فاست فود صحى - أرز مع قطع الدجاج بالخضار

[بندق أفندى]

فاست فود لأنه سريع التحضير .. لا يستغرق أكثر من نصف ساعة

أولا الأرز أغسله وأضعه مع ملعقة زبد فى قدر على نار هادئة وأقلب من وقت لأخر

ثانايا نقطع الدجاج بعظامه قطع صغيرة .. نتبلها بالليمون والملح .. (هنا استخدمت صدور كاملة)

نضع قليل من الزيت أو الزبد فى قدر حسب الرغبة أو كلاهما وندبل معه بصلة وفصين ثوم ..

ثم نضيف قطع الدجاج نقلب واغطى القدر .. مع التقليب من وقت لأخر

نضيف للأرز ماء مغلى مع الملح ونغطيه ونهدى النار حتى ينضج

نضيف للدجاج ذرة وصويا صوص وأى ما تطاله أيدينا من خضار (جزر كرفس فلفل أخضر بروكلى قرنبيط مع مراعاة فروق الوقت اللازم لنضج كل نوع فنقدمه أو نؤخره)

نغطى القدر ونقلبه من وقت لأخر ونضيف قليل من الماء اذا لزم الأمر

تقريبا تحتاج 20 دقيقة حسب حجم قطع الدجاج ..

بعد تمام النضج نضع الرز فى طبق التقديم ونقلب عليه الدجاج حتى يتشرب الرز صوص الطبخة وبالهنا والشفا

[مصري أصيل]

الأستاذ بندق أفندي

الف شكر علي الوصفة الجميله وبالتأكيد أن شاء الله هنجربها بس لو ممكن حضرتك تدلنا علي وصفات خاصه بالرجيم ما تكونش السعرات الحراريه عاليه فيها يبقي الف شكر

تقبل تحياتي

[بندق أفندى]

الأستاذ بندق أفندي

الف شكر علي الوصفة الجميله وبالتأكيد أن شاء الله هنجربها بس لو ممكن حضرتك تدلنا علي وصفات خاصه بالرجيم ما تكونش السعرات الحراريه عاليه فيها يبقي الف شكر

تقبل تحياتي

ان شاء الله كل شئ فى وقته .. هأقدم لك وصفة مخصوص لحرق الدهون .. مع ريجيم لمدة أسبوع

[مصري أصيل]

الأستاذ بندق أفندي

الف شكر علي الوصفة الجميله وبالتأكيد أن شاء الله هنجربها بس لو ممكن حضرتك تدلنا علي وصفات خاصه بالرجيم ما تكونش السعرات الحراريه عاليه فيها يبقي الف شكر

تقبل تحياتي

ان شاء الله كل شئ فى وقته .. هأقدم لك وصفة مخصوص لحرق الدهون .. مع ريجيم لمدة أسبوع

طيب الف شكر مقدماًًَ بس و حياتك بسرعه لأن الموضوع مهم بالنسبه لي لأن بصراحه أنا زهقت من الكام أكله اللي بنعملهم و محتاج تجديد في أسرع وقت.

المهم عندي تكون وصفات أكلات للتجديد مش نظام غذائي . في انتظارك أن شاء الله

[المنصوراوى]

يا بندق افندى

متابع و جباتك ذات الشكل الجميل بس الطعم

الله و اعلم اصلى مقضيها تيك اوى

اول ما بدخل المطبخ و احاول اعمل فراخ أو لحمة

و اشم ريحتها برجع

بس محتفظ بطريقةالوجبات حد ما يجى اللى يعملها

شكرا على المجهود الرائع

[بندق أفندى]

يا بندق افندى

متابع و جباتك ذات الشكل الجميل بس الطعم

الله و اعلم اصلى مقضيها تيك اوى

اول ما بدخل المطبخ و احاول اعمل فراخ أو لحمة

و اشم ريحتها برجع

بس محتفظ بطريقةالوجبات حد ما يجى اللى يعملها

شكرا على المجهود الرائع

يا جماعة الموضوع سهل أوى .. انت بس اتكل على الله وابتدى وانا معاك ان شاء الله

[somayasaleh]

شكرا اخ بندق

في انتظار اكلات الرجيم

بسرعة لو سمحت :closedeyes:

[هدوء الليل]

بصراحة شكلها اكلة سهلة التحضير فعلا وطيبة وصحية بنفس الوقت لأنها تحتوي على البروتينات والنشويات والخضار بطبق واحد شكرا جزيلا .