عاجل الى مفسرين الاحلام ........افتونى فى حلمى .!!!

[badroora]

نمت حاولى ساعة كدا قمت من النوم مفزوعة بسبب حلم فظيع .!!!

حلمت خير اللهم ماجعله خير انى فى مدرسة اطفال حضانة وابتدائي .وبنت اختى الصغيرة

مودوموزيل ندى 4 سنين كانت فى الحضانة والبت كانت امورة وبتجري تلعب وتتنطط

وكانت محجبة استغربت انها محجبة من وهى صغيرة بس فى الحلم مدقتش .

واحنا ماشين ماسكة فى اديها وبنتمشي فى المدرسة عديت على واحد هندي بيذاكر لبنته

ومسكلها العصاية

عشان عاوزها تكون من الاوائل .

ندى قالتلى يا خلتو انا بليدة انجليزي وانا زعلت عشان مدرستها ولا حضانتها فى الحلم كانت

لغات وهى مش شاطرة فيها.

روحت البيت لاقيت بيتنا زى جزيرة وبين كل غرفه وغرفه مساااااااااااحة كبيرة مش سهل

التنقل بين الغرف زي زمان .

وكأن كل غرفه عبارة عن جزيرة منفصله .

وفجأءة الجو قلب بقي شتوى والمطر نزل وندي وشها انطفي ومش بقت سعيدة

والهندي شايل بنته اللى كان بيذاكر لها على دراعة وجاى بتنزف دم من شريان ايديها وصوته

والله فزعنى من النو م كأنه حقيقي

والصوت كان أجش ممزوج بدموع وبكاء بحرقة وهو شايل بنته والمقص اللى قتلت نفسها به ولما سألته قالى .

"I killed my daughter "

هِى كيد هيز دوتر دى قالهالى بالانجليزي بنبرة صوت فزعتنى وقومت من النوم ضربات قلبي سريعه جدا

وبقول ازاى بنته كان لسه بيلعب معاها وبيذاكرلها تنتحر قالولى انه من النوع المثالى وضغط على بنته

فى المذاكرة وخلاها تنتحر .

معلومة ممكن تكون ذات صلة . :rolleyes:

المفروض اروح استلم عربيتى من الكراج بعد نص ساعة ........اروح ولا مروحش.!!! :closedeyes: :)

والله خايفة اروح الحلم دا قلقنى وقلبي مش مرتاح

اللي ليه فى تفسير الاحلام والنبي يقولى دى تخاريف ولا علامة لحاجة معينه .!!! .

تم تعديل 22 يونيو 2008 بواسطة Badria Mekkawy

[MZohairy]

حاولي يا بدريه دايما يكون الغطا كبير و عرض عرضين و كله حيبقى فله و تمام ان شاء الله

[مصري أصيل]

تعرفي يا أخت بدريه أنا آخر حاجه ممكن أقتنع بيها أن ممكن الأحلام تتحقق . مش عارف مش قادر أقتنع بالمسأله دي نهائي بالرغم من كثرة الكتب اللي بتتكلم عن تفسير الأحلام و بالرغم من أنك تلاقي واحد محترم و هيبه كده و عامل برنامج تليفزيوني مكلفه الشيء الفلاني عشان يفسر الأحلام ألا أن الموضوع لا يتعدي بالنسبة لي أكتر من تضييع وقت للمتصل علي البرنامج والمفسر و المشاهد في نفس الوقت.

واحده من العيله عندنا كان معروف عنها أن حلمها ما يخرش الميه و لما كانت زوجتي حامل في بنتنا بأكلمها في التليفون قالتلي أنك هيجيلك ولد .... قلتلها ياستي أحنا شوفنا في السونار أنها بنت . قالتلي أبداً ده ولد أنا شفت في الحلم و أنا حلمي ما يخرش الميه قلتلها و الله السونار بيأكد أنها بنت ... تقولي وهوه السونار هيعرف أكتر مني ؟؟

المهم قلتلها خلاص زي ما أنتي عايزه بنت ولد اللي ربنا يجيبه كويس .

