طبيب ناجح بالصعيد أفكر فى الهجرة .. أشيروا على

[jgeorge]

طب سمعتم عن المصرى اللى قتل بناته الاربعة و مراته فى كندا من حوالى 10 او 15 سنة، طب ليه، ياريت بقى الخبراء الكنديين يردوا علينا و يقولوا لنا سبب القتل!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

مجنون؟

طب اية اللى جننه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[jgeorge]

طب سمعتم عن المصرى اللى قتل بناته الاربعة و مراته فى كندا من حوالى 10 او 15 سنة، طب ليه، ياريت بقى الخبراء الكنديين يردوا علينا و يقولوا لنا سبب القتل!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

مجنون؟

طب ايه اللى جننه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[dawn walker]

اولا احب ان اشكر كل من رد على تعليقى السابق mohagerkadim و moheltohamy

متشكر جدا على المعلومات القيمة

اما الاستاذ سامح

كان بيقول

همسة فى اذن الاخ هاوس اوفيسر

انا مش كداب ولا منافق علشان اطلع كل شوية اقول على حاجات ما بتحصلش اساسا

انا زى ما قلت الحلو الى فى مصر قلت الوحش برضو

وبالنسبة لنسبة الذكاء والكلام دا هاسيبك مع كام رابط انجازات فردية فقط

اقرى الموضوع دا كويس فيه معلومات عن كندا

العبقري ابن الــــ9 سنوات

ولو حضرتك عايز حاجات تانية بس فى قسم انجازات المصريين

وفى غيرهم كتيييييييييير جدا

عرفت بقى ان انا مش بنافق واشكرك على همستك

بطل العالم في الشطرنج تحت 20 سنة

الحالة الاقتصادية والعلمية والاجتماعية فى مصر تشهد على كلامك !! وما دمت مقتنع بما تقوله .فميش اى مشكلة عندى .

بس ان بصراحة شايف غير كده .

اما

الاخ

j georg

كلامك كله صحيح ...ولكن الفقر فى الوطن غربة ...والغنى فى الغربة وطن وبعدين اكيد عيشتك بره اضافت الكثير لك ماديا ومهنيا .وحتى دينيا عبى ما يبدوا من مداخلاتك

تم تعديل 9 يوليو 2008 بواسطة dawn walker

[magedghonim]

تورنتو باشا

حمدالله على سلامتك...

وكل الغيبة دي عشان كلمة (باك)...؟ :blink:

بس طمنا عليك الاول....تحياتي

[ايهاب سالم]

وأتذكر كلمة للكاتب محمود السعدني ، إن كل واحد بيشوف مرآة نفسه (كان بيتكلم عن أمريكا)... بمعنى ؛

ممكن واحد يقول لك أمريكا بلد نظيفة ومرتبة ومنظمة ،

واحد تاني يقول لك أمريكا بلد متقدمة ، وفيها التكنولوجيا بلا حدود ،

واحد تالت يقول لك بلد الفلوس والأسعار فيها رخيصة ،

واحد رابع يقول لك بلد فيها خيرات من خير ربنا وأراضيها معظمها خصبة مش صحرا زي عندنا ،

و واحد يقول لك دي بلد زبالة كلهم عاهرات وفسقة و ولاد كلب! كل واحد بيلفت نظره حاجة هوه بيدور عليها!

تذكروا الإقتباس الوارد أعلاه كلما قرأتم رأي عن الحياه في كندا

أنا عشت في مصر حتى سن السادسه و العشرين و في قطر 10 سنوات و في كندا 10 شهور حتى الأن

لم أرى تاجر مخدرات و لا مدمن مخدرات و لا حتى شفت المخدرات دي على الطبيعه شكلها أيه

و لا عمري شفت عاهرات و لا شواذ

كل واحد بيشوف الحياه اللي متوافقه مع شخصيته و أسلوب حياته و الأماكن التي يتردد عليها

تم تعديل 9 يوليو 2008 بواسطة ايهاب سالم

[jgeorge]

اما

الاخ

j georg

كلامك كله صحيح ...ولكن الفقر فى الوطن غربة ...والغنى فى الغربة وطن وبعدين اكيد عيشتك بره اضافت الكثير لك ماديا ومهنيا .وحتى دينيا عبى ما يبدوا من مداخلاتك

اولا لا تنسى ان قناوى ابتداء و قال انه دكتور ناجح و بيكسب كويس باحلال و بنى نفسه من الصفر

كل المشكلة انه عاوز الاحسن لاولاده لذلك وجب على انى اوعيه على مخاطر التى يتعرض لها الاولاد فى الغرب

ثانيا الاستفادة العلمية اكيدة و لكن كان يمكن اختصارها على عدد سنوات اقل بكثير، بس انا كنت عامل ابو على و فاكر اننى سوف انجح مع الاولاد فيما فشل فيه الاخريين، و بعدين لقيت الىى حذرونى كان كلامهم صح

ثالثا الاستفادة المادية ليست كما تتخيل، لانك اذا قررا الاستقرار سوف تشترى بيت و مصاريفك تعلى جدا و الباقى قد يصرف فى رحلة الصيف لمصر، خمس تذاكر بالغين و فلوس الفسح فى مصر و اى دولة اوروبية فى نصف السنة.

اما الخسارة المادية الان كبيرة لان سوق شراء العقارات انضرب و الاسعار نزلت و نفيش حد يشترى لان البنوك مبتسلفش، و لسه عمال اخسر لحد مابيع البيت، بس كسبت اولادى، و رجعوا بقوا مصريين تانى.

ارجو ان اكون اوضحت وجهة النظر.

[ايهاب سالم]

يا دكتور جورج

إحنا أولادنا ما زالوا صغيرين

مثل أولادك لما سافرت إنجلترا أول مره

خلينا نجرب

يمكن ننجح في تربية أولادنا و يطلعوا من ال 10 %

مش لازم كل الناس تجربتها تكون زي حضرتك

شكرا على النصيحه

إستوعبناها جيدا

[jgeorge]

من خاف سلم

يا ايهاب انا عاوز اوضحلك ان اولادى محصلهمش حاجة علشان ارجعهم

انا لقيتهم بتكلموا انجليزى فى البيت و بدؤاء يتركوا المحطات العربى و يتفرجوا بس على الاجنبى، حسيت ان الانجليز دخلوا البيت

نيجى للبيئة المحيطة الاولاد و البنات اللى معاهم فى المدرسة ركبهم ميت عفريت من اللى مخرم كل اجزاء جسمه الى الوشم الى الحرية الجنسية لدرجة انهم قالوا للولد فى المدرسة Safe sex is better than no sex طب انا بقى ابنى حيكون سيدنا ابراهيم

درست حالة الجيل الثانى لقيته زفت

لذلك عرفت النعمة اللى فى مصر اللى انا اتبطرت عليها و انا الحمد الله مبسوط جدا و الاولاد عندهم اصحاب مصريين مسلمين كويسيين و كمان اصحبهم المسيحيين المصريين ممتازين

لو الواحد استنى لما يحصل حاجة يبقى عليه السلام مفيش حاجة هناك بتصلح و ساعتها الاولاد مش هيرجعوا.

اقراء رواية شيكاجو لعلاء الاسوانى و انت تعرف انا بتكلم عن ايه

[ايهاب سالم]

من خاف سلم

يا ايهاب انا عاوز اوضحلك ان اولادى محصلهمش حاجة علشان ارجعهم

انا لقيتهم بتكلموا انجليزى فى البيت و بدؤاء يتركوا المحطات العربى و يتفرجوا بس على الاجنبى، حسيت ان الانجليز دخلوا البيت

عظيم يا دكتور جورج

إذن نحن متفقين أن الإنحراف لا يحدث فجأه و له مقدمات لاحظتها حضرتك فقررت العوده

وأنت قلت مسبقا أن 10 % في تقديرك من أبناء المسلمين لا يتأثرون بأخلاق الغرب

إذن دع دوك جناوي و أنا و من في نفس ظروفنا يخوض التجربه

يمكن ظروف بيوتنا و أسلوب تربيتنا يعطي نتيجه مختلفه

وأوعدك لو لاحظت تغيير على أولادي أخدهم و أرجع............................. الخليج تاني

