طبيب ناجح بالصعيد أفكر فى الهجرة .. أشيروا على

[jgeorge]

اسواء حاجة يا ايهاب انك تجرب فى اولادك، اللى عاوز يجرب فى نفسه الاول

ربنا يوفقك يا ايهاب و يسعدك و يحرس اولادك

و لكن اذا كان قناوى عنده وظيفة تدر عليه دخل كويس فى مصر ليه يسيب بلده و يعيش اولاده اغراب؟؟

اذا كان على التعليم فمصر فيها كل انواع التعليم المستورد، يعنى ممكن يفكر فى الهجرة الداخلية الى اقرب مدينة فى الصعيد يكون فيها مدارس كويسة

انا برضه دكتور زى قناوى و باقول لك انه فيه دكتارة كتير فى مصر بس ينقصها الدكاترة الكويسين

انا كل يون بتأكد اننى كان لازم ارجع بدرى عن كده و خسارة ان خمس سنوات ضاعوا منى فى الغرب، كان لازم اكون فى مصر من زمان

انا مبسوط ان اولادى الصيف ده بقوا مصريين، بيأكلوا حلبسه و فول و طعمية و سندوتشات البطاطس بتاعة محلات الفول.

ربن يوفقكم كلكم فى الغربة اذا كان معندكوش دخل او وظيفة فى مصر و يارب ربنا يحافظ على اولادكم، اما اذا كان لكم اسرة و بيت و وظيفة و دخل فى مصر يبقى ربنا يوفقكم فى قرار الرجوع علشان اولادكم ميتربوش اغراب.

انا شخصيا اتعودت على مشاكل مصر و الحياة فيها و نسيت انجلترا كانى كنت فى رحلة و رجعت الى بيتى.

[م.سامح المصرى]

بس همسة فى اذن الاخ سامح اللى بيقول شعر رائع فى مصر .....ونسب الذكاء والتقارير الصينية عن معدلات ذكاء المصريين فكلها مضروبة .....

اخوكم هاوس اوفيسر .....

همسة فى اذن الاخ هاوس اوفيسر

انا مش كداب ولا منافق علشان اطلع كل شوية اقول على حاجات ما بتحصلش اساسا

انا زى ما قلت الحلو الى فى مصر قلت الوحش برضو

وبالنسبة لنسبة الذكاء والكلام دا هاسيبك مع كام رابط انجازات فردية فقط

اقرى الموضوع دا كويس فيه معلومات عن كندا :D

العبقري ابن الــــ9 سنوات

ولو حضرتك عايز حاجات تانية بس فى قسم انجازات المصريين

وفى غيرهم كتيييييييييير جدا

عرفت بقى ان انا مش بنافق واشكرك على همستك :unsure: :wub:

بطل العالم في الشطرنج تحت 20 سنة

[qenawy]

الاخ الفاضل

j george

تحياتي اشكرك شكرا جزيلا علي نصائحك ولكن كما قلت ان الموضوع يختلف من شخص الي اخر

انا دخلت هنا طلبا للنصيحة من الخبراء وهناك فريقين ولكل حججه

طبعا بالنسبة الي يوجد ما لا استطيع ان اتحدث فيه علنا لانه شخصي لكن اشعر للاسف ان مستقبل البلد دي سواء بينا او بدوننا سيء جدا

و لا ادري ايحق لي ان اسال اي انسان مغترب ويحمل جنسية اخري هذا السؤال

لو راكب ميكروباس وهذا فرض وقالولك بطاقتك وانزل هتطلع بطاقتك ولا باسبور انجلترا او كندا

لي واحد قريبي معاه جنسية هولندا وهو انسان متواضع راكب ميكروباس و في الكمين طلع بطاقته المصرية وطبعا بعديها باسبور هولندا بعد ما حس ان الغلاسة هتبتدي

يا سلام علي الجبن بتاع الشرطة المصرية لما حسوا انه ممكن يعمللهم مشكلة

ثانيا

تغيير المكان لي كطبيب يعني فقدان المكانة والاسم اللي بنيته

لما افقده مش هاعرف اربي عيالي في مصر في اي مكان

يبقي افقد اسمي في كندا افضل

هذا اذا فرضنا جدلا ان الاخ سفير كندا باس ايدي ووافقنا ان احنا نهاجر

اشكرك يا دكتور شكرا جزيلا و لا تخف علي

[جبار سينج]

بس همسة فى اذن الاخ سامح اللى بيقول شعر رائع فى مصر .....ونسب الذكاء والتقارير الصينية عن معدلات ذكاء المصريين فكلها مضروبة .....

اخوكم هاوس اوفيسر .....

همسة فى اذن الاخ هاوس اوفيسر

انا مش كداب ولا منافق علشان اطلع كل شوية اقول على حاجات ما بتحصلش اساسا

انا زى ما قلت الحلو الى فى مصر قلت الوحش برضو

وبالنسبة لنسبة الذكاء والكلام دا هاسيبك مع كام رابط انجازات فردية فقط

اقرى الموضوع دا كويس فيه معلومات عن كندا :D

العبقري ابن الــــ9 سنوات

ولو حضرتك عايز حاجات تانية بس فى قسم انجازات المصريين

وفى غيرهم كتيييييييييير جدا

عرفت بقى ان انا مش بنافق واشكرك على همستك :unsure: :wub:

بطل العالم في الشطرنج تحت 20 سنة

السلام عليكم

يا اخ سامح فية كلام قلتة على بلد اوربى مش على كندا

ثانيا انت قلت لما كلنا نطلع مين اللى حيعمر البلد انت حضرتك شغال فين الان

انت بتقول مصر مصر وكلام كتير اززاى تحكم على مصر وانتى بتجيها زيارة كل سنة سائح

فاريت تتكلم بعقلانية اكتر من كدة

مصر غرقانة فى الفساد حتى النخاع

[جبار سينج]

[samehelassad]

الحقيقة اشتغلت حاجات ملهاش علاقة بالطب نهائى بارت تايم لان تركيزى الاساسى كان على المذاكرة وافتكر يمكن قدمت مرتين على مندوب دعاية طبية بس مجاليش حاجة ويمكن لو حد عنده خبرة فى المجال ده يلاقى فرص احسن منى كمان لاحظت ان تقريبا كل اللى فى المجال ده تقريبا من اهل البلد و دراستهم بعيدة عن الطب

الف شكر يا باشا على ردك السريع .وربنا يجعله في ميزان حسناتك.

[ايهاب سالم]

[hazemtara]

http://www.egyptiantalks.org/invb/index.php?showtopic=60731#

عسل يا د/جورج

[hazemtara]

نفسى أعرف رأى الأخوة اللى هاجروا لكندا وبيفتخروا ويتباهوا بكندا وحلاوة كندا ونظام كندا وكل حاجة حلوة فى كندا اللى هما لم يسهموا بأى شئ فى كل هذا التقدم, نفسى أسألهم إذا حصلت كارثة مثلاً أو أى مصيبة لكندا وبقت كندا زى مصر, ياترى حيفضلوا قاعدين هناك برضه ويقولوا كندا هى أمى ولا حيدوروا على بلد تانية يهاجروا لها؟

مش عيب البحث عن الرزق فى اى بلد فى الدنيا العيب انى اجلس حاطط ايدى على خدى ومش عارف اعمل اية

[ابو الخير]

سؤال مهم جدا يا دكتور قناوي هو حضرتك عندك كام سنه؟ و كام طفل؟

[qenawy]

سؤال مهم جدا يا دكتور قناوي هو حضرتك عندك كام سنه؟ و كام طفل؟

36 سنة وثلاث اطفال

بس سؤال مهم ليه

تحياتي

[mohagerkadim]

