فالحة هانم...زهرة البحر منورين يا حبايب

[~Heba~]

السلام عليكم

يادى الهنا

الحرملك منور انهارده

و الا بلاش الحرملك ده

خليها جمعيه حقوق المرأة

العدد زاد اتنين....و لا احلى من كده اتنين

بسرعة يا فولانة

ام كريم حاولى تنيمى زيزو بأى طريقة و تعالى

يا ام مازن سيبى مازن يلعب مع اخواته دقيقتين و تعالى

ام مروان كفاية تفلية فى الفساتين و تعالى انتى كمان

ناش يا شيخة ارحمى نفسك ياسر خلص امتحانات و نجح من بدرى...تعالى بقى

جويرية سيبك من الزوجة الملكة دى ما هى لو ملكة مكنتش اجوزت.....تعالى بس

جالاكسى متنسيش حاجة حلوة فى ايدك يا دكتورتنا

بدرية الموووووووووزيعة الشهيرة الارسال انقطع ارجعى المولد بيناديكى

امانى القعده مش هتبقى حلوة من غيرك

الجميييييييييييييييييييييع اجمممممممممممعععععععععع

للخلف در

قصدى للامام

قدامكم اهوه فالحة هانم و زهره البحر رحبو يا حبايب نجاملكم فى الافراح

عقبال بناتك يختى

متشفيش شر يا حبيبتى

وفتكو بعافية

تم تعديل 27 يونيو 2008 بواسطة ~Heba~

[مصري جدا]

أيه ياهبه التفرقه العنصريه دي .....أنا لما لقيت الحكايه كده فيها تفرقه قلت أدخل بالعند في صنف الولايا

أهلا بفالحه هانم وزهرة البحر

ويلا ياهبه خدي صحابك وروحوا علي المدرسه ...بقالي مده مش شايفك

تم تعديل 27 يونيو 2008 بواسطة مصري جدا

[galaxy]

اهلا بكل حبايب هبه ..منورين والله.......خلاص انتوا بقيتوا اصحاب مكان با جماعه.......ان شاء الله يطيب لكم المقام بيننا.....اتفضلوا شيكولاته......................تحياتي :closedeyes: :tease:

بس محدش يمد ايده.....الحاجات دي ايجار وراجعه لاصحابها....لا قصدي لحد ما نجيب الشوك والسكاكين ونتجمع كلنا..... :closedeyes:

uyuy.bmp

تم تعديل 27 يونيو 2008 بواسطة galaxy

[nash]

يا سلام يا هبه.....أنتي تؤمريني امر....بس تغششيني الماث في المدرسه أوك؟؟ استبينا

علي البركه...

يا اهلا وسهلا بفالحه هانم وزهرة البحر..بجد اسمكم لذيذ مووت ...وشكلكم شاطرين وممكن ابيع جلاكسي واينو وهبه والميسترز ذات نفسهم إذا كنتم شاطرين في المدرسه وممكن تغششوني....:closedeyes:

حقيقي منورينا وإن شاء الله تنبسطوا معانا وخصوصا اننا هنا زي النسمه ..مالناش صوت ولا نفس ...

يارب دونات كريسبي كريم اللي تعتبر الفافوريت بتاعتي تعجبكم....الواحده بخمسه ريال بحالهم :closedeyes:

وأتفضلوا الكابتشينو كمان ..

الف مليون مرحبا المحاورات نورت

[امانى]

يا الف اهلا وسهلا بريحة الحبايب وكل اللى يجى من طرفك يا هبة

سمعت اسمى جيت جرى ابارك واهنى وارحب بالاختين فالحة وزهرة واقوم بالواجب لقيت جلاكسى ونوشة

محضرين القعدة وكل حاجة جاهزة قلت اصبح واهنى والباقى على الاختين الحلوين هناء وشرين لا اقصد جلاكسى ونوشة

((اهلا وسهلا بفالحه هانم وزهرة البحر..بجد اسمكم لذيذ مووت ...وشكلكم شاطرين وممكن ابيع جلاكسي واينو وهبه والميسترز ذات نفسهم إذا كنتم شاطرين في المدرسه وممكن تغششوني.... ))

...ده كلام يا نوشة يخونك السندوتشات اللى كنت بتسريقها مننا وتقولى علينا احنا اللى بنسرقك ماشى تبيعينا كدة علشان حصة حساب تغشيها عموما دورى بقى على حد يغششك فى العلوم انس جلاكسى بقى وانا كمان استحالة اغششك فى حاجة ولا حتى التدبير المنزلى

( لمؤاخزة يا جماعة متخدوش فى بالكم نوشة دى حبيبتنا ومتستغناش عننا ابدا ) بس هى عايزة تغش الماث على حسابنا )

يا اهلا وسهلا بيكم معانا فى المحاورات ويلا ع المدرسة وقولو كل واحدة شاطرة فى ايه علشان نعرف هتقعدوا جنب مين

نورتونا وشرفتونا :closedeyes: :closedeyes: :tease:

تم تعديل 27 يونيو 2008 بواسطة امانى

[badroora]

يا الف اهلا وسهلا وميت مرحبا .......فالحة هانم وكل الاخوات

وانا بادعيكم تشرفونى فى مدرستى وان شاء الله تنبسطوا هناك ......مصاريف المدرسة عليها تخفيض الايام دي :closedeyes:

مدرسة الاخلاق الحميدة المشتركة

قائد المدفعية الهولاندية

معقولة منسبة زى دى تفوتك وحتى مشركتش فيها كدا انت سقط فى التدريب :closedeyes: يا خسارة كان عندى امل كبير فيك

[فالحة هانم]

تم تعديل 27 يونيو 2008 بواسطة فالحة هانم

[فالحة هانم]

إيه الجمال ده gt: . . أعضاء المنتدى بيرحبوا بينا ترحيب حار . . لأ وكمان داخلين ايديهم مش فاضية :blink: والله اخجلتوني يا جماعة :blush2:

أيه ياهبه التفرقه العنصريه دي .....أنا لما لقيت الحكايه كده فيها تفرقه قلت أدخل بالعند في صنف الولايا

أهلا بفالحه هانم وزهرة البحر

وأهلا وسهلا بالأخ مصري جدا . . والتفرقة دي مش من طبع جمعية حقوق المرأة

جربت الشيكولاتة والجاتوه بتوع الأخت Galaxy ملقتش أحلى من كده . . . يا دوبك ذوقت حتة من دونات الأخت ناش مفيش أطعم من ده دونات . . بس تقريبا سعرها وقفها في زوري :blink:

وأهلا بالأخت أماني اللي سابت اللي في إيديها ولبت الدعوة . . ومرحبا بالحبوبة بدرية . . .وأنا كمان بأنتهزها فرصة وأرحب بالأخت زهرة البحر :sad:

والله يا أخت هبة الواحد مش عارف يقولك ايه على المبادرة الحلوة اللي انت بدأتيها ويقول للأخوات . ايه . . . وشكرا على ذوقكم كلكم والحاجات الحلوة الي قدمتوها . . . واتفضلوا العصير البارد بالهنا والشفا

وعايزة ارد حاجة من جمايلكم

كتيبة مدفعية :trumpet: . . . إإإإإننننننتباه . . . استعععععد . . . اضرب ( دول 21 طلقة :hearts: للحبايب الغاليين ) استقبال رسمي أمال إيه . . . حاجة تليق بيكم

[زهرة الجبل]

يا هلا و الله و كل الغلا بفالحه هانم و زهرة البحر

سامعه إسمي من بعيد جيت جري أهوه

المحاورات نورت بفالحه هانم و أزهرت بزهرة البحر

و لو إن زهرة البحر جايه تخانقني على الإسم بعد ما كنت لوحدي

على كل حال تحيه من الجبل للبحر و أمواجه

منورين

[~Heba~]

:P انا لمحت آخر اسم رد لقيت كلمة زهره فأفتكرت على طول انها زهره البحر

و لا يهمك يا ام كريم اسم "ام كريم" محدش هيزاحمك فيه

وزهره البحر توأم ليكى فى الاسم و الاتنين حلوين و الاتنين طعمين ;)

انا شايفة الحبايب كلهم قاموا بالواجب

نجاملكم فى الافراح وعقبال ولادكم

اماال فين زهره البحر يمكن متكونش عارفة انى رحبت بيها

[Folana]

السلام عليكم ورحمة الله....

بسرعة يا فولانة

متأسفة والله ما اخدت بالى ان اسمى مكتوب...أنا جيت اهو

ولو ان الترحيب بالاخوة الجدد مش محتاج دعوة يعنى

اهلا ومرحبا بالاخت الغالية فالحة هانم...والغالية زهرة البحر

وجميع الاعضاء الجدد