لكن مصر ......... مفتكرش

ويمكن نلاقي الأولاد ربنا هاديهم ونكمل و نطلع من ال 10 % ونكسب كل حاجه

إدعيلنا يا دكتور جورج

بالمناسبه ما رأي حضرتك في الموضوعات دي

معاكسة البنات والسيدات والتحرش بهم

تحرش جماعى بالاناث فى وسط البلد

كيف تتخلص الفتيات من تحرش الشباب ؟؟؟؟

التحرش الجنسى والاغتصاب

احترم نفسك.. لسه فى رجاله فيك يا مصر

تم تعديل 9 يوليو 2008 بواسطة ايهاب سالم

[ايهاب سالم]

وكندا على العكس تماما هى المثال التانى لانهم فى منتصف الثمانينات افتكروا ان حايكون عندهم زيادة فى الاطباء فعملوا اجراءات شديدة لتقليل عدد الاطباء منها تقليل عدد المقبولين فى كليات الطب وعدم فتح كليات طب جديدة وتصعيب التراخيص على الاطباء المهاجرين وكانت النتيجة نقص شديد فى الاطباء واقسام كاملة و احيانا مستشفيات تقفل لنقص الاطباءو من العادى انك تروح استقبال الطوارئ فى المستشفى وتقعد تنتظر 6 ساعات لما دكتور يشوفك ومن العادى انك تنتظر 6 شهور علشان تشوف بعض الاخصائيين زى انف واذن وحنجرة او العيون مثلا

هل ترضى بشهادة الكنديين أنفسهم و هم في غرفة الإنتظار

There are nearly 50 million Americans without health insurance, compared with none in Canada.

Source: Centers for Disease Control

The median waiting time in Canada is only three weeks for diagnostic tests and only four weeks for specialist visits and none for emergency surgery.

Source: Statistics Canada

70 to 80 percent of Canadians feel their wait times are acceptable.

Source: Statistics Canada

إطلع على رأي الكنديين في نظامهم الصحي هنا

http://www.michaelmoore.com/sicko/canadian...ruth/index.html

[م.سامح المصرى]

السلام عليكم

يا اخ سامح فية كلام قلتة على بلد اوربى مش على كندا

ثانيا انت قلت لما كلنا نطلع مين اللى حيعمر البلد انت حضرتك شغال فين الان

انت بتقول مصر مصر وكلام كتير اززاى تحكم على مصر وانتى بتجيها زيارة كل سنة سائح

فاريت تتكلم بعقلانية اكتر من كدة

مصر غرقانة فى الفساد حتى النخاع

يا استاذ يا فاضل

انا كلامى كلة موجة لكندا وامريكا

وبالاخص كندا لان فى ناس بتديها اكتر من حقها ..... وساعات بتوصل لحاجات غير صحيحة :blink:

ثانيا انا عمرى ما خرجت برا مصر وانا بقالى يجي حوالى 5 سنين او اكتر شغال جوا مصر

عاملت الوحش والحلو الوحشين ما يتعدوش انما الناس الكويسة الى اشتغلت معاهم يتعدوا على صوابع اليد

لاكن بمجرد انى صادفنى واحد كويس بيمحى كل المواقف بتاعت الناس الى اشتغلت معاهم ابل كدا

وانا مش سائح ولا حاجة انا بتكلم فعلا بعقلانية

لانى لو بتكلم كلام اهوج مالهوش لزمة كنت قلت الى يخرج من البلد دى حرام وجاسوس ومعندوش انتماء

لا بالعكس انا بقول وهظل اقول وبطلب كمان ان كل واحد لابد انه يرروح يتعلم او يشتغل هناك لو حاسس انه هايئمن على نفسة

انما انا عندى بعض التحفظات على موضوع الهجرة النهائية بص هادل حضرتك على واحد مش بينافق فى كندا دا تسمعله بجد

اسمة torontoback

اسئلة اهو الراجل عايش فى كندا وعارف اية الى فيها وبيقول الحقيقة

-------------

الفاضل dawn walker

مراراً وتكراراً انا بقول مصر فيها الوحش زى ما فيها الحلو

يا ناس الاقتصاد واقع والعلم باظ والحالة الاجتماعية يرثى لها

لاكن مش مبرر لاننا كل واحد يجرى منها وما يرجعش وزى ما قلت وبقول دايما احنا نروح نزيد من تعليمنا ونشتغل هناك

