كااااااااااان زمان

[م.سامح المصرى]

السلام عليكم ورحمة الله وبركاتة

كان زمان مقارنة بين الواقع الان والماضى

وجدت بعض العناصر اختلفت بالفعل للأسوء

وهذا لا يسرى على كل امور حياتى او حياتنا ولكنى سلطت الضوء على بعض الامور التى تحولت للأسوء

وزاد من قوة ملاحظتى قراءتى لبعض فقرات من كتاب "فن التأمل" فأحببت ان اضيف لكم بعض من ملاحظاتى

نبدأ

كان زمان لما نشوف واحد ماشى بيكلم نفسة او يبان علية مظاهر الجنون نقول لا حولا ولا قوة إلا بالله العل العظيم

شكل مراتة او ولادة عملو فية كدا وكان من فين لفين لما نلاقى واحد كدة....... دلوقتى كل الشعب ماشى بيكلم فى نفسة وانا منهم

كان زمان الواحد لما يروح الشغل ممكن وهوا ممكن يقرأ قرأن او استغفار ....... دلوقتى الاغلب بيغنى حبيبي وانتا بعيد او sway او غيرهم

كان زمان لما نلاق واحد بيشتم فى الشارع او خلافة نقول "استغفر الله العظيم " لمجرد اننا سمعنا الشتيمة ..... دلوقتى بقت عادى "اصل الكل بقي يشتم"

كان زمان الرجل الشرقى الاصيل بيحترم كل الناس وكان معروف برجولتة واول من يحترمهم النساء ...... دلوقتى ولا بقت تفرق من البعض سواء امراة او رجل

الاهانة واضحة وجاهزة

كان زمان الرجل عاقل بيتكلم بطريقة كويسة وبيعامل الناس بطريقة جميلة ..... دلوقتى لا سواء مع اكبر منهم او اصغر منهم

كان زمان لما نلاقى خناقة نجرى ونحوش ما بينهم ونقولهم استهدوا بالله ....... دلوقتى لما نشوف خناقة ونيجي نحوش نلاقى ناس تقول لا يا شيخ سيبهم نشوف هايعمل اية

ادينا بنتفرج

كان زمان ما كناش بنهتم بالمظاهر اوى ..... دلوقتى المظاهر شئ اساسى فى حيات اغلبنا

كان زمان تلاقى ناس بتعلمك فى الشغل بتاعك يعنى ممكن يكون البعض منهم .... دلوقتى الناس بقي عندها تحفظات شديدة لو يعرفو "ان الارزاق مقسمها الخلاق"

كان زمان تلاقى الناس بتساعدك على الخير انك تعمل حاجة لصالحك او لصالح بلدك .... دلوقتى العكس اقرب كلمة سيبك من البلد دى وهج يابنى حتى صحابى

كان زمان الناس كانو مقربين جدا من بعض كانوا على طول يسألو على بعض .... دلوقتى اغلب المعارف بقوا مشغولين جدا وفين وفين لما يتصلو ببعض

ونستكمل كان زمان ان شاء الله

تم تعديل 27 يونيو 2008 بواسطة م.سامح المصرى

[ابو محمود]

وعليكم السلام ورحمة اللة وبركاتة

يا باش مهندس كلامك سليم 100%

المشكلة الخطيرة اننا نتسابق جميعآ لتعميق الجرح وحشية بالملح يعنى ما فيش فايدة مش عارف بكرة هنوصل لأية ربنا يستر متهيألى اننا علشان نتخلص من سلبياتنا يلزمنا دائمآ زلزال قوى اونكسة رهيبة

لية مش عارف هل دة من الجينات ولا من العبثيات ولا دى خلقة ربنا وعلية العوض

[م.سامح المصرى]

وعليكم السلام ورحمة اللة وبركاتة

يا باش مهندس كلامك سليم 100%

المشكلة الخطيرة اننا نتسابق جميعآ لتعميق الجرح وحشية بالملح يعنى ما فيش فايدة مش عارف بكرة هنوصل لأية ربنا يستر متهيألى اننا علشان نتخلص من سلبياتنا يلزمنا دائمآ زلزال قوى اونكسة رهيبة

لية مش عارف هل دة من الجينات ولا من العبثيات ولا دى خلقة ربنا وعلية العوض

اولا اية اخبار صحة حضرتك

ان شاء الله تكون بخير

ثانيا رد حضرتك ريحنى جدا كنت بفتكر انى انا غلط

بس فعلا فى حاجات حلوة كتيرة بتتغير للأسوء واحنا مش واخدين بالنا منها لابد لها من وقفة

[ابو محمود]

الحمد للة بكافح

الموضوع مش عايزوقفة دة عايز

قاعدة

[امانى]

موضوع جميل يا سا مح وواقعى جدا وفعلا الدنيا دلوقت اتغيرت عن زمان ويرجع كل ده لسرعة رتم الحياه

وهمومها الى جانب الوضع الحالى اللى بتمر بها مصر واللى بيعانيه الناس من ازمات .

بس ميمنعش يا سامح ان لسة برضه الدنيا بخير يعنى هى صحيح مش زى زمان بس لسة موجود الخير

بدليل انك كتبت كدة وده لان جواك خير وانا وغيرى بنرد علشان مؤمنين ان لسة فى خير .

هو بس كل واحد يفكر فى نفسه وفى اللى حواليه وميقلش يلا نفسى وخلاص . سعتها هنبقى زى زمان

شكرا على موضوعك الجميل تقبل تحياتى

[م.سامح المصرى]

فعلا يا استاذ محمود دا عايزة اعدة عرب كدة

بس برضو مش هاتجيب فايدة :happy:

----------------

استاذتى امانى العزيزة

فعلا الدنيا اتغيرت والانسان طباعة برضو بتتغير من الاحتكاك بالناس

وحاجات كتيرة فعلا اتغيرت فيا من الافضل للأسوء وانا كتبتها برضو فوق

مش كبر منى انى اعترف بطباعى السيئة لا انا حبيت انى القى الضوء على معظم او كل

الطباع السيئ الى فيا وفي الناس عموماً والى خلانى اكتب الموضوع دا انى راجعت نفسى وقارنت طباعى

والى كنت بعملة زمان والى بقيت علية دلوقتى انا حاسس انى بقيت حاجة سيئة جدا

وهوا فعلا لسة فى حاجات كويسة والحمد لله الواحد بيحمد ربنا انها لسة موجودة فية :happy:

بس واحد قالى طول ما الواحد بيفكر انه كويس عمرة ما هيتقدم وطول ما الواحد حاسس انه بقى استاذ عمرة ما هينجح

ففضلت انى احط طباعى السيئة ادامى دايماً لعل وعسى اعرف اغيرها للأفضل :sad:

[المنصوراوى]

السلام عليكم ورحمة الله وبركاتة

كان زمان

كان زمان الرجل الشرقى الاصيل بيحترم كل الناس وكان معروف برجولتة واول من يحترمهم النساء ...... دلوقتى ولا بقت تفرق من البعض سواء امراة او رجل

الاهانة واضحة وجاهزة

ادينا بنتفرج

كان زمان ما كناش بنهتم بالمظاهر اوى ..... دلوقتى المظاهر شئ اساسى فى حيات اغلبنا

كان زمان تلاقى ناس بتعلمك فى الشغل بتاعك يعنى ممكن يكون البعض منهم .... دلوقتى الناس بقي عندها تحفظات شديدة لو يعرفو "ان الارزاق مقسمها الخلاق"

كان زمان تلاقى الناس بتساعدك على الخير انك تعمل حاجة لصالحك او لصالح بلدك .... دلوقتى العكس اقرب كلمة سيبك من البلد دى وهج يابنى حتى صحابى

كان زمان الناس كانو مقربين جدا من بعض كانوا على طول يسألو على بعض .... دلوقتى اغلب المعارف بقوا مشغولين جدا وفين وفين لما يتصلو ببعض

ونستكمل كان زمان ان شاء الله

الموضوع جميل اخى م.سامح المصرى

بس للاسف قلبت المواجع على الناس اللى عاشوا الزمن الجميل دا

و لسان حالهم بيقول ارجع يا زمان

ولسان حال الزمان بيقول ارجعوا يا اهل زمان

بس الزمان رافض يرجع و اهله كمان رافضين يرجعوا