مناجاة ... الموت ..........بقلم بدرورة !!!

[badroora]

الموت .........

اناجيك ... بكل ضعفى وقلة حيلتى ان تغفر لى لحظات قوتى .

اتسأذنك لمنحى بعض الوقت ...لألملم اوراقى المتناثرة .

نثرتها بالامس وظننت انى باقية لاعادة ترتيبها ... ولكنى ادركت ضعفى الآن فقط..

أستاذنك ...فى ماضي اخجل ان اتذكره ... فهل تمنحنى بعض الوقت لأمحيه.

حتى لا يأتى من بعدى ... ويخيب ظنه بي .

هل تمنحنى بعض الوقت ... لاذهب الى حاسوبي .

اقابل صديق بالأمس أساءت له واوده يغفر لى.

هل تمنحنى ... اجعل حاسوبي ... نقي لمن سيستخدمه بعد وفاتى.

انى أخجل ..ان يرانى عزيز فى ثوب مشين وهيستورى يحتوى على مؤامرات ونميمة.

هل تمنحنى بعض الوقت ... لاعدل صورتى فى كل مكان ...كى تبقي كما اود ان يراها من بعدي.

اتوسل اليك ...

انا من كنت بالأمس ....قوية ... لا حدود لى ...لا أبالى ... لا اتوسل لبشر ...ولكنى

توسلت اليك .... فهل ستردنى.

اود ان تمنحنى بعض الوقت ... كى ارى امى الحبيبة وارتمى فى حضنها ليس لى وانما من اجلها.

هل سترحم ضعف امرآة تتوسل اليك بكل ضعفها.

انا التى كنت بالامس لا اتذكر الموت ولا اعد له ...ولكنى اليوم واليوم فقط.

اتوسل اليك امنحنى بضع دقائق اعدل صورتى ... وامحوا مساويئي

واعدل ذكرياتى ..لمن يقرائها بعدي ...لن يلوم على بعد موتى.

انا لا اقصد ... ان ابقي نفسي اسطورة او مثل يقتدى به .......لا.

ولكنى اخشي ان يرانى .... من احبنى بصورة غير المتوقعة .

وحينها ساكون غير قادرة على تصحيحها .... اما الان لو منحتنى بضع لحظات ربما

استطيع ان اغير صورتى واعدلها.

انا لا اخشي الموت .... كموت ... او حساب

فانا مؤمنة بالقدر .... والموت .... والغيب .

ولكنى فقط ... اتوسل اليك ... لمنحى بضع دقائق .

اعدل صورتى .... اومحوا ذكرياتى المشينة .... ومؤامراتى .... التى لو ظلت لمن سيأتى بعدى لن

اعد مثالية فى نظرة .

امنحنى بعض الوقت .... وساعود انا اليك واقدم روحى لك كى تقبضها ....ولن انسي لك

الجميل فى مساعدتى فى تصحيح صورتى .... ومحو افعال مشينة من الماضي .

اغفر لى قوتى بالامس .... وارحم ضعفي اليوم .

مناجاة قبل الموت ......

بدرورة

تم تعديل 28 يونيو 2008 بواسطة Badria Mekkawy

[se_ Elsyed]

وأنا اللي كنت باحب المنجا ... دلوقت بأموت في المشمش ... يا مشمش

يا بدرية ... إنتي ليكي حد من قرايبك لعيب كورة ؟

أصلك كل مرة توديني يمين وبعدين تركنيها شمال ...

زي كلمة منجاة دي ... إفتكرتها إنها مانجا يعني مانجو بتاعت الفخفخينا ... آه والله

وبعدين لما قرأت الموضوع طلعت " مُناجاة " من فعل يُناجي ....

بدريه ... من فضلك ... إرحمي ضعف قوتي اللغوية ... وقوة ضعفي العربية ..

هل تمنحنى ... اجعل حاسوبي ... مشرف لن سيستخدمه بعد وفاتى

ان يرانى عزيز فى ثوب مشين وهسيتورى يحتوى على مؤامرات ونميمة.

هل تسرحم ضعف امرآة تتوسل اليك بكل ضعفها.

اما الان لو منحتنى بضع لحظات ريما استطيع ان اغير صورتى واعدلها.

[النيل حبيبي]

ع الصبح لسه بنقول ياهادي،خليتي جسمنا يقشعر

رغم ان الموت عظه لكن الحياة حلوة للي يفهما

[ELSHAMY]

بدرورة الغالية

لقد ناجيت من لا يملك أن يفعل لك ما لا يستطيع....

الحق أن نسأل الله حسن الخاتمة...

وأن نسأل الله أن يحيينا ان كانت الحياة خير لنا...... وأن يميتنا ان كان الموت خير لنا.....و أن يقيضنا اليه غير مفتونين...

و الدرس هنا يا أختى العزيزة .... و السؤال الذى تفجره كلماتك هو .." ولماذا ننتظر حتى هذه اللحظة الأخيرة و نطلب التأجيل و لو لبعض دقائق...... لماذا لا نذاكر للأمتحان قبل فوات الأوان....مع علمنا التام و اليقينى أنه أت لا محالة....و لم يفر منه مخلوق من قبل...."

الدرس من كلامك درس عميق...أشكرك على تذكيرنا...و ايقاظنا من غفلتنا....

أسأل الله ان يجمعنا جميعا فى الفردوس الأعلى...

[badroora]

س س انت بتحرجنى لغويا واملائيا

انا كتبت الكلام دا وانا باحتضر يعنى كان نص الكلام طاير من نافوخى .

ومناجاة كنت متوقعة ان فتح الناء هيغنى عن الالف .

ثانيا ....مشرف .... مش مشرف انت يعنى لاء :wub: جاية من تشريفة عموما معرفتش اتصرف فيها بدلتها بكلمة تانية

ثالثا... تسرحم .... مافيهاش حاجة من عُجلتى بدلت حرف عن حرف .

رابعا...... ريما تستطيع .. مخدش بالى من ريما وقعدت اقلب يمين وشمال فكرت الغلط فى استطيع

وان الطاء قبل التاء ... استعنت بصديق طلع استطيع كتباها صح قولت س س بيتبلي على دققت لاقيت ريما هى اللى غلط المفرض ربما.

خامسا .....هيستورى ... دا المحدثات اللى بتتحفظ ع المزنجر (مسنجر )

عموما شكرا يا س س على اللفتة دى منك كتر خير وكفاية مجيتك بالمنجا

انا مشروع شاعرة بس عاوزة اللى يتبنانى ........املائيا ولغويا ...... :blink:

تم تعديل 28 يونيو 2008 بواسطة Badria Mekkawy

[badroora]

ع الصبح لسه بنقول ياهادي،خليتي جسمنا يقشعر

رغم ان الموت عظه لكن الحياة حلوة للي يفهما

اعمل لاخرتك كأنك تموت غدا ولدنياك كأنك تعيش لابد.......ربنا يسعدك يا رب :wub:

[badroora]

بدرورة الغالية

لقد ناجيت من لا يملك أن يفعل لك ما لا يستطيع....

العزيز .......دكتور الشامي......انا صلحتها الى مناجاة للموت لانى بالطبع اقصد الله سبحانة وتعالى ولا احد سواه يملك الضر او النفع

الله يحسن خاتمتنا جميعا .......شكرا لك ...اخى العزيز ........ :wub:

[حلواني]

ايه حاله الشعر الكئيبه اللي نازله عليكي اليوميين دول

احنا اول مانشوف اسم بدريه بنعتقد ان الموضوع ها يخلينا نبتسم ونبتهج من اسلوبك الساخر الممتع

لكن بقالك كام يوم مش في حالتك الطبيعيه يارب يكون عارض سريع ويعدي ونرجع نشوف ابتسامتك تاني

دا مع كامل الاحترام لموضوعك والذي يحتوي علي كلمات رائعه بها موعظه للناس اجمعين

كذالك موضوعك السابق بتاع التسامح والدعوه ان نبدا من جديد كان رقيق جدا بس حسيت انك بتكلمي حد معين وعايزه توصليله رساله

المهم مستنين نشوف ابتسامتكوم يا نجفه هانم [font=Simplified Arabic]

تم تعديل 28 يونيو 2008 بواسطة حلواني

[badroora]

العزيز أستاذ حلوانى ...

والله اسعدتنى وادخلت البهجة الى نفسي بكلماتك الجميلة ........فعلا مش عارفه من ساعة الباب ماقفل على

صباعى وكنت هاموت من شدة الالم حسيت قد ايه البنى ادم ضعيف وممكن يلاقي حتفه اثر صباع مزنوق فى

باب ....وان البنى ادم مننا لسان فقط ......ولازم يحضر نفسه دائما لانه ممكن يموت فى اى لحظة وتذكرت

غرفتى المكركبة وامتعتى المتنتورة يمينا ويسارا واردكت قد ايه لو موت فى الحال اثر حادث صباعى وحضر

الجميع لدفنى ووجدوا غرفتى بهذا المنظر ..... :wub: موقف صعب جدا جدا لذلك قررت ارتب غرفتى

وكل شيء يخصنى حتى تكون صورتى جميلة بعد موتى ...... :blink:

بخصوص الموضوع الثانى ( هو احنا ليه )

ليس رسالة لشخص معين او شخص يعنينى انا بالذات دى رسالة موجهه للجميع لكل من يجرح يظلم يخطأ

لكل من يعطى الحياة الافتراضية اكثر مما تستحق ويتأمر ويخرب .

لكل من تسوله نفسه ان يجرح الاخرين ويقذفهم بالفاظ غير مهذبة .

انا احلم بعالم مثالى او ع الاقل غير الواقع اللى بنعشيه......لو مش قدرنا نوفر دا فى حياتنا

الالكترونية واحنا نتعامل مع كبيورد ونيك نامز يبقي قول علينا يا رحمن يا رحيم فى الحياة الواقعية .

شكرا لك

مع تحياتى

بدرورة .

تم تعديل 28 يونيو 2008 بواسطة Badria Mekkawy

[vipwithyou]

بدرية يا بدرية .. نازلة السوق بكل تقلها ما شاء الله

حد ينافس بقى

وأنا هاستمتع بالكلام الحلو بتاعكم

تسلم أناملك يا بدرية

[badroora]

بدرية يا بدرية .. نازلة السوق بكل تقلها ما شاء الله

حد ينافس بقى

وأنا هاستمتع بالكلام الحلو بتاعكم

تسلم أناملك يا بدرية

تامورة ...انت بس شجعنى وخليك دايما جنب موهبتى ........وانا بعون الله هطلع لكم درر i*:

وخصوصا الايام دى نازل على حالة

غريبة بتخلينى اقول حكم وأشعار ............. :P

شكرا تامورة على زوئك وتشجيعك ...وان شاء الله على فرحك كدا االفلك حتة فرايحى ....

.امال مش العريس اخويا ومراته اختى

........... ;) بس ابقي نبهنى قبليها عشان اعيش فى المود

[مصري جدا]

الأخت العزيزه نوارة المحاورات

أولا حمد لله علي سلامتك وان شاء الله تكون سليمه ....بس مش حتة أصبع يعمل فيكي كده ;) ...{.فكرتيني لما سير السياره لف علي أيدي} كانت حكايه :P ...المهم طمنينا عليكي

ثانيا انا مش عارف أجيبك منين i*: مره من باب الأدب والشعر ومره أبتسامه ومره مواضيع جاده وشخصيه ......أيه المواهب دي ..طب شويه شويه برضه علشان العين ...بس بجد كله بيصب في قالب واحد من النقاء والطيبه ....ربنا يديمها عليكي وعلينا ...

.. .ثالثا أنا مستعد لدروس الأملاء..والبلاغه ...ده لو أستاذ اللغة العربيه أحمد فرحات مش فاضي واهو كله أحمد

مره أخري حمد لله علي سلامتك

[~Heba~]

بدرية...تصدقينى لو قلتلك انى بحبك لله فى لله

يارب يجعلنا ممن يظلهم بظله يوم لا ظل الا ظله...آمييييييييييييييييين

سين سين يارب تشوف كل خير فى حياتك و الله ضحكت من قلبى على تعليقك و قفشاتك على اخطاء بدرية الاملائية

تحياتى لكم :P

[ابو محمود]

قررت ان ابيع العربية رغم انها مش كورولا وهى هوندا سيفك م94

وقررت ان اركب المترو

وأمنت انشرب عصير البرسيم بيصيب شاربة بصدمات ربما مسؤولة عن الحوادث بالكورولا

ياة يابدردر خضيتينى وخليتى ركبتى اليمين مش عارف العب بيها كورة ولا أرقص بيها حد

ربنا يطول عمرك ونشوفك كدا جدة ومن غير شنان

[JAY]

حزنتيني يا بدرية وخليتيني عايز أعيط... هو إنتي بتتكلمي لملك الموت عزرائيل عليه السلام؟؟ وعلى فكرة عزرائيل بالعبري (إيزيرا إيل) أي مساعد الله.. والمسكين مالوش دعوة خالص .. إنتي فكرتيني بالنكته .. لما ملك الموت قرر ياخد روح الرجالة في سن الخمسة وستين.. آم واحد عنده خمسة وستين سنة سمع بالخبر ... فعلى طول جاب (بوسات) كبيرة شوية وقعد بيها ولبس هدوم بيبي وجاب (بزازة كبيرة) وصار يقلد البيبي ويعيط .. واع واع......... لما جه ملك الموت بصله وطبعاً فهم الملعوب.. فالراجل طبعاً بص بملك الموت وقال له أنا عايز لبن.... قام قال له.. أوي أوي يا حبيبي أنا حاخدك معايا باي وأفسحك وجيب لك لبن من هناك..

