طبيب ناجح بالصعيد أفكر فى الهجرة .. أشيروا على

[yassir]

أستاذى الحبيب ياسر باشا أنا فى أمريكا صحيح بس برضه معايا PR كندا وان شاء الله أنا ناوى ما أضيعوش علما بأنى عايش فى امريكا حاليا وبرضه هحاول ماضيعهاش صحيح مش سهل بس هنشوف أيه اللى هيحصل. عأيز أوضح حاجة بس وأنا بشوفها هنا فى المدارس الجنسية الوحيدة الى للأسف بيدوبوا هنا فى المجتمع وبيسيبوا لغتهم وتقاليدهم هما العرب. لما بروح المدرسة مع أبنى بشوف صاحبة ريكى (صينى) أمه بتكلمه صينى والواد بيتكلم صينى ناررر. صاحبة برودى إيطالى خالته بتكلمه أيطالى وهو بيتكلم إيطالى نارررر. صاحبة أشتن أسبانى أمه بتكلمه أسبانى نار والواد كذلك نار. صاحبته إيلانى وكارين أهاليهم بيكلمهوهم فرنساوى والعيال نار. صاحبه بقى الوحيد المصرى أسمه ياسين مش بيرضى يكلم أبنى بالعربى خالصصصص ولا هو تبيتكلم عربى ولا عايز أصلا مرة قالى أنا علشان بقوله ليه مش بتتكلم عربى يا ياسين ردى عليا وقالى NO I DONT WANNA it sucks!!! علما بأن الواد دا جه من مصر من سنتين بس وجاى كان بيتكلم عربى بس ولب لب وسنه حوالى 5 أو 6 سنين. غرضى من القصة دى أقول أن العرب بس هما اللى مش بيحافظوا على جذورهم وبيفرحوا قوى أن عيالهم بيرطنوا أنجليزى اللى هما عاشو وماتوا يحاولو يتقنوه بدون أكسنت ملحوظة. أنما التاميل والصينين والهنود والعالم دول عيالهم بصراحة تفرح فى البلاد دى! فى رأيك أب وأم بيأكدوا على أبنهمم يفضل بلغته الأم ودا شىء على أيدى انا صعب قوىىى فى أريك دول مش بيفكروا يرجعوا!؟ أو مش عايزين يحافظوا على جنسيتهم التانية؟ أنا لا أختلف فى الراى معاك بس انا بحب أستفيد من رأى حضرتك والأخوة هنا أحنا كلنا فى مركب واحدة على فكرة علشان كدا بحب أتناقش واحب أعرف أيه تجاربك عندك وانت برضه تعرف أيه تجاربى هنا.

أستاذى جبار سينج طبعها مهما كان الفساد فى مصر هل فى بنت فى مصر بتجيب الواد بتاعها فى البيت عند أمها وأبوها وهيا عندها 12 سنة ويقفلوا الباب على بعض؟ هل فى أم تباخد بنتها للدكتور وهيا كل همها بس ان البنت ما تحملش مش فارق معاها بقى البنت تعمل أيه الهم ما تحملش فى سن 12 سنة؟ عارف هنا دى TREND أن البنات عايشين لوحدهم وعندهم حوالى 3 أو 4 عيال كل واحد من شاب شكل. صحيح مصر فيها فساد وبيزيد بمعدل كبير لكن لا يمكن مقارنته بهنا أبدا. واحد أمريكى بيقولى النهاردة نصف مشاكلى أتحلت بقوله طيب حلو ليه أيه اللى حصل قالى أبويا مات النهاردة فاضل نصف مشاكلى التانية اللى هيا أمه يعنى!! هل فى ولد فى مصر سنه 5 سنين خارمين ودنه ومناخيره ومركبينله حلق فيهم! 5 سنين ياراجل !! ياراجل انا بشوف ناس فى مصر بتسلم على أهلها وبتبوس أيديها ورجليها وحاجات كدا. مفيش شك أن المجتمع هنا ما ينفعش معانا وحكاية أنك تتعرف على مجتمع عربى ومش عارف أيه دى برضه مش سهلة أنت عارف العرب يعنى دا ماتش كورة بين مصر والمغرب مثلا يخلى العرب المصريين والمغاربة ما يكلموش بعض شهور!! ماتش كورة مش هقولك بقى تضارب مصالح فى بزنس ولا بتاع أحنا أمة ضحكت من جهلها الأمم. مش كدا ولا أيه.

يأخ كنج أستاذى ايه بس كسفتنى ياشيخ ده أنت الى أستاذنا و على راسنا من فوق و يشرفنا معرفتك و التناقش معك , كلامك بخصوص اللغه والجيل التانى سليم و ميه الميه بس ينطبق على أمريكا حيث الأساس سحق الهويات فى بوتقه واحده , فى كندا الموضوع مختلف , و كل أسره زرتها كانت حريصه تمام الحرص على أن يتحدث الأولاد اللغه العربيه يعنى الواد ياسين لو جه هنا نهاره مش فايت مش حيلاقيله و لاصاحب مصرى و لا عربى . :closedeyes:

انا أذكر أقتراح للدكتور سامح بخصوص أنشاء معهد لتدريس اللغه العربيه للجيل التانى , فى الحقيقه كورسات اللغه العربيه للكبار موجوده فى مساجد كتيره و تدريس اللغه العربيه للأطفال فى مدارس الأحد برضه موجود و الله أكبر من غير حسد يعنى المشتركين فى الدش العربى سواءا قانونى و لا كولون عدد مهول و يزيد كل شهر .(اوعى تبلغ عنا و النبى عايزين الدش أنا بعشق الجزيره علشان أحمد منصور و هيكل)....... :closedeyes:

أنما بقى موضوع المجتمع العربى بقى فبلاش نخبط فى بعض , انت طلعت بلاديتنا و معاك PR و الأشيا معدن , أنا عارف أن الموضوع صعب.... مهو ده طبعنا , الأحلام اللى على الأد , و الله لو الجيل الأول اللى جه هنا فكروا كده ماكنا لقينا جامع واحد , لازم الحلم يبقى كبير و حيتحقق هو بدايته بسيطه , كل المطلوب أنك تحسب بتعمل كام ACTIVITY فى اليوم , مطلوب منك تربطها بشخص مصرى عربى مسلم أولا مافيش ننزل شويه عربى مسلم ...ما فيش مسلم كفايه ...مافيش و الله حنمسك فى بعض بقى ..... :blink: , و عد ياريس , الدكتور, الحلاق , اللحام, لأخصائيه الأجتماعيه , الممرضه وووووووو.

أعرف الناس دول قرب الأسر من بعض مش كل اللى حيلتك ياسين ....يعنى لو تعرف 50 عيله مش حيطلعلك 10 يصاحبو عيالك و تتطمن عليهم معاهم ....يا أخوانا بطلو خوف من بعض و قربوا من بعض شويه حيحصل ايه معجبتكش عيله فلان خلاص متزروش تانى ما تكلموش ...الناس محتاجه تنفتح على بعضها شويه لازم المسلمين العرب يقربوا من بعض علشان تلاقى لعيالك مكان مش هو ياسين و خلاص .... :lol:

[jgeorge]

المشكلة فى الاولاد انهن عاوزين يصاحبوا العيال اللى بيشفوهم كل يوم فى المدرسة مش ابن صاحبك اعربى اللى حيشوفوه مرة كل اسبوع او اسبوعين

العيل عاوز يتأقلم و يتدمج مع اهل البلد مش زينا ينعزل

العيل بينسى مصر و بيقرف منها لما ينزل فى الصيف

واحد مصرى فى كندا قال لى ان ابنه جاله حالة نفسية و انزعاج شديد من زمارة العربيات فى مصر، طب عارف من يومين كنت سايق فى شارع ابو الفدا و بنتى شافت عاروسة، راحت مدة ايدها على كلاكس السيارة و راحت مزمرة تحية للعروسة.

عارفين مع انى مولود فى انجلترا و معاية جنسية و عشت هناك 11 سنة، حاسس دلوقتى انى رجعت بيتى بعد ما قضيت اجازة طويلة شوية فى بلد حلوة، الاحساس ده جميل جدا انك تحس انك رجعت بيتك.

مستحيل اولادك حيطلعوا زى الاولاد اللى متربيين فى مصر و لو الجيل الثانى ما ضعش الجيل الثالث حيضيع.

مش حتأخذ كل حاجة فيه حجات حتكسنها و فيه حجات حتخسرها، المهم انك ما تخسرش اولادك

فيه يا جماعة ناس كتير منكم خبرتها فقط فى الدول العربية و اولادهم لسه صغيريين، الغرب حاجة تانية خالص

[Queen]

السلام عليكم،

لالالالا يا باشمهندس ياسر، هوه اللى بنعمله في الناس حيطلع علينا و لا ايه.

مين قال ان احنا بتوع 3 سنين و نحصل على الجنسية و خلاص، زعلتني منك يا باشمهندس. على العموم اعتذارك مقبول مقدما.

احنا خرجنا من مصر بحثا عن فرصة افضل في الخليج و لما حسينا ان الخليج مبقاش زي زمان و احلامنا لينا و لولادنا بقت مس بش قرشين نحوشهم فكرنا في كندا نعيش ونستقر و نكبر فيها، لكن لو حسينا ان المجتمع لا يلائمنا او ولادنا حيضيعوا او بأي خطر من اي نوع طبعا حنسيب كندا فورا. مش حيهمني وقتها الجنسية ، لان مصلحة اولادي هي الاهم. اقصد ان احنا نيتنا خير و مش محددين مدة بقائنا و لكن محدديين اولويتنا، و الباقي على الله.

على فكرة انا شفت عدد من الناس اللي عاشوا في الغرب، شفت اولاد مبيعرفوش يجمعوا كلمتين عربي و شفت اولاد حافظين سور من القرآن.

شفت بنات لما رجعوا علشان يدخلوا الجامعة عملوا نفسهم بريتني سبيرز ، و شفت بنات لما رجعوا مصر كان اكثر تدينا و اكثر احتشاما و حجابهم صحيح اكتر من بعض العيشيين و اتربوا في مصر من صغرهم.

شفت واحد من امريكا جاي مصر علشان يجوز و عمل فرح اسلامي، و حج و هوه 30 سنه و يعرف عن دينه اكثر من كتير من المسلمين اللي عايشين في مصر، وفي طبعا اللي ما اخدش من الغرب غير تعدد العلاقات و الخمر و غيره. يعني فيه و فيه.

قصدي ان التوفيق في تربية الاولاد من عند ربنا اولا و بالكثير من الجهد ثانيا ( و في اى مكان)

معلش حسأل الاستاذ jgeorge سؤال ، ارجو ان لا تعتبره تدخلا في حياتك الشخصية و لك حرية الاجابة، هل فعلا حضرتك بذلت مجهود كبير في محاولة الحفاظ على اولادك في الخارج، يعني كنت بتحاول تربطهم بمصر و تصر على العودة في الاجازات لمصر علشان يشوفوا اهلهم، هل كنت ديما بتكلمهم في الصح و الغلط ، هل كنت بتصلي امامهم و بتصوم و بتقرا قرآن و بتصر على انهم يشاركوك ده من صغرهم، هل كنت بتحاول تحفظهم قصار السور على الاقل و هم صغار ، هل كنت بتحاول تاخدهم لصلاة الجمعة كل اسبوع و صلاة العيد و غيرها، هل كنت ديما بتحسسهم ان سلوكيات الغربي كويسة و ممتازة و هوه حر فيها و لكن ليست كلها تلائم دينا و عادتنا و لازم نختار الكويس ونسيب الوحش. هل ديما كنت بتقولهم احنا مسلمين ما ينفعش نعمل كده من صغرهم. ولا حضرتك كنت بتحاول و فشلت ، ولا كنت بتحاول بس مش بتصر، و لا مكنتش بتحاول خالص.

معلش الهدف من سؤالي هو، ان لو حضرتك عملت كل ده و برضوا حسيت ان و لادك حيضيعوا يبقى وقتها احس ان ممكن ميكونش في امل ان الواحد يقدر يحافظ على اولاده.

بعد مكتبت لاحظت ان حضرتك قد لا تكون مسلم، و لكن اعتقد ان كلامي ينطبق على المسيحية ايضا، بدل الجامع في الكنيسة و بدل القرآن في الانجيل و في صلاة و صوم اكيد.

تم تعديل 2 يوليو 2008 بواسطة Queen

[qenawy]

هاه رسيتوا علي :unsure:

ايوة ولا الو

مادام الموضوع وصل الي المقارنة بين المجتمعات فانه من المؤكد ان لكل مجتمع مزايا وعيوب بالاضافة الي النظرة النسبية للامور واختلاف الاولويات

انا شخصيا اولوياتي الشعور بالادمية والاحساس بالامان لاولادي موضوع الاخلاق ده ضامنه لان متزوج من انسانة فاضلة جدا وفي منهي القوة تربويا بالعكس انا اري انها هناك ستستطيع ان تكون عضوا فاعلا في مجتمع لايعرف امن الدولة ولا التقارير

وبصراحة ما يضحكني في موضوعي احيانا ان بتخيل قال ايه بقي ياد يا قناوي ايه بقي سفير كندا في مصر مستيني بقي في مطار تورنتو هو والسيد المحافظ بتاع تورنتو بقي وطفلين اول ما انزل من الطيارة يحيبوا لي ورد بقي انا والمدام وابوسهم بقي وادي الورد للسكرتير الشخصي بتاعي دشناوي

يا جماعة اهي فضفضة واحلام وخطوات

والله وفقنا فانا اراه من ابواب السعي للافضل وان فشلنا فنعما هي التجربة

اشكر الجميع فردا فردا

[Bassam El Sayed]

انا مش عارف يا دكتور قناوى

انا قلت للناس هنا قبل كدة خلاص نقفل على الموضوع لانة بالطريقة دى لن نتوقف بين مؤيد ومعارض ولم يستجب لى احد .

لكنى انا شخصيا مع فكرة الهجرة والحفاظ على الاولاد وتربيتهم بالطريقة الى قالت عليها الاخت Queen .

يا دكتور انت طلبت من الناس اكتر من مرة يساعدوك فى انك تملى الابليكشن وما حدش رد غير الا ستاذ Automatic وانا شايف ان دة هو الاهم دلوقتى .

انا لو اعرف املى الابليكشن كنت ملتهالك بس انا معرفش لان المحامى هو الى عملى كل حاجة

عرفت لية بقى يا دكترة قلت لك استعين بمحامى :unsure:

كلمة اخيرة للمهندس ايهاب . انا احترمك جدا واقدرك جدا جدا لكن كيف تقول ان صلاة الجماعة والصلاة فى اوقاتها ليست اهم من ان اولادك يعيشوا فى مستوى افضل. الصلاة فى وقتها هى احب الاعمال الى الله ارجو ان تراجع نفسك فيما قلت .

والله الصلاة فى وقتها لابد ان تكون اهم عند المسلم من الدنيا بما فيها . انا معك انة من الصعب ان تصلى الصلوات الخمس فى اوقاتها او فى جماعة فى كندا لكن تشهد الله على ما فى قلبك انك مضطر لذلك بنية خالصة

ولكن لا تقول انة الصلاة فى اوقاتها ليست اهم عندى من عيشة اولادى والله تعالى يقول ( ان الصلاة كانت على المؤمنين كتابا موقوتا) فبذلك تكون رددت الامر على الله واعوز باللة من ذلك عفانا الله وعافاك .