لاننا هانكسب منهم المعاملة الكويسة الى كانت عندنا وافتقدناها والجدية

يا استاذ جورج انا حاسس انك حتعيط علشان توصل للناس معلومة ان اولادهم في خطر في الغرب وهما فاهمين بس مش عايزين يصدقوا..ايوة وفي بلد زى كندا يتخاف علي الولد اكتر من البنت ..واقسم بالله الشذوذ من لواط الي سحاق بيمارس بصورة طبيعية في المدارس الكندية.اذا كان المدرس او المدرسة شواذ فمابالك بالاولاد.الاولاد بيقعدوا في المدرسة اكتر مابيقغدوا في البيت فطبيعي اى حاجة حتحصل.سجاير,فودكا,مارجوانا,شذوذ,فمتحطش البنزين جانب النار وتقول ربنا يستر.ياأخ جورج سيبهم يحلموا.

حبيبي وحبيبي ويمكن تكون حبيبي :rolleyes:

ازيك يا ريس TorontoBack

welcome back :rolleyes:

ما تغيبش تانى يا رجل الحقائق wst::

[moheltohamy]

خلينا صرحاء شوية يا إيهاب...

أنا واحد صاحبي (زميل الدكة أيام ثانوي ، وجاري في إجلنتون اسكوير) ، زميله ف الشقة (الروم ميت بتاعه ، مصري طبعاً) ، كان بيحاول يركّب التكييف الشباك بنفسه (توفيراً للنفقات) ، المهم البتاع اتزحلق وربنا ستر إنه تفاداه ، بس اتجرح جرح غائر مش فاكر في رقبته ولا كتفه!

المهم ، إتصل بزميلي ، رجع ع البيت وأخده على صني بروك هوسبيتال (أقرب مستشفى للبيت ، وهيه مجمع طبي بجد ، وَهْم ، أنا بقيت فاتح بقى وعامل كيداهوه :blink: وانا ماشي جواها)!

المهم ، دخلو ع الطوارئ ، وفضلو مستنيين ساعتين (والكلام لأحمد صاحبي ده) على ما جالهم دكتور!

من حيث فيه نقص ف الأطباء ... فــ فيه! والكل لامس الموضوع ده. طبعاً مش في كل الأوقات ، ومش كل التخصصات ، ولا كل الأماكن. لكن موجود.

مفيش مجال طبعاً نقارن بين الوضع هناك بالوضع في مصر! خالص!

النظام الطبي في مصر باختصار ... مزبلة! إلا من بعض الحالات التي تستحق التحية ، وهي استثناءات مع الأسف! وكلامي من واقع معايشة بنفسي ومن واقع حياتي العملية (طبيب بكل أسف)!

مش عارف اللوم على الميزانية ولا التهريج اللي في طبعنا ولا التعليم الطبي ولا الإمكانيات ولا الروتين ولا إيه بالظبط؟! لكن النتيجة واحدة! :rolleyes:

ولو تحبو أحكيلكم من المواقف اللي شفتها ، فـــ ... محتاجة قعدة!

تم تعديل 9 يوليو 2008 بواسطة moheltohamy

[محمد عبدالعزيز]

نفسى أعرف رأى الأخوة اللى هاجروا لكندا وبيفتخروا ويتباهوا بكندا وحلاوة كندا ونظام كندا وكل حاجة حلوة فى كندا اللى هما لم يسهموا بأى شئ فى كل هذا التقدم, نفسى أسألهم إذا حصلت كارثة مثلاً أو أى مصيبة لكندا وبقت كندا زى مصر, ياترى حيفضلوا قاعدين هناك برضه ويقولوا كندا هى أمى ولا حيدوروا على بلد تانية يهاجروا لها؟

مش عيب البحث عن الرزق فى اى بلد فى الدنيا العيب انى اجلس حاطط ايدى على خدى ومش عارف اعمل اية :blink: :rolleyes:

معظم الأخوة المهاجرين -إن لم يكن كلهم- واللى عاوزين يهاجروا كمان لم يهاجروا بحثاً عن الرزق, وحضرتك ممكن ترجع لمداخلاتهم وتقرأ بنفسك هما قالوا إيه.

