مستشفي سعد بالخبر !!!

[Dr.mmfriend]

السلام عليكم ورحمة الله وبركاته

اخوانى الاعزاء

كان ليا بعض الاستفسارات بخصوص مستشفي في الخبر اسمها مستشفي سعد

المستشفي دى عارضين عليا عقد مبدأى الى حد ما كويس

علما بان العقد ممارس عام

وقالولى هتشتغل في outreach clinics

وفهمت منهم ان العمل هيكون فى عياده فى مصنع هما متعاقدين معاه وكده

السؤال دلوقتى

قالولى تكاليف الاقامه عليك ياترى دي بتكلف كام؟؟؟

وبتدفع مره كل سنه ولا كل شهر ولا ايه دى؟؟

قالولى تكاليف الترخيص الطبي عليك برضه كام؟؟

ياترى الناس دول كويسين ومضمونين ولا ايه؟؟؟

انا معايا عقد حكومى فى وزارة الصحه بس للاسف مناظق نائيه وغير محدده كمان

كما ان عقد مستشفي سعد تقريبا بضعف العقد الحكومى

ارجو ممن لديه معلومات يفيدني

وجزاكم الله خير الجزاء

[Dr.mmfriend]

يا جماعه حد يرد بسرعه مطلوب منى اخد القرار في ظرف يومين بالكتير

ارجوكم المساعده

[capitshino]

الاقامة السنة تتكلف 500 ريال عدا اول سنة لانك بتقوم بعمل تحاليل واشعة وشوية اوراق كده يعنى ممكن توصل اول سنة ال 800-1000 ريال بعد كده ب 500 ريال السنة وممكن تتعمل سنتين من الاول

بالنسبة للمستشفى انا اعرف مستشفى السعد فهل هى دى ولا دى اسمها سعد؟

[أسد]

مستشفى سعد مكان ممتاز .. وهي مملوكة للملياردير معن الصانع ..

في مدينة الخبر ..

المكان ده ممتاز .. ومن يعمل هناك يعتبر محظوظاً ..

تكاليف الإقامة هي 750 ريال سنوياً .. 650 ريال للجوازات و 100 ريال قيمة رخصة العمل ..

تكاليف الترخيص .. تحتاج للعمل في مهنة طبية في السعودية الحصول على شهادة من الهيئة السعودية للتخصصات الصحية ، بتعمل معادلة شهادات ، ودي بتعمل امتحان فيها وبعد النجاح تحصل على شهادة لمزاولة المهنة ، وكارنيه .. لازم يتجدد كل 3 سنوات ، الرسوم اللي بتكلفك في حدود 600 ريال تقريباً .. وفي أول مرة بتدفع رسوم امتحان .. بس برضه بسيطة في حدود 100 - 300 ريال .. مش أكتر على ما أعتقد ..

ودي بتعملها كل 3 سنين

إدخل هنا للحصول على معلومات أكثر

موقع الهيئة السعودية للتخصصات الصحية

وبعد كده بيطلعلك ترخيص مزاولة مهنة من الشئون الصحية (وزارة الصحة) . وهذا الترخيص مجاناً . حيكلفك انك تكون اجتزت امتحانالهيئة السعودية .. وصورتين شخصيتين.

أما مستشفى سعد فهي اسمها سعد .. مش السعد .. مفيش مستشفى اسمها السعد في السعودية ..

هي فرصة ممتازة ..

ادخل هنا للتعرف على المستشفى

مستشفى سعد التخصصي

ربنا يوفقك ..

[MZohairy]

المستشفى هي و بدون شك أعظم و افخم مستشفى في السعوديه و الخليج و الشرق الأوسط و العالم العربي

شيئ لا يصدقه عقل في الفخامه و الامكانيات و دي اللي اتولد ابني دودي فيها

بس صاحبها اللي هو معن الصانع راجل شديد الثراء و الغرور و قليل الأدب جدا على المتعاملين معاه مباشرة

بمعنى ان كل اللي بيشتغلوا معاه مباشرة فهم في نعيم مادي و جحيم عصبي تهزيئي

و بالتوفيق

[زعلان]

طالما طلبوا منك الطلبات ده معناه انهم مستشفى معفنه ما بتحترمش لا نفسها ولا موظفينها يعني ايه تدفع ثمن تأشيرة ولا اقامة ويعني ايه تدفع تمن الترخيص الطبي

