طبيب ناجح بالصعيد أفكر فى الهجرة .. أشيروا على

[ايهاب سالم]

وعموماً يا ريسنا ، أنا بالكلام ده راضي ، وبنصه راضي ، وبربعه راضي!

كفاية يا راجل ابتسامة الناس في وشك في كل حتة تروحها ، ولا كأنهم عارفينك وبيحبوك من زمان!

بلا تأمين طبي بلا فلوس بلا جنسية يا راجل... والله ، كفاية أهلها!

يا دوك دي ثقافة شعب

وبعدين ناس مستريحه وعايشه مش بتعافر عشان تحصل على أبسط حقوق البشر في الحياه

أمنين مطمئنين

مش هيكونوا friendly ليه

تم تعديل 9 يوليو 2008 بواسطة ايهاب سالم

[samehelassad]

بص بقى ياعم قناوي مدام انت عمال تقول اربع سنين اربع سنين انت بقى ياسيدي لما تقدم المفروض هتكون في نظام الهجرة الجديد اللي

فية لو وافقو عليك هتاخدها في فترة من ست شهور لسنة. شوفت ياعم اي خدمة.

[qenawy]

والله يا سامح انا افضل اربع سنين ليه بقي

اكون قربت علي رحلة المليون هذا اولا

ثانيا الاليتس و اقولك مش مهم قوي انا لو جبت عشرة في اللغة من 24 هاحصل 67 نقطه حيث ان مراتي معاها بكالوريوس وانا تعليمي 19 سنة بكالوريوس طب ودبلومة يبقي زي ما يكون

المشكلة بقي في النظام الجديد

انه مش من حقك تقول بم لو رفضوك عشان دم ورقك يلطش

الظابط مراته مزعلاه

شاف قناة الجزيرة

لقي اسمي محمدين

يعني نظام في منتهي الخطورة

كل ما يطمئنني فيه انهم با ين عليهم كده عاوزين دكاترة كتير وهذه ميزة

علي فكرة انا قريت ان حصة مصر 1900 سنويا منskilled worker ولا ادري صحة الرقم بس رقم معقول يعني كل شهر بيوافقوا علي 155 واحد تقريبا مش بطال

[jgeorge]

الحقيقة يا قناوى انا معى الجنسية بالميلاد لاننى اتولدت هناك و كذلك زوجتى بس الحمد الله ان اهالينا ربونا فى مصر، يعنى الباسبور اللى بتسالنى اذا كان ممكن استغنى عنه انا اتولدت لقيته فى ايدى، و كذلك اولادى اللى اتولدوا فى مصر

كل اللى حصل اننى رحت سنتين علشان الزمالة و الدكتوراه، و بعدين رجعت و بعد كذا سنة فى مصر رحت تانى طفاسة و بعدين جبت الاولاد، طب ما كانوا فى مصر كويسسين، بس تقول ايه بقى طفاسة

و كنت بانتقد مصر بشدة و زعلان منها و من ناسها، بس دلوقتى باموت فيها و مبسوط فيها جدا و الاولاد السنة دى مهيصين فى الاجازة اخر هيصة

[Automatic]

بس عاوز أقول لك حاجة... ده رأي فردي أو رأي مجموعة ، ولو دورت شوية برضه هتلاقي آراء تانية. صح؟

والفكرة اللي هيبنيها الراجل اللي بيسأل من بره البلد ، المفروض تُبنى على الرأي العام ، وليس الخاص.

ماشي

هذه إقتباسات توضح رأي الكنديين في نظامهم الصحي في رسائل بعثوا بها للمخرج الأمريكي مايكل موور

هذا هو رأي العامه يا دكتور محمد سعد

وهذه هي الحقائق مرويه من أصحابها

تحياتي ... و نراك في كندا قريبا إن شاء الله family doctor

http://onthefencefilms.com/video/twowomen.html

http://www.thecourt.ca/2007/05/17/litigati...not-going-away/

http://www.theglobeandmail.com/servlet/sto...eandHealth/home

http://www.cmaj.ca/cgi/reprint/160/10/1469.pdf

http://www.canada.com/vancouversun/news/st...eb1&k=32444

http://www.canada.com/vancouversun/news/st...eb1&k=32444

British Columbians wait average of 84 days for MRI: report

B.C. mother of stillborn baby blames doctor

Royal Columbian overcrowding blamed on cuts to beds

Waiting-list Web site “inaccurate” and “misleading,” BC doctors complain

[mohagerkadim]