[ايهاب سالم]

خلينا صرحاء شوية يا إيهاب...

الصراحه

والله يا دوك أنا إلى الأن لم أحتاج لا أنا ولا أحد من أفراد أسرتي للطوارئ

أنا كل علاقتي بالنظام الصحي هنا فحص شاملMedical Checkup عملناه بالتحاليل و الأشعه و الذي منه عشان نطمن على نفسينا و ببلاش طبعا

على زيارتين تلاته لطبيبة العائله family doctor بتاعتنا (مصريه) عشان دور برد لأحد الأولاد

عمرك شفت نظام صحي بيعمل للمواطنين Checkup عشان يطمئنوا على أنفسهم وطبعا ببلاش

مش بيهتم بهم بعد المرض فقط

و بعدين ماهم الناس مبسوطين أهم من نظامهم الصحي و الا أنا مفبرك الفيديو

تم تعديل 9 يوليو 2008 بواسطة ايهاب سالم

[moheltohamy]

لأ طبعاً يا راجل ، عمري ما افترضت أساساً إنك هتفبرك لا فيديو ولا حتى معلومة واحدة إنتا قلتها.

بس عاوز أقول لك حاجة... ده رأي فردي أو رأي مجموعة ، ولو دورت شوية برضه هتلاقي آراء تانية. صح؟

والفكرة اللي هيبنيها الراجل اللي بيسأل من بره البلد ، المفروض تُبنى على الرأي العام ، وليس الخاص.

لكن عموماً ، العيادات والاستشارات الطبية والتحاليل ، دي مافيهاش حاجة خالص ، بتحجز ميعاد مع الفاميلي دكتور ، وتنسى بعد كده ، هوه اللي هيظبطلك كل اللي بعده ، من تحاليل ، وتحويل لأخصائي ، وغيره. وهتلاقي عيادة الأخصائي بتتصل بيك على سلّك (مش إسمه السِل فون) ، وتحددوا مع بعض ميعاد الزيارة اللي يناسبك. وكله من أبو بلاش :blink:

وعارف برضه إنك تُسأل لو مرت فترة كبيرة ما عملتش تشيك أب على نفسك. فيه أكتر من كده؟!

بتحس هناك (في كندا قصدي) إنك بني آدم محترم ، وكل حاجة ماشية صح ، وكما ينبغي أن يكون.

[qenawy]

بعد كل ما قيل وقد يقال

خلاص انا هارمي الابليكاتيون في السفارة واصبر الاربع سنين

للامانة

الاحساس باننا بني ادمين افضل من مصر

وكما قلت للاخ جورج تقدر تستغني عن باسبور بريطانيا ؟

ما اظنش

وشكرا لايهاب بك علي ردوده الرائعة وفعلا شخصيته ونظام تفكيره مثلي

الانسانية اولا والارزاق علي الله

[ايهاب سالم]

بس عاوز أقول لك حاجة... ده رأي فردي أو رأي مجموعة ، ولو دورت شوية برضه هتلاقي آراء تانية. صح؟

والفكرة اللي هيبنيها الراجل اللي بيسأل من بره البلد ، المفروض تُبنى على الرأي العام ، وليس الخاص.

ماشي

هذه إقتباسات توضح رأي الكنديين في نظامهم الصحي في رسائل بعثوا بها للمخرج الأمريكي مايكل موور

My wife took me into the emergency room, and within 10 minutes I was in a bed getting treatment.

The doctor checked on me, asked if I thought I needed to stay an extra day,then gave me a prescription, a note for time off work to recover, and made sure I was ok when I got into my wife’s car on the way home. He even called me at home a week later to see how I was progressing.

Within 24 hours, I was admitted to the hospital, had 3 exams, surgery, and was released. If this is what is considered waiting time, I’m more than willing to accept it.

I realized that I was able to rest and recover at home without the fear of upcoming medical bills

I am more than willing to 'pay' a little more in taxes for that piece of mind for myself, my family, and my fellow citizens.

The nurse on duty saw my brother's thumb and admitted him immediately.

Within 5-10 minutes, they had him on an operating table getting him sedation.

All this was done for free, including the following treatments and therapy and without the waiting times that we're accredited with.

