أتصرف فيهم إزااااااي . . . ؟ دلووووني

[فالحة هانم]

السلام عليكم ورحمة الله

عندي سؤال ملقيتش حد يجاوبني عليه من اللي اعرفهم هنا في جـدة .. فقلت اسألكم هنا في المنتدى يمكن حد يقدر يفيدني وناستانية تستفيد ولا حاجة .. بس مش عارفة ليه حاسة ان أنا بس وحدي اللي بأضرب أخماس × أسداس .

هو يمكن سؤال تافه للبعض بس بالنسبة لي عامل لي مشكلة ...

أنا من محبي قراءة الجرائد اليومية والأسبوعية :happy: أو أي جرائد للإعلانات او بروشورات التخفيضات وما إلى ذلك (ومعرفتش اتخلص من العادة دي) وأحيانا برضة المجلات (بس مش أوي ).... لغاية كده كويس ؟. . . كويس فين السؤال بأة ؟

أنا عندي كمية جرائد مقلكوش عليها . . كلها في أكياس وكان من فترة طويلة فيه صفائح قمامة - أعزكم الله -

مكتوب عليها لورق الجرائد فقط ( علشان لو فيه آيات قرآنية مكتوبة ولا حاجة ).... وبعدين اختفت من السوق قصدي من الشوارع

وبعدين تفتق ذهني وقلت أسأل حارس العمارة . . بعد مرتين أخد فيهم الأكياس الداهية . . . قال لجوزي خلاص اتصرف فيهم انت بعد كده . . اللي كنت بأسربهم عنده خلاص مش عايز .... قلت : يااااادي الحوسة :afr:

قلت مش مشكلة فيها ايه يعني كام جورنال مش مشكلة...وبقالي اهو بتاع 5 شهور مش عارفة أعمل إيه في تلال اكياس الجرائد دي؟

قلت يالا المع زجاج البيت بيها والمرايات . . .وبعدين ملقيتش عندي الا مراية اوضة النوم والحمام gsp_)

اوعوا تفتكروا اني مخي توقف عن ايجاد الحل ... لأ أبدا والله .. قلت لنفسي لازم الواحد يكون له دور برضه

في البيئة المحيطة ... قلت اخلي جوزي يسربهم عند السواق اللي في الشغل عنده ... السواق قال

حأشوف واحد صاحبي لو يحب يفرشهم علشان ياكل عليهم ...

ساعتها جوزي قال له : وبعد الأكل طبعا حيبقى مكانهم في الزبالة - ولا مؤاخذة - وأكيد فيه آيات قرآنية وخصوصا طبعا في صفحات العزاء أو افتتاح محل . لأ شكرا مش عاوز . :cry1:

ورجع لي جوزي بالكيس اياه ... مش عارفة ليه الموقف ده فكرني بقبقاب أبا القاسم . . .عارفينه ؟؟؟ اللي كان عاوز يتخلص منه ويرميه

في أي حتة وبعدين يبص يلاقي واحد راح جايبهوله فاكره وقع منه ولا حاجة . .

المهم . . .تفتكروا استسلمت :wub: . . .ابدا والله . . . قلت برضة اساهم في نظافة البيئة وأحاول اعمل تدوير لصناعة الورق واهو الواحد ممكن يعمل له منه سبوبة ولا حاجة . .وبدأت ادور وابحث وأقرا ... وبعدين لقيت الموضوع اكبر من قدراتي الشخصية . . دي عايزة مصانع والذي منه ..

تعرفوش حد ياخد الجرائد القديمة دي ؟؟ ولا حتى يشتريها . . . أنا موافقة .

تم تعديل 24 يونيو 2008 بواسطة فالحة هانم

[Modest]

أهلاً و سهلاً بالجارة العزيزة :happy:

يوجد في العديد من المساجد الكبرى في جدة صناديق مخصوصة لتجميع الجرائد القديمة و الكتب الدراسية و جميع الأوراق المحتوية على آيات قرآنية لإرسالها بعد التجميع لإعادة تدوريها ... مسجد "الحمراء" الموجود في تقاطع شارعي حائل و الحمراء كان ، حتى وقت قريب ، به صندوق لهذا الغرض و لم ألحظ مؤخراً إذا كان مازال الصندوق موجود أم لا و لكن يمكني التأكد من ذلك لقربه مني ..كما يوجد به صندوق آخر لتجميع الأدوية لإعادة توزيعها مرة أخرى على المحتاجين.