شكرا للاخ Automatic على ادراجه الوصلات وانوه ان المعلومات موجودة على شبكة الانترنت لكل باحث وهذه مثلا نتيجة بحث سريع باستخدام جوجل http://www.google.ca/search?client=firefox...G=Google+Search يمكن لمن يهمه الامر ان يقرا ويبحث ويكون انطباعاته بنفسه مع ملاحظة ان اكثر المصادر ثقة هى الدوريات الطبية التى تنشر الابحاث بعد التاكد من اتباع الباحثين قواعد البحث العلمى الصحيحة والافلام السينمائية بالطبع ليست من مصادر البحث العلمى

الاستاذ ايهاب سالم

الاحظ انك تحتد كثيرا عند الرد وتتهم المشاركين بارسال الكلام على عواهنه والاختلاف بين الافراد والاراء وارد بين الناس على كل الامور ولكنه لايستدعى ابدا ان تتحول الخلافات فى وجهات النظر الى معارك وتراشقات بالكلمات

وتقبل تحياتى

[ايهاب سالم]

الاستاذ ايهاب سالم

الاحظ انك تحتد كثيرا عند الرد وتتهم المشاركين بارسال الكلام على عواهنه والاختلاف بين الافراد والاراء وارد بين الناس على كل الامور ولكنه لايستدعى ابدا ان تتحول الخلافات فى وجهات النظر الى معارك وتراشقات بالكلمات

وتقبل تحياتى

عفوا .. لم أكن أقصد حضرتك بالمره ولا أي شخص من المحترمين في هذا المنتدى

و تقبل تحياتي أنت أيضا

:blink:

[hazemtara]

نفسى أعرف رأى الأخوة اللى هاجروا لكندا وبيفتخروا ويتباهوا بكندا وحلاوة كندا ونظام كندا وكل حاجة حلوة فى كندا اللى هما لم يسهموا بأى شئ فى كل هذا التقدم

المهاجرين من كل أنحاء العالم هم من بنوا كندا و كل من يعمل في كندا حاليا مثلنا يساهم في نمو إقتصادها و إزدهارها و لو كنا وجدنا فرصه في بلدنا كنا ساهمنا

نفسى أسألهم إذا حصلت كارثة مثلاً أو أى مصيبة لكندا وبقت كندا زى مصر, ياترى حيفضلوا قاعدين هناك برضه ويقولوا كندا هى أمى ولا حيدوروا على بلد تانية يهاجروا لها

من غير ما تحصل كارثه في كندا

أنا لو وجدت فرصه و حياه أفضل في بلد غير كندا سأنتقل اليه

مثلما ينتقل الناس من الريف للحضر في مصر و مثلما يسافر الناس من مصر للخليج و من الخليج لكندا

سعيا في الأرض وراء الرزق والحياه الأفضل

شكرا استاذ ايهاب وهو فعلا احنا لو وجدنا مكان احسن من كندا اية المانع ان احنا نروحة الارض ارض الله واى انسان ممكن يروح اى مكان بحثا عن الرزق طالما مش عارف اعيش فى بلدى وحاسس بانى غريب فى مصر.

مش برضة 280جنية مرتب طبيب دى اهانة & مش لما رئيس الدولة يقول انة راح يعمل كادر خاص للأطباء لو لنتخبوة وبعد اما نجح :lol: wst:: خلاص بح والموضوع اتنسى مش دى برضة اهانة مش عيب لما الطبيب يحصل على دبلوم او ماجستير راتبة ينقص مش يزيد بحجة انك ما شاء الله مش محتاج وسوف تصبح من علية القوم وتلعب بلاملاليم لعب :rolleyes: mfb:

[qenawy]

فكرتني يا صديقي هذا ما تري

خصموا مني 15 جنيه اول ما نجحت في الدبلوما وفتحت عيادة

الصراحة زعلت نفسيا مش عشان الفلوس

بقي بعد ما تعبت والجلدية والله يا جماعة تخصص صعب جدا واسالوا الزملاء الدكاترة

بعد ما تعبت يخصموا مني فلوس

عموما صامدين وصابرين

[qenawy]

الاخ الفاضل حازم

كنت بهزر معاك بخصوص معرفك قريته هذا ما تري فياريت تسامحني لو دمي كان تقيل

[hazemtara]

حبيبى الدكتور قناوى السلام عليكم ورحمة الله وبركاتة اتمنى لك التوفيق والنجاح طبعا فية كثير من الاخوة الافاضل فى المنتدى ممكن يكونوا مش عارفين انك كطبيب مش الفلوس هى فقط مقياس النجاح او الفشل زى ما كثير من الناس بتتخيل فية اشياء تانية كتير الواحد بيفكر فيها ومهمة جدا لى يشعر انة انسان ويكون راضى عن نفسة مش الفلوس بس منها على سبيل المثال لا الحصر الاولاد وتعليمهم ومستقبلهم وانا كأب لازم يكون دة اهم شيء فى حياتى هو مستقبل اولادى وحياتهم المستقبلية وتعليمهم شكلة اية وكمان انا كانسان مستقبلى اية وفرصة عملى اية وتعلمى شكلة اية كم من العراقيل موجودة امامك كطبيب مصرى عشان تسجل فى احد الجامعات المصرية وبتنجح بعد كام مرة فى الدراسات العليا وشكل الكوسة اية فى تعلمنا انت عندك استعداد ابنك يعانى زيك ويتبهدل مثلك انا واحد من الناس اتكلفت فى الاقصر وكنت شغال زى الفل وعشرة على عشرة وبعمل فلوس اشطة ومع ذالك تركت دة ورحت سجلت للماجسيتر علشان دة مستقبلى ونجحت الحمد لله ايوة مش كل النجاح فلوس وانت من داخلك تعبان وحاسس ان زملائك او الاصغر منك اصبح معاهم ماجستير واو دكتوراه ايضا مستوى المستشفى الى انت فيها يعنى انا على سبيل المثال المستشفى الى انا كنت شغال فيها فى مصر ودى مستشفى مركزى فيها تحليل بول وبراز وهيموجلوبين بس دة اسمة كلام يا ناس وجهاز الاشعة عطلان وكل شيء المريض يجيبة من برة n2&( مش دة حرام وهو لية احنا بنفكر في كندا مش حبنا فيها لا هروبا من اوضاع مصر المزرية كل شيء فى مصر وكل مسؤل فقد مصدقيتة حتى رئيس الدولة اصبح الناس لا يصدقوا كلامة حتى خطابة الواحد مش عاوز يشوفة انا لما افتكر خطاب السادات والناس كلها منتظرة الريس هيقول اية او عبد الناصر الواحد بيتحصر على مصر ناصر الى كان العدو قبل الصديق بيشوف خطابة احنا فين الان يا اخوانى clp:: :lol: ربنا يعديها على خير ويستر علينا وعلى واولادنا ups:

[hazemtara]

حبيبى قناوى انا مش زعلان منك احنا فى الهوا سوا ربنا يديم المعروف انا مقدم من السعودية من شهر ونص تقريبا ربنا يوفقك كمل وما تسمع كلام حد من الى بيعقدو الامور والاخوة الى راحوا كندا وما استريحوش لية ما زالوا جالسين هناك طلما جحيم ارجع للجنة مصر موجودة بديل كويس ووظيفة ميرى وحاجة قيمة وسيمة :lol: ثانيا الاخوة الى اخدة بورد امريكى او كندى وشغال فى الخليج ممكن نعرف راتبة ولا العين وحشة n2&( ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

طبعا اقل شيى 5 اضعاف راتبك لو معك دبلوم من او ماجستير من مصر طبعا الكلام دة لانى انا شغال فى السعودية مع ناس عادييييييييين جدا بس معاة البسبور الأمريكى او الكندى او حتى اصغر دولة من دول العالم الأول كما يسمونها زى النمسا او ايرلندا