الموضوع مش فلوس بس مسألة مبدأ

ناقص يقولوك تذكرة التوبيس عليك

بجد عيب

دور على حاجة محترمة شوية نصيحة مني ليك

تم تعديل 25 يونيو 2008 بواسطة زعلان

[capitshino]

يا جماعة لما يسئل حد عن مكان معين لازم نحاول نقوله على معلومات صحيحة. مش معنى ان المكان كبير وفخم يبقى الناس اللى فيه وضعهم كويس .. واعتقد اللى اشتغل شهر واحد فى السعودية عرف الموضوع

اول مرة الاقى مكان محترم ياخد تكاليف الفيزا من اللى هيشتغل فيه. ده مش معناه ان المستشفة كويسة او سيئة. انا ماعرفش غير الكلمتين اللى قولتهم

بالنسبة لاسم المستشفة ما اقصده هو سعد او السعد - المستشفى الشهيرة بالخليج وليس مستوصف صغير .. تاكد من انها هى مستشفى سعد وبعد ذلك حاول تجيب معلومات من داخل المكان وليس من مريض او زائر زارها ولاقى الناس بتضحك فى وشه

شكرا جزيلا

[MZohairy]

المستشفى نفسها فيها دكاتره كتير مرتاحين و بقالهم سنين طويله

بس المشكله في اللي بيتعاملوا مع معن الصانع شخصيا عشان هو انسان طويل اللسان كما اسلفت

[أسد]

يا جماعة لما يسئل حد عن مكان معين لازم نحاول نقوله على معلومات صحيحة. مش معنى ان المكان كبير وفخم يبقى الناس اللى فيه وضعهم كويس .. واعتقد اللى اشتغل شهر واحد فى السعودية عرف الموضوع

اول مرة الاقى مكان محترم ياخد تكاليف الفيزا من اللى هيشتغل فيه. ده مش معناه ان المستشفة كويسة او سيئة. انا ماعرفش غير الكلمتين اللى قولتهم

بالنسبة لاسم المستشفة ما اقصده هو سعد او السعد - المستشفى الشهيرة بالخليج وليس مستوصف صغير .. تاكد من انها هى مستشفى سعد وبعد ذلك حاول تجيب معلومات من داخل المكان وليس من مريض او زائر زارها ولاقى الناس بتضحك فى وشه

شكرا جزيلا

أنا أعمل في المجال الطبي .. وأعرف ما أقوله ..

مستشفى سعد التخصصي من أفضل الأماكن التي من الممكن أن يتعاقد معه أي طبيب في السعودية .. إن لم يكن الأفضل ..

أنا أتكلم عن معرفة وخبرة في هذا المجال ..

ولي قريب مهندس يعمل في شركة سعد للمقاولات .. الناس زي الفل هناك ..

الرواتب أعلى من أي مكان .. فإذا كان سيتحمل الموظف 1000 ريال كل سنة رسوم الإقامة .. وجزء من رسوم ترخيص مزاولة المهنة .. فهذا لا شئ ..

بلاش تعقيد الأمور علشان حاجة بسيطة ..

[madzoro]

لازم يتاكد الاول هل هي مستشفى سعد اللي ذكرتوها ام تشابه اسماء (يكون مستوصف سارق الاسم مثلا وضاف الف و لام )

[Dr.mmfriend]

السلام عليكم ورحمة الله

الساده الافاضل جزاكم الله خير الجزاء

هيا فعلا مستشفي السعد نفسها الى الموقع بتاعها موجود في مشاركه الفاضل اسد

انتم كده شجعتمونى انى اسيب عقد الحكومى المعفن بتاع المناطق النائيه ده

وان شاء الله امشي مع مستشفي سعد اشوف الامور هتوصل لايه

وزى ماحضراتكم قلتم اذا كانوا بيطلبوا منى تكاليف الاقامه فهم فعلا بيدفعوا مرتب ينسيك الحاجات الهايفه دى

بصراحه لما الراجل كتب الرقم فى العقد انا اندهشت بشده وعمرى ما توقعت مرتبات كده لواحد ممارس عام