و بسؤال صديق منذ دقائق أفاد بوجود صناديق لتجميع الجرائد في مسجد النور في حي النزهة تقاطع حراء مع المكرونة و أيضاً جامع الثنيان في حي الصفا بجوار حلقة الخضار.

[ayman elsherif]

يا فالحة هانم حاولي تكوني غير ورقية بمعنى اعتمدي على شبكة الانترنت لقراءة الجرائد و الاخبار بدلا من قراتها على النسخة الورقية.

اعتقد ان اغلب الجرائد الاخبارية و جرائد الاعلانات متوفرة الان على شبكة الانترنت.

اكيد انت متعوديه "دائمـا" :closedeyes: على قراءتها على النسخة الورقية و ممكن يكون لها احساس اخر و لكن بعد فترة من الوقت هتتعودي بردة على قراءة النسخة الالكترونية وبذلك هتحلي مشكلتين و هما مشكلة التخلص من النسخة الورقية بعد قراءها و تكاليف شراء النسخة الورقية

مع احترامي

[فالحة هانم]

الأخ العزيز موديست .. متتصورش أد إيه فرحتي انك رديت على موضوعي اصل انا معجبة بردودك من زماااان وروحك الحلوة :P ربنا يديمها عليك يارب ... قول آآآمين

وحأحاول اشوف حكاية مسجد الحمراء دي قبل ما البلدية تيجي وتستجوبني :) وتعمل لي إزالة من البيت علشان وضع الأكياس بطريقة غير نظامية ومسيئة لمنظر جدة العام :rolleyes:

انت عارف ايه احلى حاجة كمان وصلتني في ردك .. اني عرفت ان حلقة الخضار في حي الصفا :closedeyes: اصل انا جديدة في جدة وبأشتري الخضار من هايبر بندة ووبن داوود وأحيانا وطني بس مش كتير يعني علشان مش دايما طازة وشكرا للمعلومة الحلوة :happy:

[فالحة هانم]

الأخ الفاضل ayman elsherif

والله انت عند حق جدا في حكاية قراءة الجرائد دي وخصوصا لما بيفوتني عدد من بريد أهرام الجمعة . . :happy:

وعلى رأيك انا (متعوووودة دايما) :closedeyes: على قراءة الجرائد الورقية .. بس الحاجة اللي مش بيوفرها النت في حكاية قراءة الجرائد دي

لو فيه تخفيضات ولا عروض على حاجة اصل انا مش راحمة :) جرايد مصري على سعودي وساعات نفسي بتهفني على اللبناني كمان :rolleyes: . . اعمل ايه بأة . ربنا يصبر جوزي على التكاليف

[مصري جدا]

الأخت ..فالحه هانم

أنا أسف لاني مش حقدر أفيدك في الموضوع أعتقد الأخوه قاموا بالواجب

طب أنا جاي هنا ليه

أصل أسمك والصوره الرمزيه بتاعتك شدوني جدا وفعلا كل مابص علي الصوره والأسم أبتسم وأضحك لانهم معبرين جدا وفيهم روح حلوه

شكرا لوضع الأبتسامه علي وجهي والسعاده في قلبي

علشان كده أنا جيت هنا . ...بس خلاص

[فالحة هانم]

يا أخ مصري جدا . . ده انت تنور الموضوع وكفاية مرورك كده عليه والكلمتين الحلوين بتوع الإسم والصورة

والحمد لله انك ابتسمت بسببهم ربنا يكرمك ويفرح قلبك على طوووول

[ابو محمود]

أولآ وقبل كل شيء مرحبآ بيكى اختنا فالحة هانم

عندى سؤال بس مافيش زعل ...

