طلب سكن فى الملز او ى معلومات عن اى مكتب عقارات هناك

[vipwithyou]

بسم الله الرحمن الرحيم

الاخوة الافاضل

السلام عليكم

أرجوا من لديه معلومات عن اى مكتب عقارات فى الملز بالرياض ياريت يدينى تليفونة او اسمة ولو حتى على الخاص علشان الدعاية

غير ان لو حد يعرف شقق عوائل للايجار هناك ياريت بس يكون الحى راقى

أشكركم وفى انتظار المعلومات

اخوكم

تامر السيد

[se_ Elsyed]

ما تنزل تدور وتلف بنفسك يا خويا .. مانت عارف اني ساكن هناك ... والشقة لو لقيت مش هاتقل عن 20 باكو

بس لازم تشوف مكتب وخمسة وعشرة

كانت في شقة حلوه قوي امام مزكز الاهرام التجاري خلف مركز الشعلة .. روح وشوفها

[MZohairy]

ما تنزل تدور وتلف بنفسك يا خويا .. مانت عارف اني ساكن هناك ... والشقة لو لقيت مش هاتقل عن 20 باكو

بس لازم تشوف مكتب وخمسة وعشرة

كانت في شقة حلوه قوي امام مزكز الاهرام التجاري خلف مركز الشعلة .. روح وشوفها

يا بختكوا فعلا بأسعار السكن في السعوديه

الشقه 3 نوم في مسقط متقلش سنويا عن من 50 الى 80 الف ريال سعودي

و في دبي و قطر من 120 الى 150 الف ريال سعودي سنويا

فعلا فرق ضخم جدااااااااااااااااااااااااااااااااااااا

[vipwithyou]

بالف ياريس على كعوب رجليا اهه ولقيت بـ 25000 بس ما لقتش غرفتين وصالة فى عمارة جديدة خالص ودى اللى بادور عليها وفى حدود 15000 ممكن ولا اروح احلم بعيد عنك

[muslim4ever]

تامر اخبارك ايه

ده موقع عقارى ممتاز

سوف تجد كل ما تريد

http://www.aqarcity.com/forumdisplay.php?f=8

فى شقة فى العمارة عندى اصبحت خالية من امس ممكن استفسر لك عليها فى حدود 30000 حى العليا

واذا عايز شقق رائعة وفخمة عندك غرناطة او الحمراء وفى حدود ال 22000

بالتوفيق

تم تعديل 28 يونيو 2008 بواسطة muslim4ever

[se_ Elsyed]

بتبقى في فرص لقطه في جريدة الوسيلة ... بس لازم تصحى بدري يوم الجمعة وتشرب اللبن وتلحق تتصل قل ما تتشقط الشقة ...

[vipwithyou]

يا نهار مش فايت يا أخ مسلم للأبد 30000 وكمان 22000 ياعم انا لسة ما اشتغلتش اساسا يعنى عايز واحدة لعند 15000 وبعدين العليا جميله فعلا لكن غاليه يا ريس

شكرا ليك على الموقع

سي السيد .. مسكت الوسيلة أول واحد نزل يصلى الجمعة يومها ونفضتها كويس لقيت معظم الاعلانات الل فى الملف لمكتب واحد ومردش عليا كمان

ورايح له النهاردة باذن الله

[se_ Elsyed]

مع إحترامي للإعلانات والمواقع والكل كليلة ..

السكن بالذات لازم تاخد العربية وتلف على مكاتب العقار ... يا راجل عندك شارع ثلاثين العُليا ( الأمير سلطان ) وإنت رايح على القاعدة الجوية وبعد ماكدونالد كده ... ييجي عشروميت مكتب عقار على الجانبين والمنطقة راقية جداً وعندك بعض الشقق خلف قزاز وعبد الخالق سعيد وستيك هاوس في الثلاثين برضوا بس في إتجاه الشمال وإنت رايح الفيصلية .. المناطق الخلفية لشارع الثلاثين فيها عماير راقية وممكن تخطف لك مُلحق ولا شقة صغيرة بسعر حنين ...

في المنطقة بتاعت شارع جرير المتفرع من شارع الستين وإنت رايح على مستوصف الرياض وجنب جنينة لا مؤخذه الحيوانات فيها شقق كتيرة برضوا وبأسعار متفاوتة .... بس حاول تلف في اليوم بتاع الرجالة عشان الحيوانات الستات بتتكسف ;)

ولو لفيت المناطق دي كلها ومالقتش .. يبقى لا بد أن تتمنفح ( يعني تُسكن في المنفوحة ) وأمرك لله . :P

إنزل وإتعب وأشتغل بإيدك يا معلم ...

[iloveegypt]

ليه كده سى السيد انا منفوحى وافتخر ;)

اجدع حتة فى الرياض المنفوحة حيث مصر كلها هناك ماعدا قلة مثل سى السيد :P

واطالب المنفوحيين بالاستقلال عن باقى الاحياء i*:

[vipwithyou]

سي السيد عايزنى ادفع فوق مرتبى علشان اسكن فى الاماكن اللى قال عليها دى

شفت حاجة فى شارع جرير بس برضوا بـ 24000 تحفه صح

يا جدعان انا عايز شقة غرفتين وصالة تكون كويسة وآخرها 15000 بس

ويفضل ان تكون قريبة من الملز

أنا بأدور حاليا

وعلى فكرة لو فى شقة فى المنفوحة بس تكون العمارة جديدة وشارعها كويس وتكون كبيرة انا مستعد

لأنى حالياً ساكن فى شارع جانبى من أول شاءع المنفوحة العام

شكرا ليكوا يا رجاله