طبيب ناجح بالصعيد أفكر فى الهجرة .. أشيروا على

[hazemtara]

الأخوة الزملاء فى هذا المنتدى الرائع نظرا لان المداخلات الأخيرة فيها كثيرا من الهموم و الشجن قررت ان مداخلتى هذة تكون مختصرة جدا وللفائدة فقط دون الحديث عن اى هموم او مشاكل وطبعا صاحب الفضل الأول فى مساعدتى على جمع هذة المعلومات البسيطة هو اخى الكبير والذى احبة جدا رغم انى لم ارة حتى هذة الحظة (د/ الكندى -الشامى سابقا تحية طيبة لة وللاسرة ان شاء الله يكون مبسوط الأن فى المعمورة والمنتزة و لابس الميوة وعامل دماغ كبيرة :sail: )

موضوعى عن تورنتو نوتس كيف تحصل عليها دة طبعا للمقيمن فى السعودية هى موجودة بأحد هذة المراكز ونسخة 2008م مصورة وجيدة وهم حوالي1200 صفحة والله سهلة جدا انا بدائت فيها نأنئة كدة معلومات بسيطة جدا بس عاوزة شوية تركيز المشكلة ان احنا بدئين فى سن كبير شوية لو انا بدأئت وان طالب فى الكلية معتقدتش انها كانت هتكون صعبة لكن الأن دة امر واقع لازم نكيف امورنا علية وسعرها 250 ريال سعودى والمكان هو احد هذة المراكز فى الرياض

رقم مركز الحبيب هو التالي :

014801989

و

012813478

ولهم ايميل بامكانك التواصل معهم

kkbc505@kkbc.com.sa

و مكانهم تقاطع شارع الامير تركي بن عبد العزيز الاول مع طريق الملك عبدالله مقابل مدينة الملك عبدالعزيز للعلوم والتقنية فى هذا المكان سوف تجد اكثر من مركز طبى يبيع الكتب الطبية لكل شيء كتب USMLE & MRCP & FRCS & CANADIAN BORD&AUSTRIALIN BORD & وكل الأجزاء موجودة الجزء الأول والثانى وأى شيء محتاجة.

ايضا هناك مركز زيروكس بجوار مركز الحبيب ودة تصويرة سريع جدا نصف ساعة يصورلك اكثر من 1000 صفحة.

المركز الى انا اشتريت منة بجوارهم واسمة مركز نبراس وموجود فية الأخ محمد عنتر ورقم جوالة 056811316 والأستاذ محمد أبو كف 0500262888 بس هو مسافر الأن وهيرجع فى رمضان ان شاء الله وجوالات اخرى 0504782337&05030848802 طبعا هناك ميزة لمركز نبراس بالذات انك ممكن تكلمهم بالتليفون وتطلب منهم الى انت محتاجة وتحول لهم الفلوس وهم يبعتوها لك على اى مكانك فى السعودية عن طريق DHL& ARAMEIX& FEDIX وشكرا للجميع اى خدمة

[qenawy]

يا الله كلمتين تفاؤل

نقلتهم من موقع كتب قال ايه الاحتياجات الملحة للتوظيف في مانيتوبا وشوفوا بقي المرتب يا سلام

3111 $124,900 Specialist physicians There is a recurring demand for specialist physicians in northern and rural Manitoba.

3112 $94,500 General practitioners and family doctors Continuing demand in the rural and northern regions of Manitoba.

يا مسهل شدو حيلكم يا دكاترة

طيب وتورنتو نوتس دي انا معيا نسخة قديمة موجودة في النت بكثرة

هل مختلفة عن الحديثة

[jgeorge]

يا جماعة بوصوا كده و شوفوا فى الصفحة الاولى 30% من الاولاد فى كندا مولودين بدون زواج

يعنى بالبلدى ثلث الاولاد مع ولادكم فى المدرسة ولاد حرام

بص بقى كده و قول لى هل تقبل فى مصر ان ابنك يبقى قاعد فى الفصل جبن طفل ابن حرام؟

حتقولى مش ذنب الطفل، طب و ايه ذنب اولادك انك تنقلهم من مجتمع اسلامى الى مجتمع مسيحى ثلثه اولاد حرام.!!!!!!!!!!!!!!!

