لسعة الحب!!!

[Faro]

ببساطة لأنى نزلت خطبتها ورجعت البحرين...

هذه هي المشكلة... الخطوبة بدون معرفة سابقة وبدون دقة قلب متبادلة. للأسف لا أمتلك نصيحة مناسبة, ولكن وديع الصافي قال... الله يرضى عليك ياأبني خد ليلى بنت ضيعتنا .... لكن الدنيا إتغيرت و وديع إعتزل الغناء.

ياأستاذ حشيش إنت باين عليك أخضر و أول مرة تحب و لن تكون الأخيرة... لذا فهناك الكثير من اللسعات و اللدغات فى إنتظارك قبل الطعنة المميتة.

[mohamedfox1981]

وبدأت احس في الايام الاخيرة بنوع من الجفاء في العلاقة انا بتكلم معاكم كلكم بمنتهى الصراحة اتعذبت كتير في البداية لان حاولت دايما ارضية بكل الصور لاني مؤمنه ان الست لازم هي تتنازل علشان جوزها يرضى عنها واقسم بالله سواء غلطانة او مش غلطانه كنت بعتذر لمجرد ان اخلي المركب تمشي وان ميجيش يوم ونختلف ومع الغربة والبعد ممكن الجفا يزيد ويحصل لاقدر الله فراق ....

شوفي يا نورا مثال بسيط جدا لو عندنا زهرة و عايزينها تعيش لازم يكون فيه ساقي يسقيها كل يوم و إلا الزهرة دي هاتموت

و ماينفعش يسقيها عن طريق التليفون او الشات طبعا و إلا الزهرة هاتصمد لفترة و بعد كده هاتذبل..فنعمل ايه نقول الساقي انه يعيش جنبها عشان يراعيها لو كان فعلا عايزها تعيش و ماتدبلش

طيب ماذا لو رفض الساقي و ضرب بكلامنا عرض الحائط...هي دي المشكله...لازم يكون فيه حل إما اننا نجيب ساقي تاني و نمشي القديم لانه غير جديربالمسؤليه او نستسلم له لغايه لما الزهرة تموت و تفقد رائحتها الجميله و شكلها الجذاب و ده طبعا مش مطلوب.

بالنسبه للمركب :?

ماينفعش واحد بس يقدف لانه هايجي يوم في الايام و هايتعب و هايمل

لازم التاني يساعده...و تتكرر نفس المشكله بتاعه الساقي

اكيييد انتي فاهمه يا نورا :?: :?:

خلال السنين دي كنت بحس ان ممكن هو ينجذب لاي وحده لاي سبب كان شعرها اصفر عينها حمر اي حاجة المهم ان الانسان في البعد بيكون اضعف ما يكون و الشطان شاطر ممكن يمثلك ان الانسان الي انت مرتبط بيها دي وحش كاسر او لوح تلج او او المهم يكرهك فيها والسلام

القوي هو من استطاع إحكام نفسه و غير كده هايبقي ضعييف و هايتولد من ده مشاكل عديه :? :? و الثقه في النفس مطلوبه

صدقوني ايام كتير مكنتش بنام من التفكير ده وكتير كنت اعد اعيط بدون سبب لمجرد اني اكون خيفة انه في يوم يتغير من نحيتي

أكيد طبعا لانك بشر مش حجر و من حقك

ياترا لو كنت في مكان جوزي كان ممكن تعمل الي هو عمله و انه راضي بيا و بالوضع ده لحد لما شقتنا تجهز ؟؟؟؟

ده بيختلف من شخص لاخر يا نورا..صوابعك مش زي بعضها و الانسان اللي فعلا قد المسؤليه مش هايعمل كده

مفكرتش مصير البنت دي اية لما تسبها بعد شهور من الخطوبة الناس هتقول عليها اية ؟؟؟ 

مفكرتش ممكن يكون مصرها اية ؟؟ 

المجتمع عمرة مبيرحم اتنين المطلقة والي كانت مخطوبة ...... 

وعمر ما هيقولوا ابدا ان الراجل الي سبها كان وحش ابسط حاجة بيقلوها اكيد كانت مطلعه عنيه و اسلوبها وحش

المجتمع ده هو إحنا يا نورا ... و لو كانت نظرة المجتمع هاتسبب كارثه لانسان مهما كان فيتحرق المجتمع...و تاني بقولك صوابعد مش زي بعضها...فيه ناس كتير بتقدر صح

الحل: :idea: :idea:

إرجعي الي الله و اشكيله و فكري في القرار اللي المفروض يحصل من وجهة نظرك.و صلي صلاه استخارة و تاكده القرار اللي هاتمشي عليه ربنا هايوفقك فيه لانك سألتي الله قبل ان تسالي اي شخص اخر..ولو عرفتي تقربي المسافه بينك و بين الشخص المرتبطه بيه يكون افضل لكن اذا لم يلقى اي استجابه منه انتي عارفه طبعا الحل ايه انتم لسسه علي البر :)

جواز يعني حياه تانيه خالص..مسؤليه و اطفال...و لازم قبل ما نحط رجلنا في الطريق ده نكون مخططين صح...قبل فوات الاوان :?

[Masrawy Abroad]

عزيزي حشيش بيك

أنا مريت بتجربة مشابهة لموضوعك..واتخذت قرار مصيري والحمدلله لم أندم عليه أبداً أبداً

فاسمع رأيي:

بغض النظر عن الفتاة اللبنانية - أنا شايف اننا لنصل لحل للمشكلة يجب اساسا نعرف ايه المشكلة بالتحديد ....وبعدين نبحث عن حل. ان هذا الموضوع ظهر ليكون أول اختبار حقيقي لمدى قوة ومتانة علاقتك بخطيبتك اللي ها تكون زوجتك وأم أولادك ورفيقتك طوال عمرك المديد ان شاء الله. ولكن ماذا أظهرت النتائج؟ ....أظهرت ان علاقتكم هشة وضعيفة وأي اختبار قوي يهزها من اساساتها. اذن مشكلتك مش في البنت اللبنانية أو الهندية أو غيره ...المشكلة تكمن في انه لا يوجد رابط عاطفي بينك وبين خطيبتك..وأنت نفسك قلت: "لا مرتاح ولا مبسوط"...وأنا متأكد 100% أنها لا توحشك نهائي وانت نفسك قلت ان اتصالك تأدية واجب ...وهذا مربط الفرس :idea: :idea: ....الزواج هو قرار مصيري ولا يكون مجرد تقضية واجب أو عشان ترضية الأهل وعشان التناسل والأولاد والسلام...

أنا من رأيي أن تنحي موضوع "هلا" جانباً الآن وتقرر علاقتك أولا مع خطيبتك...وصدقني عشان لا تكون ظلمت نفسك ولا ظلمتها معاك..والخطوبة ما هي إلا لمعرفة الشخصين لبعضهم....ومش لازم كل اتنين مخطوبين يتجوزوا.......انتوا لسه على البر ...والفاس ما وقعتش في الراس.....تخيل معي انك تزوجت من خطيبتك وانت بوضعك...وتمر الايام وتظهر "هلا" أو "حلا" أو "بلا" أو أي بنت أخرى وحسيت بانجذاب معاها بما تفتقده ....وتبدأ قصة فيلم "الحب الضائع"...و"مثلث الحب"....وها تفضل تبحث طول حياتك عن حب حقيقي...طيب ليه العذاب ده من اساسه...

أنا شايف موضوع الفتاة اللبنانية...ما هو إلا اختبار عشان ينبهك إلى ما انت مقدم عليه...وهل انت فعلا مقتنع بنصفك الأخر أم لا...

أنا لا أقلل من الخطيبة أبدا هنا أو ان العيب منها هي...لا طبعاً..ولكن الزواج قسمة ونصيب والنفس البشرية وموضوع القبول والنفور موضوع يصعب فهمه كثيرا ويصعب وضع قانون له.

مصراوي ابرود

مستشار أول بالديوان الملكي الكندي

:) :lol:

[الطفشان]

عم حشيش

تصدق و تآمن بالله؟

انا الاول افتكرت الموضوع هزار من بتوعك

بس بعد ما كتبت المداخلة التانية افتكرت موضوع التجنيد و الجيش اللي قعدنا نضحك فيه و بعدين الجدع الغلبان اللي مات عشان ماكشفوش عليه صح و بكيت بالدموع وقتها

المهم

الموضوع طلع جد

بالنسبة لتعليقات شعنونة و نورا

ارى انها التعليقات الرومانسية للانسات المصريات

الرجل لم يتزوج

و ممكن يفسخ الحطبة

و نظرة المجتمع هنا ليست عامل كبير

ما اكثر من كن مخطوبات و فسخ خطوباتهن اكثر مرة؟

الموضوع بقى عادي في مصر

مش مستحب، لكن مش كارثة

حشيش لا يشعر بأي شعور تجاه خطيبته

و ليس ملزما بالاستمرار في خطوبته، سواء بعرف او بشرع

لو أراد ان يفسخ الخطبة فليقل مافيش نصيب، و لا يقل انه بسبب واحدة تانية، حفاظا على مشاعر خطيبته، لانها بشر، و لو لم يكن هناك نصيب، فهناك "بالمعروف"

و يجب ان يقرر في اسرع وقت

نرجع لسبب تعلقك باللبنانية:

اولا

ارى ان هناك عامل Out of sight out of mind

يعني "بعيد عن العين بعيد عن القلب"

فانت لا تربطك اي مشاعر مع خطيبتك و الموضوع جواز صالونات

يعني مش متعلق بيها من الاساس

و لم تخترها انت

بل والدتك هي التي اختارت!

زائد موضوع الطلبات التي طلبتها و ان استأت من هذه الطلبات (حفلة و مظاهر و بتاع)

ملحوظة على الهامش لشعنونة و باقي عازبات المنتدى: فاكرة موضوع 10 و 12 مع الراجل اللي كان متقدم لك؟ أدي اخرة الطلبات: تخلي الراجل حاسس ان عروسته بتاعة مظاهر او مادية او او

نرجع للبنانية

سيبك من الشعر الاصفر (غالبا مصبوغ اصلا، زي 60% من ستات هنا شعرهم بني و بيصبغوه اصفر!)

و اللهجة اللبناني و الكلام دة

تعرف عنها ايه تاني؟

اهلها؟ بلدتها؟ اخلاقها؟ مستواها الاجتماعي؟ دينها؟ طباعها؟ مشاعرها؟

هل شعرت منها انها تبادلك شئ من هذا الشعور؟

ام انه وهم في خيالك فقط؟

ام انها بتلعب بيك؟ (في ستات تستمتع بهذا التلاعب بالاخرين! في مصر و امريكا و لبنان و كل الدنيا!)

هل فكرت في اختلاف العادات و الطباع و الكلام؟

و تأثير هذا على علاقتكم او اولادكم مستقبلا؟

الشعور الذي تشعر به قد يكون حب او هرمونات فقط

و قد لا يكفي ليكون اساس زواج ناجح

لا اقول اهمل مشاعرك

و لكن فكر في كل الجوانب

و الاهم من كل هذا معرفة صدق مشاعرك و هل هي نزوة ام هروب من واحدة مش بتحبها ام ام ام

لا احد يستطيع ان يقرر لك ماذا تفعل

فالقرار لك وحدك

اسمع كل الاراء و قرر لنفسك

[Masrawy Abroad]

الاخت نورا كتبت

مش عرفة الصراحة اقول اية بس انا هتكلم من منطلق الي حسيته 

بجد والله انا لما قريت الكلام الي انت كتبته ده قلبي انقبض و حسيت اني عيزة اعيط وعيزة اقولك كلمه وحده لو ليك اخت هل تقبل ان خطبها يسبها لانه عرف وحده لبنانية او اي كان ؟؟؟؟؟

أنا أقبل طبعا ...ده من حظها الكويس كمان انه سابها واحنا على البر....وده أفضل مليون مرة من انها تتجوز وتخلف منو وبعدين تظهر البنت اللبنانية.....تفتكري انهو الأفضل؟!!....وبكره أختي تلاقي الشخص الصح اللي يقدرها ويشيلها في عينيه ويحبها بجد...ولا انتي مش معايا!؟

[Proud Muslim]

طيب ..

ما هي طبيعة العلاقة بين الخاطب و خطيبته من المنظور الشرعي ؟؟

و ما هي ضوابط العلاقة بين الجنسين قبل الزواج أو الخطوبة أصلا ؟؟

معلش يا أخي الحبيب حشيش ..

متزعلش مني ..

هذه هي الحقيقة ..

الأستاذ Faro

هذه هي المشكلة... الخطوبة بدون معرفة سابقة وبدون دقة قلب متبادلة.

معرفة مسبقة ؟؟

ما هي المعرفة المسبقة ؟؟

دقة قلب .. ما هي ضوابطها ؟؟

يا جماعة .. أنا مش عايز حد يزعل مني ..

بس هذه هي مشاكل الاختلاط ..

الحب و العشق بلاء و الله .. و بلاء كبير

أن نترك لأنفسنا العنان لكي تختلط بهذه و تكلم تلك .. فستكون هذه هي النتيجة .. عدم الرضا ..

الراجل كان مبسوط مع خطيبته ..

لو أنه لم يتعامل مع الشخصية الأخرى ..

كان ايه اللي حصل ؟؟

على فكرة .. هذه هي طبيعة الانسان

و الرجل خاصة ..

قد يكون طمع .. قد يكون حب المخالف .. الله أعلم ..

و لكن بصراحة .. اسمح لي يا أخي الحبيب حشيش ..

هذا قد يتكرر مرة أخرى بل و مرات ..

معلش .. انا يمكن كلامي تقيل ..

بس ده ديننا يا جماعة .. و هذه هي الحقيقة التي يمكن أن تكون موجعة .. :(

الله يبارك فيكم .. و نصيحة من اخ يحبكم في الله .. و أنصح بها نفسي قبل أي شخص و الله ..

يا ريت نضع الضوابط الشرعية في بالنا شوية .. علشان حياتنا تبقى أفضل و نرتاح من حاجات كثير نحن في غنى عنها ..

سامحوني طولت و تقلت عليكم .

و الله من وراء القصد .

[crossfield]

حمد لله على السلامه يا معلم حشيش ....

الله يسلمك ياهندزة :D :D :D...والله ياجماعة ليكم وحشة...اللى أنا فيه مش عارف أوصفه بجد...هى زميلة جديدة لنا فى البنك الذى أعمل به وهى لبنانية...جاء معها المدير ليقدمها لنا ويعرفنا بها...قال لها وهو يقدمنى لها الأستاذ /محمد حشيش فقلت لها (أهلاً وسهلاً)..ردت قائلة (هلا)...هى قالت هلا دى من هنا وأنا سحت...جبت زيت...مش ممكن الجمال ده...الشعر أصفر غامق وبه خصل صفراء فاتحة مثل الذهب...وكله كوم و(هلا) دى كوم...المهم يوم بعد يوم حسيت إننا بنقرب من بعض أكتر...نسيت أن أقول أننى تانى يوم بعد لقائنا الأول وأنا نازل من البيت رايح الشغل لاحظت وأنا سايق السيارة أننى لابس دبلة الخطوبة وبحركة تلقائية عفوية رحت باصص فى المراية ومدى فلاشر وركنت وخلعت الدبلة وحطيتها فى جيبى وقعدت طول مانا سايق فى الطريق إلى البنك أدعك فى صباعى علشان أثر الدبلة ما يبانش...أفكر جدياً فى كلام الأخت العزيزة سلوى والأخ العزيز ياسر أن أتمسك بها لأن الحب لا يأتى فى حياة الإنسان أكتر من خمس عشر مرات ولكن ضميرى يعذبنى جداً تجاه خطيبتى فلم تمر على خطبتنا إلا أشهر معدودة والبنت هادية وطيبة وأهلها ناس على خلق بالإضافة إن والدتى هى التى إختارتها لى ولو ذكرت لها ما أنوى عليه فلا شك عندى أنها سوف تغضب منى غضباً شديداً.....أريد حلآً :shock:

المعذب

حشيش

بجد يا أخ حشيش انا كنت فكراك بتهرج فى الأول لكن الموضوع طلع جد :D

معلش أنا بصراحة حاطة نفسى فى مكان خطيبتك و حاسة انى ممكن أقتلك بججججججججججججججد :twisted:

لكن الحمد لله ان ده حصل دلوقتى...أكيد طبعاً المسكينة اللى فى مصر متعلقة بيك و مستنياك لما ترجع بالسلامة عشان تتمم الجوازة و أكيد طبعاً طول الفترة دى مكنش حد بيتقدملها عشان مخطوبة و أكيد اتعلقت بيك حتى لو انت متعلقتش بيها . أنصحك بإنهاء خطوبتك فوراًًًًًًًًًًاااااااااااااااااااااا حتى لو لم تتزوج هذه الهلا :twisted: :twisted:

[الطفشان]

لاحظت شئ من المداخلات اعلاه، و يبدو انه من الافضل ان اكتبه لعلنا نستفيد منه شئ:

بشكل عام (و بدون اسماء)

- العضوات العازبات (او المتزوجات مع وقف التنفيذ) كلهن اخذن جانب المخطوبة على طول الخط بدون النظر لأي اعتبارات اخرى

- العضوات المتزوجات (ذوات الخبرة اكثر في الحياة) و الرجال (سواء متزوجين أم لا) لم يأخذوا جانب حشيش اوتوماتيك، و لم ينحازوا ضد خطيبته، و لكن ردودهم كانت موضوعية

بعض الردود

متعلقة بيك و مستنياك لما ترجع بالسلامة عشان تتمم الجوازة 

...

و أكيد اتعلقت بيك حتى لو انت متعلقتش بيها

مش بالضرورة

حشيش ماقالش حاجة عن انها متعلقة بيه او لأ

و أكيد طبعاً طول الفترة دى مكنش حد بيتقدملها عشان مخطوبة

و في ايدها انها تفسخ الخطوبة في أي وقت برضه، زي ما هو حق له، هو حق لها

حاطة نفسى فى مكان خطيبتك و حاسة انى ممكن أقتلك بججججججججججججججد

ليه؟ هي مش الخطوبة فترة يعرفوا فيها بعض اكثر؟ و كل واحد حر يكمل او لأ؟

مافيش التزام باكمال الزواج

و بما ان الاستاذ قاعد في بلد تانية و مش بيشوفها و لا بيعرفها يبقى مافيش ارتباط عاطفي او تبادل افكار و أراء، زي محمد فوكس ما قال (برافو!)

لو ليك اخت هل تقبل ان خطبها يسبها لانه عرف وحده لبنانية او اي كان ؟؟؟؟؟

اوافق على رد الاخ مصراوي ابرود

الخطبة مش ملزمة

و الاحسن يسيبوا بعض لو مافيش توافق او غيره من الاسباب الوجيهة

و اتفق مع الاخ مصراوي ابرود ان هذا اختبار، و يبدو انك غير مرتبط بخطيبتك، و ستظل تفكر في الحب و الغرام و ما كان يمكن ان يكون لو لم تتزوجها

تحليل ممتاز يا مصراوي ابرود

الله ينور على الشباب اللي مخهم يوزن بلد

اما كون اللبنانية مناسبة ام لا، فهذا تكلمت عنه تفصيلا باعلاه

[masry]

لا جديد تحت الشمس :?

هذه القصة قرأتها كثيرا فى بريد الجمعة بجريدة الأهرام. و فى النهاية يعلن اصحابها عن ندمهم على ترك الفتاة الطيبه التى كانت امامهم فى البداية و ندمهم على ارتباطهم بالملونة الاخرى

بالطبع لا يجب التعميم هكذا لانه قد يحتوى على كثير من الظلم و لكن يبدو لى انها الحكاية القديمة تعيد نفسها مره اخرى. شاب يرفض فتاة تربت مثله وفى نفس بيئته تحلم بعودته و كانه اخر رجال العالم فتركها من اجل الشعر الاصفر و الرقه الظاهرة الى فتاه تربت باسلوب اخر و قد لايكون عندها معشار ما عند الفتاة الاولى من اخلاص.

كم من نزوة اردت صاحبها...

[crossfield]

متعلقة بيك و مستنياك لما ترجع بالسلامة عشان تتمم الجوازة 

...

و أكيد اتعلقت بيك حتى لو انت متعلقتش بيها

مش بالضرورة

حشيش ماقالش حاجة عن انها متعلقة بيه او لأ

معلش يا أستاذ طفشان لكن أكيد فيه شئ من التعلق بيه البنت بطبيعتها رومانسية :D

و أكيد طبعاً طول الفترة دى مكنش حد بيتقدملها عشان مخطوبة

و في ايدها انها تفسخ الخطوبة في أي وقت برضه، زي ما هو حق له، هو حق لها

صح ؛لكن لو الموقف كان بالعكس كان هيبقى ايه شعوره هوه؟يعنى مش هيحس انه اطعن فى كرامته و كلام الأفلام اياه ده ؟ ثم السبب بصرلحة يفقع لما هوه مش مقتنع بيها أصلاً ارتبط بيها ليه؟هيه ذنبها ايه؟ايه يتصرع فى الارتباط من أصله أو تحت ضغط أى حد؟

حاطة نفسى فى مكان خطيبتك و حاسة انى ممكن أقتلك بججججججججججججججد

ليه؟ هي مش الخطوبة فترة يعرفوا فيها بعض اكثر؟ و كل واحد حر يكمل او لأ؟

للدرجة دى العماية سهلة بالنسبة لكم :D واحدة راحت واحدة جات مكانها !!!!!!!! :mad: :mad: :mad:

بما ان الاستاذ قاعد في بلد تانية و مش بيشوفها و لا بيعرفها يبقى مافيش ارتباط عاطفي او تبادل افكار و أراء، زي محمد فوكس ما قال (برافو!)

وده كان أدعى لأنه ميخطبش أصلاً طالما ناوى على سفر و عارف ان مفيش فرصة انه يعرف خطيبته و يدرسها ؛يبقى كان ليه من أصله؟؟ لزوم الوضع الاجتماعى يعنى :twisted:ما كان يستنى لما يستقر فى مصر مثلاً .

بصراحة الواحد اتعقد من اللى بيشوفه و بيسمعه ؛كل ده عشان واحدة بالألوان :twisted:

[الطفشان]

الاخت كروس

سيبنا من كلام الهزار اللي في باب دعوة للابتسام

و خلينا نتكلم جد شوية بدون تأثير المعارك الحامية الوطيس هناك

معلش يا أستاذ طفشان لكن أكيد فيه شئ من التعلق بيه البنت بطبيعتها رومانسية  :D

صح

بس افضل تكمل في رومانسية

او هو يكمل في جواز مش مقتنع به

و الا كل واحد يشوف مستقبله الاصلح له؟

العلاقة غير متينة

و غير مبنية على شئ معين

زي ما قال مصري ابرود و محمد فوكس و فاكتس و غيرهم فوق

الشعور بالذنب او عقدة الذنب هنا تجاه البنت الغلبانة دي يجوز انه يدمرها هي قبل حشيش مستقبلا لو اتجوزا

يعني لو بعد سنة من الزواج

حصلت مشاكل و في طفل

احتمالات انها تتجوز تاني بقت ايه؟

صفر

اما الان فهي تجربة من تجارب الحياة و عدت و خلاص

و اتعملت منها حاجة

صح؟

صح ؛لكن لو الموقف كان بالعكس كان هيبقى ايه شعوره هوه؟يعنى مش هيحس انه اطعن فى كرامته و كلام الأفلام اياه ده ؟ ثم السبب بصرلحة يفقع لما هوه مش مقتنع بيها أصلاً ارتبط بيها ليه؟هيه ذنبها ايه؟ايه يتصرع فى الارتباط من أصله أو تحت ضغط أى حد؟

والدته اللي اختارت

و هو كان going with the flow

يعني ماشي مع الموضوع

و لا مقتنع و لا مش مقتنع

و لو تفتكري

من كام شهر

طلبت فرح بربع اللي محوشه!!!!

دة كلام؟

ليه؟ هي مش الخطوبة فترة يعرفوا فيها بعض اكثر؟ و كل واحد حر يكمل او لأ؟

للدرجة دى العماية سهلة بالنسبة لكم :D واحدة راحت واحدة جات مكانها !!!!!!!! :mad: :mad: :mad:

لسة بتحكمي بعواطفك بس

مش هي دي النقطة خالص

الخطوبة مش فارس على حصان ابيض

و كلام الافلام دة

دي فترة تعارف

لو واحد و واحد حصل توافق يكملوا

ما حصلش، يبقى كل واحد يجرب حظه مع حد تاني و خلاص

بما ان الاستاذ قاعد في بلد تانية و مش بيشوفها و لا بيعرفها يبقى مافيش ارتباط عاطفي او تبادل افكار و أراء، زي محمد فوكس ما قال (برافو!)

وده كان أدعى لأنه ميخطبش أصلاً طالما ناوى على سفر و عارف ان مفيش فرصة انه يعرف خطيبته و يدرسها ؛يبقى كان ليه من أصله؟؟ لزوم الوضع الاجتماعى يعنى :twisted:ما كان يستنى لما يستقر فى مصر مثلاً .

الله اعلم بالتفاصيل

كل واححد بيدور انه بعد ما يشتغل حيتجوز

و لو في عمل مافيهوش حد

او معندوش فرصة يقابل واحدة مناسبة

يبقى مافيش غير جواز الصالونات

يعني يفضل مضرب مثلا؟

كل واحد و ظروفه

بصراحة الواحد اتعقد من اللى بيشوفه و بيسمعه ؛كل ده عشان واحدة بالألوان  :twisted:

دة السبب الظاهر

بس يبدو ان السبب الحقيقي هو:

- انه مافيش بينه و بين خطيبته رابط حب او عشرة او تفاهم او او

- انها طلبت منه طلبات لم يستسغها

اللبنانية (او الملونة زي ما بتقولي) يبدو انها المنبه اللي بيصحيه

انا رأيي احسن لها انه مايكملش لو مش مقتنع

في النهاية

الامر بيد حشيش

و هو الذي يجب ان يقرر لنفسه

[freefreer]

السلام عليكم جميعا ..

تحية لجميع المداخلات التى القت الكثير من لضوء على المشكلة .. و تحية خاصة للأخت نورا لشرحا الصادق للتجربة التى مرت بها .. و سلوكها الطيب ..

أرجو الا نخلط الأوراق حتى لا نخلط الأستنتاجات .. هناك رجال طيبون .. و هناك نساء طيبات .. و هناك رجال سيؤون و هناك نساء سيئات .. فلا داعى لأضفاء صفات محددة على جنس بعينه ..

أخى حشيش ..

أولا .. عندى ان الخطوبة مثل الزواج تقريبا من حيث العهد .. و ليس من حيث الممارسة طبعا ..

دخلنا بيوت الناس .. خطبنا بنتهم .. ووافقوا .. هذا عهد ووفاء ..

يمكن أن ينقض ..؟ .. نعم .. و لكن لأسباب قهرية .. و ليس لمجرد العثور على واحدة أجمل .. أو أرق .. أو أو أو ...........

ستظل تجد الأحلى و الأجمل و الأرق الى الأبد .. فماذا ستفعل ؟؟

أنت مطالب بالولاء و الوفاء .. مالم يقهرك شيئ ما (حقيقى)

ثانيا .. المقارنة بين الشخصيتين .. ليست فى صالح الأولى .. فهى لم تعط فرصة كاملة لأبراز علاقتها بك .. بينما الثانية لديها فرصة كاملة يوميا

ثالثا .. أظن انك لا تعرف شيئا عن أهل الثانية .. و لا موقفها حقا .. ولا اخلاقها .. و هذه نقاط هامة فى الموضوع .. فقد تجد مالا يسرك

رابعا .. ما هو احساسك .. لو ان خطيبتك وجدت شخص ما اغنى منك (مثلا) و فكت الخطبة على هذا الأساس ؟

نصيحتى .. أنت أدرى بنفسك .. لا تسمح لنفسك ان تتملكك عملية الهيام لأنها تخدر العقل و الإتزان .. و ادرس الموضوع بهدوء و روية .. و تثبت من الموقف المبدئى للثانية .. و اعط الأول فرصة جيدة لتعبر عن نفسها .. حتى لو اخذت اجازة و نزلت خصيصا لقضاء فترة محددة معها ..

و قرر .. و أعلم انك الوحيد الذى سيتحمل تبعات القرار .. و انك قد تضيع جوهرة من يدك ..

رينا يوفقك

[Facts researcher]

الأخ العزيز حشيش ،

تصدق و تآمن بالله ، أني بعد ما صليت الفجر ، قعدت أتكلم مع نفسي كتير ، كتييييير أوي ، وقلت لازم أكلم معاك - ومعاكم - انشا لله حتى

لو اتأخر عن الشغل شويه ، ليه ؟ لأن المشكلة اللي أنت واقع فيها ، أنا ممكن كنت أقع فيها ( زي ما قلتلك عازب في أوروبا، وبالمناسبة معظم سنين حياتي بره مصر خالص) . و أقولك الزاي أنا اتخلصت من إن أنا أقع في نفس الموقف ده

بس الأول لازم أرد على أحد الأخوات - crossfield - لأنه رد مهم:

كتبت crossfield :

وده كان أدعى لأنه ميخطبش أصلاً طالما ناوى على سفر و عارف ان مفيش فرصة انه يعرف خطيبته و يدرسها ؛يبقى كان ليه من أصله؟؟ لزوم الوضع الاجتماعى يعنى ما كان يستنى لما يستقر فى مصر مثلاً 

الأخت العزيزة crossfield . أولاً زي ماقال الأستاذ الطفشان سيبينا من الهزار في باب دعوة للإبتسام ، وخلينا بقى نتكلم جد الجد ، سامعاني

:?:

أولاً معظم الشباب في مصر - أو بلاش معظم ؛ نسبة ماتقلش عن 30-40% لو كنا متشائمين - من اللي بيتجوز دلوقت مسافر برة ، وبيتجوز وهو مسافر ، لأن معظمهم ما يقدرش يسيب برة بعدما حقق النجاح في عمله بره ، والسن بيتقدم بيه ، يعمل إيه ! طب أنا أختي اتجوزت كده تماماً . و كان جوزها مهندس في السعودية وهي في آخر سنه في الكلية و أمه سألت على أختي وبعدها هو نزل من السعودية و الله العظيم أسبوع بس و خطبها ، وبعد 5 شهور اتجوزو ، وربنا بارك ليهم ، ليه؟؟؟ لأن كان في ألفة كبيرة جداً بينهم ؛ الأسباب في الألفة دي بعد ربنا :

((الكلام ليك برضه ياحشيش ))

1- أولاً و ثانياً و ثالثاً ؛ ما كانش فيه أي طلبات زايدة أو طلبات من ناحية أختي فيها أي طمع مادي ((تِحَسس)) خطيبها أنها عايزاه عشان ماديات ، أو أنه عاجبها عشان ماديات. وكان كل ما يقلها هاتي حاجه بالشيء الفلاني ، تقوله : لأ ليه نكلف ((نفسنا)) - سامعه ياأخت كروس والآنسات: نفسنا - ، وتروح أختي تجيب الحاجة و الله العظيم بخُمس و سعات بعُشر الثمن ((كان عايز يجيب لها فستان زفاف بـ 7500 ، راحت فصلت زيه تماماً ب 430 جنيه :!: )) و عشان السبب ده ، كان ملهوف يكلمها ، وأهله ((يجبروا)) ابنهم يتمسك بيها قوي و يقولوا له ينزل أي أجازه عشان خاطرها.

2- أنه كان فيه معرفة سابقة بين جوز أختي و أخويا - معرفة ترقى للصداقة الحميمة - و أبوه عارف أبويا ، وجوز أخته يعرفني كويس،

فكان فيه نوع من ((الألفة الأسرية مسبقاً )) .

وده خلى شيء تمهيدي من الألفة بين أختي و جوزها وهم بيتعرفوا على بعض قبل و بعد الخطوبة . وكانت أختي عمرها ما شافت جوزها قبل اما ييجي يخطبها ، ولا هو كلمها و لا كلمته قبل كده .

وده يخليني أحيي جداً أخويا FREE FREE لما طلب من حشيش أنه يعطي فرصة لخطيبته تعبر عن نفسها :

و اعط الأول فرصة جيدة لتعبر عن نفسها .. حتى لو اخذت اجازة و نزلت خصيصا لقضاء فترة محددة معها .. 

