أكلة قديمة جدا - ليست طبق رئيسى لكنه الوحيد الذى أفتقده - برام رز

[بندق أفندى]

برام الرز

الطريقة سهلة للغاية ..

نجهز البرام ونقيس مقدار الأزر فيه بالثلث .. ثم ننقل الأرز لوعاء لغسله

نضع قطعة زبد بالبرام ونضعه بالفرن

نغلى لبن مضاف له ثلثه ماء ونضع فيه الملح ليذوب

بعد غسيل الأرز نعيده للبرام الذى سخن فى الفرن ونقلبه مع الزبد التى انصهرت

ثم نضيف اللبن المغلى المملح

لمن يريد يضيف قشدة بسيطة على الوجه

ثم نضعه فى الفرن

عندما ينضج اذا احتاج لبن نضيف له مرة أخرى قليلا .. وعن تمام نضجه نغطيه بطبق ليعرق ويكون طريا ولذيذا

يمكن تقليل كمية الأرز للنصف ووضع سكر مع اللبن بدل الملح واضافة الزبيب للأرز للحصول على برام أرز حلو .. بيكون مؤثر فى النافوخ

وبالهنا والشفا

[زهرة الجبل]

ما شاء الله شكله تحفه يا أخ بندق

أنا بعمله كده بس بنقع الرز بعد غسله و تصفيته ... بنقعه في الحليب قبل التسويه

ينقع في نفس الإناء الذي سيتم التسويه فيه

ثم أضيف الذبد و الملح و القشطه مع بعض و ملعقه صغيره فقط من السكر

شكراً لوصفتك و جرب وصفتي

و منتظرين من حضرتك وصفة الريجيم و وصفة حرق السعرات الحراريه كما وعدتنا

تحياتي

أم كريم

تم تعديل 25 يونيو 2008 بواسطة زهرة الجبل

[بندق أفندى]

ما شاء الله شكله تحفه يا أخ بندق

أنا بعمله كده بس بنقع الرز بعد غسله و تصفيته ... بنقعه في الحليب قبل التسويه

ينقع في نفس الإناء الذي سيتم التسويه فيه

ثم أضيف الذبد و الملح و القشطه مع بعض و ملعقه صغيره فقط من السكر

شكراً لوصفتك و جرب وصفتي :wub:

و منتظرين من حضرتك وصفة الريجيم و وصفة حرق السعرات الحراريه كما وعدتنا

تحياتي

أم كريم

الله يخليكى يا أم كريم .. طبعا طبخ البرام ده فى الفرن البلدى يختلف تماما عن طبخه فى البوتاجاز .. وبيكون طعمه مختلف تماما .. خصوصا لو غرقان فى القشطة اللبانى ..

كمان بالنسبة للوصفات .. دايما أفضل أقصر طريق للوصول للمطلوب .. وطالما بيعطى أفضل النتايج يبقى كده استقرت الطبخة :blink: wst:: :bro:

[ريتاج الخير]

ايه الجمال ده على فكره انا هقوم اعمله

[هدوء الليل]

ما شاء الله شكلها بصراحة يفتح النفس وطيبة .

الف شكرا على الوصفة اللذيذة والصورة التي ترينا النتيجة النهائية .

[بندق أفندى]

ما شاء الله شكلها بصراحة يفتح النفس وطيبة .

الف شكرا على الوصفة اللذيذة والصورة التي ترينا النتيجة النهائية .