طيب لما الامر كدة لية بتعقدة الناس هو حتى الحلم كثير علينا محنا قبل كدة سبنا مصر ورحنا الخليج وكلها غربة انل واحد من الناس عاوز لية اسيب السعودية ماهو علشان الزل والعبودية الى احنا فيها انا مرتبى كويس الحمد لله وشغال انا وزوجتى والاشية معدن لاكن فى اى وقت ممكن تأخذ بشوذ وينهى عقدك وتأخد خروج نهائى ولا حد يعبرك لا من مصر المحروصة ولا غيرها يا اخى انا فى عرعر كل سفارت الدول زى باكستان والهند وبنجلاديش فية مندوب من السفارة يجى كل فترة علشان الى عاوز يسجل طفل او شهادة ميلاد او يجدد جواز السفر الا سفارتنا العزيزة والااااااااااف المرات احاول اتصل بيهم سواء فى الرياض او جدة ولا حياة لمن تنتدى دول اموات يا باشا ups: clp:: وناس نايمة على نفسها عامار يا مصر

[ابو الخير]

دكتور قناوي الصراحه كنت بسأل عن سنك و عن اولادك جايز عشان استمد شوية شجاعه منك لان موضوع الهجره ده حاليا بقى عامل زي الحقنه بالنسبه لي هتوجع بس هخف لما اخدها بعد كل الدراسه دي في كلية طب حاسس انه هيكون صعب عليا اني اتحمل كل الضغط النفسي اللي الدكاتره بيمروا بيه في فترة المعادله لدرجة اني مستعد ادرس من اول و جديد هناك بس بدون ما انجح في المعادله و بمجموع كويس و يطلع عيني في انترفيوهات و خلافه

بالنسبه لموضوع الوضع الطبي في كندا فعلا فيه ضغط و قوائم انتظار طويله و الكلام ده من كنديين يعني مثلا حماتي عندها روماتويد و تخصص الروماتولوجي مش موجود غير في مستشفتين في المدينه اللي فيها و العلاج الطبيعي قليل و مش كويس الطوارئ .. يشوفوا الحالات الاهم اول ما تبقى ستابل يسيبوها بالساعات عدد الاطباء لكل 1000 مواطن 2.2 مع ان النسبه المظبوطه مفروض 3 علي الاقل في الدول المتقدمه اعتقد ان هيكون فيه تسهيلات لعمل الاطباء الاجانب خصوصا من الكلام اللي قريته في معظم وسائل الاعلام الكنديه عن العجز الرهيب في اعداد الاطباء

http://www.thecanadianencyclopedia.com/ind...s=M1ARTM0013191

دا مقال مطول عن موضوع نقص الاطباء

سؤال بقى هل انت ناوي انك تعادل شهادتك؟ لان مفيش اي حاجه تدل علي كده من كلامك

بالنسبه لموضوع الاولاد و البيئه و كده

انا هديك مثالين من عائلتي المثال الاول واحده بتدرس دكتوراه مش فاضيه لاولادها و جوزها محاضر في جامعه في امريكا دي بقى مش فاضيه لاولادها علي الاطلاق ده طبعا اثر عليهم اعمارهم 9 و 7 سنين مش يعرفوا يتكلموا عربي مش حافظين اي قرأن مش يعرفوا مصر دي فين الصغير عامل عصابه و بيقتلوا الوز في البحيره اللي ورا بيتهم !!

المثال التاني ام متفرغه لاولادها في مكان تانيه اولادها اكبر في السن 25 و 22 سنه واحد منهم بيخطب في مسجد المدينه و التاني متجوز واحده مصريه و بيجي مصر كل سنه يقضي اجازته و اخوهم الصغير 14 سنه مصمم ان التدخين حرام لانه ضار بالصحه و الجانك فود كمان حرام لنفس السبب !