هو حد طايل ... أهو بيخلص من هم الدنيا وبلاويها :P

[badroora]

الأخت العزيزه نوارة المحاورات

أولا حمد لله علي سلامتك وان شاء الله تكون سليمه ....بس مش حتة أصبع يعمل فيكي كده :lol: ...{.فكرتيني لما سير السياره لف علي أيدي} كانت حكايه :D ...المهم طمنينا عليكي

ثانيا انا مش عارف أجيبك منين :wub: مره من باب الأدب والشعر ومره أبتسامه ومره مواضيع جاده وشخصيه ......أيه المواهب دي ..طب شويه شويه برضه علشان العين ...بس بجد كله بيصب في قالب واحد من النقاء والطيبه ....ربنا يديمها عليكي وعلينا ...

.. .ثالثا أنا مستعد لدروس الأملاء..والبلاغه ...ده لو أستاذ اللغة العربيه أحمد فرحات مش فاضي واهو كله أحمد

مره أخري حمد لله علي سلامتك

العزيز مصري جدا ........كل سنه وانت طيب ........ :sad:

شوفت بقي الانسان مننا ضعيف ازاى ......عملت كام حادث سيارة وشوفت الموت بعينى

وكنت قريبة جدا منه ومع ذلك محوقش فى :rolleyes:

ولما صباعى بس اتزنق فى الباب ومن شدة الالم جالى

" vasovagal syncope" حسيت انى باحتضر وتذكرت الموت .

هو الانسان مننا كدا لما بيكون فى لحظة ضعف يشعر بقيمته وقدرته الحقيقية .

تم تعديل 30 يونيو 2008 بواسطة Badria Mekkawy

[badroora]

بدرية...تصدقينى لو قلتلك انى بحبك لله فى لله

يارب يجعلنا ممن يظلهم بظله يوم لا ظل الا ظله...آمييييييييييييييييين

سين سين يارب تشوف كل خير فى حياتك و الله ضحكت من قلبى على تعليقك و قفشاتك على اخطاء بدرية الاملائية

تحياتى لكم :lol:

يعنى يا هوبا .......كان لازم احتضر عشان تعترفي بشعورك تجاهى ...... :rolleyes:

س س بيقف فى طريق نجاحى الادبي ... ..... :D

[badroora]

قررت ان ابيع العربية رغم انها مش كورولا وهى هوندا سيفك م94

وقررت ان اركب المترو

وأمنت انشرب عصير البرسيم بيصيب شاربة بصدمات ربما مسؤولة عن الحوادث بالكورولا

ياة يابدردر خضيتينى وخليتى ركبتى اليمين مش عارف العب بيها كورة ولا أرقص بيها حد

ربنا يطول عمرك ونشوفك كدا جدة ومن غير شنان

العزيز ..محمود مصطفى ازيك وازى صحتك ....... :lol:

اوعى تبيع عربيتك او تظلم عصير البرسيم انا اللى فقرية والدنيا بتلطش في :rolleyes:

انا الحمدلله كويسة عمر الشقي بقي .......ومش معقول يعنى ااقوم من الحوادث دى كلها وتكون

نهايتى على زنقة صباع فى الباب :D عيب دى تبقي عيبة اوى فى حق عليتنا العريقة .

الله يسلمك يا رب وانا الحمدلله بخير طول ما عندى اصحاب زيكم

منتظراك فى نادى البرسيم ........مش تتأخر :sad:

[badroora]

حزنتيني يا بدرية وخليتيني عايز أعيط... هو إنتي بتتكلمي لملك الموت عزرائيل عليه السلام؟؟ وعلى فكرة عزرائيل بالعبري (إيزيرا إيل) أي مساعد الله.. والمسكين مالوش دعوة خالص .. إنتي فكرتيني بالنكته .. لما ملك الموت قرر ياخد روح الرجالة في سن الخمسة وستين.. آم واحد عنده خمسة وستين سنة سمع بالخبر ... فعلى طول جاب (بوسات) كبيرة شوية وقعد بيها ولبس هدوم بيبي وجاب (بزازة كبيرة) وصار يقلد البيبي ويعيط .. واع واع......... لما جه ملك الموت بصله وطبعاً فهم الملعوب.. فالراجل طبعاً بص بملك الموت وقال له أنا عايز لبن.... قام قال له.. أوي أوي يا حبيبي أنا حاخدك معايا باي وأفسحك وجيب لك لبن من هناك..

هو حد طايل ... أهو بيخلص من هم الدنيا وبلاويها :lol:

ايه التسريحة الجميلة دى يا موحد ...... :D

عندك حق والله بس اهم حاجة الواحد يكون محضر نفسه كويس لاخرته عشان يرتاح بجد ...

الله يديك طولة العمر يا رب ويبعد عنك البلاوى ........ :rolleyes: