شعر من سنة 683هـ يتنبا بالاحداث في العراق!!!!

[nora]

الكلام ده جالي على الاميل معرفش مدي صحته حد سمع عن الشاعر ده ابل كده :? :? :?

شاعر يتنبأ بلاحداث الجارية الآن من سنة 683 هـ اي قبل 740 ويذكر الاشخاص

بلاسماء ...وحتى العلوج ..اللي مدوخه الناس ......يبدو ان هذه الكلمة لغز

تاريخي

من أقوال محي الدين عربي سنة 683 هـ

سـيخلد بادي الناس القفارا

كما يسترجع الشئ المعارا

وتهوي شـامخات الأرض هدماً

الى الوديان سقطاً وانحدارا

ستنشب بين الفرس والعراق

صراع يضرم النار إستعارا

وتطفأ بعد عقد أو أقل

كأن لم يوقد فيها الأوارا

ويظهر بين دجلة والفرات

زعيم يسكب النار إنهمارا

بحرف الصاد سمي ذا الزعيم

بوجه يضحك العز إسمرارا

يعيد الكون من كفار جاروا

ويسكب فوق تلك الأرض نارا

فيأتي الغرب في عد الرمال

من الفولاذ قد شادوا المهارا

ويحترقوا بزيت في الخليج

يخلّي ظلمة الليل نهارا

ويجري الدم شلالات تروي

أديم الأرض في رمل الصحارى

تضرج بالدماء أرض الحجاز

يلون لونها القاني البحارا

جنود ولا رماح ولا سيوف

ستسكب في ذرى الشرق الدمارا

يعم الجور أرضاً في الغلاء

وتنسى الناس في الشرق الدينارا

ويظهر بالصحف اسم جديد

بسكةعملة تزهو إخضرارا

يئم المسلمون القدس جيشاً

وكافرة تغرد في العذارى

ويظهر من بلاد الشرق زحف

قوي يملأ الارض إنتشارا

وبين العدّ جبار أمير

بوجة يبرق السخط إحمرار

يروح السيف يفتك في رؤوس

تهاوت فوق شفرته انهمارا

ويهدم بيت مكة في الحجاز ( اية ده :? :? )

ويرمون الى البحر الحجارا

وفي مصر يحاسب كل حيٍّ

ويقطف كل إنسان الثمارا

فمنهم يأخذ التخليد دارا

ومنهم يأخذ النيران دارا

من أقوال محي الدين العربي

إذا إتفق اليهود مع النصارى

وطاروا بالحديد فوق البروج

وأضحى المسجد الأقصى أسيراً

وصار الحكم لذوي الفروج

ونارٌ في الخليج لها سعيرٌ

وحكم في الحجاز لذوي العلوج :shock: :shock:

وفي حرب الخليج سوف تمضي

عواصمهم مع الزيت الخليج

فيأجوج ومأجوج تفانوا

وقالوا يا بحور الدم موجي

فقل لأعور الدجال هيا

قد آن الآوان الى الخروج

مش عرفة لو حد يقدر يتحقق من الكلام ده ياريت يقولي :? :?

[mohamedfox1981]

يااااااااااااه :oops: :oops: :oops:

ده الصحاف شكله كده سره باتع :twisted: :twisted: :twisted:

بس فيه حاجه

"كذب المنجمون و لو صدقوا"

و كمان ما نبصش للشاعر ده علي انه فلته

لان كل الاحداث اللي حصلت و بتحصل و هاتحصل بشرنا بها رسول الله صلي الله عليه و سلم في احاديثه و انه لا ينطق عن الهوى

[ابو حلاوه]

كاتب الابيات دي يا اخت نورا راجل تعبان في دماغة و اللي بيدعي انه تم تأليفها في القرن السابع تعبان في دماغه اكتر منه و نصاب وكذاب كمان

[nora]

كاتب الابيات دي يا اخت نورا راجل تعبان في دماغة و اللي بيدعي انه تم تأليفها في القرن السابع تعبان في دماغه اكتر منه و نصاب وكذاب كمان

