هل توافق على إلغاء مجانية التعليم ؟

[محمد افندى]

ونلغى مجانية التعليم لية يا جماعه التعليم محتاج تطوير ليس الا وبعدين نقضى على مشكلة الدروس الخصوصية يعنى الدولة اساسا المفروض تدى للمدرسين ما يكفيهم وبعدين تحاسب المدرس اللى يدى دروس خصوصية وبعدين الدروس الخصوصية ظاهرة بيشارك فيها الشعب اولا ما هو اللى بيبعت ولادة للدروس الخصوصية ونكون واضحين زمان وانا فى الثانوية العامة والله كان فية مدرسين بيشرحو كويس جدا فى المدرسة وبردة كنا بنروح لهم الدرس عشان يبقى اسمنا بناخد درس فى الفرنساوى مثلا وهكذا ؟؟؟؟؟؟؟؟

كفاية توريط بقى للمصريين يعنى الناس هتتحمل اية ولا اية ؟؟؟؟؟؟؟؟؟؟

[د محمد الناعم]

اهلا بيا معاكم

دى اول مشاركه ليا

بس الموضوع جذبنى فعلا لقناعتى باهميته

مش بس موضوع مجانية التعليم و لكن موضوع التعليم برمته فى مصر -رمته بضم الراء مش بكسرها-

ادخل فى الموضوع بسؤال برىء هوه احنا كلنا لازم نتخرج فى مصر من طب و هندسه و بشرط يكون ببلاش000

طب ليه؟؟

احنا بعدد الاطباء اللى عندنا ما بقيناش لندن

ولا باعداد المهندسين اللى عندنا بقينا المانيا

ببساطه عايز اقول انى اخرج اطباء اللى يستاهلون يكونوا اطباء و ادعمهم

و اعلم هندسه على قد احتياج البلد

و كمان افكر فى الزراعه و الصناعه و ادعمهم بجد بادوات و باحتراف و ابقى بلد مصدره لفنيين محترفين

وعندى كيانات صناعيه و زراعيه استفادت بدعم جاد فى يوم من الايام و كان فى محله

بدل مايكون عندى الااااف اطباء و مهندسين يزودا معروضهم فى سوق العمل و تقل قيمتهم السوقيه

و كمان الدعم و المجانيه اللى تنعموا بيها بدون حق - اكيد مش كلهم طبعا - خلاهم كمان يستغنوا عن قيمتهم العلميه

لانه ببساطه ما ضحاش كتير علشان يكون دكتور000

بس ماشاء الله عليه كان حففيظ كويس فى ثانويه عامه

اتمنى اكون وصلت فكرتى بشكل واضح

و شكرا

[wnam]

انا مع الغاء مجانية التعليم

انا ليه اصحاب كثيير مش هنقول مستريحين لأ اكثر بكثير لكن نشاتهم يقولوا ليه ادفع فى حاجة كذا الف وانا ممكن اخذها ببلاش يعنى عملية مادية بحته

وبعدين هو لو الواحد كان لقى خدمة تعليمية مش كويسة لا معقولة فقط وادميه وخلى بالك من ادميه دى ما انا كنت دخلت اولادى ومكعتش كل المبالغ دى ولا هو الواحد غاوى يدفع دم قلبه فى الزمن ده

الغى المجانية بالمبالغ دى أحسّن المدارس - الخدمات اعطى لمن يستحق الدعم يعنى مش معقول يبقى فى طالب اديله دعم صحيح هو يستحه لانه مش قادر يدفع المصاريف والاقيه مخلص الاعدادية ومبيعرفش يقرا الجرايد ومبيفكش الخط هو ده مجانية التعليم الحالية واللى بيأيده الناس ؟؟؟

وبعدين الناس اللى بيتخصم منها الضرائب اللى بيتصرف منها على التعليم بتستفيد ايه حد يقولى

هناك من قال ان المدارس فى كندا ببلاش لحد ثانوى ماشى يا عم شوف المدارس دى عاملة ايزاى شوف التعليم المقدم بلاش ده لو انا عملت هناك زى مصر ومرضتش ادخل اولادى مدارس حكومية ودخلت خاص باجى فى اخر السنه وبكتب الاقرار الضريبى واضيف مصاريف المدارس وبيخصموه من المبلغ المستحق عليه الضرائب مش هنا بيتخصم من المنبع

