حتى البوسة بلاش منها؟!

[moheltohamy]

الكلام ده جاني ع الميل ، وحبيت أشاركه معاكم...

هذا الخبر على موقع مصري

أجمل مافي الموضوع

هو تعليقات القراء

أرجوا منكم أن تقرؤا المقال جيدا

قبل قراءة التعليقات المقال طويل

وأنا اكتفيت ببعض الفقرات منه

____________ ___

طبيب مصري يعلن إنشاء جمعية

لمنع القبلات بين الأزواج

13 / 6 / 2007

في تقليعة جديدة لا يعرف أحد الهدف منها أعلن دكتور عادل عاشور أستاذ طب الأطفال بكلية الطب جامعة القاهرة عن رغبته في إنشاء جمعية لمنع القبلات بين الأصدقاء ..

وزاد على ذلك بإعلان رغبته في منع القبلات بين الأزواج وهو الأمر الذي بدا غريبا وفجر المناقشات داخل المجتمع المصري ..

وعن السبب الرئيسي في طرحه فكرة إنشاء الجمعية أكد دكتور عادل أن كافة الأبحاث العلمية التي نشرت في كبرى المجلات الطبية العالمية أجمعت على الأضرار الطبية الخطيرة التي يسببها تبادل القبلات من خلال انتشار العدوى من الأمراض الخطيرة الفيروسية والميكروبية وأبرزها الأمراض الجلدية ..

ويأتى على رأسها حب الشباب .. ومن الأمراض الميكروبية مثل مجموعة الميكروبات العنقودية وهي ميكروبات موجودة في فم الإنسان بصورة طبيعية .. كذلك الحمى الشوكية والأمراض الفيروسية التي تنقلها القبلة أيضا مثل الزكام والرشح والتي يجب عدم الاستهانة بها ..

حيث قد تصيب الخلايا المبطنة لخلايا المخ وينتج عنها ارتفاع شديد في درجة الحرارة يصعب السيطرة عليها وقد تؤدى إلى الوفاة في بعض الأحيان .. أيضا التهاب الغدة النكفية وكذلك الحصبة الرمادية والألمانية والفيروسات الكبدية ..

وأكد أن الجمعية تضم في عضويتها كافة التخصصات الطبية لشرح الآثار السيئة للقبلة .. وعن رأى الدين في أهداف هذه الجمعية أكد الدكتور إسماعيل معروف بجامعة الأزهر أن تعاليم الدين الإسلامي تحرم القبلة في غير الإطار الزوجي .. (يا سلام ع الإضافة ... رقاصة وبترقص)

وقد أكد العلم على وجود إضرار جسيمة لذلك وعن أراء المواطنين حول هذه الجمعية المزمع إنشاءها تنوعت الآراء بين الرفض والقبول

هدى محمد طالبة بكلية العلام .. وصفت الإعلان عن الجمعية بأنه كوميدي ولا يهدف سوى إلى لفت النظر إلى القائمين عليها إذ افتقد الإعلان عن منع القبلات الأساليب التي سوف تتبع للتأكد من حدوث هذا المنع.

[moheltohamy]

نيجي بأه لتعليقات القراء ، اللي كنت هاقع على ضهري من كتر الضحك عليها!

التعليقات

هذا كلام فاسد وباطل بدون تردد .. ومعارض لصحيح السنة النبوية

فقد ثبت أن النبي صلى الله عليه وسلم كان يقبل زوجاته

وكان يقبل السيدة فاطمة والحسن والحسين رضي الله عن الجميع

وأفتى للشيخ بالقبلة في الصيام

أنصح الدكتور أن يبيع لب و يبطل تخاريف

وانا أقول الرئيس البوسني مات ليه ؟؟

3-

واحد يحرم البوسة بين الأزواج ..