شوفتوا بقى الهجرة مش مشكلة لينا بس مشكلة لاولادنا اللى ضغار او فى سن المراهقة.

[جبار سينج]

يا جماعة بوصوا كده و شوفوا فى الصفحة الاولى 30% من الاولاد فى كندا مولودين بدون زواج

يعنى بالبلدى ثلث الاولاد مع ولادكم فى المدرسة ولاد حرام

بص بقى كده و قول لى هل تقبل فى مصر ان ابنك يبقى قاعد فى الفصل جبن طفل ابن حرام؟

حتقولى مش ذنب الطفل، طب و ايه ذنب اولادك انك تنقلهم من مجتمع اسلامى الى مجتمع مسيحى ثلثه اولاد حرام.!!!!!!!!!!!!!!!

شوفتوا بقى الهجرة مش مشكلة لينا بس مشكلة لاولادنا اللى ضغار او فى سن المراهقة.

طبعا اية ذنب الاطفال دوول والاطفال همة همة سؤال ابن حرام او بنت حلال يعنى اشرار ولا اية

وكمان يا سيدى هناك فية مدارس اسلامية كتيرة

متشغلش بالك انت بس بينا

[qenawy]

مع احترامي لدكتور جورج لكن لاحظت انه كلما زاد عدد الاطفال خارج الزواج زاد تقدم البلد ففي الصورة ايسلاند ثم السويد والنرويج الدانمارك فرنسا وهكذا

هل يعني هذا ان هذه الدول متقدمة عشان هما اولاد حرام

(بهزر يا د جورج)

اظن انهم يقصدون اطفال خارج اطار الزواج الكنسي

ممكن يكون زواج مدني (عقد زواج في الشهر العقاري موجود في مصر)

عموما انا شخصيا اقدر جهدك معنا ولكن اكرر انها مجرد احلام للانطلاق عندما تجد نفسك تدور في حلقة مفرغة في مصر فلوس ياكلها التضخم ورشاوي وتعليم بايظ حتي كلية فيكتوريا بالاسكندرية اسال عن المطاوي مع الشباب هناك

وميزة التفكير في الهجرة لكندا انه شرعي كما انه يسمح بالعودة الكريمة لو المواضيع طلعت سوداء

تحياتي يا د جورج

[ايهاب سالم]

بص بقى كده و قول لى هل تقبل فى مصر ان ابنك يبقى قاعد فى الفصل جبن طفل ابن حرام؟

أنا معنديش مانع إبني يقعد في الفصل جنب ابن حرام في مصر أو في كندا

هو هيتعاص منه ?

ابن الحرام ده جربه يعني

يا دوك و الله الفكره وصلت

ممكن طيب نعمل زي حضرتك

هنروح كام سنه و نرجع على طول

أوعدك

حلو كده

متشكرين جدا

تم تعديل 14 يوليو 2008 بواسطة ايهاب سالم

[م.سامح المصرى]

يا جماعة بوصوا كده و شوفوا فى الصفحة الاولى 30% من الاولاد فى كندا مولودين بدون زواج

يعنى بالبلدى ثلث الاولاد مع ولادكم فى المدرسة ولاد حرام

بص بقى كده و قول لى هل تقبل فى مصر ان ابنك يبقى قاعد فى الفصل جبن طفل ابن حرام؟

حتقولى مش ذنب الطفل، طب و ايه ذنب اولادك انك تنقلهم من مجتمع اسلامى الى مجتمع مسيحى ثلثه اولاد حرام.!!!!!!!!!!!!!!!

شوفتوا بقى الهجرة مش مشكلة لينا بس مشكلة لاولادنا اللى ضغار او فى سن المراهقة.