I require a lot of health care, and will continue to do so as I age, as I was 15 when I was injured and am only 24 years old now. It costs me nothing out of my pocket. I am sure glad I live in Canada!

there are a lot of things that sometimes seem slightly glorified in your films about Canada one thing that isn't is our health care.

But bottom line is that she hasn't had to to pay for any of this and an interesting fact my father found out is that we would be spending 1000 dollars a day on her if this was the USA

Being a born Canadian, now living in the US When I get sick I drive 7 hours back to Canada just to seek medical treatment

If there was any good purpose for taxation, heath care is it.

Each day my father spent in Hospital cost close to $1000.00. So we’ve been able to calculate that all together it cost nearly $250,000.00 for all my fathers medical expenses. The amazing part about the $250,000.00 is... my father, my family, myself... didn’t have to pay a dime. My family and I are so grateful to live in a country like Canada that has free healthcare. If we lived in the USA we would be broke, homeless and worst of all, my father would probably not be with us today.

النص الكامل للرسائل على هذا الرابط

Canadians tell you the truth

هذا هو رأي العامه يا دكتور محمد سعد

وهذه هي الحقائق مرويه من أصحابها

تحياتي ... و نراك في كندا قريبا إن شاء الله family doctor

تم تعديل 9 يوليو 2008 بواسطة ايهاب سالم

[moheltohamy]

الاحساس باننا بني ادمين افضل من مصر

وكما قلت للاخ جورج تقدر تستغني عن باسبور بريطانيا ؟

ما اظنش

وشكرا لايهاب بك علي ردوده الرائعة وفعلا شخصيته ونظام تفكيره مثلي

الانسانية اولا والارزاق علي الله

إيهاب برضه يا د. قناوي؟ ماشي يا عم wst::

هذا هو رأي العامه يا دكتور محمد سعد

وهذه هي الحقائق مرويه من أصحابها

تحياتي ... و نراك في كندا قريبا إن شاء الله family doctor

أكتر حاجة عاجباني فيك يا إيهاب إنك ما بتسيبش حقك أبداً :rolleyes:

وعموماً يا ريسنا ، أنا بالكلام ده راضي ، وبنصه راضي ، وبربعه راضي!

كفاية يا راجل ابتسامة الناس في وشك في كل حتة تروحها ، ولا كأنهم عارفينك وبيحبوك من زمان!

بلا تأمين طبي بلا فلوس بلا جنسية يا راجل... والله ، كفاية أهلها!

وجوها برضه عشان أكون صريح! :blink:

وربنا يخليك ع الدعوة السكرة اللي دعيتهالي دي ، وندر عليا لو حصل ؛ هاكشف عليك انتا والأسرة كلها مدى الحياة ... ببلاش :rolleyes:

[qenawy]

والله الغعظيم يا د تهامي

انا لو شكرتك باي طريقة يبقي هابخسك حقك لذا لزم التنويه

روح يا شيخ ربنا يكرمك علي قد كرمك ودماثة خلقك

وسامحني علي التقصير

لو حصل هاجيبلك معيا زلعتين مش وعسل اسود معتبر وملوخية ناشفة وويكة وبس اوعي يفتكروها بانجو

وبلاش عياط النهاردة

[ايهاب سالم]

أكتر حاجة عاجباني فيك يا إيهاب إنك ما بتسيبش حقك أبداً

مش علشاني

كله عشان خاطر مصر (وش محمد صبحي )

الموضوع مش موضوع حقي و حقك

دي الحقيقه اللي أنا عايشها .... وكله بالإثباتات الموثقه و الحقائق و الإحصائيات

مش كلام مرسل على عواهنه

وبعدين أنا كنت في يوم من الأيام خارج كندا و هأموت على معلومه من الناس اللي عايشه جوه

وأنا هنا بأقدم الحقيقه اللي أنا شايفها

و إنت قلت قبل كده كل واحد بيلاقي اللي بيدور عليه

وربنا يخليك ع الدعوة السكرة اللي دعيتهالي دي ، وندر عليا لو حصل ؛ هاكشف عليك انتا والأسرة كلها مدى الحياة ... ببلاش :blink:

ياعم إنت هتعزم عزومة مراكبيه

ما الحكومه دافعه كل حاجه

تم تعديل 9 يوليو 2008 بواسطة ايهاب سالم