طبيب ناجح بالصعيد أفكر فى الهجرة .. أشيروا على

[ايهاب سالم]

[ايهاب سالم]

[moheltohamy]

عمنا / إيهاب سالم...

فكرتني بأيام زمان لما كنا نجيب مجلة ميكي وماجد وسعد وسمير ، عشان نتفرج ع الصور

فين يا ريس تعليقاتك والشرح؟ مش تقول لنا الأماكن دي فين؟

برضه العلمو نورن...

وتسلم يا باشا ، وتسلم مجايبك

[ايهاب سالم]

عمنا / إيهاب سالم...

فكرتني بأيام زمان لما كنا نجيب مجلة ميكي وماجد وسعد وسمير ، عشان نتفرج ع الصور :happy:

فين يا ريس تعليقاتك والشرح؟ مش تقول لنا الأماكن دي فين؟

برضه العلمو نورن...

وتسلم يا باشا ، وتسلم مجايبك B)

دوك

كلها صور من حدائق في منطقة port credit في مسيساجا حيث أسكن

لم اجد كلام للشرح لأنها صور حدائق ليس أكثر

سيادتك حولنا 4 حدائق على مسافه صغيره .. سيرا على الأقدام و يوجد 5 أخرى على مسافة من 5 إلى 10 دقائق بالعربيه

إنت عارف كندا في الصيف إنفجار حدائق و متنزهات

جنة الله في الأرض

أو

Kingdom of heaven B)

لما تيجي كندا أرشح لك تسكن عندنا هترتاح جدا

زي ما انت شايف جمال يخلب الألباب

Breathtaking Beauty

المزيد في الطريق

[qenawy]

الله علي الصور الله

الفلوس مش كل حاجة اهم حاجة الراحة النفسية المفقودة

كلنا سنعيش مرة واحدة لماذا نقضيها في قلق الخوف علي مصيرنا ومصير الابناء

الحق

كندا راحة نفسية عظيمة يبدو لي ذلك

ربنا ينولهالنا

طيب سؤال اخير لو اسمي قريب للظواهري فيه مشكلة

[Automatic]

ا

طيب سؤال اخير لو اسمي قريب للظواهري فيه مشكلة

طبعآ في مشكله...........مش حيعرفوا ينطقوه .

بس ممكن تختصره ل ظوظو Zozo ده يبقي أسهل بكتر :ninja:

[ابو الخير]

شوف يا دكتور ممكن تفكر في استراليا انا سمعت انها اسهل في تشغيل الاطباء انت اكيد قريت عن الصعوبات اللي بتواجه الدكاتره في كندا انا قريت الموضوع ده ادخل شوفه كده

http://www.egyptiantalks.org/invb/index.ph...55413&st=15

[جبار سينج]

[جبار سينج]

[qenawy]

طبعآ في مشكله...........مش حيعرفوا ينطقوه .

بس ممكن تختصره ل ظوظو Zozo ده يبقي أسهل بكتر

يا سلام ريحتني يا شيخ حسنا لو ربنا كرمني وهاجرت ابقي خلي بالك مني

يعني خلي بالك من زوزو

[dawn walker]

سلام عليكم

لو سمحتم لى اشارك

انا شايف ان كل الاراء اللى اتقالت فى الموضوع ده صح لان الحاجة الاساسية اللى حتحدد نجاح موضوع الهجرة هيا انت حتلاقى شغل فى تخصصك ولا لا وانا حاكلم عن تخصصى كطبيب

باختصار شديد انا اول امبارح بس اخدت رخصة ممارسة المهنة فى اونتاريو بعد وصولى لكندا بعشر سنين بالتمام والكمال مع انى نجحت فى امتحانات المعادلة بسرعة شديدة ومن غير سقوط بس هنا كقاعدة اى تدريب او خبرة خارج كندا لا تساوى شئ ولازم تبدا التدريب كطبيب مقيم من الاول

المشكلة بقى ان كندا الاماكن فيها محدودة جدا للاجانب فى وظائف الاطباء المقيمين وكان على ايامى حوالى سبعين وظيفة ويمكن زادو شوية دلوقتى بس فى الاف بتقدم كل سنة واعرف ناس من سنة 90 بتقدم كل سنة ولغاية دلوقتى شغالين حراس امن وبيتزا دليفرى