عادى يا ريس

عادى جدا

يعد جنب ولاد حرام والاطفال نفسيهم عارفين انهم اولاد حرام

يعد جنب شواذ وعارف ان 20% من الى هوا اعد معاهم شواذ

عادى جدا لما تلاقى الواد داخل عليك هوا وواد تانى ابن حرام تقولة يا ابنى يا حبيبي رايح فين

يقولك يا بابا خليك كول انا فى بلد حر واهم حاجة الكرامة

انما بالنسبة لاننا رايحين فين فالواد دا ان حرام وانا شاذ ارتاحت

طبعا الاب ما هيصدق

يا نهار ابيض يا نهار مبروك يا ابنى يا حبيبي اخير يا حبيبي اطبعت بطبعهم

بصى يا ام الواد ابنك طلع شاذ اد الدنيا

ينهار مبروك يا ابو الواد لولولولولولولولولى

يلة بقى يا حبيبي علشان ما نعطلكمش :pasha:

[ايهاب سالم]

د / جورج

أنا موجود فى كندا من سنة 1974 و اشتغلت هنا و تقاعدت من أول يوليو الحالى و أؤكد لك أنى فى خلال ال34 سنة الماضية لم أندم لحظة واحدة على قرار الهجرة.

[Alshiekh]

يا جماعة بوصوا كده و شوفوا فى الصفحة الاولى 30% من الاولاد فى كندا مولودين بدون زواج

يعنى بالبلدى ثلث الاولاد مع ولادكم فى المدرسة ولاد حرام

بص بقى كده و قول لى هل تقبل فى مصر ان ابنك يبقى قاعد فى الفصل جبن طفل ابن حرام؟

حتقولى مش ذنب الطفل، طب و ايه ذنب اولادك انك تنقلهم من مجتمع اسلامى الى مجتمع مسيحى ثلثه اولاد حرام.!!!!!!!!!!!!!!!

شوفتوا بقى الهجرة مش مشكلة لينا بس مشكلة لاولادنا اللى ضغار او فى سن المراهقة.

الفاضل / jgeorge

لى تعليق صغير وارجو ان اجد اجابة واضحة لسؤالى

أولا الحكم على مجتمع آخر بمفاهيم وعادات وتقاليد مجتمع آخر لن يقود لاى استنتاج صحيح.

بمعنى ان تتكلم عن المجتمع الغربى بصفة عامة ومنهم كندا بالطبع بعيون مصرية منغلقة ستكون سلبية بنسبة 100%

ابن الحرام فى مصر معناه أنه بلا أب ، وابن الحرام فى المجتمع الغربى وكما يطلقون عليه انه ابن غير شرعى أى لم ينتج من زواج رسمى ، معروف من هو ابوه ومن هى امه وتستخرج له شهادة ميلاد باسم الاب وينسب الى عائلة الأب.

ولو نظرنا للموضوع من فوق ، سنجد الآتى ، ابن الحرام فى مصر ممكن يكون منبوذ لانه مجهول الاب لانه تم عن علاقة سرية غير شرعية ، وعلى العكس نجد الامر فى الغرب ،الطفل يأتى عن علاقة غير شرعية ولكنها ليست سرية بل بعلم الجميع ، فالطفل يعيش بين الابوين وينسب للأب ولايجد حرجا فى ذلك ، لسبب بسيط انهم يعتبرون ذلك زواجا عرفيا لانه بعلم الجميع وبعرف الجميع من الاسرتين والاهل والاصدقاء وهذه هى شروط الزواج.

ويجب ان ننتبه الى الفرق بين الزانيات والعاهرات من جهة و " البوى والجيرل فريند " على الجانب الآخر ، الأولى مجرمة فى بلدان كثيرة لانها دائما تتم بمقابل مادى ، أما الثانية فهى تتم برضى الطرفين وبعلم الأهل ، ولاتتعدد العلاقة مع افراد آخرين.

أما السؤال الذى أود أن أوجهه لحضرتك فهو ، كما تفضلت حضرتك وعرفت نفسك بأنك عشن بانجلترا لسنيين ، وقررت أخيرا ان تعيش فى مصر للأسباب التى ذكرتها ، وسؤالى لماذا فى كل مداخلاتك تريد ان تفرض وجهة نظرك تلك على الجميع؟

يعيش معى فى المدينة التى اعيش بها الكثير من المسلمين من جنسيات مختلفة ، وعلى الرغم من أن بعضهم من الجيل الثانى والثالث ولبعض من الجيل الأول الا ان القاسم المشترك بينهم جميعا انهم مسلمون وان دينهم يقول كذا وكذا ، وفى نفس الوقت سيدى الفاضل يوجد بمصر خمارات وملاهى ليلية واكيد لها من يرتادها ، وايضا بأمريكا بارات وخمارات وملاهى ليلية ، ولكن حتى الامريكان الذين يذهبون لتلك الاماكن يعتبروا قلة.

فلماذا تحاول تسويد الدنيا فى وجه المهاجرين وكأنما هم اطفال صغار ليست لهم مبادء او قيم تربوا عليها؟ واراك تحمل هم الاجيال القادمة ، وهل تضمن للاجيال القادمة اذا ولدوا بمصر الا يهاجروا بدون ان يستمعوا انصائحك؟

أرجو الا تفهم من كلامى اننى اوجه اى نوع من الهجوم لك ، ولكننى فقط اردت ان اقول انه لو كان شخص ما لم يحسن التعامل مع موقف او مواقف بعينها فيجب ان يتم منع الآخرين من المرور بنفس المواقف.

بعض الآباء تركوا الحبل على الغارب لاولادهم سواء فى مصر او خارجها ، والنتيجة فى الحالتين كانت واحد ، اعنى ان المشكلة ليست فى اين يولد الاطفال واين يتم تنشئتهم بقدر ماهى كيف يتم تنشئتهم ومن يقوم بذلك.

[mohagerkadim]

وجدت هذه الدراسة المفصلة عن الاطباء المهاجرين فى اونتاريو http://www.aipso.ca/pages/docs/Doctors%20o...ard%20Final.pdf

على موقع http://www.aipso.ca/ وهو موقع خاص ب Association of International Physicians and Surgeons of Ontario

وهى دراسة طويلة فى 71 صفحة لكنها جديرة بالقراءة بدقة

[hazemtara]

الستاذ الفاضل ايهاب والله انا بفرح لما أجدك بتشارك فى الحوارات شكرا جزيلا لك اياك تبطل تكتب لنا.

دكتور جورج بعد التحية والسلام حمدا لله على السلامة اولا

ثانيا بلا تعصب او انفعال وخلينا نكون ناس متحضرين ومنفرضش ارائنا على الأخرين وكل انسان فينا يذكر تجربتة بلا اى تحيز او محاولة لترجيح كفة على اخرى.

انا رائى الشخصى ان مفيش دولة على وجة الأرض هى دولة العدل والحرية والمساوة والرخاء المطلق والدولة التى لا يوجد بها ظلم او شر وكلها رخاء اقتصادى ومادى ومفيش فيها رشوة او اناس كذابين ومرتشين اعتقد انها لا توجد على الأرض الأن هل انت متفق معى او لا ؟؟؟؟

كما لا اظن ايضا انة يوجد مكان على الأرض كل اهلة فاسقين وبلطجية وقطاع طرق وخمرجية وزنا وعربدة طول اليوم ولا يوجد بينهم انسان عارف ربنا صح ولا انا غلطان ؟؟؟؟ احنا اتفقنا مفيش زعل من حاجة ومفيش احسن من الصراحة po::

وبما ان مصر قطعة من هذة المعمورة اذن بها الحلو والوحش ايضا هى جنة لبعض الناس وهى جحيم لبعض الناس واعتقد ان الانسان الى فكر يهاجر مش واخد العملية تسلية وهى يومين وراجع دة عمر يا دكتور وحياة تانية خالص& واظن ان مصر الأن واقول الأن واكرر بها كل شيء من رشوة وبلطجة وسرقة فى عز النهار عينى عينك كدة اغتصاب وممكن فى عز الظهر وتحت تهديد السلاح ومحدش يعرف يتكلم نص كلمة وكوسة فى كل شيء فى الوظائف فى دخول الكليات العسكرية والشرطة فى توزيع الشقق على الشباب وقطع الأرض فى المدن الجديدة فى كل شيء فى مصر .