عملته أمس .. بصراحة هو الأكلة اللى لما يكون مظبوط .. لازم أقول شيلوه من قدامى أحسن أموته

[لولا]

على فكره بما انك فى السعوديه بقالك فتره .. تخيل انا كنت اعرف اكله سعوديه اسمعها " سليق " وهى بردو رز باللبن والقشطه لو حب حد يزود بيتعمل على ميه سلق اللحمه او الفراخ ,, الأكله دى مره كنت انا وجوزى معزومين عن ناس ومحبش ياكل منها .. لما شفت الطبق دا هنا - على فكره اول مره اعرف انه مصرى - رحت قلتله دا طلع عندنا اكله مصريه زيها بالضبط زر ولبن ، رايح قيلى يعنى رز معمر ؟!! :)

فشرحتله الأكله دى حسب ما انتا كاتب طريقتها.... انا مستغربه جدا انى انا وهومكناش نعرف الطبق دا قبل كده وانه مصرى

مش قلتلك ومنكم نتعلم يابندق افندى

[الباشمهندس ياسر]

يا استاذ بندق

مش هو ده الرز المعمر

ولا انا فاهم غلط

[لولا]

يا استاذ بندق

مش هو ده الرز المعمر

ولا انا فاهم غلط

يوووووووووووووووووووووووه طار الرد اللى كنت كاتباه هضطر اكتب تانى .

ماعلينا ..

المهم هو اصلا للعلم الرز المعمر دا مش بيبقى اسمه طاجن رز معمر ؟؟ اصل بصراحه احنا مش كنا بنعمله فى بتنا وانا بالتالى مش خبيره فيه

شفته مره عند ناس كنا معزومين عندهم والقعده كانت بط ووز ومحاشي ورز معمر .. بس بردو مكلتوش :)

وحيث انى مش عارفه هل كلمه برام يعنى طاجن .. فانا مش عافه هما دول نفسهم ولا لأ

وكمان مش عارفه يعنى ايه برام اصلا

ومحدش يتريق ,, ادى آخره تربيه الخليج كل فتره اكتشف انى فى كلمه انا مش بعرفها وبيبقى شكلى بايخ جدا

انا قلت استعين بصديق روحت ندهت جوزى يبص ويقولى دا رز معمر ..

راح قيلى ايييييييييييييييييييييييييه ؟ يعنى تفتكر قالى ايييييييييييييييه ؟؟

قالى مش عارف

مهو كمان تربيه الخليج ومامته مكنتش بتعمله فى البيت وبردو مره كلو عن ناس بردو وزمان ومش فاكر :oops:

احم احم ياريت حد يفتينى فى الفرق .. بس لو سمحتو من غير تريقه .. انا لسه مبتدئه فى مشوار المطبخ ومعرفش الأصناف دى من اساسات اساسه.

ومحدش يقول لحماتى عشان هى كده كده مستنيالى على تكه وحتقول ان ابنها عايش من غير اكل وانه خس من ساعه ما اتجوزنا

ولما اقولها ياطنط دا زاد خمسه كيلو تقولى دول عضل يالولا هو مش كل اسبوع بيروح يصطاد فى البحر مع صحابه.

انا طبعا مبردش اصل آخر الدراسات اللى عاملها طنط (حماتى ) بتقول ان القعده جنب الصناره خمس ساعات وتأمل البحر بتطلع عضل !!

يعنى انا حفهم اكتر منها ... ما علينا هو انا خرجت عن الموضوع ولا ايه md2:

بفكر افتح موضوع منفصل اسميه انا وحماتى والقنبله الذريه :cry:

يالله مستنيه حد ينور طريقى ويزيح الغمامه من على عينى .. انتا فين يا سكوب ياخبير الملوخيه

تم تعديل 20 فبراير 2009 بواسطة لولا

[لولا]

يعنى محدش حتى حن عليا بإزاحه الغمامه :)

طب هو برام دا قريب الكازارولا

امممممم خلاص بعد التدقيق اعتقد دا رز معمر .. ومعمول فى طاجن فرن ... ومتشكره .

وياريت يا بندق تبقى تستعمل الكلمه مع الترجمه بعد كده عشان تعبت وانا بدور فى القاموس

ادينا بقى وصفه بقيه الطواجن

[alsaher]

من الصورة كده ، أنا حاسس إنه هو نفسه الرز المعمر

انا فاكر كنت بأتغدا مره في إسكندريه

وكان إقتراح من الصديق المرافق إنه نتغدا في مطعم إسمه بلبع في إسكندريه

طبعا انا كنت ما أعرفش المطعم وقلت نجرب

وأصر (قصدي ألح) إني أطلب رز معمر جنب الأكل ، علشان أجرب

وانا صدقته

وكان منظر الطبق تماما زي الصورة

لكن ماقدرتش آكل منه غير نص معلقه :blink:

لأنه دسم بصورة عجيبه ،وانا مش صحبه مع الدسم :happy:

تسلم إيديك يا أستاذ بندق

[بنت بلد]

طبعا يا عم بندق افندى انا عارفاه ومن احب الاكلات عندنا

بس بصراحه كنت ناسياه وبقالى كتير ما عملتوش

والصورة اللى سيادتك جايبها فتحت نفسى انى اعمله

وهعمله ان شاء الله لانى بموت فيه

تسلم ايدك يا بندق افندى

تحيـــــــــــــــــــــــــاتى[وسط][/وسط]

[se_ Elsyed]

عندنا في الشرقية مجرمين في عمايل طواجن الرز المعمر ولو إنت جدع حاول تاكل أكتر من خرطة رز 10 سم * 10 سم ...

بس قعدت طول عُمري ما أعرفش إن في طواجن رز معمر مالحه .. لإن في الشرقية لا نعرف غير الحلو .... عشان كده تلاقينا كلنا حلوين ... واللي عايز يحسن نسله يتجوز يا إما من المنصورة .. او إحنا من عندنا لإننا نأتي بعدهم في الحلاوة والجمال

لكن لما ناسبت المنايفة بقى - ربنا يجعل كلامنا خفيف عليهم - عرفت إن عندهم نوعين من البرامات دي .. مالح وحلو

كمان لقيت عندهم أكله غريبة بيستخدموها في أكل الطبيخ بدل الرز .. وهي " المبروم " او هو نفسه الكسكي المغربي ... بس مالح برضوا .. لدرجة كنت مستغرب الاول وبأقول في قرارة نفسي : هو الرز بتاعهم عامل كده ليه ؟ أتاريه مش رز .

واحد صاحبي متزوج من سعودية وزوجته صديقة لزوجتي وجت سيرة الطواجن والحركات دي فقال لي : ده مراتي هاتموت ونفسها تاكل رز معمر من كتر ما سمعت عنه ... وبعون الله أخوك في الحاجات دي ومن السمع بس وحياتك بروفيشينال لإنها مش كميا وكلها شغلانة تفتيح مخ وخفة إيد ونفس حلو .. روحت البيت ودخلت المعمل ومراتي تسألني طب قولي إنت بتعمل إيه وأنا أساعدك .. وأنا ولا هنا لإن بأحب أركز في عملي ... وروحت رازعهم عدد واحد طاجن رز معمر حلو ، وقابلته تاني يوم في الشغل ونفحته إياه .. جه تاني يوم وهو منشكح وعريض الفلنكات وقال لي إن الأولاد عيطوا من كتر الفرحة وحلاوة الرز المعمر ... بس للامانة رجع لي الطاجن وهو مليان لحمه ومحشي ورق عنب في الفرن ...

[بندق أفندى]

على فكره بما انك فى السعوديه بقالك فتره .. تخيل انا كنت اعرف اكله سعوديه اسمعها " سليق " وهى بردو رز باللبن والقشطه لو حب حد يزود بيتعمل على ميه سلق اللحمه او الفراخ ,, الأكله دى مره كنت انا وجوزى معزومين عن ناس ومحبش ياكل منها .. لما شفت الطبق دا هنا - على فكره اول مره اعرف انه مصرى - رحت قلتله دا طلع عندنا اكله مصريه زيها بالضبط زر ولبن ، رايح قيلى يعنى رز معمر ؟!!