مش عرفة انا حسة بكده اصل اش عرفهم ان في حاجة اسمها زيت :oops: :oops: :oops: :oops:

[ابو حلاوه]

عزيزتي نورا في القرن السابع لم يكن هناك حاجة اصلا اسمها الخليج :cool:

[الطفشان]

شاعر يتنبأ بلاحداث  الجارية الآن من سنة 683 هـ اي قبل 740 ويذكر الاشخاص 

بلاسماء ...وحتى العلوج ..اللي  مدوخه الناس ......يبدو ان هذه الكلمة لغز تاريخي

من أقوال محي الدين عربي سنة 683 هـ

في واحد اسمه "محيي الدين ابن عربي"

من مشايخ المتصوفة

و دة مش اسلوبه ابدا

و بعدين هو مات 638 مش 683، يعني اللي بيكذب مش بيعرف يحبكها كمان

و ادي ترجمته

http://history.al-islam.com/names.asp?year=638#n3100

فيأتي الغرب في عد الرمال

لم يكن هذا المصطلح معروف حتى من قرنين مضوا فقط

ويحترقوا بزيت في الخليج

زيت و خليج ؟

واسعة قوي لان ماكانوش مستعملين من زمان

يخلّي ظلمة الليل نهارا

"يخلي" هنا معناها ركيك جدا و عامية مصرية

ويجري الدم شلالات تروي

شلالات برضه ركيكة جدا

وتنسى الناس في الشرق الدينارا

ويظهر بالصحف اسم جديد

صحف؟

يعني جرايد؟

برضه مش معروفة الا من قرن و نص بس

بسكةعملة تزهو إخضرارا

ازاي واحد من 7 قرون يقول ان عملة حتبقى خضرا

و العملة كانت معدن فقط، و مش ورق؟

من أقوال محي الدين العربي

واضح الجهل من الملفق

لانه "ابن عربي"

[Cleo]

عزيزتي نورا في القرن السابع لم يكن هناك حاجة اصلا اسمها الخليج :cool:

يعنى هو كان أيامها فيه حاجة اسمها "الغرب" !!!! :twisted: :twisted:

[Proud Muslim]

:o :o :D

جميلة النكتة دي ..

اللي ألف الأبيات و نسبها الى محي الدين بن عربي .. باين عليه بيتكلم هندي أصلا !!

:) :) :)

بصراحة .. مش قادر أمسك نفسي من الضحك ..

[nora]

:? :? :? :?

انا قلت كدا برضة الشعر ده صعب جدا لانه يحتوي على كثير من المسميات الي استحاله تواجدها في هذا القرن وخاصة كلمة علوج دي لان ليس لها معنا من اصلة :twisted: :twisted:

[شيكو المصري]

شعر من سنة 683هـ يتنبا بالاحداث في العراق!!!!

هوة الكلام دة صح بس من 683 ساعة بس مش هجريا:idea: اكيد دي غلطة مطبعية :cry:

[Lancelot]

نفس موضوع نوستراداموس بعد 11 سبتمبر .... قالوا إن فيه رباعيتين فيهم تصور للهجوم علي البرجين و البنتاجون .... أنا قرأت الكلام و ما كنتش مصدق نفسي .... الراجل ده هايل ... إزاي عرف ... و بعد قراءة النقد لاقيت إن الرباعيتين مش في الكتاب بتاعه أصلا .... يعني فشر و ضحك علي الدقون ... و فرقعة تلهي الناس شوية ....

و بعدين الحدث خلص خلاص .... هنعمل إيه بالنبوءة دلوقتي ....

[أسامة الكباريتي]

الكلام ده ل"أبو عرب" الفشار المشهور اللي بتتقال عليه النكت :cry:

لو اتقال أيام الصحاف كان نسبه ل"العكاريت" ونفى عنه صفة "العلوج"

عايزين مشط كبريت من بتاع زمان ..

اللي بيولع في جارك يمين -شمال-قدام-ورا .... ماتفرقش

بس ينفع في توليع "أبو عرب" المسطول ...