الحقيقة اختلف جدا مع راى نقابة الاطباء لان زيادة السكان وارتفاع مستوى الرعاية الصحية وارتفاع نسبة المسنين بيتطلب زيادة مش نقص عدد الاطباء ولاتوجد دولة على وجه الارض فيها بطالة فى الاطباء حتى مصر المشكلة فى الرواتب الضعيفة اللى بتخلى حياة الاطباء صعبة وتضطرهم للسفر وفى المقابل فى مراكز وقرى تحتاج الاطباء بشدة

وحتى ممكن نفكر فيها من ناحية تنمية الثروة البشرية وتصدير الزيادة منهم ده اذا كان فيه زيادة فعلا لدول محتاجاهم وعندنا مثالين اولهم الهند اللى توسعت جامد فى التعليم الطبى وحاليا الاطباء الهنود موجودين بكثرة فى معظم الدول المتقدمة وفى مراكز طبية محترمة فى الهند حتى الناس من امريكا وكندا بتروح لها لجودتهاوقلة تكاليفها

وكندا على العكس تماما هى المثال التانى لانهم فى منتصف الثمانينات افتكروا ان حايكون عندهم زيادة فى الاطباء فعملوا اجراءات شديدة لتقليل عدد الاطباء منها تقليل عدد المقبولين فى كليات الطب وعدم فتح كليات طب جديدة وتصعيب التراخيص على الاطباء المهاجرين وكانت النتيجة نقص شديد فى الاطباء واقسام كاملة و احيانا مستشفيات تقفل لنقص الاطباءو من العادى انك تروح استقبال الطوارئ فى المستشفى وتقعد تنتظر 6 ساعات لما دكتور يشوفك ومن العادى انك تنتظر 6 شهور علشان تشوف بعض الاخصائيين زى انف واذن وحنجرة او العيون مثلا

[jgeorge]

شكرا يا حازم

قناوى عاوز رأى اهل الخبرة

يا قناوى ان عندى خبرة 34 سنة حياة فى مصر و خبرة 13 سنة حياة فى انجلترا و الغرب و لفيت العالم لذلك ارجو ان يأخذ كلامى مأخذ الجد

علشان اكون صريح، زوملاؤنا المصريين النصارى بيرتاحوا اكثر فى الغرب للاسباب الاتية

مفيش مشكلة اذا اولادهم اكلوا الخنزير او شربوا الخمر

مفيش مشكلة اذا البنت حبت واحد كندى مسيحى و ذلك لاتفاق الدين بينما البنت النسلمة متنفعش تتزوج مسيحى

مفيش مشكلة ان ابنهم يتزوج كندية و لكن ابننا المسلم لازم يتزوج محصنة من اهل الكتاب، طب و ده نجيبها منين اذا كان الاهل الغربيين بيصابوا بذعر اذا كانت بنتهم 16 او 17 سنة و لم تفقد عذريتها و بيشكوا انها شاذة او عندها عقدة نفسية من الرجالة!!!!!!!!!!!!!!!

مفيش مشكلة ان الاولاد ميعرفوش عربى لان اللغة العربية هى لغة المستعمريين العرب و ليست لغة المصريين القدماء

فاضل حاجة بقى مفيهاش فصال و هى اذا البنت عملت حاجة مع ولد بدون زواج و دى مفيش فرق فيها بين المصرييى المسلمين او المسحيين، و دى طبعا يا قناوى فيها قتل عندكم فى الصعيد

طب سمعتم عن المصرى اللى قتل بناته الاربعة و مراته فى كندا من حوالى 10 او 15 سنة، طب ليه، ياريت بقى الخبراء الكنديين يردوا علينا و يقولوا لنا سبب القتل!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

[Automatic]

طب سمعتم عن المصرى اللى قتل بناته الاربعة و مراته فى كندا من حوالى 10 او 15 سنة، طب ليه، ياريت بقى الخبراء الكنديين يردوا علينا و يقولوا لنا سبب القتل!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

مجنون؟

[Automatic]

ومن العادى انك تنتظر 6 شهور علشان تشوف بعض الاخصائيين زى انف واذن وحنجرة او العيون مثلا

الكلام ده بيحصل في فامكوفر بصفه مستمره.