فشرحتله الأكله دى حسب ما انتا كاتب طريقتها.... انا مستغربه جدا انى انا وهومكناش نعرف الطبق دا قبل كده وانه مصرى :happy: :blink:

مش قلتلك ومنكم نتعلم يابندق افندى :happy:

على فكرة يا مدام لولا حتى فى مصر مش كل مصر تعرفه .. مناطق مناطق .. وفيه اللى بيعمله مدفون فيه حمام وفيه اللى بيعمله مفون فيه لحم متسوى سابقا طبعا ..

بس حسب بروتوكولات عيلتنا بدون لحوم ..

ممكن يتعمل حلو .. ندوب السكر فى الحليب ونزوده شوية ويتحط معاه زبيب وقشطة زيادة شوية ويستوى بيكون شوية سائل .. طبعا مع فانيليا بيطلع رهيب الحقيقة ..

[بندق أفندى]

يا استاذ بندق

مش هو ده الرز المعمر

ولا انا فاهم غلط

هو يا يأفندم .. ومش بالضرورة يتعمل فى برام فخار ممكن يتعمل فى صينية حوافها عالية شوية نحاس أو ألومنيوم .. بس الفخار أحسن كتير

[بندق أفندى]

يا استاذ بندق

مش هو ده الرز المعمر

ولا انا فاهم غلط

يوووووووووووووووووووووووه طار الرد اللى كنت كاتباه هضطر اكتب تانى .

ماعلينا ..

المهم هو اصلا للعلم الرز المعمر دا مش بيبقى اسمه طاجن رز معمر ؟؟ اصل بصراحه احنا مش كنا بنعمله فى بتنا وانا بالتالى مش خبيره فيه

شفته مره عند ناس كنا معزومين عندهم والقعده كانت بط ووز ومحاشي ورز معمر .. بس بردو مكلتوش

وحيث انى مش عارفه هل كلمه برام يعنى طاجن .. فانا مش عافه هما دول نفسهم ولا لأ

وكمان مش عارفه يعنى ايه برام اصلا :unsure:

ومحدش يتريق ,, ادى آخره تربيه الخليج كل فتره اكتشف انى فى كلمه انا مش بعرفها وبيبقى شكلى بايخ جدا

انا قلت استعين بصديق روحت ندهت جوزى يبص ويقولى دا رز معمر ..

راح قيلى ايييييييييييييييييييييييييه ؟ يعنى تفتكر قالى ايييييييييييييييه ؟؟

قالى مش عارف md2:

مهو كمان تربيه الخليج ومامته مكنتش بتعمله فى البيت وبردو مره كلو عن ناس بردو وزمان ومش فاكر :sad:

احم احم ياريت حد يفتينى فى الفرق .. بس لو سمحتو من غير تريقه .. انا لسه مبتدئه فى مشوار المطبخ ومعرفش الأصناف دى من اساسات اساسه.

ومحدش يقول لحماتى عشان هى كده كده مستنيالى على تكه وحتقول ان ابنها عايش من غير اكل وانه خس من ساعه ما اتجوزنا :blink:

ولما اقولها ياطنط دا زاد خمسه كيلو تقولى دول عضل يالولا هو مش كل اسبوع بيروح يصطاد فى البحر مع صحابه.

انا طبعا مبردش اصل آخر الدراسات اللى عاملها طنط (حماتى ) بتقول ان القعده جنب الصناره خمس ساعات وتأمل البحر بتطلع عضل !!

يعنى انا حفهم اكتر منها ... ما علينا هو انا خرجت عن الموضوع ولا ايه smk:

بفكر افتح موضوع منفصل اسميه انا وحماتى والقنبله الذريه mfb:

يالله مستنيه حد ينور طريقى ويزيح الغمامه من على عينى .. انتا فين يا سكوب ياخبير الملوخيه :happy:

يعنى محدش حتى حن عليا بإزاحه الغمامه :closedeyes:

طب هو برام دا قريب الكازارولا :D

امممممم خلاص بعد التدقيق اعتقد دا رز معمر .. ومعمول فى طاجن فرن ... ومتشكره .

