العهدة على الراوي - ماذا يقال لعساكر الأمن المركزي؟

[shoshka]

في أحد المظاهرات التي نظمها طلاب جامعة عين شمس .. أراد أحد الطلاب أن يفهم سر تحامل جنود الأمن المركزي ضد الطلبة و التعامل معهم بهذا العنف الغير مبرر ..

راح صاحبنا و المظاهرة في عزها و قف جنب عسكري وقال له العيال دي عايزة عايزة أيه يا بلدينا ...

راح العسكري رادد "دول شوعيين يكفيك الشر"

فرد صاحبنا "يعني ايه .. و عايزين أيه ؟؟"

فراح العسكري رادد عليه " دول يا ابني اللي بيدافعوا عن الشواذ .. ربنا يلطف بينا"

:? :? :? :? :? :? :? :?

دي مش نكتة .. دي قصة سمعتها من شخص حضرها ..

لا تعليق

____

تعديل طفيف في العنوان

الادارة

[DARWEEN]

وأنا أصدق هذه القصة ومقتنع بها تمام الأقتناع

لقد رأيت بعيني رأسي منذ زمن بعيد كيف يتم أختيار جنود الأمن المركزي بحيث لا يختار للأمن المركزي من يوجد لدية أدنى أدنى حد من المعلومات عن أي شيء في الوجود ...

من أساسيات أختيار جندي الأمن المركزي أن يكون ليس فقط أمي بل وجاهل جهلا مطبقا ..ليكون مجرد عصا في يد الضارب وسوط في يدي الجلاد ..

وبالمناسبة هناك فيلم من أجمل أفلام أحمد زكي ومحمود عبدالعزيز .. أعتقد أن أسمه البريء ... هذا الفيلم يحكي تفاصيل هذا الموضوع برمته

[Lancelot]

في نكتة بتشرح إزاي بيختاروا عساكر الأمن المركزي ....

بيجيبوا المتقدمين و يقولوا اللي بيعرف يقرأ يجي ع اليمين و اللي مش بيعرف يقرأ يجي ع الشمال ...

عساكر الأمن المركزي هم اللي بيفضلوا في النص ..... :shock: :shock: :shock:

[ragab2]

لازم

يجيبوا أميين عشان تبقى عساكر انكشارية

هذا

يذكرنى بعضو مجلس الشعب الأمى أثناء اختباره لمعرفة اذا كان يقرأ أو أمى للموافقة على ترشيحه

وقد شاور على كلمة ثعبان وفوقها رسم الثعبان فقال هذه الكلمة حنش

ولما راجعوه وقالوا متأكد أنها حنش هاج وماج وغضب وترك اللجنة وأعتقد أنهم متحاملين وبيضحكوا عليه ويسخروا منه ومستأصدينه لأنه متأكد أنها حنش

[الطفشان]

يمكن بسهولة ان أصدق ان هذا فعلا حدث

و لو تذكروا فيلم البداية، بتاع جميل راتب و احمد زكي و غيرهم

لما راح قال للفلاح البسيط: "دة مش مسلم، دة ديمقراطي، حتى اسأله!"

فراح سأله، قام قال له ايوة!

قد نقول الافلام خيال

و لكن للاسف هناك حالات في الحقيقة اغرب من الخيال

Life imitating fiction

يعني لو حد كان شاف سبتمبر 11 في فيلم، مش كان قال واسعة شوية؟

او سيناريو الهجوم على العراق مثلا

طب بلاش السينما و القصص

حكاية حقيقية:

رجل متعلم و ردل ابن بلد في احد القرى مرشحين نفسهم قبل الثورة

المتعلم قعد يكلم الناس بكلام الديمقراطية و حاجات مكلكعة فوق مستواهم

قام الراجل ابن البلد عشان يكسب الانتخابات

قام خطب في الناس و قال لهم: انتوا عافين يعني ايه ديمقراطي؟

قال لا مش عارفين

قال لهم: يعني مراتك تبقى مراتي

و طبعا خسر المتعلم بالثلث

حكاية تانية:

عساكر الامن المركزي في مركز التدريب

يأتي الاهالي على البوابة عشان يجيبوا اكل لولادهم

يقوم الضابط يقول لهم : في ناس عاملين شغب على البوابة، روحوا فرقوا التجمهر دة!

يروحوا بالخرازانات و يضربوا الاهالي!

[Proud Muslim]

بصراحة .. أنا عمري ما أزعل من عساكر الأمن المركزي .. الناس دي غلابة جدا .. و أحلامهم أقل من أحلام العصافير ..

:( :( :(

الضباط بقى و القيادات ... الله لا يكسبهم دنيا و لا آخرة ..

المبدأ عند هؤلاء القوم .. اضرب اللي مش لابس زيك

واحد زي ده .. حياة الجيش أو الأمن المركزي أحسن له ألف مرة ..

بيلاقي أكل .. و نومة .. بدل عيشته الضنك الي كان عايشها ..

و طبعا أصحاب الفضل .. الحكومة ..

حسبنا الله و نعم الوكيل ..

[شيكو المصري]

كل الكلام اللي قلتوة مظبوط و صحيح

بس طبيعي بيعرفوا بالفطرة على الاقل ان اللي بيعملوة دة غلط و لا لأ و دة ما يديهمش العذر علشان المهازل اللي بيعملوها في المظاهرات .

فية ناس تانية اللي همة اعضاء مباحث امن الدولة الناس دية ما اقدرش اعبر عنهم بكلام دقيق ..... فيهم من يقول انا عبد المأمور و يعتذر لك و يخبرك انة ينفذ الاوامر فقط و فيهم من يأخذ هذا الامر هواية سادية عندة و يصبح الامر الذي تعود علية دينا و منهاج لا يحود عنة . نفس التشخيص لا يوجد عذر لجهلك و ظلمك للناس .

عموما دعوة المظلوم مستجابة في الدنيا قبل الاخرة و لن ترى احد من هؤلاء المعقدين او الظالمين سعيدا في حياتة ابدا .