عقدلمهندس معمارى بالامارات

[حسام يوسف]

السلام عليكم

لى أخ مهندس معمارى دفعة2004

بخبرة 4سنوات

autoad-design

مرشح لمكتب بالامارات-غالبا الاقامة بدبى

والعقد بمرتب شهرى 8 الاف درهم

والشركة غير مسؤولة عن السكن

ما رأيكم؟

يقبل العقد؟

ام ينتظر الافضل؟

هل هذا العقد مجدى؟

الف شكر لوقتكم وللمساعدة

تقبلوا تحياتى :closedeyes:

[حسام يوسف]

مطلوب الرد على العقد بالرفض او الايجاب فى 24 ساعة

نسألكم السرعة والرد

والف شكر

[madzoro]

لو اخوك مجوز او ناوي في خلال السنة الاولى انه يجوز و يجيب اسرته هناك يبقى بلاش احسن .....

لو اعزب و مستعد يسكن في سكن مشترك مع شباب .... ممكن تكون بداية بس اقل من المعقول ... لان الحياة هنا في غلاء مستمر بصورة بشعة وخصوصا السكن

بالتوفيق ان شاء الله ليك و لاخيك

[ahmedarab]

اعقتد ان العقد لو بنفس الراتب دة مع وجود سكن ..بيكون معقول

لكن بصراحة كدة الوضع هايكون صعب شوية ...

وعموما زى ما قال العزيز Madzoro لو اعزب ممكن تبقى بداية مش بطالة

تحياتى

[Rakan]

مثل ما ذكرو لك الأخوان مش بطال كبادية .. المشكلة الكبرى في الامارات السكن والباقي امره سهل

في دبي لا اعتقد ان تجد سكن ارخص من 3000 درهم شهريآ عبارة عن استديو صغير بالكاد يكفي شخصين .

[حسام يوسف]

السلام عليكم

كل الشكر للاخوة على معلوماتهم

هوة لسة مش متجوز

ومفيش نية لسة

وهبلغة بردودكم

وربنايعمل اللى فية الخير

[حسام يوسف]

المفاوضات وصلت الى 8 الاف درهم راتب شهرى

وزيادة المرتب بعد 6 شهور الى عشرة الاف درهم

لكن الشركة مصرة على عدم توفير تأمين صحى

وزى ماقلت انة اعزب

والعمل فى دبى

ومطلوب الرد فى 48 ساعة

حد عندة رأى يساعدبية؟

والف شكر لوقتكم واهتمامكم

[Rakan]

اعزب والراتب 10 الاف ... عرض طيب وغلطان اذا لم يقبل به

انا اشوف انه يتكل على الله ويقبل العرض والتأمين الصحي مهم لو كان عندة عائلة واطفال .

[waelmoatamed]

يا سيدي شوف يقبل 8 كويس كبداية و بالنسبة للزياده ما يصدقش كله اللي يتقاله لكن لو زاد لعشرة يبقى إشطه جداً

بس يحاول ياخد بدا إنتقال يا إما يسلموه سيارة لو بينزل السايت لكن لو اوفيس غنجنير يبقى ياخد بدل إنتقال و خلاص و لو مش هياخد يبقى قدام شويه يحاول يعافر معاهم يعني ما يسبش نفسه

التأمين الصحي غصب عن عين التخين هياخدة لأن دلوقتي مش هيعملوا إقامات لحد غير لما يكون متأمن عليه

بالنسبة للسكن يعني مش لازم يسكن لوحده في أستوديو لأن أسوأ أستوديو فيكي يا دبي إيجارة الشهري 6000 درهم و لسه شايف واحد إمبارح السبت.

لكن ممكن يلاقي سكن شير نضيف في دبي بداية من 1500 درهم و هيكون معاه 3 أو 4 في الغرفه ..

لو الشركة هتأمنه مواصلات من أي مكان في الإمارات يبقى ممكن ينزل على الشارقة و يسكن سكن نضيف جداً في حدود ال 1500 لكن يستحمل الزحمة الصبح شويه و في الرجعه

على العموم بداية مش وحشه رغم إن المهندس لازم راتبه يوصل لي 16000 في أسرع وقت .. هو سعرة كده لكن ياخد خبرة و يعمل ريفرانس كويس و ربنا يكرمه ..:closedeyes:

[حسام يوسف]

السلام عليكم

الف شكر على الردمن الاخين العزيزين راكان ووائل معتمد

الف شكر

وربناييسر الخيران شاءالله

[محمد عيسى]

هو 8 كبداية كويس لان غالبية المهندسين بيبدأو بخمسه او سته، و ما تثقش في موضوع الزياده لأنك متقدرش تطالبه بيها و بالتالي تعتمد على مزاج الشركه او مزاج مديرك المباشر

بالنسبة للتامين الصحي معنى انه مش متغطي انه هايخصمه من مرتبه لانه اجباري للاقامه .. و متوسط تكلفته 3500 درهم سنويا ممكن يتفق مع الشركة تقسطهم من مرتبه على شهور السنة (و لو انه غير قانوني و لازم الشركه تدفعه)

بالنسبة لتكاليف المعيشه و المرتب بدل ما ادخل في تفاصيل اتوقع انه يقدر يحوش منه الفين درهم في الشهر .. في حالة لما يكون معاه اسره هاتبقى المصاريف الشهريه بالكاد 15 ألف يعني لازم مرتبه يكون اكبر من كده

لو معاه رخصة مصرية عدى عليها اكتر من سنتين هايسهل له كتير الحصول على رخصة اماراتية .. و ممكن اول ما ييجي يسكن في الشارقه و يتفق مع الهنود اللي بيوصلوا الموظفين لدبي بعربياتهم الملاكي انه يروح و ييجي معاهم ده كبداية لحد ما ينسق مع زمايله في الشغل

لازم يعمل حسابه ان السكن مشترك يعني كل تلاته او اربعه في غرفه .. و يعمل حسابه انه يتقبل الهنود و يحبهم لانه مش هيلاقي غيرهم في دبي .. و يعمل حسابه ان متوسط الوقت من السكن للشغل هو ساعتين رايح و زيهم جاي .. و يعمل حسابه على جو قاسي جدا .. و يعمل حسابه انه مش هايقدر ينقل من شغله لشغل تاني غير بعد تلات سنين في غالبية الاحوال لان الشركات بطلت تدي خطابات عدم ممانعه