لوحضرتك فى مصر ممكن تودى الجرايد فين ؟

هل كنتى ستحتارين او تسألين ..أومجازآ تخافين من ان يكون تصرفك فى التخلص منها غير صحيح او يشكل مشكلة ؟

مجرد استفسار علشان انا نفسى اعرف لية المصريين بيكونو كدة خارج حدود مصرنا ولا السبب ان فى حاجات تانية

انا قلت من غير زعل يا ست فالحة هانم

على العموم انا حبيت اشترك فى موضوعك من أجل المشاركة وليس للحل وترحيبآ بكى بيننا

بس ماينفعش اسكت على شيء يكون مهم لنا فى بلدنا العزيز ان نسعى لحلة

[فالحة هانم]

الأخ الفاضل / محمود مصطفى مرحـباً بك

عندى سؤال بس مافيش زعل ...

إن شاء الله مفيش زعل ولا حاجة

لوحضرتك فى مصر ممكن تودى الجرايد فين ؟

هل كنتى ستحتارين او تسألين ..أومجازآ تخافين من ان يكون تصرفك فى التخلص منها غير صحيح او يشكل مشكلة ؟

تخيل يا أخ محمود كان نفسي اوي ان حد يسألني السؤال ده ! :lol: !

علشان أجاوبه بكل قوة وصراحة وأقول له : بأة ده برضه اسمه كلام اكيد كنت حأديهم للراجل بتاع الروبابيكييييا wst::

لأنه بياخدهم ويبيعهم لتجار الورق وهم بدورهم بيبيعوهم لمصانع الورق والكرتون علشان إعادة التصنيع .

يعني أنا اشتري واصرف من جيبي على هوايتي الفقرية دي :sad: والتانيين يبيعوا ويكسبوا وعلشان كده اكيد مكنتش حأفوت الفرصة دي عليا وابيعها انا كمان لبتاع الروبابيكيا :hi: :happy:

مجرد استفسار علشان انا نفسى اعرف لية المصريين بيكونو كدة خارج حدود مصرنا ولا السبب ان فى حاجات تانية

أنا بصراحة خارج مصر زي جوة مصر بالظبط في كل حاجة اما السبب في التغيير اللي حصل هو اني اكيييد ملقتش بتاع الروبابيكييييا هنا في جدة ..

[ELSHAMY]

بصفتى جداوى قديم بأرحب بأختنا فالحة هانم.....

بس ازاى اسمك كده و تقفى أمام مشكلة زى دى....عموما كتير من الفالحين بيحتاجوا نصايح و أنا منهم....

نورتى المكان ...و نورتى جدة ...و المنطقة الغربية.....وأى خدمات طبية (بعد الشر) تحت أمرك...

د. الشامى

[فالحة هانم]

الأخ الفاضل د/ الشامي مرحباً بك وشكرا على الترحيب

وأحب اقولك انه بالفعل من كتر فالحتي وقفت عاجزة عن حل المشكلة دي تماما ... وده اثر فيا بدرجة كبيرة :sad:

لدرجة أني بأفكر اغير أسمي من فالحة هانم لـ ( بلاش فكاكة ) wst::

[~Heba~]

فالحة هانم حضرتك بجد محصلتيش

خفة دم ايه دى

على فكرة احنا مقمناش بواجب الترحيب بيكى

اشرى انتى بس يا قومر و اعضاء مكتب المحاورات يقوموا بالواجب

على فكرة شكلك مش جديدة.....انتى مين بقى يا شقيه هاه :)

تم تعديل 26 يونيو 2008 بواسطة ~Heba~

[Modest]

الأخ العزيز موديست .. متتصورش أد إيه فرحتي انك رديت على موضوعي اصل انا معجبة بردودك من زماااان وروحك الحلوة ربنا يديمها عليك يارب ... قول آآآمين

وحأحاول اشوف حكاية مسجد الحمراء دي قبل ما البلدية تيجي وتستجوبني وتعمل لي إزالة من البيت علشان وضع الأكياس بطريقة غير نظامية ومسيئة لمنظر جدة العام

انت عارف ايه احلى حاجة كمان وصلتني في ردك .. اني عرفت ان حلقة الخضار في حي الصفا اصل انا جديدة في جدة وبأشتري الخضار من هايبر بندة ووبن داوود وأحيانا وطني بس مش كتير يعني علشان مش دايما طازة وشكرا للمعلومة الحلوة :o

آآآمين flx:

أخجلتيني بذوقك الفائق فالحة هانم :)