ابن البواب عندى ده مثلا يستحق مجانية التعليم تعالى شوف ابوه بيعمل ايه ...وبيدفع 200 جنيه شهريا للمدرسّة يعنى فى 9 شهور دراسية 1800 جنيه وعلى فكرة بعد دا كله الولد برضه تعبان تعليميا ولما سألت مامته بقى بعد الدرس كمان ومستواه كدة قالت مهو المدرسة دى مش قوية فى واحدة اقوى بس اغلى وانا مقدرش على فلوسها غير انى لازم اديله عند مدرسة الفصل علشان اعمال السنه ودى طبعا بركات وزير التعليم وفرضه التقويم الشامل فبقى الطالب جزء كبير من الدرجات فى ايد المدرس علشان اعمال السنه غير الوقت اللى بيضيع كان ممكن يلعب فيه دا برضه لسه طفل ايه رايكم هى دى مجانية التعليم اللى عاوزنها

بلاش انا بنتى اسنه الجاية ثانوى سالت كل من اعرفه على الدروس الخصوصية المدارس العربى ( حكومه) بيدفع الطالب من 800-900 متوسط شهرى دروس خصوصية والدروس بتبدأ من شهر 8 يعنى فى 10 سهور 8000-9000 جنيه ولو مدرسة تجريبى اغلى شوية علشان المواد بالانجليزى الدروس شهرى 1000-1200 حسب المدرس يعنى 10000-12000 ماشى ايه رايكم فى مجانية التعليم دى اللى مش عاوزين تلغوها وعلى الطرف الاخر المدرس ده دخله متوسط 3 مجموعات فى اليوم بلاش مجموعتين فى 5 طلاب يعنى ميت الف جنيه صافى غير خاضعين للضريبة اللى هو يا حرام بيقبض مرتبه من دافعى الضرائب اللى بيودوا ولادهم مدارس اللغات ايه رايكم

محدش يقولى مجانية التعليم طلعت البرادعى زويل شوف المدارس زمان كانت عاملة ازاى والمدرس كان محترم مش هزوء زى دلوقتى وعلى رأى هنيدى يقعد على السفرة ويتحطله الشاى وطبق الكيك ....طب خلال ال15 سنه اللى فاتوا فى حد طلع زى الناس دى ....تعالى شوف معايا مش الناس دى زهقوهم فى الجامعة لحد ما طفشوا ومين اللى اتبقى اللى معملوش حاجة عمالين يترقوا اداريا وخلاص وفضايح من نقل للرسائل وغيره مهو متربى على الصم هييجى الابداع منين

الاخ اللى عمل بحث فى الجامعة ولقى ان الطلبه خريجى الثانوى الحكومى ثم التجريبى ثم اللغات ثم الامريكان مفكرش ليه لان الطالب اللى خلص من ثانوية عامة حكومى متعود على الدح والصم مش الفهم مبيعرش يفكر وده اللى بنلاقيه كنا فى الامتحان بالرغم انى كنت كلية الهندسة كنا نقعد نكتب من ساعة الامتحان ما بيدأ لحد ما يخلص ومبنخلص والنى ده كلام ... لما كنت بحضر دبلومة كان معايا معيدة وفى امتحان بنراجع الحل بعد ما خلصنا لقيناها بتقول حل غير اللى احنا حلينه وتصر عليه وجاء زميل لنا يقول اكيد احنا الغلط وهى الصح دى معيدة وباصرانا على منطقنا فى الحل ذهبنا لدكتور المادة قالنا ان احنا الصح ادى حال المعيدين خريجين مجانية النعليم متعودين على الصم لكن تفكير ؟؟؟مهندس اخر حاول يأخذ منحة للدكتوراه الدكتور المشرف عليه لم يوافق غيى على المنح اللى بتقبل انه يطلع معام فالجامعات دى مكنتش عاجبة المهندس فاصر لحد لما لقى منحة من جامعة كندية ومنحته عمل حتى يغطى مصاريفة الراخل خلص الدكتوراه والمفروض ينزل بس مراته كانت على ولادة فقال للجامعة هستناها تولد وبعدين ننزل الجامعة وافقت ولك الدكتور القديم لم ينسى له ما عمل لحد ما لغى له الموافقة والتنيجة دكتورنا بكندا له عدة اوراق منشورة وبإسمة ويعمل بأعلى مان بحثى بكندا ودكتورنا اللى فى مصر لا انجاز له ....على فكرة لو دكتور محترم مش بتاع دروس وملازم وكتب بالشئ الفلانى او عنده مكتبه اللى بيسترزق منه ومش فاضى للجامعة ولا الطلبه ولكن بمكانه فيها بيمشّى شغل المكتب ...مبيقعدش فى البلد بيسافر على طول واكبر دليل هما النماذج اللى قلتوها دليل على مجانية التعليم زويل - البرادعى - مجدى يعقوب يا راجل حرام عليكم