المهم يا سيدى عشت اربع سنين فى كندا كانو عجب خلونى ما بقتش اعرف اضحك تانى بس برضه فضلت اذاكر المره دى للمعادلة الامريكية وطبعا فى الفترة دى اشتغلت اشغال تعبانة وسكنت فى بيوت فيها فيران وشهور كثيرة ما يفضلش معايا للاكل الا 60 او 70 دولار وطبعا اى فلوس جايبها معاك من مصر بتروح فى اول سنة خصوصا مع مصاريف الامتحانات و الكتب والكورسات وخلافه

بس ربك كريم ونجحت بمجموع عالى فى المعادلة الامريكية والامريكان ناس بتقدر العلم ورحت طبيب مقيم فى امريكا 5 سنين كانوا فى منتهى الجمال وفرق السما من العمى المهم يا سيدى نجحت فى البورد الامريكى وكمان الزمالة بتاعة الكلية الملكية فى كندا وكان لازم ارجع كندا علشان الدراسة بتاعتى خلصت وبرده الاقى مشاكل فى الترخيص علشان موضوع الخبرة الكندي ولقيت شغل فى مقاطعة بعيدة كملت فيه السنة الخبرة المطلوبة وان شاء الله استلم شغلى فى اونتاريو اخر الصيف

اللى ساعدنى فى القصة الطويلة دى بعد توفيق ربنا ودعا الوالدين انى كنت اعزب ومن غير مسؤلية عائلية وانى كنت مصمم ان الناس دى ماتغلبنيش وخدت العملية على صدرى وقولت لازم اكون احسن من اجدع واحد عندكم

والخلاصة بالنسبة للاطباء فرصة النجاح اصعب بكتير من اللى بيشتغلوا فى مجال الكمبيوتر اللى الدخول فيه سهل نسبيا علشان مافيهوش تراخيص ممارسة مهنة بس برضه الخروج منه سهل وانا شخصيا اعرف 6 بيشتغلو فى 3 شركات مختلفة اترفدوا فى اسبوع واحد عند هبوط بورصة اسهم التكنولوجيا فى 2001 و 4 منهم راحوا الخليج واعتقد لسه هناك اما بالنسبة للدين والتعليم وحياة الاسرة فده حيكون فى مداخلات اخرى ان شاء الله

الف مبروك الرخصة....وبالتوفيق ان شاء الله دائما ...بس انا عاوز اتكلم بصراحة ...وعندى شوية استفسارات يا دكتور

بصراحة عشر سنين كتير قوى ....

وبعدين هل اجتياز امتحانات الرخصة الامريكية ....صعبة جدا كما يشاع عنها ؟!

وامتحانات المعادلة الكندية ......شكلها رزلة ..!

بس همسة فى اذن الاخ سامح اللى بيقول شعر رائع فى مصر .....ونسب الذكاء والتقارير الصينية عن معدلات ذكاء المصريين فكلها مضروبة .....

اخوكم هاوس اوفيسر .....

[Bassam El Sayed]

دكتور dawn walker

فى مداخلتك قلت انة الامريكان ناس بتقدر العلم . هل الكنديين لا يقدرون العلم بمعنى لو انا راجل شغال فى مجال IT ومعايا شهادات معترف بيها عالميا لن يقدروها او ينظروا اليها؟

انت كلامك خوفنى جدا اكتر ما انا خايف

[mohagerkadim]

الف مبروك الرخصة....وبالتوفيق ان شاء الله دائما ...بس انا عاوز اتكلم بصراحة ...وعندى شوية استفسارات يا دكتور

بصراحة عشر سنين كتير قوى ....

وبعدين هل اجتياز امتحانات الرخصة الامريكية ....صعبة جدا كما يشاع عنها ؟!

وامتحانات المعادلة الكندية ......شكلها رزلة ..!

بس همسة فى اذن الاخ سامح اللى بيقول شعر رائع فى مصر .....ونسب الذكاء والتقارير الصينية عن معدلات ذكاء المصريين فكلها مضروبة .....

اخوكم هاوس اوفيسر .....