و بعد ما البنت أتولدت و البنت بقي عندها 7 سنين و مش مقتنعه أنها بنت.

اللي عايز أقولهولك أن بلاش نربط حياتنا بموضوع الأحلام ده لأنه بالظبط زي موضوع اللي بيتفائل و يتشائم من حاجه معينه ده من وجهة نظري الشخصيه.

روحي أستلمي عربيتك من الجراج و ما تفكريش في الموضوع ده نهائي لأن ممكن تفكيرك فيه يسببلك مشكله لا قدر الله و أنت مش ناقصه و كفايه أن العربيه لسه طالعه من الجراج . ربنا يسلم طريقك

[النجم الثاقب]

روى مسلم عن أبي قتادة قال: قال رسول الله صلى الله عليه وآله وسلم: (الرؤيا الصالحة من الله، والرؤيا السوء من الشيطان، فمن رأى رؤيا فكره منها شيئاً فلينفث عن يساره وليتعوذ بالله من الشيطان فإنها لا تضره، ولا يخبر بها أحداً، وإن رأى رؤيا حسنة فليُـبْْشِر ولا يخبر بها إلا من يحب)، وعنه في الصحيحين وعند أبي داود الترمذي بلفظ: (الرؤيا الصالحة من الله، والحلم من الشيطان، فإذا رأى أحدكم شيئاً يكرهه فلينفث حين يستيقظ عن يساره ثلاثاً وليتعوذ بالله منها فإنها لا تضره).

بقولك ايه .. ما تبعيلى العربيه دى و خلاص بدل ماهى ممشوراكى كده كل شويه .. ده إذا كان لسه فاضل فيها حاجه :closedeyes:

[ELSHAMY]

انتى بتحلمى بالانجليزى يا بدرية...؟؟ :rolleyes:

دى أخرتها....الغربة تعمل فيكى كده ؟..... و كمان بتحلمى بواحد هندى...؟ :closedeyes:

عموما طالما الحلم مش واضح و فيه هنود ممكن تكملى الحلم فى أى يوم تانى حتلاقيه شغال....و ما تقلقيش البنت الهندية دى حتصحى تانى و حتكبر و تتجوز و تكتشف ان ابوها ده ما كانش أبوها ...ده كان ابنها....

حلم هندى يعنى.....

نصيحتى لك ما تاكليش بيض معمول فى الميكرويف...

[badroora]

حاولي يا بدريه دايما يكون الغطا كبير و عرض عرضين و كله حيبقى فله و تمام ان شاء الله

هو انت بقي ماهو عشان عندك كفر باسمك هتتريق على الفقراء اللى زى :closedeyes:

[badroora]

العزيز مصري اصيل .....للاسف كلامك صح بس انا غير احلامي بتدل على شيء وقبل

ما تحصلي حاجة بيكون فى علامة بتجينى قبل ماتحصل

وبعد ما تحصل افتكر الحلم عشان كدا خوفت ليكون حاجة .......عموما انا استلمت

العربية والحمدلله رجعت سالمة غانمة ...بس خايفة يتفسر لحاجة تانية :closedeyes:

النجم الثاقب .......العربية اياها دى اتكنسلت خلاص الجديدة هى اللى كانت فى الجراج

وقصتها هتنزل النهاردة :rolleyes:

شكرا على الحديث باركك الرب .

العزيز د\ الشامى

والله لو سمعت صوته وهو بيقول اى كيلد ماي دوتر والله كنت هتنهار الله مايحط احد فى موقفه

ودموعه كانت ممزوجة بالدم من كتر القهر والبكاء :)

الله يستر طريقنا وطريكم ان شاء الله

شكرا على اهتمامكم

[هشام عباس]