و علشان الرد الجميل ده أنا مستعد أخد منك 1000 ريال بس :blink: و أبعت الرجالة يشيلوا كل الجرايد و المجلات و أي حاجة قديمة للبيع .. العرض ده ساري لمدة محددة و يا تلحقي يا ماتلحقيش بقى

نصيحة من مدام موديست إنك تستمري في شراء الخضار من هايبر بنده ، و النصيحة دي بعد خبرة سنين من اللف كعب داير على السوبر و الهايبر ماركتات في شتى أنحاء جدة

بن داوود قريب من بيتي و مع إنه لا يُطَوِّر نفسه مثل الباقيين إلا في حدود بسيطة إلا إني باحبه من غير أي سبب منطقي :blink: .. الشهادة لله هو طوّر بس اللوجو بتاعُه و خلاه أبشع من اللوجو الأولاني

و أي استشارات ، خدمات ، جرايد و مجلات، عربيات ، موتوسيكلات إحنا في الخدمة و كله بحسابه :sad:

تم تعديل 26 يونيو 2008 بواسطة Modest

[فالحة هانم]

الأخت العزيزة هبة . . . والله ده انت اللي زي العسل وكلامك كله سكر ... لأ ومش كده وبس .. ويترحبي بيا كمان .. كتر خيرك يا جميل

وأنا متابعة ردودك اللذيذة من وقت طويل ومعجبة بيكي أوي

على فكرة احنا مقمناش بواجب الترحيب بيكى

والله ده تقصير مني لأني لسة عارفة اني مفروض اسجل في باب الإجتماعيات .. وبعدين مفيش فرق بين الأخوات

على فكرة شكلك مش جديدة.....انتى مين بقى يا شقيه هاه

أنا متابعة المحاورات من فترة طويلة بس قلت قبل ما أنوي اسجل معاكم الأول اشحن البطارية وألم الغسيل واشمر ايدي وخلصت غسيل كام طبق كده واستعديت وسجلت

بس أنا والله واحدة غير اللي ف بالك . . :wub:

محلوظة : الصور مقتبسة من الأخ موديست وحستأذنه في المشاركة الجاية

[زهرة البحر]

السلام عليكم ورحمة الله وبركاته

اخواتى واخوانى المصريين فى جدة

بجد المنتدى جميل جدا وكان تواجدى فيه بالصدفة واخيرا لقيت مصريين الواحد يقدر يفك معاهم شوية لان معظم المنتديات اخوانا العرب مش سايبنهم فى حالهم وطعا يبقى اكيد خفة دم المصريين حتبقى مش موجودة

الاخت هبة والاخت فالحة هانم بجد انتم لذاذ اوى ويارب اتواصل معاكم دايما

اختى فالحة هانم مفيش رد معين اقدر اقولهولك غير الله يكون فى عونك وحاولى تخفى شوية من الورق ده

ويارب تتخلصى منهم قريب لحسن البيت بوجود كمية من الورق دى مشكلة

خالص تحياتى

[فالحة هانم]

إيه إيه يا أخ موديست بتقول كام ؟؟ 1000 ريال :o ده ولا الدي اتش إل . . . . أمال لو كانت الجرايد بالإنجليزي كنت حسبتها بالدولار :sad:

على العموم أنا أقل من 2000 - لا ممكن أبدا - ( بطريقة عبد الفتاح القصري في فيلم ابن حميدو ) - هللة طبعا مش ريال

نصيحة من مدام موديست إنك تستمري في شراء الخضار من هايبر بنده

وسلامي الخاص لمدام موديست كتير كتير ونصيحتي لها متتعاملش مع شركتكم

بن داوود قريب من بيتي و مع إنه لا يُطَوِّر نفسه مثل الباقيين إلا في حدود بسيطة إلا إني باحبه من غير أي سبب منطقي :wub: .. الشهادة لله هو طوّر بس اللوجو بتاعُه و خلاه أبشع من اللوجو الأولاني :blink:

عندك حق اللوجو شكله وحش أوي ..

يالا اسيبكم بخير علشان ورايا مشاوير

صحيح نسيت استأذنك في الصور اللي طبعتها للأخت هبة كانت من مداخلاتك وربنا يديم كرمك علينا :wub:

[فالحة هانم]

أحب أطمن كل اللي ساهم في الموضوع او كان مهتم به وخصوصا الأخت لولا :rolleyes:

المهم انشاء الله تكونى حليتى المشكله اياها بتاعت الجرايد خلاص.