الاخت الى لسه بابا بيصرف عليها وصعبان عليها اوى طلبة الطب اللى مش لاقيين فلوس الكتب وبتطالبوا بمجانيه التعليم الجامعى او اعطاء اعانات زى ما هو موجود فعلا فى الجامعة طب مش الاولى انهم يوفرلهم عمل بالمستشفى بأجر يغطى مصاريفه السنه اللى بعدها مش افضل من اسلوب الشحاته وده معمول بيه فى كل الدول المحترمة اللى دلوقتى بتطلع علماء بجد ...بلاش عاوزين الموضوع تكافل طب ما الدكتور اللى بيمص دم العيان اللى الكشف بتاعة بالمئات والاستشارة كمان بالمئات دلوقتى ما تأخذوا منهم واصرفوا على طالب الطب المستحق ماديا وعلميا ....وعلى سيرة دكاترة مجانية التعليم انا مره ابنى لقيت طفح على جلده والدكتور اللى بنتعامل معام مسافر فرحت لمستوصف جنبى لمجرد الاطمئنان لقيته بيقول الحبوب دى لونها بيتا بنفس النطق ده بصراحة جوزى قالى انا هسمع لدكتور مبيعرفش ينطق طلمة بيضاء يخربيت مجانية التعليم اللى مطلعة ناس مش عارفة حتى تنطق عربى هيفهم فى الطب ودا الطف تعبير من التعبيرات اللى اتقالت على هذا ....والله مقدرش اطلق عليه لقب طبيب--- ومرة اخرى دكتور بمستشفى الهرم خيط لابنى فتح فى عقلة الاصبع 5 غرز وبعد3 ايام لما الورم خف اكتشفنا ان البيه الدكتور خيط 4 منهم فى ناحية واحدة وواحدة فقط اللى ماسكة طرفى الجلد همادول الدكتاتر اللى فى الكلية اللى بيصروا يكون التقدير الشعبى جيدجدا .

اللى قال ان الشهادات هتبقى بالفلوس اللى معاه يشترى يعنى عاوزين تقولولى انه دلوقتى ومن زمان محدش بيعمل كده يعنى هنضرب امثله مش حصرا جامعة السودان من زمااااااان - جامعة بيروت من زماااان -الثانوية والجامعة من رومانيا ايه يا جماعة انتوا نسيتوا كل ده

يا ريت اللى بعد كده حد يقولى مجانية تعليم ايه اللى عاوزها وهى بالشكل ده

المنظومة التعليمية لازم تتغير مينفعش تمسك نقطة واحد وبس

يعنى مثلا ينفع وزير يطلع يقول الدين دلخل فى المجموع وثانى يوم يلغى القرار لان سيادته اكتشف ان ده ضد الدستور و

الصح ان العملية يحصل لها عملية كنس من فوق لتحت وتتظبط كلها وده راييى

[myusername]

السلام عليكم,

باختصار شديد...انا مع الغاء مجانية التعليم الثانوى و الجامعى.. و لكن لا اوافق على الغاء مجانية التعليم فى الوقت الحالى, لان ظروف المصريين فى سوء شديد.

الفلوس اللى الدولة هتوفرها... الحرامية هيسرقوها, و مينفعش تقولى هلغى مجانية التعليم... و انتا اصلا عندك نظام فاشل كله على بعضه... لا تغير النظام كله, لا تسيبه زى ما هو.

لكن فيه اقتراح آخر أفضل من الغاء مجانية التعليم... نعيد بناء المنظومة التعليمية الاول, والملايين اللى بتتصرف على الكتب من غير لازمة..

ملحوظة: لو مجانية التعليم اتلغت, الدراسة فى المدارس الخاصة هتغلى اكتر بمراحل -باستثناء المدارس الدولية- دى معلومة بس لوجه الله

[hanzalah]

الافاضل

ما أثار انتباهي فعلا هو ...

س 1 :

هل يوجد في مصر تعليم !!!!! اظن اهل مصر ادرى بشعابها .. ويعرفون الاجابة

السؤال التالي افكس من اخوه !!

:(

س 2 :

هل التعليم في مصر - لمن أراد الحصول عليه - هو مجاني !!؟؟؟

لو عرفت الحل اتصل على 191919 واكسب معانا رحلة حج الى مونديال جنوب افريقيا !!

شكراً

[Diab]

الافضل هو جعل التعليم مجاني حتي الثانوي مع التوسع في المدارس الفنية