أونتاري أحسن من هنا بكتير في الخدمات الصحيه.

[TorontoBack]

ومن العادى انك تنتظر 6 شهور علشان تشوف بعض الاخصائيين زى انف واذن وحنجرة او العيون مثلا

الكلام ده بيحصل في فامكوفر بصفه مستمره.

أونتاري أحسن من هنا بكتير في الخدمات الصحيه.

:blink:

[drpharma]

ومن العادى انك تنتظر 6 شهور علشان تشوف بعض الاخصائيين زى انف واذن وحنجرة او العيون مثلا

الكلام ده بيحصل في فامكوفر بصفه مستمره.

أونتاري أحسن من هنا بكتير في الخدمات الصحيه.

:blink:

welcome ya toronto BASHA

[TorontoBack]

كندا حلوة و تجنن و الصور تهبل بس المشكلة فى تأثير المجتمع على الجيل الثانى لاولادنا

يا استاذ جورج انا حاسس انك حتعيط علشان توصل للناس معلومة ان اولادهم في خطر في الغرب وهما فاهمين بس مش عايزين يصدقوا..ايوة وفي بلد زى كندا يتخاف علي الولد اكتر من البنت ..واقسم بالله الشذوذ من لواط الي سحاق بيمارس بصورة طبيعية في المدارس الكندية.اذا كان المدرس او المدرسة شواذ فمابالك بالاولاد.الاولاد بيقعدوا في المدرسة اكتر مابيقغدوا في البيت فطبيعي اى حاجة حتحصل.سجاير,فودكا,مارجوانا,شذوذ,فمتحطش البنزين جانب النار وتقول ربنا يستر.ياأخ جورج سيبهم يحلموا.

[Dr.mmfriend]

أيه حكاية .... المنصوره ... الخبر .... تورونتو

إنت فين حاليا ؟

عزيزي إيهاب...

بص يا سيدي ، أنا طبيب بشري ، أساساً من المنصورة ، ومتجوز وعايش في مدينة نصر ، وباشتغل في بريمة بترول في وسط الخليج العربي في السعودية ، ومقر الشركة بتاعتنا (ترانس أوشن - شركة أمريكية - يا ريتها كندية :sad: ) في الخُبَر ، وطبيعة شغلي شهر شغل ، وشهر أجازة.

شهر الشغل طبعاً ف البريمة ، آخر مزاج ، ومقضيينها أكل ومرعى وقلّت صنعة ، وتليفون ونت ودش وأحلى مزاج :wub:

هتئوللي دكتور بيعمل إيه وسط عمال الحفر عن البترول؟ هائوللك مش البشر دول اللي آعدين ف الطَل وسط الميّه بيعيوا برضه؟ وممكن حد منهم ماسورة تؤَع عليه تكسر رأبتُه؟ فلازم وجود طبيب معاهم ع البريمة.

شهر الأجازة كنت باجي على مصر (كله على خساب صاخب المَخِل ... ما تئلأش) mfb:

أوم إيه يا سيدي ... ألائي بتوع السفارة الكندية في جاردن سيتي بيتصلوا عشان الفيزا ، يلا كندا ف الانتظار :blink: حاضر يا ست الكل جايين wst::

رحنا وعملنا لاندينج في تورونتو سبتمبر اللي فات ، وهمه 3 أسابيع ، ورجعت على مصر ، ومن مصر للسعودية تاني ، ع الشغل طبعاً.