ان شاء الله اصلي استخاره النهارده واروح بكرة مكتب العمل الغى التاشيرة بتاعه الحكومه

شكرا لحضراتكم جميعا

مع العلم انى مش هشتغل في مستشفي سعد نفسها ولكن فى عياده تابعه ليها في مصنع في مدينه الجبيل تقريبا

اتفقوا معايا على كده

وانا موافق ومفيش مشاكل عندى من كده طالما هيدفعوا كويس

والسلام عليكم ورحمة الله وبركاته

اخوكم

د.أحمد

[capitshino]

ربنا يوفقك ويكرمك يا رب

الاخ اسد .. اعتقد كلنا نحاول مساعدة بعض هنا وعندما اعلق على موضوع فلا اقصد انك على علم ام لا ولكن ما قصده هو ان الراجل قدامه عرضين ومنهم واحد بالحكومة .. فكنا نحاول ان نوصل له المعلومات دقييقة. لانى اعرف ناس هنا بيشتغلو فى بن لادن - وتعلم جيدا من بن لادن - وبياخدو مرتبات سيئة جدا. والعكس طبعا

واعرف ناس بيشتغلو فى محلات مكاتب صغير او شركات مقاولات صغير ومبسوطين جدا ومستقريين

امابالنسبة للاقامة ففعلا حاجة غريبة والمشكلة مش فى 1000 ريال - ده مبلغ تافه - انما فى المبدا نفسه

على العموم نرجو التوفيق للاخ ولك عزيزى اسد

والسلام عليكم.

[Dr.mmfriend]

السلام عليكم استاذ كابتشينو

بخصوص الفيزا فهما قالوا الفيزا عليهم

كل الى طلبوه منى اقدم لامتحان الهيئه السعوديه وانجح فيه

والاقامه عليا

وانا الحمد لله اتاكدت انها مستشفي سعد التخصصي بالخبر نفسها

وليس مستوصف سارق الاسم والحمد لله

دلوقتى فيه بس استفسار صغير

يعني ايه 3 شهور تجربه؟؟؟

يعني مش هاخد فيهم مرتب؟؟

ولا مرتب اقل؟؟

ولا المرتب بييجي باثر رجعى؟؟

وتفرق ايه اول 3 شهور بالظبط؟؟؟؟؟؟

ارجو الرد لانى نسيت استفسر منهم بصراحه

كمان هما قالوا بتاخد بدل سكن 3 شهور او تسكن في سكن تابع للمستشفي

السؤال بقي انا بختار البدل او السكن ؟ ولا هما بيختارولى؟؟؟

واسف للاطاله

وافادكم الله ووفقكم جميعا

والسلام عليكم ورحمة الله وبركاته

[أسد]

ربنا يوفقك ويكرمك يا رب

الاخ اسد .. اعتقد كلنا نحاول مساعدة بعض هنا وعندما اعلق على موضوع فلا اقصد انك على علم ام لا ولكن ما قصده هو ان الراجل قدامه عرضين ومنهم واحد بالحكومة .. فكنا نحاول ان نوصل له المعلومات دقييقة. لانى اعرف ناس هنا بيشتغلو فى بن لادن - وتعلم جيدا من بن لادن - وبياخدو مرتبات سيئة جدا. والعكس طبعا

واعرف ناس بيشتغلو فى محلات مكاتب صغير او شركات مقاولات صغير ومبسوطين جدا ومستقريين

امابالنسبة للاقامة ففعلا حاجة غريبة والمشكلة مش فى 1000 ريال - ده مبلغ تافه - انما فى المبدا نفسه

على العموم نرجو التوفيق للاخ ولك عزيزى اسد

والسلام عليكم.

مفيش مشكلة أبداً ..

