طبيب ناجح بالصعيد أفكر فى الهجرة .. أشيروا على

[ايهاب سالم]

هل تصدقوا اليوم ان المياه مقطوعة لمدة 36 ساعة متتالية

اتخنقت بس عادي

عادي يا دوك

في حر الصعيد الميه مقطوعه 36 ساعه عادي جدا

في بلد النيل عادي جدا

الناس بتموت في طوابير العيش عادي جدا

بياكلوا لحمة حمير عادي جدا

بينداس على كرامتهم كل يوم عادي جدا

كفايه إنك بتسمع الأذان خمس مرات في اليوم

[ايهاب سالم]

أيه حكاية .... المنصوره ... الخبر .... تورونتو

إنت فين حاليا ؟

عزيزي إيهاب...

دي يا سيدي البلان بتاعتي ، وربنا يسهل.

حالياً أنا ف المنصورة ، وبعد تلات تيام (الخميس) هاكون ف الخُبر إن شاء الله.

عرفت يا ريس إيه حكاية (المنصورة - الخبر - تورونتو)؟

وكمان طلعت تورونتاوي قديم

ما تحكيلنا حكايتك

هيحصل يا باشا ، هيه حدوتة طويلة ، وهتنزل قريباً ، بس بالملم في خيوطها ، وبارتب أفكاري ...

وهتعرفوا الحكاية من طأطأ ، لسلامو عليكو :rolleyes:

محمد سعد.

دوك / محمد سعد الشهير باللمبي

بلانك فل إن شاء الله

لملم أوراقك براحتك و في إنتظار حكاويك عن الفتره اللي قضيتها في تورونتو

[ايهاب سالم]

نفسى أعرف رأى الأخوة اللى هاجروا لكندا وبيفتخروا ويتباهوا بكندا وحلاوة كندا ونظام كندا وكل حاجة حلوة فى كندا اللى هما لم يسهموا بأى شئ فى كل هذا التقدم

المهاجرين من كل أنحاء العالم هم من بنوا كندا و كل من يعمل في كندا حاليا مثلنا يساهم في نمو إقتصادها و إزدهارها و لو كنا وجدنا فرصه في بلدنا كنا ساهمنا

نفسى أسألهم إذا حصلت كارثة مثلاً أو أى مصيبة لكندا وبقت كندا زى مصر, ياترى حيفضلوا قاعدين هناك برضه ويقولوا كندا هى أمى ولا حيدوروا على بلد تانية يهاجروا لها

من غير ما تحصل كارثه في كندا

أنا لو وجدت فرصه و حياه أفضل في بلد غير كندا سأنتقل اليه

مثلما ينتقل الناس من الريف للحضر في مصر و مثلما يسافر الناس من مصر للخليج و من الخليج لكندا

سعيا في الأرض وراء الرزق والحياه الأفضل

[qenawy]

دي صورة من APPLICATION

فليتكرم احد الافاضل ويورينا افضل الطرق لملئها

لا تضحكوا الموضوع مش سهل

[KingTuT]

سم الله الرحمن الرحيم

الحقيقة أن الموضوع فعلا لا يمكن أن يتحدث عنه واحد فى مصر أو حتى عاش فى كندا أو امريكا فترة قصيرة نسبية. مفيش شك أن مصر بتمر بمرحلة حاسمة فى تاريخها يعنى مصر دلوقتى فى حالة إنهيار واضح والحال من سىء لأسوأ ولا يبدو أى حل فى الأفق القريب اللى هو يعنى خلال 20 سنة. يعنى فى مرة قبل ما أسافر امريكا وكندا كنت سألت رجل أحسبه على خير من العلم والدين والاحترام طبعا أيه رأيك فى السفر للبلاد دى الراجل قالى بهزر وضحك أن اللى يجيله فرصة يسافر البلاد دى ويسيبها ربنا هيحاسبه عليها!!!

أكيد احنا مصريين صح؟ يعنى عاطفيين! وبنغلب العاطفة على العقل وبنقول أن مصر بلدنا وانها أم الدنيا وأنها هبة النيل ما تقلش أيه أديتنا مصر قول هندى أيه لمصر. الكلام دا جميل 100% على رأى مقالة كاتبها صحفى أردنى أن المصريين يحبون بلدهم أكتر من أى شعب على وجه الأرض ودا صحيح بصراحة. المساوىء فى مصر لا يمكن حصرها خصوصا بعدما أصبحت الحكومة والشعب فى تنافس على مين اللى هيفوز على مين وكل الاسلحة والمؤمرات مشروعة لأنها حرب ولأنها معركة بقاء وأكون أو لا أكون.

الحقيقة أنا قدمت هجرة كندا فبراير 2004 وخدت الفيزا يونية 2007 وعملت لاندنج فى فانكوفر أبريل 2008 طبعا رحت بالعربية لأنى عايش فى واشنطن فى سياتل. فانكوفر على بعد 174 ميل من بيتى فى واشنطن. وأنا جديد فى امريكا الحقيقة مكملتش السنة يعنى والحقيقة أن اى مقارنة بين البلاد دى وبلادنا تكون فعلا مقارنة ظالمة ولا منطقية بالمرة. هنا طبعا البلاد جميلة ونظيفة وكل خطوة بتمشيها او بتعملها فعلا بتحس أنك بنى أدم محترم حتى لو كان مفيش فى جيبك سنت واحد. أنا بتكلم على أمريكا أنا مقعدتش فى فانكوفر أسبوع يعنى كل كلامى على امريكا بس انا أعتقد انهم زى بعض بالضبط مع إختلافات بسيطة طبعا فى بعض الأمور وانا كانت كندا طبعا غالية جدا بالمقارنة بأمريكا الحقيقة أنا أتصدمت بالاسعار هناك وانا راجع من هناك فى الطريق بصراحة حسيت أنى راجع أمريكا بلدى مع أنى مكملتش فيها شهور بسيطة بس فعلا البلاد دى تحس فيها بإنتماء من أول يوم. الناس كلها بتتعامل معاك انك بنى أدم حتى فى أصعب الاماكن هنا زى Home land Security اللى هيا زى وزارة الداخلية فى مصر عندنا. قبل ما أسافر كندا كنت رحتلهم علشان أقولهم انى عايز أسافر كندا طبعا بتخش على السايت بتاعهم وتحجز ميعاد مقابلة ضابط هجرة متخصص فى الوقت اللى انت عايزة فى الساعة اللى انت عايزها!! المهم حددت الميعاد ورحت وهو مكان على بعد 23 ميل من بيتى مبنى طبعا رهيب ما هى وزارة الداخلية بقى زى بتاعة عابدين. المهم انا قلت بقى هتنفخ مصرى بقى هنا بقى فى المكان دا مفيش حاجة أسمها ديمقراطية!! كله إلا المكان دا المهم على الباب بقول الضابط انا عندى ميعاد قالى أوكى ممكن تعدى من تحت البوابة دى؟ قلت له طبعا عديت وفضلت واقف قالى انت مستنى حاجة؟ قلت له انا مش هتفتش وأقلع الجزمة ولا أيه؟ قالى لا لال لا انت مش فى المطار وطبعا هو مضايق من المطار واللى بيحصل فيه وانه هو بيقلعوه الجزمة والشراب علشان كدا بيسافر بالشبشب ما بيلبسش جزم فى السفر وبينصحنى بكدا!! المهم دخلت جوه صالة الانتظار والساعة 3.20 ندهو على رقمى تعالى ياحبيبى الى المنفاخ شباك رقم 5 هتتنفخ! طبعا رحت هناك وانا قلقان جدا دى زى أمن الدولة عندنا يا رجالة! قالى الضابط بالنص HI Sir, what can I do for you today? قلت له انا مسافر كندا هقعد هناك كام يوم وخايف وانا راجع يعملولى قلق على الحدود هنا فى امريكا قالى يعملولك قلق ليه؟ قلت ليه مش عارف انا بس عايز اتأكد انى وضعى سليم قالى Sir, do you you have your passport and visa? قلت له طبعا اديتهملو وضرب رقم الفيزا على الكمبيوتر قدامه وقالى You should not have any problems, you can enjoy your trip to Canada and stay there what ever you want as one week does not worth it!!قلت له انا بقى الحقيقة أنا مش مقتنع بالكلام دا أنا خايف من الحدود وسمعت حاجات على الحدود بتحصل مش مضبوطة قالى OK, wait a minute راح رفع سماعة التليفون واتصل برقم وبيقول فى التليفون I got a client here and he wants to travel to Canada and wants to make sure he is not going to have any kind of problems at the US borders when he is in his way back home? الراجل اللى بيكلمه تقريبا سأله هات رقم الباسبور بتاعه والفيزا بتاعته راح قالو عليهم الراجل قاله قوله يسافر أى مكان هو عايزه مفيش حد يقدر يكلمه وأن اى حد هيكلمه على الحدود هيخش على الكمبيوتر فى الحدود زى ما الاتنين الضباط دول دخلوا على الكمبيوتر وهيقولوى على الحدود Welcome back!ا المهم الضابط الأولانى قالى الراجل اللى انا كلمته دا هو supervisor بتاع المكان هنا وبيقولك كذا كذا وأنك معاك رقم المقابلة التاريخ والساعة اللى انت جتلنا هنا فيها تقدر تديهم للضابط على الحدود دا فى حالة أن حد كلمك مع أن مفيش حد هيكلمك أصلا بس لأننا شايفين أنك قلقان يعنى فحنا بنقولك محدش يقدر يكلمك!! طبعا انا خدت الورق والحاجات اللى قالو عليها ومشيت وفعلا وانا راجع من الحدود والله ما وقفت على الحدود 40 ثانية تخيلوا!!! مع أنى كنت مرعوب محضر الورق بتاع المقابلة دى بس ولا الهوا زى ما الناس قالولى محدش هيكلمك.

القصد من القصة دى أنك هنا فى البلاد دى بنى أدم وأنسان محترم حتى مع أتخن جهة فى البلد. ودا شىء جميل بصراحة يخليك فعلا تحس انك منتمى للبلد وبتحبه فعلا من قلبك.

بخصوص المساوىء بقى طبعا هيا حدث ولا حرج. يعنى الأخ اللى بيقول انك هتخلى بالك من عيالك ومش عارف أيه دا كلام جميل قوى بس الموضوع مش سهل كدا يعنى انت هتقول أبنك أيه اللى عنده 6 سنين وكل صحابه الولاد لابسين حلق وعاملين تاتو على جسمهم كله. هتفهم أبنك ازاى انك مختلف عن الناس دول وهو عايش واكل شارب نايم معاهم!؟!؟ البلاد دى مش سهلة يعنى انا أعرف مثلا ان غالبية الناس هنا مش بتنام الليل إلا بالاقراص المهدئة واقراص النوم! 42% من الشعب بيعانى من Depression تخيلوا عندهم أحباط الناس!!! وبياخدوا ادوية كتيييييييير للغرض دا. مفيش شك أن الدين والحياة الاجتماعية منهارة هنا اصلا حتى الشقق بتاعتهم صغيرة وضيقة مع أن الاراضى شاسعة ورخيصة بس مع الوقت الواحد فهم انهم مش بيعيشوا اسرة مع بعض علشان كدا مفيش داعى ابدا الشقق تكون كبيرة غالبيتهم أم سنها 22 سنة ومعاها 3 عيال كل عيل من شاب شكل والحكومة هيا اللى بتدفعلها كل حاجة! ودى نسبة كبيرة قوى يعنى انا الشقة اللى قدامى كدا واللى فوقى كدا أم بعيلين وبس مفيش رجالة. يعنى مفيش عيل هنا فى ثانوى معندوش عيال وهو مايعرفش عنهم حاجة اصلا وبيحلفلى واحد امريكى مسلم يعنى بيقولى ان غالبية الللى انت شايفهم دول ما يعرفش اصلا أبوه مين!! الجرائم اللى بتحصل هنا لا يمكن تحصل فى مصر أصل أى عيل تافه ممكن يشترى مسدس ويخليه فى جيبه ودى حرية شخصية! يعنى مثلا لسه واحد سودانى سواق تاكس وصل واحد لمكان وبعد ما نزل من التاكس علشان ما يدفعش الاجرة تخيلوا يعنى مش جرى زى ما بنعمل فى مصر طلع المسدس وضربه 10 طلقات نعم عشر طلقات فقط لا غير!!! يعنى الواحد هنا بصراحة بيسمع عن جرائم يشيب لها الولدان من قبل المشيبُ.

الحقيقة ان الموضوع فعلا مش سهل وان بالعقل كدا احنا هنحافظ على عيالنا لكن هل عيالنا هيعرفوا يحافظوا على عيالهم هو دا السؤال الجيل الثالث والرابع. يعنى أنا شوفت عرب هنا برضه بيعملوا لتاتو الفظيع دا وبيلبسوا حلق الولاد وعادى ما تفرقوش عن العيال اصييع اللى هنا. رأى الشخصى ان معيار النجاح هنا انك فعلا تكون عندك وظيفة كويسة جدا تضمنلك دخل عالى يخليك تنزل عيالك كل صيف ياخدوا الصيف كله فى مصر يتعلموا فيه العربى طبعا اللى بيروح فى أول سنة هنا ويتعلموا التقاليد الشرقية واحترام الأب والأم والكبير الكلام دا مش موجود هنا ابدا سن المراهقة الحقيقة ما ينفعش حد يسيب عياله هنا لازم يرجعوا مصر حتى Home schooling برضه مش كفاية سنتين فى مصر فى السن دا هتغير كتيييييييييير من سلوك الولد او البنت. النية بقى ان الواحد فعلا قاعد هنا فترة وراجع والدعاء أن بلدنا حالها ينصلح لأنها المثوى الأخير ان شاء الله لينا. يعنى واحد شاب يمنى كان توفى هنا فى البلد دى طبعا جنازة اى كلام وصلاة جنازة اى كلام وعدد قليل اصلا يعنى عارف من الاخر تحس انك لو مت هنا يبقى ربنا يستر علينا وعلى الجميع يارب.