والله انى انصحك لوجة الله واذكر نفسى قبل ان اذكرك

[ايهاب سالم]

كلمة اخيرة للمهندس ايهاب . انا احترمك جدا واقدرك جدا جدا لكن كيف تقول ان صلاة الجماعة والصلاة فى اوقاتها ليست اهم من ان اولادك يعيشوا فى مستوى افضل. الصلاة فى وقتها هى احب الاعمال الى الله ارجو ان تراجع نفسك فيما قلت .

والله الصلاة فى وقتها لابد ان تكون اهم عند المسلم من الدنيا بما فيها . انا معك انة من الصعب ان تصلى الصلوات الخمس فى اوقاتها او فى جماعة فى كندا لكن تشهد الله على ما فى قلبك انك مضطر لذلك بنية خالصة

ولكن لا تقول انة الصلاة فى اوقاتها ليست اهم عندى من عيشة اولادى والله تعالى يقول ( ان الصلاة كانت على المؤمنين كتابا موقوتا) فبذلك تكون رددت الامر على الله واعوز باللة من ذلك عفانا الله وعافاك .

والله انى انصحك لوجة الله واذكر نفسى قبل ان اذكرك

نصيحه مقبوله و جزاك الله خيرا

لكن في سوء تفاهم حصل

أنا قلت بالنص

الصلاه في المسجد ليست فرض و يمكن الإستعاضه عنها بالصلاه مع أهل بيتك جماعه و هي عندي ليست أهم من رفاهية حياتي و أدميتي و تعليم اولادي و الأهم ... كرامتي

أنا لم أتكلم عن الصلاه في أوقاتها أنا تكلمت عن الصلاه جماعه في المسجد

والصلاه يمكن أن تكون جماعه و في أوقاتها في غير المسجد

أي في العمل أو في المنزل

هذا ما أفعله في البيت مع زوجتي و أولادي و "في أوقاتها"

أما في العمل فقد كنت أصلي جماعه مع زميل باكستاني و بعد مغادرته العمل الى مقر أخر للشركه أصبحت أصلي لوحدي و "في أوقاتها"

أما عن الصلاه جماعه في المسجد فكل ما نقدر على عمله أنه في الأجازه الأسبوعيه نذهب لنصلي المغرب و العشاء في جامع ISNA عندنا في مسيساجا

صلاة الجمعه أصليها في كنيسه بجوار الشغل

(لا يوجد غلطه مطبعيه في الجمله الأخيره )

تحياتي و جزاك الله خيرا على النصيحه

تم تعديل 2 يوليو 2008 بواسطة ايهاب سالم

[pink floyd]

ردا على تربية الاولاد :

اولا : الحياة فى امريكا غير الحياة فى انتريو كندا تماما و خصوصا فى المدن الاصغر من تورنتو - امريكا الموضوع مفتوح جدا جدا - اما كندا فهما فلحين بنسبة لامريكا

وده يجعل الناس تضمان فى كندا عن امريكا - بس الحياة فى امريكا احلى الف مرة واسهل من كندا

بس لو قالنا كندا قلل عن مصر انضم لل\ين يقولوا ايه بسبب التياريين الى هما تخلطيهم فى المجتمع عشان ميكونش منبوزيين - وبين ان يكونوا مسلمين منعزلين - قيل ما احد يفتى ويقول ازى فى ناس فى كندا الاثنين - اقوله ماشى نسبتهم كام - بس انا راى ان الاساس مش القران وراحوا الجامع ورجعوا حتى فى مصر لا - الاساس انك تزرعى مبدا جو اولادك - زى زاحد عنده مبدا انه السرق حرامه و ضد مبدا - لو فتحتى خزنة امامه مش حيسرق - انما اعرف ناسمن دعاة الاسلام وبيكدبوا وبيغشوا - ليه عشان ما فيش اصلا عقيدة مفيش مبادىء