سامع يا حشيش الكلام

والكلام ليك يا كروس ، و الآنسات برضه ؛ هو مش تفكير سطحي وأسلوب تشنج و بس ، نفكر بهدوء عشان ده ممكن يأثر على بيوت ناس ؛ فهماني ! و لا... :twisted:

ودي مني ليك يا عم فري فري ، خد بقى

:inlove: :inlove: :inlove: :inlove:

[Facts researcher]

الأخ العزيز حشيش ،

أكمل معاك ، ياقطع نَفَسَك يا تقطع نَفَسي :D ؛ نتكلم جد .

زي ما قلتلك ، أنا زيك تمام ، وغيري ، زي مصراوي في كندا ، بس يمكن أنا عايش بره أكتر ، وده يخليني شفت كتير من المواضيع دي.

أخويا حشيش ،

مشكلتك الأساسية في موضوع جوازك من أي واحدة كانت

- وهي مشكلة شباب كتير - ألا وهي :

أنت مش عارف إنت عايز اييييييييييييييييييييه ؟ صح

انت مش عارف انت عايز ايه في الإنسانة اللي انت تحبها و تتجوزها، أو بمعنها أدق : انت مش قادر تحدد ايه هي الحجات اللي تخليك تنجذب لإنسانه عشان تحبها و تتجوزها .

والدليل على كده اللي انت قلته لما وصفت اللي حصل في الخطوبة بلسانك هنا في المنتدى :

انك ارتحت للبنت ، لكن اللي عكنن عليك هو طلبات المظاهر من حفله و خلافه. و خلاك مسافر وانت بتفكر في هَم المشاكل المادية و تقلها.

و على الرغم من كده و أن الكلام كان قدامك ما اعترضتش، وانهيت الموضوع . فدى دليل على انك ما كنتش عارف ايه اللي يجذبك لبنت

و ايه اللي يفرملك و يخليك تقول آسف مش هكمل لإني سمعت كذا.

وهناك دليل أقوى جداً

*************************************************************************

انك حاسس بهشاشة العلاقة بينك و بين خطيبتك حتى قبل أما تشوف زميلتك

**********************************************************************

أنا متأكد انك موافق على كلامي ، وانك فعلاً كنت حاسس إن علاقتك هشة مع خطيبتك حتى قبل

(( ركز في اللي قلته فوق ))

وظهور الزميلة كان الفلاش السريع اللي خلاك تحس جامد بالموضوع ده ، و أكيد ده صحيح برضه .

طيب ايه العمل ؟؟؟؟؟؟

[Facts researcher]

1- أولاً ، لازم و لابد أن تشرح بينك و بين نفسك ما السبب الذي جعلك تشعر بأن العلاقة بينك و بين خطيبتك هشة ؟ هل هو :

* البعد و الغربة :

بصراحة أنا حاسس إن ده مش عامل أساسي معاك ، هو كان عامل مساعد. سأفترض انه كان عامل أساسي إلى أثبتلك العكس.

أولاً : العامل موجود قبل ظهور الزميلة

ثانياً : و حتى و انت رايح تخطب ؛ العامل ده موجود أصلاً كمان. وده معناه انك عارف ان في عامل الغربة في دماغك قبل لما تشوف خطيبتك دي أصلاً ، أو أي واحدة كنت خطبتها .

ولكن أكيد انت فكرت (( وصححلي الجملة دي لو غلط )) أن الغربة تتعوض بالعلاقة القوية بينك و بين أي واحدة تخطبها ، مظبوط الكلام :?: و لكن للأسف العلاقة لم يزداد الإنسجام بينكم ، و العلاقة إما توقفت عند حد مستوى التعارف ، أو كانت تنقص . وطالما ان ده عامل موجود اصلاً حتى قبل الخطوبة و الزميلة يبقى ده عامل مساعد ، و ليس الأساسي

[Facts researcher]

* الطلبات المادية السخيفة و المكلفة :

الموضوع ده يا حشيش أقدر أنا شخصياً أقولك أقاويل كتيرة قوي لأني اتلسعت منه :shock: ، وعشان نحلل البند ده :

- هل حسيت و تأكدت بشكل ملموس أن أهل البنت أو خطيبتك نفسها طلبوا منك طلبات هم نفسهم ما يرضوهاش لابنهم لو هو مكانك :wink: :neutral: :D اللي أعرفه منك ، انهم طلبوا منك حفلة بالشيء الفلاني (25000 جنيه) في فندق موفينبيك كمان.

هل صمموا على هذا الطلب ؟ ما هي نوعيات طلباتهم في الأثاث و خلافه ؟؟ بيختاروا الغالي ليك و الرخيص ليهم مثلاً . هل طلبات خطيبتك فيها مبالغات تدل على الطيش مثالاً ، وتدل على حب التفاخر أمام أقرانها من البنات . لو كان فعلاً طلباتهم مادية مغالة فيها و فيها شيء من الطيش و حب التفاخر ؛ يبقى فعلاً ده يكون سبب مقبول ووجيه للجميع لإنهاء خطبتك (( وهذا ما إ عتبره أخويا free free في مداخلته أسباب قاهرة لإنهاء الخطوبة، وهو وافق على ذلك في مناقشة أخرى)) لأن هذا سيتكرر في أشياء أخرى .

لكن ، وخلي بالك من لكن دي

أنا عندي إحساس إن مش هو ده العامل الرئيسي اللي خلى العلاقة مع خطيبتك هشة ، وبقول احساس ، و الإثبات يأتي من عندك لما تجاوب على اسئلة البند ده :!: قولي هنا أو على private message

حملوك ايه و كام و انا أقولك إذا كان في مغالاة منهم و لاّ لأ

[Facts researcher]

* الجمال :

أخويا حشيش ، مش عيب أبداً أن الراجل يقول أنه عاوز يجوز واحدة جميلة. ما فيش مشكلة نهائي في الحته دي .

