أحمد فرحات يعود الى الديار المحاوراتية .......يا الف اهلا وسهلا .!!!

[Ahmad Farahat]

الف حمدالله علي السلامه يا احمد...........نورت بيتك ........و عود احمد :)

ألف شكر يا جالاكسي على الترحيب الرقيق ده

والبيت منور بسكانه

الف مبروك يا احمد رجوعك الى بيتك والى بابك اللى افتقدناك فيه وان كانت كلماتك باقية

معلش انا اتاخرت فى التهنئة والمفروض اكون أول من يهنوك على رجوعك لكن اعزرنى الثانوية واحمد خلونى خلاص

المهم انا فرحانة اوى لاننا هنقرالك حاجات كتيرة تانى هنا وهتنور باب الادب والشعر وانت اهل لها والله من فرحتى مش

بقول ايه بس كل اللى عايزة اقوله انت شاعر شاعر شاعر واديب كبير موهبتك ان شاء الله ستعلن عن نفسها ويقدرها

الجميع وبكرة تشتهر بس اوعى تنسانا فى زحمة الشهرة . حمدا لله على رجوعك :blink:

أختي الفاضلة مدام أماني

أشكر ترحيبك جدا وأشعر أن كلمات الشكر لا تكفي مطلقا للرد على ذلك الود الذي يسيل من كلماتك كالشهد المصفى

أتمنى ألا تكون الثانوية العامة قد سببت لك ولأسرتك أية منغصات

إذا شاء الرحمن أتمنى العودة للشعر مرة أخرى لكنني أمر بحالة نثرية قمت على إثرها بإتمام أول مسرحية من تأليفي الخاص

لا أقول أنني سأترك الشعر

فقط.......

لست في حالة شعرية

أما بالنسبة للشهرة والمكانة سيدتي الفاضلة فإنني أشكرك على حسن ظنك بي ومتقلقيش

بس اشتهر وأول ما اخش التليفزيون بس هاجيب سيرة كل الناس الحلوة اللي الواحد عرفها في كل مكان راحه

وطبعا حضرتك من ضمن :blink:

أتمنى لكِ ولأسرتك دوام التوفيق والصحة والسداد

دمت بكل الخير سيدتي الفاضلة

أحمد

حمدالله على السلامة يا أحمد

نورت بيتك الاول

ويارب تبقى دايما فى احسن حال

متشكر جدا يا دكتور على ترحيبك الجميل

والحمد لله على نعمة ربنا

وان شاء الله حضرتك تكون كمان في خير عافية وأحسن حال

دمت بكل الود

أحمد فرحات

[kokomen]

أهلا وسهلا بالباشمهندس الشاعر \ أحمد باشا فرحات

نورتك بيتك وهلت علينا بقدومك الكلمات الشعرية الجميلة

وعاد الي مكتب التهاني بالمحاورات رونقه وجماله

تقبل أسمى تحياتي القلبية

:closedeyes: :closedeyes: :tease: :sad: :wub:

[badroora]

كدا بقي المكتب هيشتغل تانى

عشان بصراحة انا تعبت

وضميت لكم زبون جديد انما ايه وضع حساس فى المدفعية

كدا بقينا

الجنرال منجار ابو احمد

احمد فرحات

قائد المدفعية الهولاندية

والعبدة لله نجفة

يلا بقي نوزع المهام

تم تعديل 27 يونيو 2008 بواسطة Badria Mekkawy

[ابو محمود]

أولآ حمدآ للة على سلامتك ونورتنا يا شاعر

احبان اناديك بالشاعر من يوم ما كنت بتكتب مفيدة

مرحبآ بك معنا

عايز اشوف اعمال جديدة يا أحمد يا خويا كفاية كدة أجازة

ياست بدرية مش عارف اشكرك ازاى سباقة دائمآ بالأخبار الحلوة

صحيح نجفة

كانت هناك أغنية شعبية دائمآ يتغنى بها البنات فى الأفراح زمان ... مطلعها يانجفة يامنور ا شرفتى أخواتك الأربعة .. وانتى يابنتى شوفى ليكى كام أخ هنا معانا ربنا ينورلك طريقك وتبطلى عمل حوادث بالكورولا

أمين يارب

[زهرة الجبل]

أخي الكريـم أحمـد فـرحات

أنـرت المحــاورات مــره أخـرى

عــوداً أحمــد يا أستــاذ أحمــد

أتمنى أن لا يكون إختلافنا في الرأي قديماً قد أفسد للود قضيه

على كل حال ... أنرتنا مره أخرى و نتمنى أن يطيب لك الحال معنا دائماً

تحياتي

أختك أم كريم

تم تعديل 27 يونيو 2008 بواسطة زهرة الجبل

[Ahmad Farahat]

أهلا وسهلا بالباشمهندس الشاعر \ أحمد باشا فرحات

نورتك بيتك وهلت علينا بقدومك الكلمات الشعرية الجميلة

وعاد الي مكتب التهاني بالمحاورات رونقه وجماله

تقبل أسمى تحياتي القلبية

:blink: :sad: :trumpet: :hearts:

الله يبارك فيك يا ريس

دايما حضرتك الرجل ألإجتماعي الأول في المحاورات

وواضح فعلا ان مكتب المحاورات بينش

ياريت شوية نشاط يا سادة

تحياتي لزوقك

أحمد

[Ahmad Farahat]

أولآ حمدآ للة على سلامتك ونورتنا يا شاعر

احبان اناديك بالشاعر من يوم ما كنت بتكتب مفيدة

مرحبآ بك معنا

عايز اشوف اعمال جديدة يا أحمد يا خويا كفاية كدة أجازة

ياست بدرية مش عارف اشكرك ازاى سباقة دائمآ بالأخبار الحلوة

صحيح نجفة

كانت هناك أغنية شعبية دائمآ يتغنى بها البنات فى الأفراح زمان ... مطلعها يانجفة يامنور ا شرفتى أخواتك الأربعة .. وانتى يابنتى شوفى ليكى كام أخ هنا معانا ربنا ينورلك طريقك وتبطلى عمل حوادث بالكورولا

أمين يارب

إزيك يا أهلاوي يا كبير

ربنا يباركلنا في حضرتك ويخليك لينا يارب

بس بصراحة أنا معملتش حاجة جديدة في الشعر لأني بامر بمرحلة ركود شعري

بس الحمد لله كنت كتبت مسرحية وانتهت

بس دي صعب أنشرها هنا لأسباب تتعلق بأمنها من لصوص الفكر والأدب

أحمد

[Ahmad Farahat]

أخي الكريـم أحمـد فـرحات

أنـرت المحــاورات مــره أخـرى

عــوداً أحمــد يا أستــاذ أحمــد

أتمنى أن لا يكون إختلافنا في الرأي قديماً قد أفسد للود قضيه

على كل حال ... أنرتنا مره أخرى و نتمنى أن يطيب لك الحال معنا دائماً

تحياتي

أختك أم كريم

أولا ربنا يخلي حضرتك وياريت من غير أستاذ أنا أحمد بس

مباحبش الأستذة خالص

ثانيا اكيد الإختلاف في الرأي لم يفسد ولن يفسد للود قضية

ثالثا أنا يستحيل أزعل من حضرتك لأسباب كتير أهمها إن إحنا الإتنين ولاد كار واحد

رابعا لا تنسي أنني من قراءك سيدتي الفاضلة

خامسا كتبت لك قبل الرحيل كان في اختلافنا رحمة

سادسا بوركت سيدتي الفاضلة وبورك زوجك الفاضل ومتعكما وأبنائكما بالخير والصحة العافية

دمتي بود

أحمد فرحات

[Ahmad Farahat]

كدا بقي المكتب هيشتغل تانى

عشان بصراحة انا تعبت

وضميت لكم زبون جديد انما ايه وضع حساس فى المدفعية

كدا بقينا

الجنرال منجار ابو احمد

احمد فرحات

قائد المدفعية الهولاندية

والعبدة لله نجفة

يلا بقي نوزع المهام

هوا الطيار راح فين؟ :blink: