كنا زودناها حبتين من باب الهزار ممزوج لشيء من الجد

واحنا كمان ما زعلناش في مواااااااضيع اتكتبت علينا في باب الابتسامه؟

مع ان فيها كلام يزعل فعلالالالا!!!!

عموما

لآني انا اللي كتبت الموضوع دا

من حق حضرتك تزعل

وحقك عليا فعليا وانا اسفة يا جماعة واعتزر جدا عن الكلام الل اتقال في حق الشباب

بس ربنا العالم انه كان من باب المناغشة بس مش اكتر

انا اسفة جدا كمان مرة :D :D :D

دا الواحد لو سمع كلمة واحدة مش كويسة عنكم بره مصر من أي حد بينط في كرش اللي بيقولها ...وانتم هنا في وادي ثاني   

 

 

والله واحنا اكتر منكم

اسفة كمان مرة

ولو الموضوع سخيف كدا ياريت تحزفوه..

[حشيش]

لازم يكون مرتب يشرفني قدام الناس مش بريحه

أنا جيت على الريحة :shock: :shock: :shock: ...أتفق مع الأخت فراشة فى أن رائحة الرجل خصوصاً رائحة قدميه شئ مهم ولكنها لا ينبغى أن تشغل كل هذا الحيز من تفكيرك ومواصفاتك فى إختيار شريك حياتك!!! :shock: :shock: :shock:...عموماً أنتى لم تذكرى لنا أى العطور تنجذبين إليها بصفتك فراشة :shock: :shock: :shock:... عرفنا أنك لا تفضلين one man show...إيه رأيك فى العطر الجديد (ترعة الدكر) الذى تنتجه شركة كفر الزيات للزيوت العطرية :D :D :D ...أنا عن نفسى بستعمل بلسم :D :) :)

حشيش

أديب ومفكر

[الطفشان]

بما ان الموضوع فكاهي اصلا

فلا مكان له في باب الاسرة و الطفل

و ينقل الى المكان المناسب و هو باب دعوة للابتسام

[farasha79]

انا لا عندي تار بايت و لا متحاملة على شباب بلدي .. انا قلت حاجه حقيقيه بتحصل و موجوده .. مش معنى ان البنت لما تاخد بالها من الحاجات دي تبقى تافهه و سطحيه .. و على فكره انا ما ابتلتش على حد ... انا واحده عايشه في بلد عربي و اتكلمت عن فئه من الشباب المصري اللي بشوفهم هنا.

دايما الحقيقه بتزعل و تنرفز

بلاش بارفان خالص

على الاقل شاور سريع مع تبديل الملابس مرتين اسبوعيا :lol:

[wa7d]

إيه يا بنات ده حرام عليكم ...... عموما أنا مش شاب لكن إفتكرت لما كنت شاب وقابلت شاب خليجى وقال لى

" الله يعطيك الجوه "

أنا الحقيقه إفتكرته بيقل أدبه فرديت عليه

" إيه جوه دى يروح ....... "

ففهمنى إن الجوه باللغة الخليجية يعنى القوه وقال لى " يا أخى هذا للتحية ". بالذمه فيه شعب تكون التحية عندهم " الله يعطيك القوة " إلا إذا كان شباب ورق .

أما الشباب اللبنانى فمن كل فلم أغنية يعنى مافهمش صفه غالبه لكن كل واحد ماشى على كيفه .

ويكفى فخرا للشباب المصرى إن مافيش واحد فيهم قال كلمة وحشه فى حق البنات المصريات وهى كانت تبقه فرصه والبنات هيه إللى إبتدأت . لكن أبدا لم تخرج من أي منهم الغلط . وهذه إسمها الرجولة . وهى صفه غير موجوده إلا فى شباب مصر ، وهيه دى بأه ريحة الرجالة إذا كان عجبكم :lol: :lol: :cool: .

[farasha79]

هنتلكك بقى على كلام الشعوب و نحطه في النص؟؟كل بلد و ليها مصطلحاتها و مفرادتها

الروش طحن - قشطه- شغال ؟؟؟؟ ده ايه كمان يا WA7D

بعدين ارجع و اقول احنا ما شتمناش الشباب المصري

لازم تتقبلوا النقد البناء يا شباب,,,

و احنا البنات نرحب بنقدكم :lol: :lol: :lol: :D

[Rabso]

هنتلكك بقى على كلام الشعوب و نحطه في النص؟؟كل بلد و ليها مصطلحاتها و مفرادتها 

الروش طحن - قشطه- شغال ؟؟؟؟ ده ايه كمان يا WA7D

بعدين ارجع و اقول احنا ما شتمناش الشباب المصري 

لازم تتقبلوا النقد البناء يا شباب,,, 

و احنا البنات نرحب بنقدكم :oops:  :oops:  :oops:  :oops:

انا مش شايف غير شتيمة و قلة قيمة يا انسه فراشة

و الحقيقة طبعاً ان أي ملاحظات من اللي سيادتك قولتيها لا يمكن أن تعمم على الملايين كده من الباب للطاق.

يا ريت سعادتك تبعدي شوية عن الشباب المصري اللي بيشتغل مع سيادتك و ريحته وحشة أو يمكن المكان مش قد كده فيستحسن تغيري الشغل لشركة مفيهاش مصريين عرقانين (و لهم الفخر).

فيه واحدة زي حضرتك برضه تشتغل في شركة بالمنظر ده؟ ياي ياييييييييي :? :oops: :?

أنا الصراحة اتعاملت مع شباب لبناني هنا (في بلد عربي برضه) 3 مرات بالعدد و في الثلاث مرات لحقت نفسي قبل ما يتنصب عليا :? .. ياللا مش مهم نصاب المهم يكون شيك :oops: (مع رفضي للتعميم برضه لإن أكيد فيهم الكويس اللي ما صادفنيش)

ده غير رأيك العجيب في الشاب الخليجي اللي بوصفك ده مش موجود إلا في المولات الشيك و بالليل فقط لغرض معروف سلفاً :oops: :oops: ... فيما عدا ذلك لم أعثر على هذا الكائن الخرافي الذي وصفتيه :oops: :oops: :)

كفاية كده علشان فيه كلام أقل عيباً من اللي قلتيه لكن انا أتكسف أقوله (و أقله موضوع الاستحمام أو "الشاور" زي ما حضرتك عوجتي الكي بورد و انتي بتكتبيه :oops: ).

رابسو

شاب مصري

مش عرقان لكن مش روش بمفهوم سعادتك و لا أتمنى :oops: :?

اخواني و أخواتي في منتدانا الحبيب ... أنا آآآآآآآآآآآآآآآآآآآآآآآآسف جداً للخروج بالموضوع عن الابتسام (لإن مالقيتش فيه حاجة تضحك) لإني صعبان عليا إن يكون حد من بنات مصر بيفكر بالطريقة دي.

[farasha79]

اشكرك يا رابسو على ردك و انا مش هغير مكان شغلي ولا حاجه .. انا بشتغل في شركه كبيره جدا مش هتركها للاسباب التافهه زي دي

بعدين انا ما اتكلمتش و قولت ان كل الشباب كده و نفس الوقت ما قولتش ان كل الشباب الخليجي كده. لم اجمعok

كل واحد بيتكلم عن حاجه شافها و ما عجبتهوش و بس

مافيش داعي للتجريح و الكلام اللي مش ظريف ده منك

اشكرك مره اخرى

[wa7d]

هنتلكك بقى على كلام الشعوب و نحطه في النص؟؟كل بلد و ليها مصطلحاتها و مفرادتها 

بلاش المصطلحات اللغوية يا ست farasha79 ....... طب إيه رأيك فى إللى ماشى بالشبشب ولما يقعد يحط رجل على رجل - آخر روشنه - وبعدين يلعب فى صوابع رجليه . يعنى الواحد يسلم عليه إزاى . ولا أريد أن أتكلم عن أكل الرز بالإيد والصوابع - بعد أن يلعب يعنى فى صوابع رجليه - حاجه تسد النفس . أكمل ولا تعترفى إن الشاب المصرى ذهب . أكيد برضه فى الخليج فيه خمسه سته من الشباب الكويس بس البنت تدور .

[الطفشان]

الاخت فراشة

الاخ رابسو

برجاء تهدئة الامور و الموضوع مش سب الرجال

و لو حيجيب زعل بلاش منه خالص

و لذلك نقلناه الى باب الابتسام

الاخت فراشة

سءال من باب التوضيح

هل تقارنين شباب متعلم متربي من نفس الوسط اللي انتي فيه؟

ام شباب شغال مهن يدوية في مكان حار

و من وسط اقل منك؟

و بالتالي عرقان على طول؟

يعني مش عدل اقول الميكانيكي او عامل البنا عرقان

لان دي طبيعة شغله و وسطه

عشان نلطف الجو شوية

في موضوع اخر الاخ linux كتب:

أرمى التماسى وارجع الصالة و "بدون ذكر أسامى منعا للأحراج" (واخدين بالكم يالى ف بالى؟!) آعدى على ناس "بتشمشم" فى خلق الله! واحده منهم قالت لى "الأخ لبنانى؟" رديت و قلت "لأ ... ليه؟" ترد على وتقول لى "أصل ريحتك حلوة و الشباب المصرى ما بيستحماش!

:oops: :oops: :oops:

[Masrawy Abroad]

رأيي أن يتم حذف هذا الموضوع....حيث انه حاد عن الهدف الأساسي...فلا هو دعوة للابتسام ولا يحزنون...دا دعوة للاختصام

وأصبح دائرة لا تنتهى من التجريح والنقد والرد والهجوم.

فين الابتسامة بقي.... :?: :?:

[farasha79]

بعد التحيه

انا اتكلمت عن ناس جامعيين , وبيشتغلوا في وظائف اداريه...استحاله اتكلم عن عامل بيشتغل تحت ماكينه و اقول كده ...و عموما كلمه اخيره اتمنى اننا نشوف الشباب المصري في احسن صوره في اي بلد عربي او اجنبي بشكل يشرفنا. بالتوفيق للجميع

[Rabso]

الاخت فراشة

الاخ رابسو

برجاء تهدئة الامور و الموضوع مش سب الرجال 

و لو حيجيب زعل بلاش منه خالص

و لذلك نقلناه الى باب الابتسام

:lol:  :lol:  :lol:

لما يكون الرجاء منك أعتبره أمر سعادتك :wink:

غالي و الطلب رخيص :inlove: :inlove:

[Rabso]

فين الابتسامة بقي.... :?:  :?:

أهي :lol: :lol: :lol:

:wink:

[الطفشان]

أشكركم على الحوار الهادئ المتحضر

اهو كدة!

[crossfield]

خلاص يا أستاذ طفشان الخناقة هديت و لا لسه؟ خلاص ؟ أدخل الموضوع يعنى بقلب جامد و الا هتضرب ؟ :lol:

يا مسهل:

أولاً اعتذار كبير بعرض باب المنتدى لكل الشباب اللى اتضايقوا من الكلام اللى اتكتب هنا فى الموضوع ده لأنى شاركت فيه بمداخلة أو اتنين لكن الحق يقال أنا مكنتش باتكلم بجد لأن شعنونة وقت ما فتحت الموضوع ده كان رد على مواضيع تانية فى باب الأبتسامات(قبل ما يتنقل الموضوع يعنى ) ؛يعنى الموضوع اتفتح كرد فعل مش فعل و هناك فرق.

ثانياً: عمر ما الحكم على الناس ما بيكون أساساً بالمظهر لكن الأمر برضو ميخلاش من شوية اهتمام بالمظهر ؛ده كان المقصود و بس.لكن مقارنة مقارنة يعنى فأكيد الموضوع محسوم و اللى يرشكوا بالمية احنا نرشه بالدم :twisted: .

ثالثاً بقى و ده الأهم صلوا على النبى كده و استهدوا بالله ؛احنا ما صدقنا المنتدى رجع تانى و مش عايزين نبقى شايلين من بعض . :lol:

[بنت شعنونة]

رأيي أن يتم حذف هذا الموضوع....حيث انه حاد عن الهدف الأساسي...فلا هو دعوة للابتسام ولا يحزنون...دا دعوة للاختصام 

وأصبح دائرة لا تنتهى من التجريح والنقد والرد والهجوم. 

فين الابتسامة بقي.... 

لو كان الموضوع مزعج كدا يا ريت يتم حذفة

بس رجاء

ياريت لو حذفتوه يتحذف معاه موضوع انواع النساء اللي كله تريقا علينا هوا كمان... :neutral: :neutral: :sly: :sly: :sly:

[Lancelot]

:s2:  :s2:  :s2:

شوف البصة ......

مودي ... ورقة و قلم بسرعة و إكتب وصيتك ......

سماح سماح سماح .....

:lol: :lol: :lol:

[moody00x]

بصة مين يا لانس...إحنا جدعان قوووووى ولالالالالالا يهمنا من أى بصات...وعلى رأى الشاعر العظيم أحمد إبن عدوية....

بره...واللى بره مين...إحنا ...إحنا معلمين

لو الباب يخبط...نعرف بره مين...

:D :D :lol: :lol: