النجدةةةةةةةةةةةة من الجمارك حجزوا الطرد

[mony]

السلام عليكم يا اخوانى

معاكم مغتربه حديثا فى الامارات بقالى شهرين تقريبا

صديقه لى طلبت منى ساعات موبيل الجديده الصينى ارسلت لها 4 ساعات و تى شيرت هديه ليها عن طريق بريد الامارات

تلقت رساله هى من الجمارك فى مصر ان الحاجه محجوزه و لازم تروح تورد 120 لبريد مصر و 90 ج مش عارفه ايه و كمان الجمارك هتبقى 300 او 400 جنيه و المشكله الكبيره و النكبه الاكبر انها هتستلم بس ساعتين مش الاربعه و لازم ترجعلى الباقى يا اما هيصدروهم ...

انا حزينه جدا جدا جدا مش عارفه اعمل ايه حد يقولى يا جماعه

انا خلاص كرهت مصر بس بعشق اهالها و اصحابى

[nizza la bella]

لازم تدفعى يا اما تتصادر ,اصدى تتقسم عليهم بتوع الجمارك

[salemhegazy]

امرك لله

هى دى مصر يا عبلة

و اهلا بيك فى الامارات

ايه بقى ساعات الموبايل دى؟

[iloveegypt]

ساعات الموبايل دى حاجة سهلة بس اسمها منبهات الموبايل

اى موبايل فى الدنيا فيه منبه هى دى

بصراحة صحيح اي ساعات الموبايل وربنا يعينك على جمارك وادفعى

[عصام أبوالفتح]

لاحول ولا قوة الا بالله

هاتدفعى طبعاً .. بس اللى عملتيه غلط

اولا طلبات الحبايب دى قبل النزول مش بعد شهرين من الغربة انتى اكيد لسه بتتأقلمى على المكان الجديد

ثانيا : عشان الحاجة متتجمركش بتتوزع على الشنط وتتفك من العبوات ووالعبوات فى شنط تانية ومعاها شنط الهدايا .. انتى بتقوليلهم جمركونى .. وبعدين تزعلى ؟

ثالثاً : الفلوس اللى هاتدفعها صديقتك هو فرق السعر بين مصر والامارات تقريبا ..فمتزعليش ولا حاجة واديكى اتعلمتى درس .. طالما مش هاتاجرى ومش عدد كبير .. يبقى خدى هدايا زى مانتى عايزة وقت نزولك واللى طالب منك حاجة فهو وحظه وهو اللى هابوفر جمارك او يدفع فواتيرها اللى هاتديهاله اذا اتجمركت .