المعادلة الكندية صعبة فعلا بس انا نجحت فيها فى اول سنة فى كندا و قدمت على وظايف طبيب مقيم ولاحياة لمن تنادى وتانى سنة نجحت فى المعادلة الامريكية بس كان معاد التقديم للوظايف فات فقدمت فى كندا تانى من غير فايدة وفى السنة الثالثة قدمت فى امريكا وفعلا لقيت وظيفة بس الفيزا لامريكا اتاخرت شهور علشان كانت بعد المشاكل اللى حصلت فى 2001 بعدين 5 سنين طبيب مقيم فى امريكا وسنة شغل فى مناطق نائية فى كندا يبقوا عشر سنين

والنصيحة لاى دكتور قبل ما يفكر يسافر كندا ياخد المعادلة الامريكية وهو لسه فى مصر ده حيوفر له وقت وفلوس كثير ويذاكرلها زى ما كان بيذاكر فى ثانوية عامة علشان يجيب درجات عالية ويبقى مامن نفسه ويقدر يلاقى وظيفة فى امريكا اذا قفلت معاه فى كندا

[mohagerkadim]

دكتور dawn walker

فى مداخلتك قلت انة الامريكان ناس بتقدر العلم . هل الكنديين لا يقدرون العلم بمعنى لو انا راجل شغال فى مجال IT ومعايا شهادات معترف بيها عالميا لن يقدروها او ينظروا اليها؟

انت كلامك خوفنى جدا اكتر ما انا خايف

الحقيقة انا قلت كده بس كمان قلت ان مجال الكمبيوتر اسهل كثير الدخول فيه لان لسه مش مطلوب فيه ترخيص لممارسة المهنة وممكن تسال العاملين فى مجال الكمبيوتر فى كندا ايه التخصصات المطلوبة حاليا وان كان موضوع الخبرة الكندية احيانا بيعمل مشاكل لبعض الناس

[moheltohamy]

بصراحة عشر سنين كتير قوى ....

وبعدين هل اجتياز امتحانات الرخصة الامريكية ....صعبة جدا كما يشاع عنها ؟!

وامتحانات المعادلة الكندية ......شكلها رزلة ..!

بس همسة فى اذن الاخ سامح اللى بيقول شعر رائع فى مصر .....ونسب الذكاء والتقارير الصينية عن معدلات ذكاء المصريين فكلها مضروبة .....

اخوكم هاوس اوفيسر .....

هممم ، حكاية إن المعادلة الأمريكية صعبة ، هيه أكيد صعبة. بس أنا أعرف واحد صاحبي (حالياً ف الكويت) ، عملها وهوه عسكري ف الجيش (فترة التجنيد). قدم عليها وبعد 3 شهور امتحن الجزء الأول ، وكمان 3 شهور وامتحن الجزء التاني. وبعدها أخد الماجستير في النفرولوجي ، وجتله فرصة السفر لنيوزيلندا ، وقالوله إنهم هيمتحنوه الجزء التالت العملي ، ولو نجح هياخد الإقامة ، وهيشغلوه هناك ، وبعد 3 سنين الجنسية! لكن هوه ما كملش ، ورجع تاني عشان كان مسجل الزمالة المصرية! وكبر دماغه عن الهجرة!

اللي عاوز أقولهولك إن الراجل ده مش آينشتاين (آينشتين دلوقتي في مونتريال ) ، والمعادلة الأمريكية ممكن تعدي منها وبسكور عالي كمان ، بس أكيد طبعاً محتاجة شوية بهدلة! الميزة في المعادلة الأمريكية إنك لو نجحت في امتحاناتها بتضمن تاخد نيابة ، بعكس الكندية ، ما فيش علاقة بين النجاح في المعادلة واللايسنس!

وبرضه المعادلة الكندية ناس كتير بتعدي فيها. مفيش حاجة مستحيلة ، بس اللي عاوزه لازم تحط في بالك إنو مفيش أوبشن غيره ، وتستموت عشان توصل له ، وسدأني ، هتوصل له ... حط ده في بالك.

دكتور dawn walker

فى مداخلتك قلت انة الامريكان ناس بتقدر العلم . هل الكنديين لا يقدرون العلم بمعنى لو انا راجل شغال فى مجال IT ومعايا شهادات معترف بيها عالميا لن يقدروها او ينظروا اليها؟

انت كلامك خوفنى جدا اكتر ما انا خايف

إنتا بتتلكك يا بسام؟! حد جه ناحية الآي تي؟!

الآي تي شغال زي الفل ، ومش محتاج حتى شهادات معترف بيها ولا بتاع! الدوت نيت في مصر هوه في كندا ، والأوراكل في مصر هوه بتاع كندا. مش كده ولا إيييييه؟!!

بس لو حاولت تاخد شوية شهادات من بتوع مايكروسوفت سيرتيفايد دول ، هيبقو صابورت كويس أوي ليك.

أنا واحد صاحبي كان شغال في أمريكا قبل ما يروح كندا ، ولما اشتغل ، لا حد قال له عاوزين شهاداتك ، ولا عاوزين كنافة!

تفاءل خير ، واحمد ربنا إن تخصصك مش عاوز معادلة ولا لايسنس!

[samehelassad]

بمناسبة الاخوة الكرام اللي في المنتدى اللي كلهم صيادلة ودكاترة محدش فكر فيكم يجرب يشتغل كمندوب دعاية طبية في شركة ادوية قبل ماتاخد الرخصة. ولا دة كمان عاوز رخصة.

بالنسبة ليك يادكتورmohagerkadim الف مبروك على الرخصة في اونتاريو بس ياترى خلال اول تلات سنين اللي مكنتش بتلاقي شفل كطبيب كنت بتشتغل اية. ولية ماشتغلتش في شركة ادوية كمندوب دعاية. انا بشتغل في شركة ادوية عالمية والمرتبات في الشركات دية لمندوبين الدعاية الطبية بتكون ممتازة والوظايف فيها موجودة.

[mohagerkadim]

بمناسبة الاخوة الكرام اللي في المنتدى اللي كلهم صيادلة ودكاترة محدش فكر فيكم يجرب يشتغل كمندوب دعاية طبية في شركة ادوية قبل ماتاخد الرخصة. ولا دة كمان عاوز رخصة.

بالنسبة ليك يادكتورmohagerkadim الف مبروك على الرخصة في اونتاريو بس ياترى خلال اول تلات سنين اللي مكنتش بتلاقي شفل كطبيب كنت بتشتغل اية. ولية ماشتغلتش في شركة ادوية كمندوب دعاية. انا بشتغل في شركة ادوية عالمية والمرتبات في الشركات دية لمندوبين الدعاية الطبية بتكون ممتازة والوظايف فيها موجودة.

الحقيقة اشتغلت حاجات ملهاش علاقة بالطب نهائى بارت تايم لان تركيزى الاساسى كان على المذاكرة وافتكر يمكن قدمت مرتين على مندوب دعاية طبية بس مجاليش حاجة ويمكن لو حد عنده خبرة فى المجال ده يلاقى فرص احسن منى كمان لاحظت ان تقريبا كل اللى فى المجال ده تقريبا من اهل البلد و دراستهم بعيدة عن الطب

كمان فى اونتاريو حوالى 1500 طبيب مهاجر بدون عمل ودول بيتنافسوا على اى حاجة قريبة من الطب مع ملاحظة ان معظم الحاجات دى فيها دراسة وامتحانات وتراخبص

بس مندوب دعاية مافيهاش ترخيص على حد علمى

[jgeorge]

كندا حلوة و تجنن و الصور تهبل بس المشكلة فى تأثير المجتمع على الجيل الثانى لاولادنا

[jgeorge]

احمد ربنا يا قناوى على النعمة اللى انت فيها و تذكر قوله

قال عز وجل: وضرب الله مثلا قرية كانت آمنة مطمئنة يأتيها رزقها رغدا في كل مكان فكفرت بأنعم الله فأذاقها الله لباس الجوع والخوف بما كانوا يصنعون [النحل 112">

[ايهاب سالم]

كندا حلوة و تجنن و الصور تهبل بس المشكلة فى تأثير المجتمع على الجيل الثانى لاولادنا

هو مش ممكن دوك جناوي يعمل زي حضرتك و يهاجر و يستفيد ماديا و مهنيا و جنسيه و لغه و تعليم و يبقى يرجع لو أحس بالخطر على أولاده

وبعدين هو بيقول إن زوجته سيده ممتازه تربويا ... يعني ممكن يكون مصيره أفضل و أولاده ( أو أولادي مثلا ) يكونوا من نسبة ال 10 % الذين لا ينحرفون ( حسب تقديراتك )

خلينا نجرب زي حضرتك

تم تعديل 7 يوليو 2008 بواسطة ايهاب سالم