كمان متقليش ان مصر بلد الحشمة والفضيلة لان دة مش موجود ممكن نكون اقل من الغرب شوية بس مش كتير وطبعا دة واضح زى الشمس من شرم الشيخ والغردقة ودهب و الساحل الشمالى ومارينا وغيرة وانت سيد من يعرف الحر دخل وكلة راح يخلع ملط وكل على قدر ثقافتة ومستواه الفكرى والمادى يعنى انا واحد فلاح زى حلاتى اقصاها يلبس الميوة عشر دقائق الساعة ستة الصبح قبل الناس ما تصحى وينزل يبلبط شوية ويطلع جرى وطبعا الحريم دى فيها قطع رجبة وروس تطير لكن يا صحبى فى ناس مش فارقة معاهم لا حريم ولا غيرة البكينى حلال والميوة للحريم يجوز يا ابنى وحريم على رجالة على عيال محدش عارف مين حريم مين كلة سلطة فوق الركبة وتحت السرة وفوق السرة وبنطلونات بعد ام تتخلع تجد حجمة 5*5 سم دة بيلبسوة الزى وهى دى بلد الاسلام والحشمة برضة يا راجل وهى دى بلاد خير اجناد الأرض يا راجل :wub: مجرد سؤال وهو فية ازفت من كدة فى اوروبا وامريكا وكندا ؟؟؟؟؟؟؟؟؟؟؟؟؟؟؟؟؟؟؟؟؟؟؟

البلاد الى كثير من بناتها متزوجين عرفى اثناء فترة الجامعة وكثير من الشباب الأن بيشربوا بانجو وحشيش وهروين وكوكاين وزفت ولا مؤخذة ناقص عليهم يشموا !!!!!!!!!!!!!!!! اسف ما اقدرش علشان مخدش حياء الناس المحترمة.

هل مصر هى بلد الأمن والأمان :rolleyes: احكى لك قصة واقعية من حياتى انا شخصيا وليست لا من الصحف ولا من اخبار الحوادث أو غيرة انا ساكن فى قرية مصرية من اصغر القرى الى ممكن تتخيلها الواقعة التى سوف ارويها حدثت سنة 2003م .

فوجئنا ان السرقات زادت جدا فى البلد كل شيء بينسرق البيوت العربيات المواشى وحتى المحصول من الأرض ودة كان وراه عيل اسمة أحمد عامل عصابة وبيهدد الناس فى عز الظهر ولما تكلم الشرطة مفيش حد يعبرك ويقول لك خد بالك من حجتك انا يعنى هحروسك ولا اية هو انا معنديش غيرك يا محترم الى انا وصلت الامور ان العصابة تسرق منك مثلا الموتوسيكل ويرسل لك واحد يتفاوض معاك تدفع كام ويرجع لك حاجتك وكل بضاعة لها سعر مجرد ما تدفع تستلم الظريف انة من كثرة الغلة اجر بيت يحط فية المسروقات عينى عينك واجر بيت علشان الرجالة الى شقيانة طول اليل ترتاح gra:- وتتفرج على التلفزيون احنا محبوسين زى الأرانب فى البيوت الظريف فى الموضوع انا واحد من الناس زهبت للشرطة اشكو من الحال يرض على الظابط المحترم ويقولى يا عم انا مالى دى عيال فاقدة وانا عندى عيال عاوز اربيهم mfb: ممكن العيال دى تتأصدنى ويقتلونى عمار يا مصر امال احنى الغلابة نعمل اية ونروح لمين لمل الأمور تتطورت وقطعوا الطريق الموصل للمنصورة :blush2: وفرضوا اتاوة على المارين فى الطريق وقتلوا واحد ساعة صلاة الظهر وامام الناس كلها وبعد الناس ما اشتكت للريس نفسة وفكسات على مدير الأمن ووزير الداخلية طبعا كانوا مطلعين لسانهم للتخين فى البلد واولهم الحكومة نزلت سيارات من مديرية الأمن جابتهم هل دة ممكن يحصل فى دولة حتى لو كانت موزمبيق ولا بلاش نظلم الموظمبيقين

هل مصر هى بلد الرخاء الأقتصادى اعتقد امور واحوال الناس الغلابة مش خافية على حد دة احنى مفضوحين فى كل حتة ويكفى الأخ الكاتب الكويتى الى حدد سعر المصرى بغسالة كورية الصنع :wub: جزاه الله كل خير بس العيب مش علية العيب فينا احنا .

هل مصر بلد الحريات السجون تجيب عن سؤالى وكم عدد المسجونين بلا تهم والمحسوبين على تيارات المعارضة بلا تهم

هل مصر بلد الديموقراطي اكذوبة كبيرة

هل مصر بلد التأمين الصحى والضمان الأجتماعى

امال مصر فيها اية

الأخ الفاضل سؤالى لك ويا ريت تجيب علية بصراحة ودون لف ولا دوران

1)وضع حضرتك المادى كان اية قبل سفرك لانجلترا و الأن وضعك اية بعد ما رجعت؟

2) وضعك العلمى قبل وبعد السفر يعنى ما حصلتش على ايى مؤهلات من انجلترا؟

3)وضعك الوظفى قبل وبعد السفر؟

4)يعنى حضرتك كدة بالبلدى ما استفدتش حاجة خالص من السفر لا فلوس ولا علم ولا وظيفة ولا ديولو مستحيل !!!!!!!!!!!!

[qenawy]

مع كثير احترامي لدكتور جورج ولكن حضرتك صدقني لولا انك بتتعامل كرجل اجنبي في مصر لكرهت مصر

هتقولي ازاي

صدقني نحن لدينا عقدة نقص واول ما يبان باسبورك الاجنبي شوف بقي الدنيا تفتح لك ازاي

ثانيا بالنسبة للدكتور حازم

بحس ان احنا بنحلم زيادة عن اللزوم

لا تنسي انه هناك اختيار معين للكندين من المصريين امثالنا يعني مش اول ما تنوي تهاجر هتلاقي الدنيا اتفتحت لك وسفير كندا مستنيك في المطار

ابدا

الموضوع معقد وعاوز اجتهاد وتضحيات وان كنت باذن الله انا نويت وان شاء الله بما ان الموضوع بالنسبة الي الاطباء صعب جدا يبقي ما فيش بد من الاجتهاد الدراسي بداية من هنا MCEE والاليتس وبعدين اكيد هتفرج

[ABO ADAM]

Canada: Celebrating a nation of immigrants

دة شعار كندا فى اليوم الوطنى

[ايهاب سالم]

Canada: Celebrating a nation of immigrants

دة شعار كندا فى اليوم الوطنى

أنا أشجب هذا الشعار لأن المسلمين غير ممثلين فيه

[ABO ADAM]

Canada: Celebrating a nation of immigrants

دة شعار كندا فى اليوم الوطنى

أنا أشجب هذا الشعار لأن المسلمين غير ممثلين فيه

يمكن الواد الهندى الى على اليمين فوق دة مسلم

عالعموم انت هناك و تعرف اكثر مننا يا ايهاب بية

[ايهاب سالم]