ربنا يوفق الجميع

[زعلان]

الثلالث شهور تجربة هي فترة عادية بتاخد فيها كل حقوقك كاملة لكن يحق لهم خلال هذه الفترة الاستغناء عن خدماتك كونك غير مناسب لكن من ناحية الحقوق فانت موظف كامل الحقوق ولازم تتأكد منهم كمان عادة فترة التجربة روتين شكلي و بتعدي عادي الا في حالات نادرة نتيجة اهمال شديد او التسبب في مشاكل او خسارة ما بخلاف ذلك مفيهاش حاجة

بالتوفيق ان شاء الله

[سهران]

كمان هما قالوا بتاخد بدل سكن 3 شهور او تسكن في سكن تابع للمستشفي

السؤال بقي انا بختار البدل او السكن ؟ ولا هما بيختارولى؟؟؟

وافادكم الله ووفقكم جميعا

والسلام عليكم ورحمة الله وبركاته

طالما الراتب ما شاء الله كبير أعتقد الثلاث شهور أفضلك و تسكن على هواك أفضل خاصة لو معاك عائلة .... لكن أحترس لأن السكن غالي جدا في مدينة الجبيل... أضم صوتي للأخوان المستشفى عامل زي الفندق الخمس نجوم ما شاء الله و المدرسة كمان رائعة جدا ..... أتوكل على الله و ربنا يوفقك .

ثلاث شهور أختبار هو شرط عادي في كل العقود و مل يقلقكش كما أشاروا الأخوة .

[فولان بن علان]

ربنا يوفقك يا دكتور

واضح من كلامك إن التعاقد فقط مع المستشفي

والعمل الحقيقي في عيادة مصنع

يعني مش ها تفرق كتيير عن عيادات الحكومة

وإن كنت أفضل عيادات الحكومة

إلا في المناطق صعبة المعيشة

المفاضلة والترجيح في الراتب

التوتال

يعني بدل السكن والأجازة ومكافئة نهاية الخدمة

مصاريف دخول الامتحان للممارس العام 900 ريال وللأخصائي 1200

حاول جاهدا دخول الامتحان في مصر

معلوماتي تقول إنه ممكن وفيه دكاترة امتحنوا في مصر

وهذا أفضل كثيرا حتى تتفرغ ذهنيا

كمال أنه ورقة تفاوض لصالحك

الأفضل يكون العقد سنة فقط

لا تستسلم للعمل كطبيب عام

وحاول تسجل دراسات عليا قبل السفر في أي تخصص

ها تفرق معاك

ربنا يوفقك

[maged zaki]

يا دكتور / مستشفى سعد على الرغم من سمعتها الشهيرة

الا ان معدل الترن اوفر بها عالي جدا جدا خلي بالك من النقطة دي

[أسد]

يا دكتور / مستشفى سعد على الرغم من سمعتها الشهيرة

الا ان معدل الترن اوفر بها عالي جدا جدا خلي بالك من النقطة دي

ده بينطبق على الاستشاريين الكبار فقط ..

وده ليس عيب في المستشفى .. لكن لن الإستشاريين الكبار لهم حسابات أخرى ..

ليس هدفه أن يترك مكانه الأصلي كثيراً ..

بخصوص السكن ..

عليك وعلى سكنالمستشفى إذا كانت معك عائلتك ...

لا تتردد ..

[Dr.mmfriend]

السلام عليكم

جزاكم الله خيرا جميعا لارشادى

انا خلاص النهاردة وبحمد الله رحت مكتب العمل السعودي فى الدقى وقدمت طلب الغاء الوظيفه بتاعة وزارة الصحه

وطلبوا منى ارجعلهم كمان اسبوع استلم الباسبور وبقية اوراقى

واديني منتظر اى عقد تانى يكون افضل من انى اروح مناطق نائيه فى اول حياتى كده اتعقد او يجرالى حاجه

اما بخصوص الامتحان هما فعلا طلبوا منى اقدم وامتحن فى مصر في الامديست

وفهمت من كلامهم انه لا يوجد عمل حتى احضرلهم نتيجه الامتحان ناجح

قالولى حاول تدخل ولازم تنجح فى اسرع وقت

اما بخصوص السكن فانا كان سؤالى الاساسي مين بيختارهولى

ممكن يكونوا مجهزين مكان ليا على اساس يوفروا بدل السكن؟؟

ولا بيخيرونى

عموما هيا مش تفرق كتير لانى اعذب حاليا وحتى مش خاطب ( محدش عنده عروسه ؟؟؟)

وجزاكم الله خيرا جميعا

مش عارف اشكركم ازاى

كلامكم فعلا كان له عظيم الاثر انى اتخذت القراروسبت عقد وزارة الصحه الحكومى

ولا خاب من استشار ولا ندم من استخار

والسلام عليكم ورحمة الله وبركاته