وواحد يحلل إن الواحدة ترضع زميلها

ما ترسونا على بر

***************

*****************

الدكتور ده اكيد معندوش شفايف

كل حاجة بقت مشكوك فيها وبتجيب امراض حتى البووووس اظاهر كل واحد

حيروح يبوس نفسة فى المراايا

روح شوف العيش المسرطن والا الشيبسى والا المياه المجارى

ولا الخضروات المسرطنه والهرمونات والا والا والا والا والا وبعدين أتكلم على البوس

فعلا فعلا الدكتور ده يستاهل بوسه في بؤه مش

بوسه واحده لا ده يستاهل 80 مليون بوسه من 80 مليون بوووؤ

عشان تجيله كل الإمراض اللي في الدنيا

نحن جمعية هنبوس هنبوس حتى لو البوس بفلوس

وياريت الدكتووووور يجى يبوس الواوا

الحياة من غير بوس زي فوله من غير مايه

مش عارف أقول .. أية مش كفاية مش لاقين نتجوز

كمان اللي مجوزين مش حايبوسوا .. طب ده نسميه أية ؟؟

اليوم تقليعة البوس ينقل الإمراض الجلدية

وبكرة لاتلمس جسد زوجتك لمنع انتشار الإمراض الجلدية

وبعد غدا يستحسن إبادة صنف النساء

انكم تسعون لتحريم الحلال ( واضح ان البوس عامل مشكلة للدكتور)

أقولك حاجة اعمل زي اللمبي بلغ لجنة حروق الإنسان

طيب ولما رغيف العيش يقع على الأرض أجيبه وأبوسه ولا غلط

يا حلاوة على العلم واللي بيتعلموه

وأحب أقول لسعادة الدكتورة الفاضل ادرسلك حاجة تنفعك أحسن

وسيب الناس تبوس ياعم وبلاش وساوس

لقد صدر أخر التعديلات الدستورية وهي منع البووووووووس نهائي

نظرا لانتشار الإمراض وقد نفذ حتى علي الأزواج ما عدا كل ما هو وطنيييي

ويعتبر ممارسيه نوع جديد من الإرهاب ويسمي الإخوان البايسين

طبعا لاينفذ علي الحكومة .. لأنهم مبيدات

انا عايزه اطمن الدكتور ده وأقوله انه ولله الحمد معظم الأزواج في مصر مابيبسوش بعض أصلا !!

بوس ايه يا عم بلاش قلة أدب

هوه احنا بنتجوز وندفع دم قلبنا ولاد وبنات علشان نبوس !! ايه المسخرة ديه !!

يعنى لو واحدة اسمها بوسى تغيره ويبقى متبوسيش بس كده أتحلت خلاص

مع تحيات شركه متبوسيشى لانسر

يا عم بوس اية اللي عايز تمنعه ؟؟

دة الواحد بيبقى لسة سايب صاحبة من ربع ساعة يشوفة يقوم نازل فية بوس .. بوس

اخوى طبعا .. وكمان عايز تمنعة بين

الأزواج .. لا دة كده الواحد يلحق يتجوز قبل ميبقى قرار ويتناقش في مجلس الشغب

يعني بوس الواوا دح

على رأى الفنان محمد رضا : مش هنبوس بقى

ممكن كل واحد قبل ما يبوس البت بتاعته يتمضمض بمحلول البيتادين

ويدهن شفايفه بردو بمحلول البيتادين وبعد ميخلص البوسه يتف تلات مرات ويشرب كباية

أكيد بيتادين .. ربنا يشفيكم

تم تعديل 22 يونيو 2008 بواسطة أسد

[هشام عباس]

ههههههههههه والله ضحكتنا بس انا شايف بما ان الدكتور ده دكتور اطفال فيمكن حابب يرتاح من وجودهم تماما فقال اعمل ايه؟؟ اعمل ايه؟؟ بس لاقيتها ......... نمنع البوس يمكن ده يمنع مجايب الأطفال

[vipwithyou]

أرجوا نقل ما هو مفيد حتى لو كان على سبيل الدعابة

فكيف لطبيب ان يمنع المرأة من حقها وان يكسر بأهم قواعد الحياة الزوجية ( واجعلوا بينكم رسولا )

شكرا

[روبي]

معقووووووووووووووول

يوه

بس بجد عجبني التعليق لي بيقول

الطبيب هذا معندوش شفايف :closedeyes:

[ذهبية]

هههههههههههههههه التعليقات بصراحة تموت من الضحك و بتثب ان المصريين اخف دم فى الدنيا

و اهو مثل شر البلية ما يضحك بجد لايق على الدكتور دة بجد

ذهبية

[اميره]

بجد تعليقات المصريين تحفه والله ضحكونى جدا قال يمنعوا البوس ياحسره على الشباب والايام الغريبه الى بنعيشها .. المفروض يعملو اعلان وحملات توعيه (( لا للبوس البوس فيه سمُُُ قاتل )) امال اهالينا لسه عايشين ازاى اكيد ببركة دعاء الوالدين دا احنا داخلين على منعطف تاريخى :closedeyes: امسك

[mamdowh]

على كده المفروض يمنعوا عرض فيلم بوبوس بتاع عادل امام لانه كله أكيد أمراض

[doudy]

ساب كل مسببات الامراض اللى فى الدنيا و مسك فى البوس

و الله دة دكتور نكتة قوى

[عنبو]

ايه ياجماعه هو الواحد كل لما ياخد خطوه انه يتجوز يلاقى ناس بترجعه ليه بس ؟؟

طيب اهم حاجه الاتفاق اقبل الجواز والى اوله شرط اخره ايه ....................................... واء واء واء

يلا بقى سلام انا هشغل دماغى ليه لما اتجوز نبقى نشوف الموضوع ده ولا على الاقل الواحد يبقى يتحجج بيه انه لسه متجوزش

[جيمي]

واعلان كوفرتينا يتغير ويبقى كوفرتينا فى الصبحيه ..... مش بايسين ..يععععععععع smk:

وبعد كده نلاقي ملصقات على الحيطه ونصايح على الكتب الدراسيه مكتوب عليها ...لا تعاتب الندل ولا تبوسو ..بكره القطر يجي يدوسو :lol:

واالى متضايق من حد بعد كده يقوله هاااااا ..ماتخلينيش ابوسك :D

ولطيفه بدل ماتقول ضمنى حسسني بوجودك ...... تقول باسني وجري (بكسر الجيم) وسبني اتهري (بكسر الهاء ) :sad:

يعني انا هنا فى السعوديه وانا مروح بدل مالاقى حبيبي بيجرو عليه وعمالين يبوسو فيه الاقي الكل بيفلق :D واللى هيتحرج من الموقف الاقيه واقف حاطط راسه فى الارض وبيقول يالا البوس علينا حق من بعيد يا جيمي من بعيد ... ايون

بس ان شاء الله الطب مش هيقف عاجز ..... وهيبقى فيه واقى شفايف للاستخدام مره واحده بس

[روبي]

هههههههههههههههه

و الله الردود موتتني من الصحك

كان عند حق يا دك smk:

[Princesse]

الردود دمها خفيف جدااا فيها تريقة بذكاء و نقد بين السطور لسياسة البلد بصورة مستترة .

احنا اذكي شعب و اخف دم

أما الموضوع ذات نفسه فهو لا يعنيني ولا دخل لي به من قريب او من بعدين...دا انا فين و فين لما بشوف اصحابي علشان ابوسهم

و العيلة فين و فين لما حد بيجي يزورنا

الحياة كلها مشاغل محدش فاضي يبوس حد

[mamdowh]

[size="3"] :sad:

على رأيك ده فين وفين لما الواحد يشوف حد ويبوسه, بس انا جت لى فكره ممكن تكون حل وسط وهاتكون فبها سبوبه حلوه للصيادله يعملوا بوس معقم ويتباع بالعلبه او فرط زى السجاير او يكون بقيه حساب بدل الملبس والنعناع

وممكن فكرة تانيه صالح كامل بتاع الايه آر تى يشفر البوس ويعمل قناه الايه آر تى المعقمه

wst::

[Khiber]

نيجي بأه لتعليقات القراء ، اللي كنت هاقع على ضهري من كتر الضحك عليها!

[]لقد صدر أخر التعديلات الدستورية وهي منع البووووووووس نهائي

نظرا لانتشار الإمراض وقد نفذ حتى علي الأزواج ما عدا كل ما هو وطنيييي

ويعتبر ممارسيه نوع جديد من الإرهاب ويسمي الإخوان البايسين

طبعا لاينفذ علي الحكومة .. لأنهم مبيدات

يعنى لو واحدة اسمها بوسى تغيره ويبقى متبوسيش بس كده أتحلت خلاص

مع تحيات شركه متبوسيشى لانسر

يا عم بوس اية اللي عايز تمنعه ؟؟

[/ :وبعد كده نلاقي ملصقات على الحيطه ونصايح على الكتب الدراسيه مكتوب عليها ...لا تعاتب الندل ولا تبوسو ..بكره القطر يجي يدوسوlol: :wub: wst:: bv:- bv:- :lol: :lol: :lol: :lol: :lol: :lol: quote