احب ابشركم وأقولكم الخطوات من اولها بعد إذنكم

اولا : كان فيه مسجدين كبار قرب البيت وخليت جوزي يسأل فيهم حسب تعليمات الأخ الفاضل موديست وكان الجواب منهما ان كان فيه حاويات لأخذ أوراق الجرائد ولكنها أزيلت من فترة ولا نعلم البديل !! -_-

ثانيا : اليوم . . وبس اليوم اكتشفت موقع على النت جميل لهذه الأغراض . . تخيلوا بعد ما فقدت الأمل في تسريبهم :rolleyes:

وهذا الموقع اقدمه لكل من يواجه نفس المشكلة وهو : الشركة السعودية لإعادة تدوير الورق

http://www.saudirecycling.com/

مش عارفة كان غايب عني فين :o . . سبحان الله كل شئ بميعاد

لكن انا دلوقت سامعة ناس بتقول . . ياااه لسة الجرائد عندك ؟؟ بس كويس لقيتي حتة توديهم فيها

اقولكم لآ انا اتخلصت منهم بالفعل . . اليوم فقط . . إزااااي ؟؟

النهاردة وجوزي راجع من صلاة العشاء قابل ولدين يمنيين تقريبا ... بيزقوا عربية بيد وفيها كراتين . . قام سألهم جوزي : عندي جرائد تاخدوها

قالوا له ناخدها بفلوس يعني ولا كده . . قالهم لأ . . خدوها بس وخلصوني منها :blink:

بس خلاص طلعوا وخدوا الجرائد وخلصت من الزحمة في المطبخ :happy: :rolleyes:

وكان نفسي اقولهم عدوا عليا كمان شهر :D

[لولا]

أحب أطمن كل اللي ساهم في الموضوع او كان مهتم به وخصوصا الأخت لولا :happy:

المهم انشاء الله تكونى حليتى المشكله اياها بتاعت الجرايد خلاص.

احب ابشركم وأقولكم الخطوات من اولها بعد إذنكم

اولا : كان فيه مسجدين كبار قرب البيت وخليت جوزي يسأل فيهم حسب تعليمات الأخ الفاضل موديست وكان الجواب منهما ان كان فيه حاويات لأخذ أوراق الجرائد ولكنها أزيلت من فترة ولا نعلم البديل !! -_-

ثانيا : اليوم . . وبس اليوم اكتشفت موقع على النت جميل لهذه الأغراض . . تخيلوا بعد ما فقدت الأمل في تسريبهم :blink:

وهذا الموقع اقدمه لكل من يواجه نفس المشكلة وهو : الشركة السعودية لإعادة تدوير الورق

http://www.saudirecycling.com/

مش عارفة كان غايب عني فين :o . . سبحان الله كل شئ بميعاد

لكن انا دلوقت سامعة ناس بتقول . . ياااه لسة الجرائد عندك ؟؟ بس كويس لقيتي حتة توديهم فيها

اقولكم لآ انا اتخلصت منهم بالفعل . . اليوم فقط . . إزااااي ؟؟

النهاردة وجوزي راجع من صلاة العشاء قابل ولدين يمنيين تقريبا ... بيزقوا عربية بيد وفيها كراتين . . قام سألهم جوزي : عندي جرائد تاخدوها

قالوا له ناخدها بفلوس يعني ولا كده . . قالهم لأ . . خدوها بس وخلصوني منها :wub:

بس خلاص طلعوا وخدوا الجرائد وخلصت من الزحمة في المطبخ clp::

وكان نفسي اقولهم عدوا عليا كمان شهر lo::

والله عفارم عليك يا فيفى يا حببتى (دلع فالحة .. يبقى فيفى :lol: )

انت كده بجد بقيتى اسم على مسمى bv:-

وتصدقى انا برضه بعانى من نفس المشكله.. وصدقينى هى مشكله

كبيره بجد لأنه ازاى يعنى ناكل او نرمى حاجة فيها كلام ربنا.

عموما ميرسي موت ياقمر ..لأنى عن نفسي استفدت بلا شك من تجربتك..

واتبسطت من خفة الدم اللى طرحتى بيها الموضوع.

[Diab]

السلام عليكم ورحمة الله

عندي سؤال ملقيتش حد يجاوبني عليه من اللي اعرفهم هنا في جـدة .. فقلت اسألكم هنا في المنتدى يمكن حد يقدر يفيدني وناستانية تستفيد ولا حاجة .. بس مش عارفة ليه حاسة ان أنا بس وحدي اللي بأضرب أخماس × أسداس :wub: .

هو يمكن سؤال تافه للبعض بس بالنسبة لي عامل لي مشكلة ...

أنا من محبي قراءة الجرائد اليومية والأسبوعية :happy: أو أي جرائد للإعلانات او بروشورات التخفيضات وما إلى ذلك (ومعرفتش اتخلص من العادة دي) وأحيانا برضة المجلات (بس مش أوي ).... لغاية كده كويس ؟. . . كويس فين السؤال بأة ؟

أنا عندي كمية جرائد مقلكوش عليها . . كلها في أكياس وكان من فترة طويلة فيه صفائح قمامة - أعزكم الله -

مكتوب عليها لورق الجرائد فقط ( علشان لو فيه آيات قرآنية مكتوبة ولا حاجة ).... وبعدين اختفت من السوق قصدي من الشوارع

وبعدين تفتق ذهني وقلت أسأل حارس العمارة . . بعد مرتين أخد فيهم الأكياس الداهية . . . قال لجوزي خلاص اتصرف فيهم انت بعد كده . . اللي كنت بأسربهم عنده خلاص مش عايز .... قلت : يااااادي الحوسة -_-

قلت مش مشكلة فيها ايه يعني كام جورنال مش مشكلة...وبقالي اهو بتاع 5 شهور مش عارفة أعمل إيه في تلال اكياس الجرائد دي؟ :blink:

قلت يالا المع زجاج البيت بيها والمرايات . . .وبعدين ملقيتش عندي الا مراية اوضة النوم والحمام lo::

اوعوا تفتكروا اني مخي توقف عن ايجاد الحل ... لأ أبدا والله .. قلت لنفسي لازم الواحد يكون له دور برضه

في البيئة المحيطة ... قلت اخلي جوزي يسربهم عند السواق اللي في الشغل عنده ... السواق قال

حأشوف واحد صاحبي لو يحب يفرشهم علشان ياكل عليهم ...

ساعتها جوزي قال له : وبعد الأكل طبعا حيبقى مكانهم في الزبالة - ولا مؤاخذة - وأكيد فيه آيات قرآنية وخصوصا طبعا في صفحات العزاء أو افتتاح محل . لأ شكرا مش عاوز . :lol:

ورجع لي جوزي بالكيس اياه ... مش عارفة ليه الموقف ده فكرني بقبقاب أبا القاسم . . .عارفينه ؟؟؟ اللي كان عاوز يتخلص منه ويرميه

في أي حتة وبعدين يبص يلاقي واحد راح جايبهوله فاكره وقع منه ولا حاجة . .

المهم . . .تفتكروا استسلمت clp:: . . .ابدا والله . . . قلت برضة اساهم في نظافة البيئة وأحاول اعمل تدوير لصناعة الورق واهو الواحد ممكن يعمل له منه سبوبة ولا حاجة . .وبدأت ادور وابحث وأقرا ... وبعدين لقيت الموضوع اكبر من قدراتي الشخصية . . دي عايزة مصانع والذي منه ..

تعرفوش حد ياخد الجرائد القديمة دي ؟؟ ولا حتى يشتريها . . . أنا موافقة . bv:-

فالحة هانم

مهو أنتي لو لمعت بالجرايد مرايات البيت حتبقي نفس المشكلة برضه أيات قرأنية تلمعي بيها ازاي

أقتراح مودست بصراحة جميل

أحنا عندنا في الشغل في شركة بتيجي تاخد الورق مخصوص عشان أعادة التدوير

أسألي جوزك لو يعرف يجيب تلفون الشركات دي ويشوف أقرب نقطة بيلموا منها الورق ويديلهم كل أسبوع

[ELSHAMY]

الأخت فالحة

ألف مبروك يا فندم..... فرحتينا.....كده الواحد يقدر ينام

عقبال الشهر الجاى