من المسئول عن تربية شعب ؟؟؟؟؟؟؟؟؟؟؟؟؟؟

[shoshka]

السؤال ده محيرني من زمان قوي .. احنا كلنا بنتكلم عن غياب القيم ... و فساد الذوق العام ... و انعدام الولاء .. و .. و .. و .. ممكن تحطوا مكان النقط اي حاجة وحشة ...

بس اللي نفسي افهمه أحنا بقينا كدة ليه ؟؟ هل هي ازمى أقتصادية ؟؟ .. لا أعتقد ذلك فكثير من مفكري مصر كانت حياتهم تحت خط الفقر بخطين تلاتة على الأقل !!! :roll:

هل هي ألاسرة ؟؟ طيب ليه جداتنا اللي كانوا يادوب بيفكوا الخط ربوا جيل أحسن من اللي أحنا قادرين نعمله مع ولادنا !!! _ مع أن معظمن كلم تعليمه بعد الابتدائية ؟؟؟ :? :?

هل هو الشارع ؟؟؟ طيب هو الشارع ايه غير مجموعة اسر ساكنة جنب بعض ؟؟ هل هو التليفزيون ؟؟ هل هي ثورة المعلومات ؟؟ هل هو غياب القضية اللي تجمعنا ؟؟ هل هو غياب الوازع الديني ؟؟؟

حد يفكر معايا و النبي أحسن خلااااااااااااااااااص 4/1 البرج اللي فاضل في نافوخي طااار يا عالم !!!!!!!!!!!!!!!!

/ مين المسئول عن تربية شعب ؟؟؟؟؟

[Salwa]

ربنا يخليكم ويكرمكم ....ايه ده ياسوسكا....سؤالك جه على الجرح.

وياستى ده برضه موضوع طويللللللللل..ومحتاج للاجابة عليه لعدة نقاط

بعدد الحروف الأبجدية وأنا حاقولك نقطتين حسب ...حسب فهمى المتواضع.

1 ـالايمان.

2 ـ القدوة أو المثل الأعلى.

3 ـ الاسرة.

والباقى...باقى الأخوة يقولوا..

1 ـ الايمان ....شعب مؤمن ،،، خدى بالك انا لم اقل الدين ،،،

مثلا فى التبت...لايدينون بأى من الديانات السماوية الثلاثة ...وهم شعب على مستوى راق من الأخلاق.

اذا آمن الشعب ب..قوة عليا تحاسبه على الخطأ والصواب..كل تصرفاته

ستكون بحساب....لو مش فاهمة منى قوليلى...وانتى سألتى على أى شعب وليس شعب بعينه.

2 ـ ألقدوة والمثل الأعلى....برضه مش مهم فى رأينا احنا ده صح أو غلط مثلا فى وقت كان ماوتسى تونج مثل أعلى فى الصين ...لينين وستالين فى روسيا..شى جيفارا che guevara فى كوبا..وطبعا ديجول

فى فرنسا...وهكذا.

وتبقى مثل قوالب الطوب...كل يوم الزعيم يضع طوبة..والشعب يرصه

ثم يصبح بناء ضخم...ويبدأ الشعب يصنع له تمثال ثم يضع الروح فيه ثم

يعبده...وينسى انه شارك فى صنعه بدون أن يدرى.

3.الأسرة...وزى ماقلت قبل كدة فى موضوع تانى...الأب أساس الاسرة

والاسرة أو مجموعة الاسر...بتكون الشعب.

ومثلا زى ماحاصل عندنا فى مصر من اكتر من 35 سنة..الأب يسافر

ويترك الزوجة والأبناء ويحضر شهر فى السنة...واحيانا كل سنتين علشان يقبض الشهر ده دوبل ..والعيال كبرت والمصاريف زادت...الهانم

فاضيه ومعاها فلوس...تخلق لها حاجة تضيع الوقت...ونوادى وفسح...الولاد معاهم فلوس مش حاسين جت ازاى...وانتوا عارفين

الباقى.

ولو السيدة كافية خيرها شرها ...حاتبقى متعقدة من حياتها وانها

عايشة لاهى متجوزة ولا متطلقة..وتطلع غلبها فى عيالها وتطلع العيال مش لاقية لاحنان ولا اهتمام...ولاحد فاضى لهم يقول لهم ده صح وده غلط...وكل واحد فى الاسرة ينعزل فى عالم عامله لنفسه.

وكفاية كدة.

سلامى.

[shoshka]

و الله حضرتك معاكي حق في كل كلمة قلتيها ... بس هو فعلا ما فيش حل ؟؟؟؟

[M.H.M]

من المسئول عن تربية شعب ؟؟؟؟؟؟؟؟؟؟؟؟؟؟

الشعب

:wink: :wink:

[أسد]

المسئول عن تربية الشعب ...

كلنا مسئولون ..

وحكوماتنا مسئولة أيضاً ...

[أسد]

المسئول عن تربية الشعب ...

أنا ...

وانت ..

وهو ...

وهي ...

كلنا مسئولون ..

في المنزل .. المدرسة .. المصنع .. المعمل .. المستشفى .. الشارع .. التليفزيون .. الخ ..

لابد وألا نتخلى عن أدوارنا ...

ومسئولياتنا ...