Canada: Celebrating a nation of immigrants

دة شعار كندا فى اليوم الوطنى

أنا أشجب هذا الشعار لأن المسلمين غير ممثلين فيه

يمكن الواد الهندى الى على اليمين فوق دة مسلم

لو مسلم كانت لحيته هتكون مقدار قبضه في كل إتجاه

مش سكسوكة دوجلاس

وبعدين ليه مفيش و لا ست محجبه زي هنا

[qenawy]

اظن يا ايهاب بك الموضوع ليس متعمدا

ففي موقع الهجرة الرسمي صورة لمحجبة بكل بساطة

[qenawy]

ان ااااااااااااااااااااااااااااان

الدكتور جورج بيراقب الموضوع وربنا يستر

تحياتي للمخلص د جورج

سامحنا والله بس نعمل ايه تعبانين بجد من مصر

[jgeorge]

الخوة الاعزاء

اولا اوضح لكم اننى لا افرض رأى على احد، انا شايف ان فيه كتير مندفع للهجرة بدون تفكير فى النتائج النهائية و اثر الهجرة على الجيل الثانى فى اغلبية الحالات بصفة عامة و فى اولاد المصريين المسلمين بصفة خاصة.

يعنى مثلا فيه مصريين كتير هاجروا بعد حرب 1967 ياترى ما هى النتيجة النهائية و ما هو المكسب و ما هى الخسارة، بلاش نبص تحت رجلينا و نوصف حالات هاجرت من مدد اقصر من 10 سنوات.

حتى لو كنت تعانى من بعض المشاكا فى مصر، الهجرة لا تناسب كل شخص او كل اسرة

لذلك لزم على ان اوضح لكم المشكلة الاساسية و هى تأثير الغرب على اولادنا. بالذات ان كلكم بتقولوا انكم عاوزيين تهاجروا علشان اولادكم.

و الغرض من الحديث عن هذه المشكلة يمكن لكل رب اسرة ان يتخذ قراره حسب ظروفه و سن اولاده و حالة اسرته.

ايوه انا استفدت من انجلترا بس كمان انجلترا ستفادت منى، يكفى اننى كنت ادفع 40% ضرائب و سبت اهلى و بلدى علشان اعالج ناسهم و اسهر الليالى و اشتغل فى الاجازات.

انا قبل ماسافر كان معى الجنسية بالميلاد و كذلك زوجتى و كذلك اولادى بسبب ميلادهم لاب و ام يحملون الجنسية.

قبل ماسافر كنت عضو هيئة تدريس فى الجامعة و لما رجعت استمريت فى ذات الوظيفة.

قبل ماسافر كنت ساكن فى احسن حى فى القاهرة و مشترك فى احسن نوادى و عندى شقى فى حى راقى جدا و عندى مستشفى و عيادة و من احسن العائلات و كذلك زوجتى.

سافرت سنتين و تعبت و اشتغلت و حصلت على شاهدتين بمجهودى و بجزء كبير مما تعلمته فى مصر و بماصاريف امتحانات باهظة.

و بعدين رجعت مصر، و بعدين طفاسة قلت اسافر سنة او اتنين، و بعدين بعت اجيب مراتى و الاولاد و سنة فى سنة لحد ما فقت من النوم فى العسل.

الفلوس اللى كسبتها كنا بنشترى بيها حجات و فسح و نزول مصر 3 مرات فى السنة.

و حاليا ان بيتى فى انجلترا للبيع بقالى سنة بادفع قسط القرض و سعر البيت فى النازل يعنى بالعربى باخسر.

خسرت العمل فى المجال الخاص فى مصر و تكوين اسم و سمعة فى سن الشباب و ليس فى الاربعينات.

خسرت اهمالى لاهلى فى الكبر و موت ابى و انا فى الطيارة

بس اللى كسبته انى عرفت انى مصرى مش انجليزى، و اولادى مصريين

الحمد الله انى رجعت مصر

[ايهاب سالم]

اظن يا ايهاب بك الموضوع ليس متعمدا

ففي موقع الهجرة الرسمي صورة لمحجبة بكل بساطة

فين يا دوك