بالتالي انا شايف ان الموضوع يعتمد عل الاهل بنسبة 60% و ال 40% الباقين دول بقى ستر ربنا لان هنا برضو الاولاد بتفشل و بتضيع

عموما يا دكتور قناوي ربنا يوفقك و ان شاء الله تتقبل و تسافر

[qenawy]

سؤال بقى هل انت ناوي انك تعادل شهادتك؟ لان مفيش اي حاجه تدل علي كده من كلامك

شكرا د ابو الخير

ان شاء الله ساحاول

وان لم استطع فمحسوبك صبي ترزي قديم

مساعد نقاش قديم

مساعد نجار قديم

يعني مش هاغلب

وبعدين معايا تلات عيال ممكن نشحت بيهم من الحاجة كندا لو قبلتنا

يبدو انها احلام يقظة

الخلاصة للاسف مصر مش كويسة دلوقتي ولن تنصلح قريبا الا عندما يشاء الله وطلب الحياة الامنة حق وليس المال فقط فلقد هاجر الصحابة اوائل وكان منهم الاغنياء فرارا بدينهم وحياتهم وراحتهم النفسية

لا اقصد ان اشبه نفسي بهم حاش لله ولكن اللي عاجباه مصر اهي قاعده واي نعم الارض كروية لكن برضه لو لفت مصر في مكانها

وكما قال محمد منير لو بطلنا نحلم نموت وشكرا للاخ اوتوماتيك والاخ تورنتو والجميع والدكتور حازم

[moheltohamy]

يا اخى انا فى عرعر كل سفارت الدول زى باكستان والهند وبنجلاديش فية مندوب من السفارة يجى كل فترة علشان الى عاوز يسجل طفل او شهادة ميلاد او يجدد جواز السفر الا سفارتنا العزيزة والااااااااااف المرات احاول اتصل بيهم سواء فى الرياض او جدة ولا حياة لمن تنتدى دول اموات يا باشا :lol: وناس نايمة على نفسها عامار يا مصر

قارن ده بالقنصلية المصرية في مونتريال ... قمة اللذاذة والاحترام! وخدماتهم ما بيتأخروش بصراحة.

ما تعرفش بأه هل البيئة المحيطة بتؤثر على طبيعة عمل السفارة؟! يمكن الاحترام بينتقل بالعدوى (Droplet infection مثلاً؟!)

وإيه حكاية الدكاترة صحيح؟ كم غريب متقدم للهجرة لكندا ، على ما أذكر:

د. الشامي عمنا والبيونير بتاعنا

د. قناوي حبيبي

د. أبو الخير

د. حازم

د. مهاجر قديم

د. سامح الأسد

د. كنج توت

د. دون ووكر

يعني دول اللي فاكرهم! بس عددهم كبير بجد! مش عارف إيه حكاية الدكاترة! ده بخلاف الدكاترة التانيين اللي أعرفهم ف الرييل لايف ، اللي مقدمين للهجرة أو ماشيين في التحضير ليها!

حاجة بجد لفتت نظري!

[qenawy]

حاجة بجد لفتت نظري!

ايوة يا دكتور طبعا من حقك شوف اصل احنا من فرط تقدير مصر لينا عاوزين نرفع رايتها خفاقة في كندا ثم ان احنا مش عاوزين حاجة من كندا فمرتباتنا والحمد لله بتاعة مصر مكفيانا علي الاخر ومية فل و14 واحترام احترام يعني

اقولك موضوع لطيف

عاوزين عينات من مرضي لتحليل الايدز من مكان عملي

طيب ما عنديش KITS NO SYRINGE NO SAMPLE YUBE NO CENTRIFUGE

اوكي ما اعنديش اي FACILITIES ماشي

اقوم اقول مدير الادارة ما عنديش يقولي اتصرف يا مولانا

قلت له الصندوق بتاع تحسين الخدمة فيه فلوس حوالي مائة الف

قالي مربوط يا مولانا يعني الفلوس مودعه بوديعة

طيب

اتصرف

اشتريت كل شيء علي حسابي وبمساعدة اصدقائي في المعامل اخدنا العينات والحمد لله

امال

لو ما نفذتش اتحول تحقيق وانا سجلي خالي من الجزاءات حتي اليوم والحمد لله

الحمد لله

الحمد لله

[ابو الخير]

هههههههههه تبقى تسلم لي علي الحاجه كندا و الحاجه ام ريكا جارتها :lol:

طيب يا دكتور تهامي ما نعمل رابطه و ممكن نفتح مستشفي من غير ترخيص و نروح في داهيه و كده تعقيبا علي كلام دكتور قناوي فعلا هي دي المشكله انا طالب اهه و عندي خوف غريب اني هلبس فيرس سي ربنا يسترها علينا

