الزواج من الغربة افصل ام من مصر

[iloveegypt]

بداية الموضوع بسبب صديق لى فى االسعودية كل سنة يأخذ اجازة للزواج من مصر ويرجع بعد شهرين مفشكل الموضوع طبع كل ده قسمة ونصيب بس الموضوع اتكر مع اكثر من واحد احد الشباب اقترح ان يتزوج بنت احد المصريين المكقيمين فى السعودية يا رريت نسمع رايكم فى الموضوع من مصر ولا من ابناء المقيمين المصريين فى الخارج

[مهندس عماد عبد الفتاح]

أهلا وسهلا بيكم والله ما عندي مانع بشرط ان يكون انسان مهذب ولا يتصنع الكلام ويكون علي خلق ودين انا احد المقيمين بالخارج :blink:

[فــيــروز]

كنت كثيرا ما أستغرب حين أجد مصرى مقيم بالخارج -سواء فى دوله عربيه أو حتى أمريكا أو أوربا- يأخذ إجازه و يأتى لمصر بحثا عن عروسه !! طيب و هى البلاد دى مفيهاش عرايس !! :trumpet:

دلوقت الجاليات المصريه و العربيه تقريبا فى كل مكان و التواجد فى نفس البلد يتيح فرصه أكبر للتعارف بعيدا عن محدودية حيّز الشهرين أجازه اللىّ العريس عاوز يخلّص فيهم كل حاجه ..

فيه ناس حظّها كويّس و ممكن فعلا فى أقل من شهرين تجد من يتوافق معها و يحدث الميل و التقارب و من ثمّ يتم الزواج بدون مشكله لكن أظن الغالبيه ليست سعيدة الحظ بهذا الشكل ومن ثمّ البحث عن عروسه مصريه مقيمه فى نفس البلد بيخلّى المجال أكثر اتّساعا ..

كمان فيه حاجه مهمّه فى هذه الطريقه وهى تكيّف العروسه مع المكان الذى يعيش فيه العريس .. يعنى هى لن تضحّى -من وجهة نظر البعض- و تترك أسرتها و أهلها و بلدها للسفر معه مع ما يمكن أن يكون قلّة معرفه سابقه بينهما بسبب سرعة إتمام الزواج .. بل بالعكس ستكون موجوده فى نفس المكان الذى تعيش فيه أسرتها أو اللىّ هى شخصيا عاشت فيه ومعندهاش بالتالى مشكلة تكيّف ..

وفى النهايه طبعا كل شئ نصيب :sad: مع أجمل التمنيّات لكل عروسين بحياه سعيده

محلاّت "حنفى" تهنئى عروس اليوم :blink:

[مصري جدا]

أعتقد سبب فشل صديقك في الجواز من مصر كل أجازه أنه بيروح يخطب حد ميعرفش عنه شئ ومفيش تواصل معاه وده عاوزه حظ شويه ...ممكن يلاقي نصيبه اللي يتفق معاه ....بس المده الصغيره {وقت الأجازه }مش كافيه أن كل واحد يعرف التاني كويس .......أعتقد لو فيه حد مناسب في نفس بلد الغربه حتبقي فرصة التعارف أحسن وأمكانية الزواج والآستمرار في نفس الظروف أحسن ...ده راي ...وكل واحد وله ظروفه...

تم تعديل 27 يونيو 2008 بواسطة مصري جدا

[vipwithyou]

رأيي الشخصى لو عرف يتجوز واحدة متغربة جاهز يبقى كويس

هتكون مميزة بالنسبة له فى حاجات كتيييييييييير صدقنى

شكرا

[طبيب راجي]

بداية الموضوع بسبب صديق لى فى االسعودية كل سنة يأخذ اجازة للزواج من مصر ويرجع بعد شهرين مفشكل الموضوع طبع كل ده قسمة ونصيب بس الموضوع اتكر مع اكثر من واحد احد الشباب اقترح ان يتزوج بنت احد المصريين المكقيمين فى السعودية يا رريت نسمع رايكم فى الموضوع من مصر ولا من ابناء المقيمين المصريين فى الخارج

اتجوز من مصر او من غير مصر

المهم تتجوز واحدة متدينة...بصدق

و على خلق ...و أهلها طيبيين...

من مصر او فلسطين او المغرب مش دي القضية ابدا....

بس كل شرط قلته هتتنازل عنه ممكن تدفع تمنه من راحتك

[capitshino]

انا عامل زى صاحبك . شعور صعب جدا

وده طبعا تمن الغربة اللى كنا بنسمع عنه

[iloveegypt]

بمناسبة الموضوع ده لما كنا شباب فى الجامعة كنا بنسمى المغتربين( الهابطون بالبارشوت) يعنى كان الشاب من دول يحب فتاة وتفضل البنت تحبه وفى نيتهما الزواج الى ان يأتىشاب اخر(وغالبا عمره يكون فو ق الثلاثين)من الخليج ويريد الزواج في مصر فيتزوج حبيبة الشاب الاول وغالبا الشاب الاول (22-24 سنة)بيحض الفرح لانه بيكون معزوو فيه

فرجاءا من اخوانى المغتربين مثلى لا يتزوج بفتاة الااذا تأكد من انه لاتحب اى شاب :P ;)

[~Heba~]

هو وكل الامر للاهل المقيمين فى مصر و هم ادرى بالبنات و اهاليهم يبقى افضل

طبعا بنت مصرية مقيمة فى السعودية ايضا خيار جيد

[JAY]

هو وكل الامر للاهل المقيمين فى مصر و هم ادرى بالبنات و اهاليهم يبقى افضل

طبعا بنت مصرية مقيمة فى السعودية ايضا خيار جيد

يعني مش تديلو عقاب نافع يا هبة الله يرضى عليكي .. قوليله يعني .. يا تنتن...... يا تنتن.. مش تقوليلو بنات مصر تمام وبرضك بنات مصر في السعودية اختيار جيد يعني عايزاني ألطم؟؟؟

بص يا خويا.. بنات مصر اللي في السعودية (مكلفين) يعني مهرها بالريال السعودي وبيطلبوا بالعالي.. والواحدة منهن شايفة نفسها ولا نانسي عجرم... أنا بقول لك خد من مصر .. ثم خف علينا أزمة الانفجار السكاني.. يعني بالناقص واحدة من 80 مليون.. بس سايق عليك النبي ماتيجبهاش تفرّخ عندنا .. اللي بينا مقضينا يا حبيبي ........ وبعدين لو بنات مصر في الغربة ماتجوزوش حاياخدو شاب من العاطلين واللي قاعدين عالقهاوي ويشغلوه في السعودية ونكون اتخلصنا من نفرين i*: :P ;)

تم تعديل 28 يونيو 2008 بواسطة JAY

[قائد المدفعيه الهولنديه]

انا بفكر فى الموضوع ده كتير لانى مقبل على المرحله دى و فى اسئله كتير بتدور فى ذهنى دون اجابات زى مثلا

هل شهرين الاجازه كافيين للبحث عن عروسه و التعرف عليها و على اهلها و الموافقه من الطرفين و عمل خطوبه؟

تفتكر كده الواحد مش بيظلم نفسه او ممكن يكون اتسرع فى اختيار شريكه حياته؟

الغربه بتعرف الواحد على ناس كتير و كمان بيكون فى عشره فى السكن و الشغل و كده ممكن ياخد واحده من خلال زمايله و اصحابه؟

فى الاخر بعد تفكير عميق لقيت ان من المفضل ان الواحد ياخد من مصر و من بلده تحديدا لان ده هيوفر عليه عناء البحث الكثير و كمان ممكن اهله يرشحو اكتر من عروسه و هو ينزل يحط النقط على الحروف قبل ما يطلع فوق على الرووووووف

فى الاخر انت بتجرى شرق و غرب بس اللى انت مش واخد بالك منه انك بتجرى ورا نصيبك اللى ربنا اختارو ليك...... يعنى تقول الحمد لله على كل شىء حتى لو صحيت لقيت نفسك متجوز واحده من الكاميرون :closedeyes:

[iloveegypt]

انا رأى الشخصى بعد النصيب من مصر افضل ومن نفس بلدك لانها ادرى بظروفك وفى مشكلة تانية انا الشخص الذى يتزوج من الغربة ويحي يرجع مصر ممكن زوجته لو هى مولودة فى الغربة مترتحش فى مصر غير انهم بيبقى مهرهم غالى واجتماعيا اكثر انطوائية من البنات فى مصر