شوفي يا مودموازيل بدريه انا هحاول اقولك ايه الي فهمته من الحلم بتاعك موضوع ان بنت اختك محجبه ده يمكن انتي بتفكري في موضوع حجاب البنات وجه على بالك في الحلم والهندي الي عاوز بنته تطلع من الأوائل بالعصايه ده لأن الهند بدأو يتقدمو جدا وممكن ده السبب تعالي بقى للمهم بنت اختك ديه ممكن تكون نظرتك لمصر ومستواها في اللغات وانتي شايفه اننا مش شاطرين في الأنجليزي وده بصفه عامه اما موضوع بيتكم فأنت حاسه من جواكي ان كل واحد فيكم او في بيتكم مبقتش علاقته بالتانيين زي الأول وانك حاسه ان التواصل بينكم اقل بدرجه كبيره ويمكن ده بسبب السفر والغربه والدنيا الي بتمطر بتقول انه برغم من لطفك المعهود وخفة دمك الي ميختلفش عليها اتنين الا انك مش شايفه الدنيا حلوه وعندك قلق مستمر وشوية خوف من المستقبل وموضوع الراجل الي بنته انتحرت ديه برضه داخله ضمن انك مش مطمئنه ومش حاسه بأمان وان ممكن الشئ الي باين جميل النهارده تلاقيه غير كده بكره وده بسبب عدم احساسك بالأمان

ومعتقدش الموضوع ليه علاقه بالعربيه ديه مجرد خواطر في بالك وظهرت بصورة حلم والنبي مش عاوز تريقه :rolleyes: كتير على كلامي بس انا قلتلك احساسي وانا بقرأ كلامك مش اكتر وممكن جدا جدا يكون كل كلمه قلتهالك غلط في غلط بس ده احساسي :closedeyes:

[badroora]

لا والله استاذ هشام كلامك فيه كتير صح ............شكلك مشكوف عنك الحجاب

شكرا لك .........مع خالص تحياتى ......

[Nonna]

بدارة

عليكي بقى و على مدام امانى و نوشا

و ان شاء الله خير

[ايهاب سالم]

هو أنتي حقيقي يا بدريه معتقده إن تفسير الحلم ممكن يكون له علاقه بمستقبلك ومنتظره التفسير عشان تنزلي من البيت أو تظلي فيه

والا دي مبالغه لزوم الحبكه

تم تعديل 24 يونيو 2008 بواسطة ايهاب سالم

[امانى]

صديقتى العزيزة بدرية

امبارح انا قرات حلمك قبل ما اصلى الفجر وقلت لنفسى بكرة اقراه تانى وأفسره لكى . المهم صليت الفجر ودخلت حجرتى لانام

وانا نائمة رأيتك تحكين لى نفس الحلم بنفس الكلمات التى قرأتها وانا اسمعك وأرد عليك بالتفسير . المهم انا هقول الكلام اللى

كنت بقوله ردا عليكى وانا نايمة مش عارفة ممكن يكون تفسيره صح وممكن تكون ادغاث احلام بالنسبة لى

انا رديت عليكى وقلت شوفى يا بدرية انت بتحلمى بمستقبل مثالى كله مرح وسعادة وحب بعيد عن الحقد والغش والانانية

انت نفسك تحصلى على مستقبل مرموق عن طريق دراسة لكن انت مقصرة من جهة الموضوع ده وده مزعلك ومخليكى محتارة

فى رجال دخلو حياتك على فترات متباعدة لكن كان حلمك مش معاهم انت فى وادى وهما فى عالم اخر . انت حاسة انك وحيدة

بعيدة عن الاهل وكل واحد فيهم مشغول بحياته وبيته واولاده مش لاقية نفسك فيهم ومش عايزة تبقى زيهم . انت شايفة حلمك

اكبر من حلمهم . تعترضك بعض الصعاب لكن الوصول للمثالية مخلياكى تستحملى وان شاء الله هتوصلى

ده التفسير اللى قلته لكى فى الحلم وانا شيفاه مش هيختلف كتير عن اللى كنت ناوية اقوله ياريت تقوليلى رأيك لانى اول

مرة افسر حلم داخل حلم انا احلمه

ربنا يشرح صدرك وييسر لك امرك وتنولى كل ما تتمنيه يا بدرية امين يا رب العالمين

[مهاجرة]

الاخت بدرية احنا بنقول انه لو كان الحلم بيه دم لاتحطيلوله اي اهمية لانه فسد

الاخ مصري اصيل الرؤية الصادقة هي جزء من 46 جزء من النبوة كما قال الرسول صلى الله عليه وسلم ,

[badroora]

يه

والا دي مبالغه لزوم الحبكه

الله ينور عليك هو بالظبط زى ما كتبت ......... :happy:

[badroora]

الاخوات الاعزاء نونا .........أمانى .........مهاجرة

اشكركم من كل قلبي على الاهتمام وربنا يسترها ان شاء الله

امانى هو اللى انتى قولتيه معظمه صح بس مش عرفه هل الحلم بيعبر عن كدا بالظبط ولا لاء

ولكن يمكن كما قال الاخوة اضغاث احلام او طالما الدم فسد الحلم .

شكرا لكم جميعا ........... :happy:

[galaxy]

بدور..........قلبي معاكي بجد ع العربيه اللي مش مكتوب لها التوفيق دي

بس معلومه ع الماشي من هيئه تفسير الاحلام اللي قامت مندوبتها الفاضله اماني بتفسير حلمك............

الدم مش بيفسد المنام علي فكرة...... :happy:

[ايهاب سالم]

المفروض اروح استلم عربيتى من الكراج بعد نص ساعة ........اروح ولا مروحش.!!!

هو أنتي حقيقي يا بدريه معتقده إن تفسير الحلم ممكن يكون له علاقه بمستقبلك ومنتظره التفسير عشان تنزلي من البيت أو تظلي فيه

والا دي مبالغه لزوم الحبكه

الله ينور عليك هو بالظبط زى ما كتبت ......... :happy:

أنا برضه قلت بدريه أعقل من إنها تخاف تنزل من البيت عشان حلمت حلم

[ايهاب سالم]

الدم مش بيفسد المنام علي فكرة...... :happy:

الأخت / جالاكسي

معنى كلامك أن هناك مفسدات للمنام .. ليس الدم من بينها

السؤال الذي يطرح نفسه .. ما هي مفسدات المنام في الأحلام ؟

و ما معنى أن المنام قد فسد ؟

و ما هي طرق إصلاحه (إن وجدت ) ؟

[م.سامح المصرى]

على فكرة يا جماعة غلط التريقة فى الحاجات دى

او الاستخفاف بيها ودا شفتة فى الموضوع هنا

ان شاء الله خير يا بدرية :happy:

[galaxy]

معنى كلامك أن هناك مفسدات للمنام .. ليس الدم من بينها

السؤال الذي يطرح نفسه .. ما هي مفسدات المنام في الأحلام ؟

و ما معنى أن المنام قد فسد ؟

و ما هي طرق إصلاحه (إن وجدت ) ؟

اهلا بالفاضل ايهاب....

انا قلت فعلا ان الدم مش بيفسد المنام ........لكن ما قولتش انه مش من ضمن مفسدات المنام..........وطبعا دا معناه مش معناه اني اقصد مفسدات اخري :closedeyes:.......او علي الاقل لا اعرفها دا ان وجد :rolleyes: ...ومن معلوماتي فعلا انه مش بيفسد المنام....لكن اللي اعرفه ان المنام اما انه يكون حديث نفس بمعني انك تحلم بشيئ بتفكر فيه ام تتمناه..........ودا لا يصنف تحت بند الرؤيا المراد تفسيرها...... وممكن يكون اضغاث يعني الواحد بيحلم بحاجات متضاربه لانه محتاج غطا زي ما قال الفاضل زوهيري مثلا......او بتكون رؤيا ذات معني .....او تحمل دلاله معينه..ودي اللي بيكون في معني او مغزي لتفسيرها......لكن مش لتوقف الدنيا عليها زي ما وضحت بدور طبعا....دا تفسيري والله اعلم :happy: ...............تحياتي