وبالمناسبة ، شقتي هناك في (يانج آند إجلنتون) ، أكيد عارف المكان ده :blink: هوه مش ده بالظبط ، شمالاً شوية ، يانج مع برود واي. أنا بقى ف التقاطع بذات نفسيييه mfb:

وبقت الأجازات ؛ أجازة على مصر أو على كندا. هتسألني ولإمتى؟ هئوللك ، أنا عارف إن حياة التشرُّد دي مش هتنفع ، ومدي لنفسي ماكسيمام سنتين ، أو أقل ، أكون ظبّطت ظروفي ، وعملت معادلة الميديك (Emergency Medical Responder, EMR) ، وممكن أشتغل بيها Rig Medic (ما هو ما بيشغلوش دكاترة ف البوزيشن ده) ، وهيكون بنفس المستوى ومسئوليات الشغل اللي ف السعودية. ساعتها أقدر أرجع وأستقر هناك ، والائي مصدر دخل هناك. وأثناء شغلي هناك (برضه نظام الروقان والمزاج العالي ، ومقضيها أفلام ع اللابتوب وكده) ، ممكن أعمل المعادلة الكندية للأطباء هناك.

دي يا سيدي البلان بتاعتي ، وربنا يسهل.

حالياً أنا ف المنصورة ، وبعد تلات تيام (الخميس) هاكون ف الخُبر إن شاء الله.

عرفت يا ريس إيه حكاية (المنصورة - الخبر - تورونتو)؟

وكمان طلعت تورونتاوي قديم

ما تحكيلنا حكايتك

هيحصل يا باشا ، هيه حدوتة طويلة ، وهتنزل قريباً ، بس بالملم في خيوطها ، وبارتب أفكاري ...

وهتعرفوا الحكاية من طأطأ ، لسلامو عليكو :wub:

محمد سعد.

دكتور محمد اسمحلى انا اخدت ايميلك وضفته عندى عاوز اكلمك في موضوع مهم

ارجو قبول اعتذارى لتطفلى

واشوفك قريب باذن الله

والسلام عليكم

[jgeorge]

كندا حلوة و تجنن و الصور تهبل بس المشكلة فى تأثير المجتمع على الجيل الثانى لاولادنا

يا استاذ جورج انا حاسس انك حتعيط علشان توصل للناس معلومة ان اولادهم في خطر في الغرب وهما فاهمين بس مش عايزين يصدقوا..ايوة وفي بلد زى كندا يتخاف علي الولد اكتر من البنت ..واقسم بالله الشذوذ من لواط الي سحاق بيمارس بصورة طبيعية في المدارس الكندية.اذا كان المدرس او المدرسة شواذ فمابالك بالاولاد.الاولاد بيقعدوا في المدرسة اكتر مابيقغدوا في البيت فطبيعي اى حاجة حتحصل.سجاير,فودكا,مارجوانا,شذوذ,فمتحطش البنزين جانب النار وتقول ربنا يستر.ياأخ جورج سيبهم يحلموا.

و حعيط ليه هما اللى حيعيطوا لو حصل لولادهم حاجة

اصل احنا المصريين حنموت على الغرب و تعليمه كأن ليس عندنا ثقافة عربية او تراث او حضارة، طب اتحدى كده الغرب انه يبطل يستعمل الجبر و حساب المثلثات و الاقام العربية و الصابون؟؟؟؟؟؟؟؟؟؟؟؟؟؟

كل خبرتنا احنا المصريين مشتقة من العيشة فى الدول العربية و بنتخيل ان تربية الاولاد فى الغرب حتكون تمام زى الدول العربية.

الغرض ان اللى مش عاوز يجرب فى اولاده يبقى يروح يجيب الفلوس و يرجع لاولاده

و للى عاوز يأخذهم يبقى عارف المخاطر و يفتح عينه و يرجعهم لو فيه 1% خطر قبل فوات الاوان

انا يا ما اتقالى الاولاد خلى بالك و متجبهمش انجلترا و انا عملت ودن من طين و ودن من عاجين بس دلوقتى اقول لك ان الكلام الىى اتقالى كان صح