آه يا دموع....

[houssin abo habaga]

آه يا دموع

آه يا دموع كما الينبوع منسابه

على الخدود ما بين الحدود

وسط سكون البشر

قصدى اللى كانوا بشر

عايشين فى دنيا الله

ما بين هروب وحروب

آه يا دموع تحكى قصة

وطن وناس طيبين وديابه

دارو دفته وحولوه غابه

فيه ناس بتاكل بعضها

وناس تدارى فى ظلها

وناس عايشين ومش عارفين

وناس فى الدنيا مش سائلين

وناس يدوب كدا عايشه

وناس عامية ومش شايفه

وناس تقتات

وناس عايشه على الفتات

وناس كل يوم فى الهم تبات

وناس عايشه هموم تانية

وناس ماسكه فى الدنيا

آه يا وطن مات فيك الحق

ومعدش واحد فى البلد يقدر يقول لاء

والقلوب بقت ألوان

فيه قلوب طيبه وفيه قلوب غريبه

وقلوب متحابين وقلوب ولاد ستين

وفيه قلوب قاسية وقلوب كدا ماشية

وقلوب حجر وقلوب أزاز تنكسر

وفيه قلوب مش حاسه وقلوب كدا ناسية

و قلوب مهمومه وقلوب بشر مسكونه

وفيه قلوب كدا جاحده وقلوب بالشر مجنونه

آه يا بشر ناسى

الدنيا دوارة بينا دور تطحن وتنده

مين عليه الدور

ومن كتر خوفنا من بكره

بندعى لرب الكون

يختاره من بين البشر

ويكون عليه الدور

ونعيد كمان

آه يا دموع كما الينبوع منسابه

على الخدود ما بين الحدود

وسط سكون البشر

قصدى اللى كانوا بشر

**********

كتابات / حسن أرابيسك

:closedeyes: :closedeyes:

[shahd]

رائعة الكلمات.. راقية الأحساس.. سلمت اناملك استاذ houssin abo habaga

[لولا]

الواحد من الحاله اللى بقت فيها بلده وناسه

بقت الدموع محبوسه جوه قلبه ..

صار الحزن عنوانا. واصبحت نفوسنا الهائمه فى بلاد الله مفطوره

تائهه فى دهاليز لا يظهر لها نهايه.

فهل ياترى سيكون الفرح يوما عنوانا؟؟!

ام ان ذلك مجرد حلم. ولن تعلوا سوى اّهات الدموع.

حماك الله ورعاك ياأستاذ.

[houssin abo habaga]

رائعة الكلمات.. راقية الأحساس.. سلمت اناملك استاذ houssin abo habaga

هذا من طيب أخلاقك يا أستاذه / شهد

تقبلى تحياتى وأحترامى :ninja:

[houssin abo habaga]

الواحد من الحاله اللى بقت فيها بلده وناسه

بقت الدموع محبوسه جوه قلبه ..

صار الحزن عنوانا. واصبحت نفوسنا الهائمه فى بلاد الله مفطوره

تائهه فى دهاليز لا يظهر لها نهايه.

فهل ياترى سيكون الفرح يوما عنوانا؟؟!

ام ان ذلك مجرد حلم. ولن تعلوا سوى اّهات الدموع.

حماك الله ورعاك ياأستاذ.

الأستاذه الفاضله / لولا

كلام حق

لكن ما تحبسيش دموعك خرجيها

ولا على آييه أنتى مجرد ترى مصر الآن سوف تجرى دموعك أنهار

من الحسرة على حالها

بلدنا عايزه وقفه واحده

مش زى الواقفين دلوقتى على واحده ونص

تقبلى تحياتى وأحترامى

:ninja: