مصرى يبحث عن إقامة عمل - الرياض

[afadly]

أنا مصرى أعمل فى الرياض من فترة بسيطة

المشكلة إن الشركة التى أعمل بها ليس عندها فيزا عمل

و أعمل بزيارة و أنزل مصر كل ثلاث شهور

أبحث عن شراء إقامة (وظيفة مهندس أو محلل نظم أو إستشارى)

و السعر مش مهم بس تكون مضمونة

[se_ Elsyed]

أولاً عشان تلاقي تأشيرة بمهنة زي دي .. يبقى لازم تكون بتتباع عن طريق شركة متخصصة في هذا المجال ... وده مستحيل يحصل إن شركات الكمبيوتر ما بتصدق يبقى عندها تأشيرة من دول عشان تجيب عليها ناس .

ثانياً : كده هاتدخل نفسك في دوامة المهن الدُنيا ... - سباك وعامل تحميل ومليس وحارس إستراحة - أنا لا اتكلم عن أصحاب تلك المهن ولكن أتكلم عن مُسى تأشيرات بتتباع في السوق - ودي بتلاقيها عند سماسرة التأشيرات اللي 99.9 % منهم نصابين وبيعملوا في مجال ممنوع وهو بيع التأشيرات وياريت بترسي على كده ... لا دول بينصبوا على خلق الله ويقفش منك العشرة باكو أو أكثر ويديك ورقة ما تسواش ثمنها ورقة الجرنان لإنه بيبقى بايعها لخمسين واحد واللي يلحق في السفارة ده لو موجوده من أساسة ...

وحتى لو صدق معاك .. فبتيجي بتتبهدل هنا البهدلة اللي ما أتبهدلهاش حد لإنك بتتعامل مع سماسرة بشر وكل ما تقوله سلامو عليكم يقولك إيدك على المعلوم ويفضل يذل فيك بالجواز اللي بياخده منك ولا يُعطيك نقل كفالة إلا بعد مرور عام حسب القانون .. خلال هذا العام يكون سواك على الجنبين .

ثالثاً : الحل الوحيد هو إن شركتك تشوف لك سِكة الناس اللي بيحولوا تأشيرات الزيارة لإقامة بطلب يُرفع للإمارة .. والناس دي بتبقى عارفة السكك الصحيحة كويس ... وغالباً بيوافق عليها إذا أثبتت الشركة جديتها في الحاجة إليه ... وغالباً لا يقل ثمن الأتعاب عن 15 ألف ريال .. لكن برضوا لو دفعت حاجه مقدم ... يبقى راحت فلوسك يا صابر وإنسى الفلوس ... يبقى أحسن حاجة سلم وإستلم ... وسلمني نضيف أسلمك نضيف ... وساعتها مش هاتحتاج تنزل مصر تاخد التأشيرة والتحويل بيتم هنا في السعودية ..