انا بس عايز احس اني بني ادم

عايز اشتغل صح و اراعي ضميري في شغلي و ده مش هيحصل في مصر

تم تعديل 10 يوليو 2008 بواسطة ابو الخير

[hazemtara]

وإيه حكاية الدكاترة صحيح؟ كم غريب متقدم للهجرة لكندا ، على ما أذكر:

د. الشامي عمنا والبيونير بتاعنا

د. قناوي حبيبي

د. أبو الخير

د. حازم

د. مهاجر قديم

د. سامح الأسد

د. كنج توت

د. دون ووكر

يعني دول اللي فاكرهم! بس عددهم كبير بجد! مش عارف إيه حكاية الدكاترة! ده بخلاف الدكاترة التانيين اللي أعرفهم ف الرييل لايف ، اللي مقدمين للهجرة أو ماشيين في التحضير ليها!

حاجة بجد لفتت نظري!

الفاضل التهامى انا خريج كلية الطب دفعة 1997م وكل زملائى من الكلية الى انا اعرفهم الأن برة مصر يا موجودين فى احدى الدول الخليجية وعلى راسهم السعودية اكثر من نصف عدد الأطباء او بعضهم فى الكويت والامرات او سلطنة عمان وقلة فى البحرين وقطر وبعض الزملاء فى ليبيا واليمن والاردن والاخرون ما بين امريكا او كندا او انجلترا او ايرلندا او فرنسا وفى حتى ناس طلعين تبع الامم المتحدة فى دارفور وافغانستان ودول افريقيا التى بها نزاعات يا عنى اى حتة ارحم منك يا محروسة po:: لا اعتقد ان دة من فراغ او حب استطلاع ان اطبائنا هجين فى كل بلاد العالم المهم مصر لاااااااااااااااااااااااااااااااااااااااااااااااااااااااا bv:- اذا كنت حضرتك تعرف بس دول انا اعرف المئات من السادة الاطباء المصرين والله الممتازين لكن يا خسارة عليهم يلهثوا وراء ارزاقهم وارزاق اولادهم ولا حول ولا قوة الا بالله الواحد مفروض انة يريح راسة يعمل زى اعيال

[ابو الخير]

و النبي يا دكتور حازم انا هعيط

[moheltohamy]

د. أبو الخير ، ود. قناوي...

أنا لو حكيت على قصتي مع فايروس الــ سي ... هاقعد أسب وألعن!

ممكن نعملها بعدين ، لما الواحد دماغه تروق شوية!

والمساخر اللي بتحكي عنها ف الشغل يا د. قناوي دي ، شفت انا زيها ، وهابقى أحكيلك عنها بعدين...

د. حازم ...

والله أنا فعلاً مش باتكلم على العدد ، أنا باتكلم عن النسبة المئوية للأطباء اللي طفشت م البلد ، يمكن تعتبر من أعلى النسب المهنية للسفر خارج البلاد ، أقصد طبعاً مقارنة بباقي المهن. هل فيه سبب؟

هل هيه الفلوس؟ مستوى المعيشة؟ تجهيزات المستشفيات؟ النظام الطبي بأكمله؟ إحترام وتقدير الأطباء؟ ولا طبيعة الحياة بصفة عامة؟

ولا يمكن عشان همه خونة ، و واطيين ، وما تمرش فيهم العيش المدعم أبو شلن وكيس الملح أبو بريزة وزيت التموين أبو 10 جنيه وشاي التموين اللي... ما لوش لزوم؟!

لما تلاقي أعلى مستوى تعليمي وثقافي في مصر ، هم أكتر ناس بيسعو للخروج والفرار من البلد... ألا يعني هذا أي شيئ؟ ألا يوجد له مدلول؟

حد يفرق معاه اكلام ده أصلاً في البلد؟ وكلمة "نزيف العقول" اللي بتتقال دايماً بشياكة في وسائل الإعلام... حد عمل أي حاجة عشان يفهم أو يحاول يصلح؟

ولا هوه اللي عاوز يمشي ... في ستين داهية ، ومفيش أكتر من القلل ف البلد؟!