الموضوع مش سهل و الهجرة مش سهلة خالص زى ما بعض الاعضاء بيوضحوا منتها اليسر و السهولة - ولكن الى له هدف لازم يستحمل او يدور على حلول بديلة لمشكلته - بس الهجرة مش سهلة خالص

اما للاخ سيخ - اما انت شيف مصر كده- طب ارجع بلدك - ورايت متكلمش عن الانحطاط لانك كالعادة مش فهم طبيعة الحياة فى مصر - مصر منقسم لمجتمعان ( غنى - فقير ) ( والاثنان منقسمان لاثنين فرعين ( مسلم - وعادى ) - المهم الغنى فهم الموضوع بصورة الفلوس و افتكر انك من المستوى الاجنتماعى الراقى انك بنتك ومراتك تلبس عريان مقارنه بالناس الاغنياء فى 80 فى مصر كنت طبقة الاغنياء قليلة وتنحصر فى مجتمع الجزيرو والصيد - طبعا ده غنى جاهل استخدا فلوسه بجهل - والغنى المسلم - قلك كل حاجة حرم وقفل على نفس واغلبهم بيحللوا اشياء لم يتكلم عنها الدين بوضوح ( مثل صفة الاخلاص مثلا )ولكنهالاتحترم من قبل شخص زوا مبدا

اما الفقراء ( فهم فى عالم اخر - طابور العيش الصبح -و المدارس و المواصلات ) يعنى معندوش وقت يفكر

اما الاستا\ ياسر بتاع الجنسية - كلام ده فى الاحلام - وبعدن انت بتحض الفرض ده عشان متهجرش - خلص متهجرش - الى انت متعرفوش ان اغلب الناس عاوزيين الجنسية فقط -والبعض شيف ان حياة الدنك فى كندا افضل من الحياة الدنك فى مصر

بس الاثنين فى راى يقرفوا - بلاد مافيهش قانون - وبلد مافيهاش فلوس و عرب تعبنين قوى وهنود ......

[pink floyd]

كلمة اخيرة للمهندس ايهاب . انا احترمك جدا واقدرك جدا جدا لكن كيف تقول ان صلاة الجماعة والصلاة فى اوقاتها ليست اهم من ان اولادك يعيشوا فى مستوى افضل. الصلاة فى وقتها هى احب الاعمال الى الله ارجو ان تراجع نفسك فيما قلت .

والله الصلاة فى وقتها لابد ان تكون اهم عند المسلم من الدنيا بما فيها . انا معك انة من الصعب ان تصلى الصلوات الخمس فى اوقاتها او فى جماعة فى كندا لكن تشهد الله على ما فى قلبك انك مضطر لذلك بنية خالصة

ولكن لا تقول انة الصلاة فى اوقاتها ليست اهم عندى من عيشة اولادى والله تعالى يقول ( ان الصلاة كانت على المؤمنين كتابا موقوتا) فبذلك تكون رددت الامر على الله واعوز باللة من ذلك عفانا الله وعافاك .

والله انى انصحك لوجة الله واذكر نفسى قبل ان اذكرك

نصيحه مقبوله و جزاك الله خيرا

لكن في سوء تفاهم حصل

أنا قلت بالنص

الاستاذ الى عاوز يصلى فى الجامع كل الفروض جماعة - طب انت بتفكر اصلا فى الهجرة ليه - خليك فى بلدك بجنب الجامع - وربنا يوفقك - اما كندا اضمانك بعد الساعة تساعة كل بيلف المرجوانا و يدخن ويشرب كله انا بقولك كله بمعنى كلة - يبقى خليك فى مصر

تحياتي و جزاك الله خيرا على النصيحه

[Bassam El Sayed]

مهندس ايهاب انا مش فاهم

يعنى اية تصلى الجمعة فى الكنيسة يا ريت تقولى بالتفصيل . يعنى انت بتهزر ولا اية ؟ مش فاهم

[pink floyd]

الاستاذ الى عاوز يصلى فى الجامع كل الفروض جماعة - طب انت بتفكر اصلا فى الهجرة ليه - خليك فى بلدك بجنب الجامع - وربنا يوفقك - اما كندا اضمانك بعد الساعة تساعة كل بيلف المرجوانا و يدخن ويشرب كله انا بقولك كله بمعنى كلة - يبقى خليك فى مصر

[Bassam El Sayed]

الاخ Pink floyd

انا ما اعرفش انت تقصدنى ولا لا ان كنت تقصدنى انا فاحب اوضحلك انى قلت فى كندا الواحد ممكن لا يستطيع يصلى كل الفروض فى جماعة وانة صعب.

واقرا مشاركتى كويس . انا كنت بس اعترض على كلمة واحدة قالها الاخ ايهاب سالم .

[ايهاب سالم]

انت لسه مصلحتش الكيبورد :unsure:

[pink floyd]

الا - فين الاخت مصرية ومغتربة الا هى احد مشجعين اراء الاعجاب بكندا - هى راحت فين - انا اعرف انها راحت نورس يورك وبعدين اشادت باراء الاخ اتوماتيك و الاخ تورنتو الله يرحموا وتحسن اليه - فينك يا تورنتو باشا

الاراء بتاعت كندا الحياة سهلة - فين

[pink floyd]

معلش صلحلى الكيبورد من عندك

[ايهاب سالم]

الاستاذ الى عاوز يصلى فى الجامع كل الفروض جماعة - طب انت بتفكر اصلا فى الهجرة ليه - خليك فى بلدك بجنب الجامع - وربنا يوفقك - اما كندا اضمانك بعد الساعة تساعة كل بيلف المرجوانا و يدخن ويشرب كله انا بقولك كله بمعنى كلة - يبقى خليك فى مصر

فعلا إحنا إمبارح قضينا اليوم كله في الحدائق إحتفالا ب Canada Day

و كان كل الناس حوالينا بيشربوا ماريجوانا و بيشموا هيروين

حتى الأطفال

كندا أخر مزاج

مبسوط كده يا عم بينك

سيبك بقى من كندا و متفكرش تيجي تكمل دراستك العليا هنا

مادام كندا وحشه قوي كده

و اللي ما يطول العنب ..حامض عنه يقول

[medopharm]

صلاة الجمعه أصليها في كنيسه بجوار الشغل

(لا يوجد غلطه مطبعيه في الجمله الأخيره )

ممكن توضح

يعنى ايه صلاة الجمعه فى الكنيسه

يعنى الأخوه المسيحين بيفتحو الكنيسه يوم الجمعه للمسلمين

ولا ايه الموضوع

[ايهاب سالم]

بسم الله الرحمن الرحيم

اولا ارفكم بنفسى انا اعرف كندا من زيارات سابقة - المهم

سوالى لى المقيمين فى كندا مدام جيهان - وليد- وجدى - عبدوس الوزير - وهادى المحترم -و مكسوف ...........الخ

السوال: عندى فرصة انا اعمال الدكتورة فى احد جامعات انتاريو - او اكتر من جامعة - المهم الجامعة بتقول انها حتدفع حوالى 24 الف دولار فى السنة مقابل انى full time student مقابل الحياة والاقامة

السوال :البلغ ده شهرى ولا سنوى- ايضا كونى اختارت الطريق ده يعنى حكون اربع سنين بدرس واشتغل فى الجامعة بس تفتكر انا بعدها الدكتورة حتفرك فى الحياه هناك وازاى

انا الصراحة نفسى كل الاخوة يريدوا على السوال و بالاخص جيهان وو ليد ووجدى- واتوماتيك

و ايضا لو فى اى معلومات تانيه عن الموضوع يقوليه

خاص للاستاذ اتوماتيك

فى واحد قلك انى كندا مافيهش فلوس - فانت ردت وقولت ده ملينا فلوس بس الظهر انك فى البداية وفى الدوامة ممكن توضح

ياجماعه حد يرد على أسئلة الأخ / pink floyd

أصله يعرف كندا كويس

[ايهاب سالم]

ممكن توضح

يعنى ايه صلاة الجمعه فى الكنيسه

يعنى الأخوه المسيحين بيفتحو الكنيسه يوم الجمعه للمسلمين

نعم

[ايهاب سالم]

دول صورتين إلتقطتهم بكاميرا موبايلي للمصلين و هما خارجين من الكنيسه بعد الصلاه وتبدو الكنيسه في الخلفيه

يومها كان هناك عاصفه ثلجيه و رغم ذلك المكان كان ممتلئ ..... كالعاده

في المساء عندما أعود للمنزل سأقوم بوضع صور أخرى للمصلين من الداخل

وعمار يا كندا

[pink floyd]

بسم الله الرحمن الرحيم

اولا ارفكم بنفسى انا اعرف كندا من زيارات سابقة - المهم

سوالى لى المقيمين فى كندا مدام جيهان - وليد- وجدى - عبدوس الوزير - وهادى المحترم -و مكسوف ...........الخ

السوال: عندى فرصة انا اعمال الدكتورة فى احد جامعات انتاريو - او اكتر من جامعة - المهم الجامعة بتقول انها حتدفع حوالى 24 الف دولار فى السنة مقابل انى full time student مقابل الحياة والاقامة

السوال :البلغ ده شهرى ولا سنوى- ايضا كونى اختارت الطريق ده يعنى حكون اربع سنين بدرس واشتغل فى الجامعة بس تفتكر انا بعدها الدكتورة حتفرك فى الحياه هناك وازاى

انا الصراحة نفسى كل الاخوة يريدوا على السوال و بالاخص جيهان وو ليد ووجدى- واتوماتيك

و ايضا لو فى اى معلومات تانيه عن الموضوع يقوليه

خاص للاستاذ اتوماتيك

فى واحد قلك انى كندا مافيهش فلوس - فانت ردت وقولت ده ملينا فلوس بس الظهر انك فى البداية وفى الدوامة ممكن توضح

ياجماعه حد يرد على أسئلة الأخ / pink floyd

أصله يعرف كندا كويس

بس انا ممكن اشد فى الكلام - بس انا مش عارف انت الوحيد الا بتشكر فى كندا - انا بسال ليه - بس انا قلتلك انت بتقنع نفسك - بس انا بسال نفسى اما انت كويس وبتقول انت ناجح كده فى كندا منين عندك وقت كل يوم فى المحاورات واضح انك ناجح فى حياتك هناك بدليل الوقت الفاضى الكتير ده

اما انا عارف كندا او لا فى ناس هناك عايشين فى كندا سنسن ومش عارفين مثلا ان فى OSAP مثلا - فا نا مثلا مكنش فى دماغى انا اعمل دكتوارة وبعدين اكتشفت ان فى جامعات بتدفع عشان تكمل الدكتوارة واكيد انت واحد زيك مكانش يعرف المعلومة برغم ان كان عنده وقت فاضى كتير - و الغريب انك بتقول انك بتشتغل فى شركة كبيرة

واضح انك عندك كمان نقص فى الخبرة فى شكل الناس الى بتشرب ................

حاجة اخيرة - انا واحد كندى اما سؤالته هو ومراته انك الجامعة بتدفع فلوس عشان الدكتوارة - قللولى يعنى ايه - ........بيشوفوا الاخرين كدة

و ابقى سلالملى على ................ ونصائحك الممتازة لها - معدم انكرى لك انك مجتهد ومتقدم

تم حذف عبارات غير لائقة ..

نرجو عدم شخصنة الحوار ..ومراعاة ذلك مستقبلا ..

لم يتم تعديل اى اخطاء املائية ....!!!!!..

شكرا ..

سلوى.