وياريت يا بندق تبقى تستعمل الكلمه مع الترجمه بعد كده عشان تعبت وانا بدور فى القاموس :closedeyes:

ادينا بقى وصفه بقيه الطواجن :rolleyes:

هو يا مدام الرز المعمر .. برام صينية طاجن .. حلة .. المهم انه بنفس الطريقة ..

وبعجين الكمة مع الترجمة .. ما هو فيه صورة أبلغ من أى ترجمة .. ومتأسفين يا فندم ..

واحنا تحت أمر حضرتك فى أى وصفة خصوصا لو افتكاسة ..

[بندق أفندى]

من الصورة كده ، أنا حاسس إنه هو نفسه الرز المعمر

انا فاكر كنت بأتغدا مره في إسكندريه

وكان إقتراح من الصديق المرافق إنه نتغدا في مطعم إسمه بلبع في إسكندريه

طبعا انا كنت ما أعرفش المطعم وقلت نجرب

وأصر (قصدي ألح) إني أطلب رز معمر جنب الأكل ، علشان أجرب

وانا صدقته

وكان منظر الطبق تماما زي الصورة

لكن ماقدرتش آكل منه غير نص معلقه :blink:

لأنه دسم بصورة عجيبه ،وانا مش صحبه مع الدسم :happy:

تسلم إيديك يا أستاذ بندق

دى فايدة انه تعمل حاجتك بنفسك يا ساهر باشا .. معلقة قشطة واحدة ونص ملعقة زبدة وحليب وثلث ماء بتعمله خفيف جدا .. لا يقارن باللى بتحكى عنه ..

تسلم صحتك وتاكل الدسم براحتك

[الباشمهندس ياسر]

وكمان مش عارفه يعنى ايه برام اصلا :protest:

ومحدش يتريق ,, ادى آخره تربيه الخليج كل فتره اكتشف انى فى كلمه انا مش بعرفها وبيبقى شكلى بايخ جدا

انا قلت استعين بصديق روحت ندهت جوزى يبص ويقولى دا رز معمر ..

راح قيلى ايييييييييييييييييييييييييه ؟ يعنى تفتكر قالى ايييييييييييييييه ؟؟

قالى مش عارف :lol:

مهو كمان تربيه الخليج ومامته مكنتش بتعمله فى البيت وبردو مره كلو عن ناس بردو وزمان ومش فاكر :blink:

احم احم ياريت حد يفتينى فى الفرق .. بس لو سمحتو من غير تريقه .. انا لسه مبتدئه فى مشوار المطبخ ومعرفش الأصناف دى من اساسات اساسه.

ومحدش يقول لحماتى عشان هى كده كده مستنيالى على تكه وحتقول ان ابنها عايش من غير اكل وانه خس من ساعه ما اتجوزنا :blink:

ولما اقولها ياطنط دا زاد خمسه كيلو تقولى دول عضل يالولا هو مش كل اسبوع بيروح يصطاد فى البحر مع صحابه.

انا طبعا مبردش اصل آخر الدراسات اللى عاملها طنط (حماتى ) بتقول ان القعده جنب الصناره خمس ساعات وتأمل البحر بتطلع عضل !!

يعنى انا حفهم اكتر منها ... ما علينا هو انا خرجت عن الموضوع ولا ايه :lol:

بفكر افتح موضوع منفصل اسميه انا وحماتى والقنبله الذريه :cry1:

يالله مستنيه حد ينور طريقى ويزيح الغمامه من على عينى .. انتا فين يا سكوب ياخبير الملوخيه :unsure:

ربنا يخليلك جوزك

و يخليلك و يباركلك فيها حماتك يارب يا اختى يا رب

اولا البرام هو طاجن الفرن...... اى خدمة

ثانيا مشوار الطبخ بيبدأ بسنتين تلاته تعب للراجل بس ف الاخر بياكل صوابعه .... عدى الجمايل اهو

ثالثا وده الاهم جدا ان الارز المعمر نادرا ما حد بيعمله ف المدن اصلا يا لولا..... اوعى متديعليش بقى

[Virus]

على فكره بما انك فى السعوديه بقالك فتره .. تخيل انا كنت اعرف اكله سعوديه اسمعها " سليق " وهى بردو رز باللبن والقشطه لو حب حد يزود بيتعمل على ميه سلق اللحمه او الفراخ ,, الأكله دى مره كنت انا وجوزى معزومين عن ناس ومحبش ياكل منها .. لما شفت الطبق دا هنا - على فكره اول مره اعرف انه مصرى - رحت قلتله دا طلع عندنا اكله مصريه زيها بالضبط زر ولبن ، رايح قيلى يعنى رز معمر ؟!! :protest:

فشرحتله الأكله دى حسب ما انتا كاتب طريقتها.... انا مستغربه جدا انى انا وهومكناش نعرف الطبق دا قبل كده وانه مصرى :unsure: :blink: :blink:

مش قلتلك ومنكم نتعلم يابندق افندى :cry1:

لا لا حاسبي..انت كده بتخبطي في البرامات :lol: :lol:

السليق ده حاجة مختلفة ..أنا شخصيا أدفع أي مبلغ وآكل طبق سليق بالفراخ وجنبه سلطة الطماطم بتاعته زي اللي كانت بتعمله ماما سعاد (أمي في الرضاع السعودية) مخصوص عشان فيرس الصغير...

إيييييييييه..فكرتيني بالذي مضى ..أيام اليغمش والمنتو والتميس البسكوت..و..و.

سارعي للمجد والعلياء... wst::

[لولا]

على فكره بما انك فى السعوديه بقالك فتره .. تخيل انا كنت اعرف اكله سعوديه اسمعها " سليق " وهى بردو رز باللبن والقشطه لو حب حد يزود بيتعمل على ميه سلق اللحمه او الفراخ ,, الأكله دى مره كنت انا وجوزى معزومين عن ناس ومحبش ياكل منها .. لما شفت الطبق دا هنا - على فكره اول مره اعرف انه مصرى - رحت قلتله دا طلع عندنا اكله مصريه زيها بالضبط زر ولبن ، رايح قيلى يعنى رز معمر ؟!! :protest:

فشرحتله الأكله دى حسب ما انتا كاتب طريقتها.... انا مستغربه جدا انى انا وهومكناش نعرف الطبق دا قبل كده وانه مصرى

مش قلتلك ومنكم نتعلم يابندق افندى :blink:

لا لا حاسبي..انت كده بتخبطي في البرامات :cry1: :lol:

السليق ده حاجة مختلفة ..أنا شخصيا أدفع أي مبلغ وآكل طبق سليق بالفراخ وجنبه سلطة الطماطم بتاعته زي اللي كانت بتعمله ماما سعاد (أمي في الرضاع السعودية) مخصوص عشان فيرس الصغير...

إيييييييييه..فكرتيني بالذي مضى ..أيام اليغمش والمنتو والتميس البسكوت..و..و.

سارعي للمجد والعلياء... wst::

ايه ده ..ايه ده .. بتعرف كل الحاجات دى :unsure:

وسارعى للمجد والعلياء كمان :blink:

وبعدين انا مش بخبط والله ولا بعيب ع الأكله هى كويسه .. انا بس مش صحبه معاها .. بس هى على فكره فعلا بالطريقه السعوديه

اكله صحيه وممتازة جدا .. امبارح كنت بقول لجوزى ان شاء لما يبقى عندنا اولاد لازم تحبها لأنها كويسه للطفل فيها رز ولبن وفراخ ومعاها سلطه

خصوصا من سن سنه لخمس سنين .

وكمان انا معرفتش يعنى ايه برام من اساسه عشان اغلط فيه .. الغربه دى فعلا خلت الواحد مش عارف ثقافه بلده كما ينبغى ..

ومتزعلش ...

عندك واحد تميس وبسكوت لفيرس باشا وصلحه :lol: