Jeddah First Meeting

[mohamedta]

ادينى يا جماعة اهو فتحت الموضوع الى عندو اى اراء او اقتراحات للاخوة المقيمين فى جدة

يتفضل شاكرا بطرحها هنا و شكرا

[فالحة هانم]

السلام عليكم أخ mohamedta

بأشكرك على فتح الموضوع ده لأنه إن شاء الله حيفيد ناس كتير في جدة من كل النواحي سواء التعليم او الخدمات العامة او المشتريات أو البيع أو الوظائف .... الخ

واحب اشارك بموضوع اذا حد من الأخوة يقدر يفيد فيه . . It's OK

انا عارفة ان موضوع المدرسة اتفتح هنا في المنتدى قبل كده لكن اللي لسة متفتحش موضوع الحضانات .

لأني بأدور لبنتي ( سنتين وشهر ) على مدرسة خلال شهور الصيف أو Daycare تاخد من سن سنتين علشان بنتي تنطلق في الكلام اصلها لسة ما بتقولش غير ماما وبابا بس وشوية كلمات يا إما اول حرف فيها او حرف في النص او الآخر اللي بيطلع معاها يعني

كتير قالوا لي طبعا علشان مش بتشوف اطفال .. دي يا عيني لما بتشوف ناس غيري انا وبباها بتكتشف ان الكون مش مقتصر علينا احنا بس ... لأ .. ده فيه اشكال وألوان تانية !!! :lol:

ده اول اقتراح انا بأكتبه ان احنا نجمع اسماء المدارس والحضانات بمصاريفها وأماكنها ومستوها التعليمي إذا أمكن .... وشكرا

[mohamedta]

الاخت فالحة ازيك؟

فى الواقع انا فتحت الموضوع ده على اساس نعمل اجتماع لكل المصريين الى عايشين فى جدة

و لكن ردا على موضوعك اعتقد ان الحضانات مش منتشرة فى جدة اوى بالنسبة للمصريين

نفس الحالة للمدارس

بس فيه فرصة كويسة لو الزوجة بتشتغل فى مدرسة انها تضع الاطفال فى حضانة خاصة بالمدرسة و اعتقد معظم الاجانب بيعملو كده فى جدة

شكرا

[لخبطه]

منورين ياجماعة وشكرا استاذ محمد على فتح الموضوع

الأول غير عنوان الموضوع خليه عربي علشان يبقا متاح للكل

ثانياً بخصوص عمل تجمع أو لقاء للجالية المصرية في أي مكان لي عليه ملاحظات

1- لازم نستفاد من التجارب السابقه بمعنى أنه لازم نقرا كويس المشاريع اللى سبقنا بيها أخونا ف الكويت وفي البحرين وفي قطر كل الناس دي عملت تجارب لازم نقرا ونشوفهم وصلوا لإيه . نجحوا . فشلوا . حماس شويه في الاول وبعدين هدوء. دا مهم جدا علشان لو كان فيه تجربه لينا نحاول ننجحها و يكون هدفها الفايدة للكل

2- الموضوع في تصوري لازم يكون كبير فكرة أننا نتجمع 20 عائلة في مكان واحد دا كلام مش مفيد أوي لان ال20 دول سهل تلاقيهم يعني أنا اللى معاك في المنتدي مش أحسن من جارك المصري ولا زميلك في الشغل ولا المصري اللى بيصلي جنبك في المسجد كلنا واحد الفكره بس التواصل والترتيب فلقاءنا يكون بشكل مرتب ودوري وله هدف وخطط كمان

3-الفوايد من اللقاء والتجمع كثيرة أوي لا حصر لها انا الخيال أخدني وحلمت نأجر مكان كبير بشكل نصف شهري أو شهري ويكون فيه مكان للعب الأولاد وخيالات كدا كتير .

4- لو قدرنا نعمل تشكيل من تبادل المنافع دا هيكون انجاز زي ثورة 19 كدا يعني إيه تشكيل منافع يعني يكون لنا هنا في كل مكان وكل دائرة حكومية او غير حكومية حد يفيدنا فيها ولو بالمشورة بس في كل المجالات ودا سهل لانه المصريين مشاءالله متشعبين يعني لو عايز اشترى جهاز كمبيوتر وانا أمي في الموضوع دا عايز حد شغال في المجال أو في المبيعات اخد منه بثقه أو على الاقل يقولى حد من المكان الفلاني بالسعر كدا

وصلت

[ELSHAMY]

وصلت يا لخبطة

أنا بعد أذنكم عاوز أكون المستشار الطبى...

وصلت...؟؟

[abaomar]

السلام عليكم

الاخوه الكرام جزاكم الله خيرا

و انا معاكم فى توفير الادويه مجانا اذا كانت متاحه عندى او لدى زملائنا فى السوق كعينات و على اقل تقدير فيمكن توفيرها باقل سعر ممكن الحصول عليه .

[زهرة البحر]

السلام عليكم ورحمة الله وبركاته

اخواتى واخوانى المصريين فى جدة

موضوع ممتاز جدا وفكرة كتير مفيدة ... واسمحو لى ان اشارك ببعض الافكار العملية واتمنى ان تسهم فى نجاح هذه الرابطة

اولا : انا مع راى الاخ لخبطة فى معرفة تجارب الاخرين الاخوة المصريين فى قطر والبحرين لمعرفة المشاكل التى تعرضوا لها وتجنبها وتقويم نقاط الضعف لديهما

ثانيا :اول شىء لابد ان يتخذ فى الاعتبار هو النظام ثم النظام ثم النظام ثم النظام حتى لا يبوء هذا المشروع بالفشل منذ البداية ومن اول خطوة فى النظام يتحتم علينا اختيار شخص ليكن هو المسؤول على جمع اسماء المشاركين وليكن الاخ mohamedta صاحب الموضوع او من يكون اكبر سنا واصلح لهذه المسؤولية وربما نختار عضو مؤقت ثم بعد الاجتماع والتعرف على بعضكم تقومو بنتخاب عضو يصلح لهذه المسؤولية .

ثالثا : وهذه مهمة ايضا يجب عدم اختلاط السيدات بالرجال منعا للمشاكل وللحفاظ على شرقيتنا غير انه حرام

رابعا : ارى ان يقوم المسؤول المختص منكم بعمل استمارة بسيطة لكل عضو يتم ملىء بياناته مثل :

( الاسم - الوظيفة - رقم الجوال (ولا داعى الى رقم المنزل )- الخدمات المتاحة التى يستطيع القيام بها مبدئيا .... وممكن اضافة اى بيانات اخرى طبعا .

خامسا : ارى انه لا داعى لتاجير مكان الان حتى يتم بدء هذه الرابطة بشكل منظم .

سادسا : من الممكن عمل لائحة للخدمات والمهام التى يمكن ان تقدمها هذه الرابطة فى اطار عمل تطوعى وليس اجبارى ولابد ان يلتزم بها الاعضاء كافة

سابعا : ارى ان تكون الاجتماعات الاولية قاصرة على الرجال فقط فى البداية حتى يتم وضع البنود الاساسية والاتفاق على الاعضاء والمواعيد والمكان

ثامنا :لا يجب لاى عضو ان يجبر اى احد على القيام بمسؤولية معين او يتخذ من نفسه شخصا مسؤول على مهام بعينها حيث ان كل شىء اختيار وعمل تطوعى

تاسعا :اتمنى ان تكون جميع هذه الاعمال فى اطار الرجال وليس معنى كلامى هذا هو التقليل من شان السيدات هنا بالعكس فان اعطت الفرصة لى تمنيت ان اكون مسؤولة عن هذه الرابطة ولكن صدقونى الاختلاط يولد الكثير من المشاكل ونحن فى غنى عنها ولكن للسيدات هنا دور مهم جدا فى هذا التجمع وهو الاهتمام بما يخصنا نحن ونستطيع مناقشة ذلك من خلال تجمعنا نحن السيدات

اتمنى ان اكون افدتكم فى ارائى وانها مجرد مقترحات شخصية بناءا على تجاربى وخبراتى العملية سابقا

تحياتى لكم جميعا

[زهرة البحر]

السلام عليكم ورحمة الله وبركاته

الاخت فالحة هانم

عزيزتى بمناسبة الحضانة

لى مداخلة بسيطة هنا ويمكن الموضوع مش مناسب بس قولت اعمل المداخلة دى

انا بدور على شغل ومن زهقى معرفتش اودى العيال فين قولت طيب ما اعمل زى حضانة عندى فى البيت واستضيف الاطفال يلعبوا مع اولادى واهو برده تغيير جو لهم

فالموضوع قيد الانشاء والتفكير والفحص والتمحيص ولسه ماخدتش قرار ومش عارفة اكمل ولا لا

وبالمناسبة ايه رايكم برده هنا فى المنتدى ممكن نصيحتكم

تحياتى لكم جميعا

[mohamedta]

بسم الله الرحمن الرحيم

اولا انا بحى الاخت زهرة البحر على مشاركتها معانا

مع انى ليا بعض الملاحظات على كلامها

بس مفيش مشاكل خالص فى معظم الاراء الى الاخت طرحتها

المشكلة انى فعلا مشغول جدا و كنت اتمنى ان احنا نعمل اول اجتماع لينا قبل يوم 23 من شهر 7 عشان انا هبقى خارج المملكة

طيب مبدئيا

انا ضد موضوع ان الاجتماعات ديه تاخد اى شكل رسمى انا عايز ابعد عن التعقيدات باى شكل من الاشكال

بهدف خدمة المصريين فى المملكة

بردو انا ضد موضوع الاجتماع ده يبقى للرجال فقط انا عارف ان احنا فى السعودية بس احنا مصريين

مش معنى كده انى اقصد ان احنا نخالف الشريعة او اصول الدين او اى حاجة بس بهدف المشاركة بردو احنا مش

بنعمل الاجتماع ده عشان جزء واحد من المجتمع المصرى الى عايش فى جدة

الاجتماع ده بهدف مساعدة و حل مشاكل المصريين فى جدة و اذا كان فى اى مشاكل من الاختلاط فهيتم التعامل معاها بسرعة

و مبدئيا انا راى اذا كان فى اى شخص يرغب المشاركة بهدف الاختلاط فده لوحده هدف اجتماعى كويس من اختلاط للعائلات المصرية

فى جدة مع مراعاة " العائلات " اما بالنسبة لللاشخاص الغير مرتبطين فهم دائما مرحب بيهم من الجنسيين و لكن فى حدود تقاليد

المتعارف عليها انا مش عايز ابقى رسمى اوى بردو عشان الهدف ميضعش

أى حد يرغب فى الاشتراك و حضور اول اجتماع

ممكن يرسل الى رقم الموبايل و الاسم و السن و الوظيفة

و سوف يتم اعلان تحديد ميعاد و مكان اول مقابلة لينا و اعتقد ممكن بعد كده

نحضر فى الاجتماع النقط الاساسية الى ممكن نبتدى منها

و شكرا

[زهرة البحر]

السلام عليكم ورحمة الله وبركاته

الاخmohammedta

مشكور فعلا على اهتمامك ولكن الواضح ان حضرتك مش فهمتنى

اكيد من الصعب الموضوع ياخد شكل رسمى بحت ولكن هذا لم يمنع وجود عنصر النظام

وموضوع عدم الاختلاط فانا اقصد يا سيدى ببساطة كده ومن الاخر لو حصل اجتماع مثلا وحضر فيه كل واحد مع اسرته واولاده قولى كده حتقدر سيادتك تتكلم فيه او تتفق لمدة نص ساعة على بعضها وخصوصا لوحضرتك بقى متزوج ومعاك طفل او اتنين .. فده كان مبررى الاول فى تجمع الرجال فى البداية بمفردهم حتى يتموضع الهيكل الرئيسى لهذا الاجتماع ..

ثانيا

اقصد من عدم الاختلاط هو مثلا كده يعنى ببساطة خالص ان حصل وكان التجمع فى هيبر باندة حيبقى الرجالة على منضدة والسيدات جنبهم على منضدة اخرى ايه المشكلة فى دى

وحضرتك بتقول

بردو انا ضد موضوع الاجتماع ده يبقى للرجال فقط انا عارف ان احنا فى السعودية بس احنا مصريين

يعنى ايه احنى مصريين معانها يبقى الاختلاط ونتعرف بقى على بعض وكل واحد يعرف زوجته واولاده على المجتمعين ويبقى فى اختلاط

هى دى بقى السمة المميزة فى المصريين يعنى

معلش انا مش معاك فى وجهة النظر دى وحتى ان كانت شىء عادى بينا كمصريين فى مصر لكنها يا اخى ضد الشريعة والدين غير صدقنى بتولد كثير من المشاكل نحن فى غنى عنها

على العموم

ده كان راى واهو مجرد راى ليس الا والنهاية لك مطلق الحرية

بس ياريت نبنى كل شىء على اساس الشريعة لانها اساس حياتنا سواء فى مصر او حتى فى المريخ

تقبلو تحياتى

[فالحة هانم]

وعليكم السلام ورحمة الله وبركاته . . يا أخت زهرة البحر ;)

والله انا أحييكي واشجعك جدا على موضوع الحضانة اللي في البيت . . لأنها مطلوبة أوي . . وأهم حاجة يكونوا ناس ثقة ومفيش طبعا احسن من أعضاء المنتدى ..

فتوكلي على بركة الله واحجزي لبنتي معاكي كرسي في الصف الأول :P

اعملي استخارة وربنا يعمل لك اللي فيه الخير . . سلام

[mohamedta]

الاخت زهرة البحر ياريت تكملى السطر يعنى بلاش تاخدى مقطع واحد من كلامى و تردى عليه ناخد الموضوع كله احسن

كمان ايه المشكلة لما يبقى فيه عائلات و اطفال يعنى هما مش مصريين و لا من وجهة نظرك المصريين مفيهمش اطفال؟؟؟

شكرا على رايك

[ترنيم]

السلام عليكم

منورين كلكم يا جماعة والله فكرة جميلة

أنا واسرتى ان شاء الله معاكم بس أول ما نيجى جدة ان شاء الله وادعوا لنا بالخيؤ لنا ولكم وللمسلمين

الأخت زهرة البحر سعيدة جدا بكلامك واقتراحاتك

[ترنيم]

السلام عليكم

منورين كلكم يا جماعة والله فكرة جميلة

أنا واسرتى ان شاء الله معاكم بس أول ما نيجى جدة ان شاء الله وادعوا لنا بالخير لنا ولكم وللمسلمين

الأخت زهرة البحر سعيدة جدا بكلامك واقتراحاتك وجزاكى الله كل خير

[ABOU OMAR]

السلام عليكم و رحمة الله و بركاته

والله فكرة أكثر من رائعة و نسأل الله أن تعود بالفائدة علينا

و أنا مع رأي الأخت زهرة البحر فيما يخص عدم الإختلاط و هذا لا يعارض النفع الذي تراه أخي mohamedta فليس التعارف بين الرجال و النساء مرادفاً للنفع بل العكس و ربما تعود لقراءة هذا الرابط ففيه الإفادة

و كل رب أسرة مسئول عن إيضاح و توصيل وجهة نظر أهل بيته و هذه ليست بمشكلة إن شاء الله خصوصاً أن متطلبات الأسر المصرية عادة مسئول عنها الرجال في المقام الأول .....

و عموماً اختلاف وجهات النظر أراه صحياً قبل بدء الإجتماعات فعلاً لتلافي أي مشاكل قد تحدث لاحقاً

المهم تفاعل أكبر عدد ممكن من الأعضاء مع هذه الفكرة.

و جزاكم الله خيراً.

[لولا]

وعليكم السلام ورحمة الله وبركاته . . يا أخت زهرة البحر :)

والله انا أحييكي واشجعك جدا على موضوع الحضانة اللي في البيت . . لأنها مطلوبة أوي . . وأهم حاجة يكونوا ناس ثقة ومفيش طبعا احسن من أعضاء المنتدى ..

فتوكلي على بركة الله واحجزي لبنتي معاكي كرسي في الصف الأول

اعملي استخارة وربنا يعمل لك اللي فيه الخير . . سلام

اختى العزيزة زهره البحر.. قبل اى حاجة بحيكى فعلا انك بتفكرى تستغلى وقتك وطاقاتك بشكل ايجابى

واتمنى ليك كل نجاح ومشروعك ده بيفكرنى بمشروع ماما زمان عملته لما كنت لسه فى الإعدادى

فكرت تفتح حضانه فى البيت وطبعت اعلان ظريف عنها(منشورات :blink: ) وبعدين رزقها ربنا بكام طفل

كده من الذ والطف الأطفال اللى فى العالم :lol: ..كانوا والحق يقال وجودهم فى بيتنا زى النسمة.. بس النسمه اللى بتبقى وسط التراب :wub: .. كركبه وشقاوة مقدرش اوصفها.. وماما ياعينى تحايل فى دا شويه ودا شويه.. ولا لعب معاهم نافع ولاكرتون نافع..وكانت شغاله تنظفلهم ولا مؤاخذه ..وتأكلهم ونرجع احنا نلاقيها

على اخرها.. لغايه ما ربنا ستر وخلص الشهر وقفلت الحضانه .. ولغايه دلوقت بتحاول تنسي اللى حصل mfb:

الحكمه بقى من الحكايه دى انك تتأكدى تماما من ان الأولاد اللى حتيجى دى ميبقوش معجونين بمية العفاريت md2:

[لولا]

وعليكم السلام ورحمة الله وبركاته . . يا أخت زهرة البحر :blink:

والله انا أحييكي واشجعك جدا على موضوع الحضانة اللي في البيت . . لأنها مطلوبة أوي . . وأهم حاجة يكونوا ناس ثقة ومفيش طبعا احسن من أعضاء المنتدى ..

فتوكلي على بركة الله واحجزي لبنتي معاكي كرسي في الصف الأول :)

اعملي استخارة وربنا يعمل لك اللي فيه الخير . . سلام

اختى العزيزة زهره البحر.. قبل اى حاجة بحيكى فعلا انك بتفكرى تستغلى وقتك وطاقاتك بشكل ايجابى

واتمنى ليك كل نجاح ومشروعك ده بيفكرنى بمشروع ماما زمان عملته لما كنت لسه فى الإعدادى

فكرت تفتح حضانه فى البيت وطبعت اعلان ظريف عنها(منشورات :lol: ) وبعدين رزقها ربنا بكام طفل

كده من الذ والطف الأطفال اللى فى العالم :wub: ..كانوا والحق يقال وجودهم فى بيتنا زى النسمة.. بس النسمه اللى بتبقى وسط التراب mfb: .. كركبه وشقاوة مقدرش اوصفها.. وماما ياعينى تحايل فى دا شويه ودا شويه.. ولا لعب معاهم نافع ولاكرتون نافع..وكانت شغاله تنظفلهم ولا مؤاخذه ..وتأكلهم ونرجع احنا نلاقيها

على اخرها.. لغايه ما ربنا ستر وخلص الشهر وقفلت الحضانه .. ولغايه دلوقت بتحاول تنسي اللى حصل md2:

الحكمه بقى من الحكايه دى انك تتأكدى تماما من ان الأولاد اللى حتيجى دى ميبقوش معجونين بمية العفاريت md2:

على فكره.. مش قصدى خالص بنت العزيزة فالحة هانم. الناس اللى فى المنتدى هنا قمة فى الذوق الأصاله..

الناس اللى هنا فيهم شيء غريب جدا يخليك ترتبط بيهم وتحبهم وتحس انهم اعز اصدقاءك. انا كنت ديما مجرد زايره للمنتدى.. بس فى لحظة حسيت انى مش عايزة افضل كده بعد النهارده انا عايزة اتكلم مع كل واحد فيكم واشم فيكم ريحة مصر واصالة ولاد البلد فى مصر..ولاد البلد اللى بجد اللى ضاعوا مننا فى زحمة

كل شيء سلبى.. وكل نفس مخنوق.

[زهرة البحر]

السلام عليكم ورحمة الله وبركاته

الاخت فالحة هانم اهلا بيكى من كل قلبى ولبنوتك ربنا يخليهالك يارب

انا خلاص حجزتلها مكان يلا تشد حيلها وتكبر وانا حاخدها

الاخت لولا

اهلا بيكى وبنصايحك الجميلة دى بس انا لى ملحوظة وياريت اعرف رايك برده

اولا انا محددة السن من 3 سنوات لغاية 5 علشان البامبرز ليس عندى اى استعداد لذلك

ثانيا الاولاد من فئة معينة علشان المستوى الاجتماعى والتعليم يبقى متقارب

وعلى فكرة الموضوع مش مجرد حضانة لا انا ناوية احفظهم قران واعلمهم سلوكيات ووقت جميل برده نقضيه سوى

انا فعلا حبدا الاسبوع القادم بطفلة وحابدا التجربة وربنا ييسير

وحاجرب ودعواتكم

معلش الكلام هنا ليس مكانه واتمنى ان القاكم فى موضوعى الجديد " تعالو يا مصريات نتكلم شوية

فى رعاية الله

[mohamedta]

السلام عليكم

انا بقالى فترة لم اكتب فى الموضوع ده تانى لان واضح ان مفيش اهتمام كفاية بعمل تجمع للمصريين فى جدة

على كل حال الموضوع لسه مفتوح و الامل كبير ان فى يوم من الايام المصريين ممكن يتحدو فى الغربة

انا كان عندى استفسار لو حد يقدر يرد عليا فيه

دلوقتى شركة سما لما فتحت باب الحجز و عملت تذاكر مخفضة للاسكندرية انا حجزت ليا و لمجموعة كبيرة من زمايلى فى الشغل

" تقريبا خدنا الطيارة " هاهاها

كان الواحد رايح جاى يعملو حوالى 700 ريال

دلوقتى المبلغ ده وصل ل 2000 ريال زيها زى السعودية مش عارف ليه الواحد ممكن يدفع المبلغ ده لو ممكن يستريح فى السعودية احسن

سوالى لو حد يعرف على العيد كده ارخص تذاكر ممكن تتجاب منين و ازاى و كده و هتبقى فى حدود كام على اساس الواحد يحجز دلوقتى قبل الزحمة

و على فكرة انا سمعت ان ناس بردو فتحت بس المبلغ مقارب لسما

ارجو الافادة و شكرا