تحياتى القلبية للجميع وأعانكم الله وأعان الجميع.

[ايهاب سالم]

طيب ممكن حد من اخوانا المهاجرين يكلمونا عن العيوب مستحيل

الحقيقه أنا فكرت جديا في العيوب و للأمانه .... لم أجد شئ ... حقيقي

هذا من واقع تجربتي أنا الشخصيه حتى الأن

مع ملاحظة إن أولادي ما زالوا كتاكيت

لكن أقولك على عيب

بعض الستات هنا في الصيف بيلبسوا عريان شويه

إنما أنا كنت في قطر و كنت بأشوف ستات لابسين من غير هدوم أكثر من هنا

وبرضه أنا كنت في مصر من ثلاث شهور وشفت ستات و بنات لابسين حاجات تقشعر لها الأبدان و بعضهن محجبات

ناهيك عن الشباب و الحظاظات و السلاسل اللي لابسينها و القمصان المفتوحه و العضلات المنفوخه بالسترويدات و المولات مليانه شباب و بنات سارحين مع نفسهم لحد نص الليل

وده كله في مصر اللي فيها الأذان خمس مرات في اليوم

إسمع عمرو أديب بيقول أيه على لبس بعض الستات في مصر حاليا

البظابيظ باظه جدا والبناطيل وقوف بس

عموما أنا معنديش مانع أعيش كام سنه في نظافة و راحة بال و أولادي يتعلموا تعليم راقي و ناخد جنسيه تنفعنا في السنين السوده دي

ولما يوصلوا مرحلة المراهقه و لو لقيت فيه خطر عليهم أرجع الخليج تاني

تانى حاجة لما بعض اخوانا المهاجرين يقولو عن العيشة فى مصر سيئة جدا او هاجروا يرحمكم الله اليس هذا من المغالاة

العيشة فى مصر سيئة جدا و هاجروا يرحمكم الله

سؤال خير حضرتك محسسنى ان كندا دولة اسلامية وان المساجد فى كل حتة

سؤال بسيط معظم المهاجرين ولا اقول كلهم متاح لهم الصبلاة فى المسجد خمس صلوات نعم ام لا

كم عدد الناس الذين يصلون الصلوات الخمس في المساجد في مصر ?

هل صلاة الخمس فروض في المسجد هي كل ما يحتاجه الإنسان في الحياه ?

هل حضرتك متاح لك تصلي العيد في الإستاد زينا

[jgeorge]

الكلام اللى قالوا ياسر و الملك توت بخصوص الغربة و اولاد صحيح

انا لما حسيت بالخطر رجعت على طول و مبسوط جدا فى مصر و كل يوم اتأكد اننى اتخذت القرار الصحيح

بالنسبة لمساوء الغربة فهى:

الواحد بيعيش فى بلد بيكون فيه اقلية عرقية و لقلية دينية

لا يوجد اهل او معارف

التقصير فى الرعاية للوالدين فى كبر سنهم و رمى الحمل على من تبقى ن الاخوات فى مصر

انتشار الفاحشة و الشرب الخمر و القمار فى العلن

تأثير المجتمع على الاولاد

الموضوع صعب لازم تكون الخسارة اقل من المكسب، لكن لو كانت الخسارة الاولاد يبقى مصر احسن.

هذا رأيى بعد العيشة 11 سنة فى الغرب، برضه فى الاول كنت منبهر اكثر منكم و كنت بكره مصر، بس لما العيال كبرت الحسابات اختلفت و مصر بقت احلى من الغرب مع عيبها اللى كلنا عارفنها

[samehelassad]

الاستاذ i love egypt

اعتقد ان لو اى شخص وجد بنتة داخلة علية ب بوى فرند بتاعها يبقى هو الى اهمل فى التربية ولا تلقى اللوم على كندا .

انا اعرف اشخاص اقرباء لى فى كندا يحضرون مدرسين لغة عربية اسبوعيا لاولادهم وهم انفسهم يحفظون اولادهم القران . لدرجة ان هذا الرجل لة بنت طلبت ان تلبس الحجاب وهى ما تزال فى 12 من عمرها.

يا اخوانى والله اعرف بنت فى ال 18 من عمرها غير محجبة بالمرة من الاخر كان لبسها غير محترم وهى فى مصر ذهبت للدراسة فى كندا واقامت عند اسرة مصرية ملتزمة بتعاليم الله ورجعت وهى ملتزمة ومرتدية للحجاب.

استاذ I LOVE EGYPT انت هتسيب اولادك للتيار هناك وتيجى تقلى كندا وحشة والله لو تريد ان تربيهم على الدين لفعلت فى اى مكان.

دعك من المغالاة فى الكلام وحكاية البوى فرند وناقش الموضوع بموضوعية اكثر من ذلك . البنت لن تصاحب بوى فرند الا اذا انت تركتها تماما بدون اى متابعة والله لو اى شخص ترك بنتة فى مصر لفعلت امر من ذلك والامثلة امامنا كثيرة فنحن لا نعيش فى عصر الخلفاء الراشدين .

الأخ باسم ,أسمحلى أتطفل و اعلق على رأيك,

أتفق معك فى اهميه دور الأهل فى التربيه و لكن هنا دور الأهل مقيد بالكثير من المؤثرات الخارجيه التى تحتاج لتضافر جهود لمقاومتها ,كأمثله بسيطه لتوضيح وجهة نظرى ,

-لو دخلت أى college هنا ستجد فى دوره المياه ماكينه تعمل بعمله الدولار للحصول على الواقى الطبى ليحرص الطلبه و يفتكروا قبل الممارسه أنه يجب أن تكون الممارسه safe sex .

-تدرس أسلوب الممارسه الجنسيه بين المراهقين فى المدارس لتوضيح كيفيه الممارسه دون أنتقال أمراض و لاعلاقه أطلاقا بين العمليه و مستقبل العلاقه بين الطرفين .

-الزى الذى يرتديه الفتيات حتى ال high school لا يزيد طول الجيب عن 35 سم و هذا يؤهل الفتاه نفسيا أن الجسد ليس عوره و لا يجب أن يغطى أو يخجل منه .

-فى أحد أكبر أماكن الترفيه الأسرى التى يقصدها الكثيريون هنا و هى Ontario place تسطيع السير بلباس البحر فى المكان كله حتى دور السينما فتضطر لوضع الفوطه لتدخل و هذا يحيط الأسر بجو يسمح بالتقليل من قيمه أحترام الجسد .

هذه بعض أمثله بسيطه من الحياه اليوميه لادخل للأسره فيها , يوم بعد يوم يخفت صوت الأسره و يعلو صوت المجتمع و المدرسه و ما تعتقد أن الأسره السبب فيه بعدم أهتمامها بتربيه أولادها تكتشف أن الأسره مظلومه فيما نسب اليها.

الأسره فردين ...الأب و الأم و لكن المجتمع أكثر و أمكانياته أكبر , المجتمع هو المدرسه التى تذكر التلاميذ كل يوم لو بابا ضربك لازم تقوليلى علشان أبلغ مكتب مساعده الأطفال , المجتمع هو ال sex instructor التى تزور المدرسه لتشرح للطلاب و الطالبات المشاكل الجنسيه و المصارحه فى علاجها و هم فى الحاديه و الثانيه عشر من العمر, المجتمع هو المحيطين بك الذين لو وجدوا منك محاوله للتقويم عن طريق الصفع أو الضرب لابد أن يبلغوا فى الحال , المجتمع هو الجار الذى يصادق أطفالك أطفاله و عدد الساعات اللواتى تقضى معهم أكبر مما يقضيها معك ,المجتمع هو اعلانات الشوارع التى تعلن عن اقتراب أحتفالت الشواذ, المجتمع هو التليفزيون و ما يطرحه مما يحتاج لموضوع وحده , وغيره و غيره .....

الحل الذى وجدته هنا بعد سنوات الغربه الطويله فى تورنتو هو أن تخلق مجتمعك , و هو أكبر ميزه للهجره , فى مصر أنت مفروض عليك أن تسمع أقذر الألفاظ فى الشارع , و تتعامل مع الحثاله المسماه ضباط الشرطه و تعانى مهما كانت أمكانياتك الماديه من الشوارع و الزحام و التلوث المادى و العقلى و غيره مما أسهب الكثيرين هنا فى طرحه .....هنا تستطيع خلق مجتمعك الذى تحب أن تعيش فيه .

تستطيع أن تدخل أطفالك مدرسه أسلاميه و تسكن بالقرب من المسجد و تؤدى مساهمتك فى خدمة و مساعدة أهلك و أخوتك ممن هاجروا مثلك دون أن يفتح لك ملف فى أمن الدوله و تصادق من تختار من الصحبه التى تعينيك فى تربيه أولادك ...أنا أعلم أن المسأله تحتاج تضحيات و أعتبر نفسى محظوظا كما قال الأخ الفاضل الدكتور جورج فى مناقشات سابقه لنا و لكنى بذلت و ما زلت أحاول قدر جهدى أن ألزم جماعة المسلمين لأوفر لأسرتى مناخا صالحا يمكننى ان أطمئن على تربيتهم فيه . و مازلت كل يوم أحاول التعرف و التقرب و التواد مع عرب و مصريين مسلمين يعيشون فى المناطق القريبه حولى و منهم أفاضل من أهل المنتدى , ملخص الكلام أنك كأسره تحتاج لأحاطه نفسك بحمايه من اهلك و أصدقائك ليكبر الأولاد فى مناخ يرى عيبا ما تراه انت عيبا و ليس أمرا واقعا أو مافيش فايده مهى الحياه هنا كده و احنا الى جايين عليهم مش حنعرف نغير شىء و لازم نتعايش .

أعتذر لأطالتى و لكن أهميه ردك أخرجنى عن صمتى

الاخ العزيز والمحترم جدا ياسر, تحية طيبة وحارة جدا . والله يجعلة في ميزان حسناتك الكلام الجميل دة ويوفقنا كلنا لما فية خير لدينا وامتنا.

اولا انا عاوز اقولك اني متابع جدا كل اللي كتبتة في المنتدي دة وفكرتك هي فكرتي وفعلا الميزة الكبيرة اللي احنا يمكن بيها اصلا مساعدة دينا واهلنا وبلادنا هي ان كندا ممكن تكون المكان الوحيد اللي تعمل فية مجتمعك الخاص. وكنت سعيد جدا لحد ماحضرتك قولت ان اهم حاجة عشان تلاقي شغل انك تعمل network .زي ماحضرتك قولت في مداخلاتك قبل كدة. ودة اللي خلاني افكر في فكرة عمل لكل مهاجر الي كندا والموضوع بتاعي دة اللذي لم يلقى اقبال تقريبا!!!!.

طلبي هنا لحضرتك هو: هل ممكن اكون احد افراد مجتمعك في كندا واكون جارك وجار المسجد والمدارس الاسلامية اللي عندك عشان ولادي. وربنا يكرمني والاقي شغل في المكان دة ومدا النية للة فالله سينصرني انشاء الله. لو ينفع ابعتلي عنوانك على الخاص وايميلك وانا اول ماتجيني الفيزا هعمل انشاء الله لاندنج في المجتمع دة وتعرفني على افرادة واهلي هناك.

[iloveegypt]

طيب ممكن حد من اخوانا المهاجرين يكلمونا عن العيوب مستحيل

الحقيقه أنا فكرت جديا في العيوب و للأمانه .... لم أجد شئ ... حقيقي

هذا من واقع تجربتي أنا الشخصيه حتى الأن

مع ملاحظة إن أولادي ما زالوا كتاكيت

لكن أقولك على عيب

بعض الستات هنا في الصيف بيلبسوا عريان شويه

إنما أنا كنت في قطر و كنت بأشوف ستات لابسين من غير هدوم أكثر من هنا

وبرضه أنا كنت في مصر من ثلاث شهور وشفت ستات و بنات لابسين حاجات تقشعر لها الأبدان و بعضهن محجبات

ناهيك عن الشباب و الحظاظات و السلاسل اللي لابسينها و القمصان المفتوحه و العضلات المنفوخه بالسترويدات و المولات مليانه شباب و بنات سارحين مع نفسهم لحد نص الليل

وده كله في مصر اللي فيها الأذان خمس مرات في اليوم

إسمع عمرو أديب بيقول أيه على لبس بعض الستات في مصر حاليا

البظابيظ باظه جدا والبناطيل وقوف بس

عموما أنا معنديش مانع أعيش كام سنه في نظافة و راحة بال و أولادي يتعلموا تعليم راقي و ناخد جنسيه تنفعنا في السنين السوده دي

ولما يوصلوا مرحلة المراهقه و لو لقيت فيه خطر عليهم أرجع الخليج تاني

تانى حاجة لما بعض اخوانا المهاجرين يقولو عن العيشة فى مصر سيئة جدا او هاجروا يرحمكم الله اليس هذا من المغالاة

العيشة فى مصر سيئة جدا و هاجروا يرحمكم الله

سؤال خير حضرتك محسسنى ان كندا دولة اسلامية وان المساجد فى كل حتة

سؤال بسيط معظم المهاجرين ولا اقول كلهم متاح لهم الصبلاة فى المسجد خمس صلوات نعم ام لا

كم عدد الناس الذين يصلون الصلوات الخمس في المساجد في مصر ?

هل صلاة الخمس فروض في المسجد هي كل ما يحتاجه الإنسان في الحياه ?

هل حضرتك متاح لك تصلي العيد في الإستاد زينا

ا ايهاب الفاضل انا كنت مستنى مداخلتك من زمان

اولا مع احترام لرأى سيادتك

1-انا فى مصر بصلى العيد فى الاستاد

2-الخمس صلوات فى المسجد المفروض عند اى مسلم اهم حاجة فى حياته (اهم من الفلوس والبلد الشيك والطرق النظيفة)

3-بالنسبة لصلاة المسجد هى فرض عند بعض العلماء مثل الامام احمد وواجب او سنة مؤكدة

4-حضرتك لا اح ينكر ان فىمصر ستات مش لابسة اساسا بس فى مصر مافيش اختلاط فى المدارس الثانوى والجنس لا يدرس فى المدرسة

5-يا يت حضرتك تخش على موضوع ا جورج تربية الاولد فى البلاد الغربية(بلاد الكفار)

6-اخير مع احترامى الكامل لحضرتك هقول هاجروا لدول اسلامية يرحمكم الله علشان ولادكم واخير هاكد سؤال هل فى كندا ممكن اصلى الخمس صلوات فى المسجد يلريت تجاوبنى على السؤال ده لانه ولا واحد عايز يجاوبنى عليه

وتقبل تحياتى

تم تعديل 1 يوليو 2008 بواسطة iloveegypt

[Automatic]

6-اخير مع احترامى الكامل لحضرتك هقول هاجروا لدول اسلامية يرحمكم الله علشان ولادكم واخير هاكد سؤال هل فى كندا ممكن اصلى الخمس صلوات فى المسجد يلريت تجاوبنى على السؤال ده لانه ولا واحد عايز يجاوبنى عليه

صعب جدآ و يعتمد علي شغلك و بعده عن المسجد.

[محمد عبدالعزيز]

المهاجرين من كل أنحاء العالم هم من بنوا كندا و كل من يعمل في كندا حاليا مثلنا يساهم في نمو إقتصادها و إزدهارها و لو كنا وجدنا فرصه في بلدنا كنا ساهمنا

لا هجرة بعد الفتح يا أستاذ إيهاب, لا أقصد فتح مكة, ولكن أقصد فتح كندا.

المهاجرون الأوائل هم من بنوا كندا وأسسوها وهم من لهم حق التفاخر والتباهى بما فعلوه, وكل من يعمل فى كندا حالياً يتمتع بما فعله هؤلاء الأوائل ويعمل مقابل أجر يأخذه ولم يساهم فى تغيير كندا من وضع سئ إلى وضع أفضل, هو فقط اندمج فى المنظومة الموجودة بالفعل, ليس له فضل فى إيجادها من العدم.

هو بالضبط كمن وجد قطاراً نظيفاً مواعيده منتظمة وكل راكب يأخذ حقه فيه بالعدل والمساواة, فركبه وحافظ على النظام والمواعيد مع باقى الركاب.

ليس هو من صنع هذا القطار, وليس هو من نظم مواعيده, وليس هو من جهز الطريق الذى يسير عليه القطار, وليس هو من أسس للعدل والمساواة بداخله.

ثم إن كندا ليست نمواً اقتصادياً فقط يا أستاذ, وأنتم الذين تقولون ذلك ولست أنا, على حسب كلامكم كندا نظافة ونظام واحترام لحقوق الإنسان وعدل ومساواة بين الجميع بالإضافة للنمو الاقتصادى وارتفاع مستوى المعيشة, فهل من يعمل حالياً فى كندا هو من أوجد كل هذه الإيجابيات؟

أتفهم أن تتمتع بكندا والحياة فيها, ولكن بصراحة لا أفهم لماذا تفتخر حضرتك بما ليس لك فضل فيه!

لو كنت فعلت فى بلدك كما فعل الكنديون وغيرهم فى بلادهم, كان لك كل الحق فى التفاخر بذلك.

حضرتك بتقول كمان إنك لو كنت وجدت فرصة فى بلدك لتساهم لفعلت, وقد يكون عندك الحق فى ذلك, فكل إنسان له قدراته وإمكانياته الخاصة.

ولكن حضرتك فى موضع آخر بتدعوا الجميع للهجرة, بتقول "هاجروا يرحمكم الله", طيب لما كلنا نهاجر زى ماحضرتك بتقول لنا مين اللى ممكن يوجد لحضرتك أو لغيرك الفرصة إنك تساهم فى البلد, وهو حيبقى فى بلد أساساً لو كلنا هاجرنا زى حضرتك مابتقول لنا؟

عاوز كمان أسأل حضرتك عن صلاة العيد فى الاستاد اللى حضرتك كررتها فى كذا موضوع على سبيل التفاخر أيضاً وعلى أساس إنها حاجة عملتوها فى كندا واحنا مش قادرين نعملها, ممكن حضرتك تفهمنى إيه الميزة الخطيرة والجبارة فى صلاة العيد فى الاستاد اللى تخلى كندا أفضل من مصر فى النقطة دى؟

هل فيها ثواب أكبر من الصلاة فى الساحات المخصصة لذلك فى بلادنا؟

هل حضرتك عاوز الملايين فى كل محافظة يتحشروا فى استاد مساحته لا تسع إلا عدة آلاف؟

صدقنى مش فاهم.

إذا كان على التجهيزات والنظام أعتقد عندنا أمثلة -مش حنقول زى اللى فى الصور ياسيدى بس ممكن نقول قريبة منها- بس فى الآخر فرحة العيد ليست بالزينة والتجهيزات الفرحة فى القلب, وأعتقد كل مصرى بره مصر بيشعر بالفرق الشاسع بين فرحة صلاة العيد فى مصر وبين البلد اللى هو فيها رغم الإمكانيات المادية العالية.

[Automatic]

المهاجرين من كل أنحاء العالم هم من بنوا كندا و كل من يعمل في كندا حاليا مثلنا يساهم في نمو إقتصادها و إزدهارها و لو كنا وجدنا فرصه في بلدنا كنا ساهمنا

المهاجرون الأوائل هم من بنوا كندا وأسسوها وهم من لهم حق التفاخر والتباهى بما فعلوه, وكل من يعمل فى كندا حالياً يتمتع بما فعله هؤلاء الأوائل ويعمل مقابل أجر يأخذه ولم يساهم فى تغيير كندا من وضع سئ إلى وضع أفضل, هو فقط اندمج فى المنظومة الموجودة بالفعل, ليس له فضل فى إيجادها من العدم.

كالمك ممتاز و موافق عليه بس الجمله دي مش صح قوي.

المهاجرون الأواءل بنو القاعده الي تبعها ما جاءو بعدهم , ده صحيح.

لاكن ملايين من المهاجرين الي وصلو بعدهم حافظو عليها و أضافو لها.

أمثال بسيطه : حقوق الأنسان و حقوق المرأه و حقوق الأطفال.

و كل يوم في ناس و لو قليله بيعملو لمصلحه المواطن الكندي و منهم مهاجرين جداد.

للأسف معظم الكنديين بكل أنواعهم سلبيين و مشغولين في حياتهم و حبه حبه بنخسر حقوق من حقوقنا.

أهم حاجه بيحاولو يعلموها للأطفا هيا أهميه المساهمه في مجتمعهم. دفع الضراءب ده جزء صغير من واجب المواطن.

أحنا مسؤلين علي كل حاجه تحصل لأي شخص في مجتمعنا و لازم نبقي واعيين و فاهمين دورنا في المجتمع.

[adrianocrespo]

السلام عليكم و رحمة الله و بركاته

الواضح ان الجميع يتحدث عن تجارب شخصية........كل بلد لها مساويء و مميزات

السعودية مثلا فيها مميزات زي الصلوات الخمس و سهولة الحج و العمرة

و مش كل السعوديين وحشين.........مالمصريين كمان فيهم الكويس و الوحش

و كندا و استراليا طبعا فيهم مميزات كتيرة بس كمان فيهم عيوب.......علي فكرة الصور جميلة جدا يا استاذ ايهاب

يا نهار اسود....كل جامعة فيها جهاز للحصول علي الواقي الذكري...........

[adrianocrespo]

عاوز حد يجاوبني علي السؤال ده

انا صيدلي و لو رحت كندا و شباب طلبوا مني عازل طبي......و بنات طلبوا مني اقراص منع حمل...........ايه موقفي كانسان مسلم؟؟؟؟؟؟؟؟

[Bassam El Sayed]

استاذ ياسر و استاذ i love egypt

انا لم اقل انة ليس هناك مساوىء فى كندا ولم اقل انها دولة اسلامية انا فقط قلت لابد ان نتابع اولادنا وناخد كل ما هو جيد ونترك كل ما هو غير جيد

انت خالفتنى فى اول مشاركتك ولكن بدون ان تشعر اتفقت معى وانت تشرح كيف تربى اولادك فى كندا عن طريق اقامة شبكة من المسلمين حولك واقامة علاقات قوية معهم وهذا ما كنت اقصدة منذ البداية

لازم الاب والام يتابعوا اولادهم اكيد لازم هيبذلوا مجهود اكبر من مصر دة شىء لا خلاف فية لكن حتى فى مصر يا استاذ ياسر اصبحت الاخلاق زفت والتربية زفت والاولاد معرضين بدرجة كبيرة للانحلال مثل الغرب تماما .

اتفقنا على شىء واحد وهو ضرورة التربية السليمة والمتابعة الجيدة للاطفال ولننهى الحوار فى هذة المسالة لانها لن تنتهى لو استمرينا فى هذة النقطة ما بين مؤيد ومعارض.

ولا ننسى ان نساعد الدكتور قناوى فى ملىء الابليكشن بتاعتة هذا هو المهم .رجاء لمن قدم على الهجرة بنفسة ان يساعد الدكتور قناوى لانى للاسف قدمت عن طريق محامى ولا اعلم حتى كيف تملىء هذة الاوراق وشكرا

[محمد عبدالعزيز]

أنا لى سؤال عند الدكتور قناوى

يا دكتور حضرتك فكرت فى الهجرة لأنك بتعتقد إن المجتمع فى مصر والمدرسة بيهدوا اللى البيت بيعمله.

ومعظم الأخوة اللى فى كندا رأيهم برضه إن المجتمع هناك بيؤثر على أخلاق الأطفال والمفروض إن البيت يصلح اللى بيهده المجتمع, يبقى إيه الفرق بالنسبة لك؟

على فكرة انا مش ضد الهجرة ولا السفر, بس أنا شايف إنها للى محتاجها بس, يعنى واحد مش لاقى شغل هنا خالص, واحد مضطهد , وكل واحد طبعاً أدرى بظروفه من أى حد تانى وهو حر يسافر أو يقعد دى حاجة براحته, وحتى لو واحد ماعندوش أى ظروف ومش متضايق من أى حاجة وعاوز يهاجر أو يسافر هو حر, بس مش لازم بقى يصب اللعنات على البلد والمجتمع والعيشة واللى عايشينها, ويطلع فينا كل العبر عشان يبرر لنفسه اللى هو عمله.

أيوه عندنا مساوئ وعيوب

أيوه عندنا مشاكل كتير

أيوه عندنا أزمات

بس عمر ماكان الحل إن البلد كلها تهاجر وتسافر بره.

[qenawy]

الاخ الفاضل محمد عبد العزيز

تحياتي

التفكير في الهجرة يقع من ضمن اسباب السعي نحو الافضل للانسان

تحدثني عن مساويء التربية في كندا

الصراحة انا اري ان الفوائد اكبر

الرك علي البيت انا معاك ولكن هنا في مصر بعد البيت ولست سوداويا ولكن من يضمن لي مستقبل اولادي

هاعلمهم واطلعهم متربيين احسن تربية ولكن مالذي تعلموه حشو مناهج وحفظ وغباء

طول عمري وللاسف كنت الاحظ ان كثيرا من المدرسين يعطونا معلومات خاطئة جهلا منهم وطبعا التعليق والنقاش ممنوع مين انت يا حته عيل تر علي استاذك ولو حتي بالمناقشة العادية

ممنوع

يتم توليد الجبن والخوف والاتكال والغش ولكم في الثانوية اسوة حسنة

طيب ده انا اعرف مدارس متخلفة تلاقي 40 طالب دخلوا طب منها و70 هندسة بالغش الجماعي العلني عندنا في الصعيد ومين يقدر يتكلم

المنظومة الفاسدة وصلت بيوتنا يا صديقي

تتجي تتكلم يقولوا اصله معقد شايف نفسه وخليها علي الله وكلام كتير بالاضافة طبعا انهم ممكن يبدءوا بمعاكسة ابناءك طبعا مش ابوهم ابن..... وعامل نفسه شريف

طبعا وللاسف والواحد يبقي اعمي البصيرة فعلا لو هيء له ان مصر خلال خمسين سنة هتنصلح مستحيل

وانا متاكد اني لو وضعت ابنائي في مكانمحترم هيكونوا حاجة

فرحتهم بالفلوس في مصر وجامعات خاصة تعلمهم الخيبة والجري ورا البنات وماشابه واسالوا عن حال الجامعات الخاصة

او جامعات عامة بدون تعليم

يا راجل يا الف خسارة علي مصر حكومة وشعب

حاولت اسقف كتير هنا فشلت

انا مسئول عن مكان حكومي معين (مديره) والله ما عارف اخلي دكتور ولا موظف يجي في ميعاده مظبوط

كلمت الادارة قالولي مش عاوزين مشاكل وكبر دماغك واهي ماشية يا مولانا ده راي مدير الادارة

ولو صوتك علي هتجيب المديرية ولو جات المديرية هينقلوك لان الموظفين هيعملوا عصابة عليك

شوف كندا دي حلم يمكن تشكيله فقط يكفينا احترام ادميتنا المهدرة ثم يعني العمر فاضل فيه قد ايه 20 سنة تقريبا او اكتر في المتوسط

ما ندي فرصة لابناءنا في مجتمع محترم والعيوب الاجتماعية بتاعته اقل مننا كثيرا

وشكرا

و لاتنسوا كيفية ملا application رجاء

[Queen]

السلام عليكم،

اللي اتقال الحقيقة من كل مؤيد و معارض للهجرة كان شامل و رائع و لكل حقول رأيي برضه، غلاسة.

اولا احب اقول رأيي في موضوع التعليم ام المال هو الاهم بالنسبة للأولاد

انا شايفة ان التعليم ثم التعليم ثم التعليم هو الاهم لان الاولاد لو حصلوا على تعليم بجودة عالية ده حخليهم قادرين على كسب المال في يوم من الايام و لكن ان وفرتلهم المال من دون تعليم محترم حيضيعوا المال و حيفشلوا في حياتهم بالتأكيد.

في ناس في مصر بتدخل اولادها مدارس International جميل اوي، بس المناهج مش بتتدرس زي ما المفروض تتدرس، يعني المدارس ديه بتجيب مدرسيين من خريجي الجامعات و تشغلهم من دون سابق خبر ة و بيجربوا في العيال، بيدرسوا منهج امريكي ،جميل، بس ازاي بيدرسوه حدث ولا حرج.

يبقي لو كندا حتعلم ولادي ازاي يفكروا في المرحلة ما قبل المراهقة، و تعلمهم تعليم يقدر يخليهم مميزين في زمن بقت فيه المنافسة جامدة و شرسة، تبقي دي نقطة في صالح كندا.

اما بالنسبة لموضوع الحفاظ على الاولاد و خصوصا في سن المراهقة

انا بشوف ان القادر على تربية اولاده تربية محترمة حيكون قادر على القيام بهذا في اي مكان.

في السعودية الحجاب مفروض على البنات و الاختلاط ممنوع و البنطلون ممنوع ووو بس كيف الحال؟ بيعملوا كل حاجة هما عايزينها، و اول ما بيجدوا الفرصة للتحرر من القيد و بيخرجوا من البلد بيخدوا راحتهم على الاخر بكل ما في الكلمة من معاني، لان التربية بالمنع لا تؤتي ثمارها كالتربية بالإقناع.

اما في مصر بعد ظهور كل ما هو خاص كالمدراس الخاصة و المعاهد الخاصة و ايضا النوادي و coffee shops بقت الاخلاق في انحدار مستمر و الي بيحصل فيها ما يتحكيش. ما بقاش الحال زي زمان، و التربية مبقتش بالساهل برضه.

اعتقد كمان ان المسلم الحريص على اولاده بيكون احرص و احرص في الهجرة لانه بيشعر بانه اقلية دينية و بيحاول انه يبذل كل ما في وسعه للحافظ على دينه و اولاده، و لكن في مصر بيقول ما انا حاطتهم في بيئة اسلامية خلاص.

انا مش بقول التربية سهلة في كندا، انا بقول التربية بقت صعبة في كل مكان دلوقتي ، و المهتم باولاده حيكون مهتم بيهم في كل مكان و اللي مش فارقة معاه برضة مش فارقة معاه في كل مكان.

انا دلوقتي على البر مدخلتش كندا و لسه اولادي صغار، يعني ما ليش تجربة و لكن ان شاء الله ححاول بكل ما استطيع ان اجعل تجربتي ناجحة ، و ان فشلت لا قدر الله و استشعرت ان اولادي في خطر اكيد حارحل بيهم لمكان اكثر امانا لانهم هم الاهم من وحهة نظري. و التجربة خير معلم.

سلام

[samehelassad]

السلام عليكم،

اللي اتقال الحقيقة من كل مؤيد و معارض للهجرة كان شامل و رائع و لكل حقول رأيي برضه، غلاسة.

اولا احب اقول رأيي في موضوع التعليم ام المال هو الاهم بالنسبة للأولاد

انا شايفة ان التعليم ثم التعليم ثم التعليم هو الاهم لان الاولاد لو حصلوا على تعليم بجودة عالية ده حخليهم قادرين على كسب المال في يوم من الايام و لكن ان وفرتلهم المال من دون تعليم محترم حيضيعوا المال و حيفشلوا في حياتهم بالتأكيد.

في ناس في مصر بتدخل اولادها مدارس International جميل اوي، بس المناهج مش بتتدرس زي ما المفروض تتدرس، يعني المدارس ديه بتجيب مدرسيين من خريجي الجامعات و تشغلهم من دون سابق خبر ة و بيجربوا في العيال، بيدرسوا منهج امريكي ،جميل، بس ازاي بيدرسوه حدث ولا حرج.

يبقي لو كندا حتعلم ولادي ازاي يفكروا في المرحلة ما قبل المراهقة، و تعلمهم تعليم يقدر يخليهم مميزين في زمن بقت فيه المنافسة جامدة و شرسة، تبقي دي نقطة في صالح كندا.

اما بالنسبة لموضوع الحفاظ على الاولاد و خصوصا في سن المراهقة

انا بشوف ان القادر على تربية اولاده تربية محترمة حيكون قادر على القيام بهذا في اي مكان.

في السعودية الحجاب مفروض على البنات و الاختلاط ممنوع و البنطلون ممنوع ووو بس كيف الحال؟ بيعملوا كل حاجة هما عايزينها، و اول ما بيجدوا الفرصة للتحرر من القيد و بيخرجوا من البلد بيخدوا راحتهم على الاخر بكل ما في الكلمة من معاني، لان التربية بالمنع لا تؤتي ثمارها كالتربية بالإقناع.

اما في مصر بعد ظهور كل ما هو خاص كالمدراس الخاصة و المعاهد الخاصة و ايضا النوادي و coffee shops بقت الاخلاق في انحدار مستمر و الي بيحصل فيها ما يتحكيش. ما بقاش الحال زي زمان، و التربية مبقتش بالساهل برضه.

اعتقد كمان ان المسلم الحريص على اولاده بيكون احرص و احرص في الهجرة لانه بيشعر بانه اقلية دينية و بيحاول انه يبذل كل ما في وسعه للحافظ على دينه و اولاده، و لكن في مصر بيقول ما انا حاطتهم في بيئة اسلامية خلاص.

انا مش بقول التربية سهلة في كندا، انا بقول التربية بقت صعبة في كل مكان دلوقتي ، و المهتم باولاده حيكون مهتم بيهم في كل مكان و اللي مش فارقة معاه برضة مش فارقة معاه في كل مكان.

انا دلوقتي على البر مدخلتش كندا و لسه اولادي صغار، يعني ما ليش تجربة و لكن ان شاء الله ححاول بكل ما استطيع ان اجعل تجربتي ناجحة ، و ان فشلت لا قدر الله و استشعرت ان اولادي في خطر اكيد حارحل بيهم لمكان اكثر امانا لانهم هم الاهم من وحهة نظري. و التجربة خير معلم.

سلام

الله ينور عليكي ويكرمك ياست الكل.

والله ياجماعة انا عاوز اعرف هو لو الواحد حرام يفكر يبحث عن الخير لنفسة والخوف من المجهول كافي لعدم اتخاذ القرار بلهجرة.

والا الباسبور اللي بية هسترد احترامى كبني ادم وبية البشر يعاملوني باحترام في اي دولة بعد تلات سنين واروح في اي بلد في العالم بدون فيزا.

ولا التلات سنين دول ولادي هتنحرف فيهم.

ولا التعليم الكندي والمعملة الحسنة لمدة تلات سنين هيخلو ولادي يبوظو.

ولا ولادي لو حسيت انهم هيبوظو هقعد اتفرج عليهم زي مابتفرج على الافلام العربي.

ولا احنا مانعرفش ان ارض الله واسعة وامرنا بالسعى في مناكبها والاكل من رزقة.

وعلى فكرة بتوع كندا دول اللي انت حاسس انهم راحو وضاعو ومش هيرجعو مصر لا لا اطلاقا بدليل الاخ جورج راح ورجع وبيقول كمان انه مبسوط يعني اخد القرار السليم في الوقت السليم وكمان و لادة هيكونو ايجابيين في المجتع ومش متعودوش على القهر وملكش دعوة ياواد بالمظاهرات واوعى تربي دقنك ولا حتى سكسوكة يحسن ياخدوك في البوليس ومعاهم كمان قوة الباسبور. يببقى مين اللي كسب انت ولا الاخ جورج !!!!!!!.

اللي شاف ولا اللي ماشافش.

انا مع هاجرو يرحمكم الله ومع السعى وراء الرزق ومع تعليم اولادي افضل التعليم ومع اخذ قوة لرفعة الدين ومع التربية تربية سليمة وضد الانحراف ومع الحق نفسك وارجع من الهجرة لو ولادك هيضيعو واحسبها واعقلها وتوكل وربنا هيديك على قد نيتك (ان الله لا يضيع من احسن عملا) واخلص النية لله.

وعلى فكرة لو الهجرة للدول العربية مفتوحة كانت الناس هاجرت لها. الا لازم كفالة(عبودية) وفيزا للعربي مش الاجنبي واللي قاعد فيها بقالة تلاتين سنة بالصدفة من غير مايكنسلوة مش عاوزين يجنسوة ولو وافقو لازم يتنازل عن جنسيتة. ياباشا.

وسلام

على فكرة دكتور جورج خايف علينا ومهندس ايهاب خايف كمان واللتنين احسن من بعض.

يعني من الاخر يامصري اعقلها وتوكل وحاول ترجع كرامة المصري تاني اللي الحكومة بعترتها وبرغم ذلك الناس لسة زي الفل.

دا والله اللي بيسافر فينا بيعرف قد اية احنا مطحونين وحكومتنا ولا سائلة فينا حتى سفاراتنا في الخارج اي كلام.

[yassir]

[quote

عاوز كمان أسأل حضرتك عن صلاة العيد فى الاستاد اللى حضرتك كررتها فى كذا موضوع على سبيل التفاخر أيضاً وعلى أساس إنها حاجة عملتوها فى كندا واحنا مش قادرين نعملها, ممكن حضرتك تفهمنى إيه الميزة الخطيرة والجبارة فى صلاة العيد فى الاستاد اللى تخلى كندا أفضل من مصر فى النقطة دى؟

هل فيها ثواب أكبر من الصلاة فى الساحات المخصصة لذلك فى بلادنا؟

هل حضرتك عاوز الملايين فى كل محافظة يتحشروا فى استاد مساحته لا تسع إلا عدة آلاف؟

صدقنى مش فاهم.

إذا كان على التجهيزات والنظام أعتقد عندنا أمثلة -مش حنقول زى اللى فى الصور ياسيدى بس ممكن نقول قريبة منها- بس فى الآخر فرحة العيد ليست بالزينة والتجهيزات الفرحة فى القلب, وأعتقد كل مصرى بره مصر بيشعر بالفرق الشاسع بين فرحة صلاة العيد فى مصر وبين البلد اللى هو فيها رغم الإمكانيات المادية العالية.

الأخ العزيز محمد عبد العزيز و الأخ الفاضل I LOVE EGYPT

ليا تعقيب بسيط لو تكرمتم على ما تفضلتم به بخصوص الصلاه فى الأستاد و أنا هنا لاأتدخل فى رد صاحب الصور فهو أقدر على ذلك و لكنى أعلق بصفتى الخاصه كمسلم أدى الصلاه فى هذا المكان و لو كان الكادر أوسع شويه كانت زمان صورتى ظهرت :unsure: , فى الصور المعروضه شى لايظهر و هو هام جدا و ليس الصلاه فى الأستاد او أى مكان اخر فكلها أرض الله و جعلت مسجدا , هذا الشى هو قبول الأخر , فى خلفية الصور قرب المدخل على اليمين توجد أماكن الرعاه و المنظمون , سوف تجد أحد أكبر الرعاه مؤسسه شيعيه من مونتريال و ستجد بجوارها منضده كبيره للطائفه الأحمديه مع أن غالبيه المصلين من عرب السنه و الصوماليين و مع ذلك لاتجد أحد منهم يكفر الأخر أو يعتبره غارقا فى ضلالاته و لم يحدث مثلا أشتباك بين الطوائف و لا ايه اللى جابكم هنا ...ايه التطفل ده ..على الأطلاق .

الشى الأخر الذى لايظهر فى الصور و هو مهم أيضا هو عدد المتطوعين الذين نظموا هذا الأجتماع الكبير و نظفوا المكان ووفروا المساعده للجميع بدايه ممن يساعدك فى الوصول للمكان الى جمع التبرعات الى ترتيب المكان الخ الخ ....

الشى الثالث هو أن الكثافه التى تراها فى الصور فى الحقيقه توجد فى كل مره و أكثر منها رغم أن العيد لاياتى دائما فى عطله نهاية الأسبوع و هذا يدلك على حرص المسلمين على هذا الأجتماع حتى لو أضطر لترك عمله من أجله .

بالنسبه للأخ الفاضل I LOVE EGYPT مع انى أنا و الله برضه بlove ها فربنا يكرمك على مداخلتك ,بس ليا تعليق خاص بالصلاه فى المسجد , الحلول أكثر بكثير مما تتوقع مش عايز أطيل فى مشاركتى لكن حاقولك حل واحد بيحل 50 فى الميه من المشكله و بنعمله هنا من سنوات طويله , المسلمين يسكن عدد كبير منهم فى عمارات و الأقليه فى بيوت مستقله , يقوم المسلمون فى العماره بتأجير شقه فى العماره لأداء صلاه الجماعه و تقدر ياسيدى تنزل تصلى الجماعه الخمس صلوات و طبعا الأيجار علشان بيقسم على 50 و لا 60 عائله تلاقى المبلغ الى بتدفعه قليل جدا 10 دولار فى الشهر و لا حاجه . و فى حلول كتير حأبقى أذكرها مره تانيه علشان مطولش عليك