وخلي بالك من السؤال الرئيسي اللي في الأول: أنت عاوز ايه في الإنسانة اللي بتحبها

عايز الجمال الأول ، أو الأخلاق وبعده الجمال ، أو الأخلاق و النَّسب الكويس (اهل البنت) مع الجمال ، أو الجمال و ما بعده الطوفان :?:

العامل المشترك هو الجمال ، ماشي و ماله ، مفيش حد عاقل ، وأكررها ((عاقل)) ، يقول أتجوز واحده شكلها يسد نفسي ، من يقول كده ، ده النبي ما قالش كده خالص. بس فيه حاجة يا حشيش مهمة جداً ، ولازم تجاوب نفسك عليها ، لازم تجاوب نفسك عليها ، سامعني :

انت عايز أي واحدة جميلة و السلام :?: لازم تكون صريح جداً مع نفسك. بصراحة ياحشيش أنا مش قادر أستنتج الإجابة. لكن أنا متأكد إنك ما ترضاش بأي جميلة.أنت عايز برضه مع الجمال يكون: أهلها ناس محترمين ، و البنت تكون مؤدبة أو عندها أساسيات الأدب ؛ مظبوط .

بصراحة ياحشيش

أنا حاسس أن عامل الجمال ده هو العامل الأساسي اللي خلاك بدأت تحس انك ما كونتش منجذب لخطيبتك ، وإن هو ده الشيء اللي انت عايزه في فتاة أحلامك.

بس أنت ما قولتش ده بينك و بين نفسك أو الأهل قالوا ليك أن ده عامل هايف، وسيبك منه و ها تنساه ، و انت كنت مع التيار الجارف going with flow

اللي واخدك مع والدتك في اختيارها ليك ، ولما ظهرت ليك ((الحاجة)) دي اللي أنت عايزها ؛ صحيت :shock: .

الكلام في الموضوع ما فهوش عيب أبداً و انا أخوك و ها ساعدك.

[nora]

السلام عليكم جميعا ..

تحية لجميع المداخلات التى القت الكثير من لضوء على المشكلة .. و تحية خاصة للأخت نورا لشرحا الصادق للتجربة التى مرت بها .. و سلوكها الطيب ..

شكرا ليك يا استاذ فري جدا لرايك والله انا قلت الي معذبني علشان هو يحس باحساس خطيبته مثلا ده لو كانت فعلا عيزاه :? :?

شوفي يا نورا مثال بسيط جدا لو عندنا زهرة و عايزينها تعيش لازم يكون فيه ساقي يسقيها كل يوم و إلا الزهرة دي هاتموت 

و ماينفعش يسقيها عن طريق التليفون او الشات طبعا و إلا الزهرة هاتصمد لفترة و بعد كده هاتذبل..فنعمل ايه نقول الساقي انه يعيش جنبها عشان يراعيها لو كان فعلا عايزها تعيش و ماتدبلش 

صدقني الظروف دي غصب عني مش بايدي .... :( :( :(

لحد دلوقتي انا شيفة ان حشيش مردش وعلى فكرةانا مكنتش وخده بالي ان حشيش في البحرين وهي في مصر بس كويس انك قلت فليا تعقيب انت بالطريقة دي ادامك حاجة وحده تكلم البنت دي بصراحة وتشوف هل تصلح ولا لاه من جميع النواحي الدينية والاجتماعية والاخلاقية و اذا كانت هتبادلك نفس الشعور ولا لاه

وبعد كده ابعد عن الاتنين وصلي وادعي ربنا وشوف قلبك هيميل لمين

انا بقولك الكلام ده وانا مش رضيا بية بس ده اضعف الايمان لاني عرفة ومتأكده لما اقول اية انت هتعمل الي في دماغك وهتحاول انك تتخيل حجات كتير والله انا حسة بكل حاجة انت قلتها لكن صدقني انت الي ممكن تحكم ومدي ايمانك وصبرك هتقدر تحدد طريقك بس خلي بالك لتضيع الاتنين من ايدك لان ممكن هي ترفض انها تخرب بيت وحده لان هتأمن انك هدام سبت خطيبتك علشان وحده احلي منها ممكن كمان تسبها هي لو جت الأحلى :? :? :?

ده احساسي انا لو مكنتش متجوزه واتحطيت في مكان البنت دي مع الفارق الكبير اني مش لبنانية بس :wink: :wink:

ياريت تسمع الكلام ده :!: :!: وهسمع نصيحتك وهبطل افلام عربي :D :D

[Facts researcher]

سيبك من الشعر ، أولاً حتى في أوروبا هنا بيصبغوا شعرهم.

و أنت قلت إنه في خصل صفراء . يعني ده دليل . طيب صوتها حلو :!:

طب و انت اشعرفك ان ده صوت عادي مش الصوت المستخدم من الشغل لزوم الدلع. وده عادي جداً بتعمله اي واحدة عايزة تلفت الإنتباه، أو تبان مظهر جميل ، و كللللللللل البنات حتى في مصر محجبة و اللى مش محجبة بيرققوا صوتهم لما بيتكلموا في المولات للفت الإنتباه :? . طيب شكل زميلتك دي الخارجي حلو ، لبسها ملفت جداً (( حشيش أنا بتكلم جد الجد ، و بناقش معاك مش بهزر معاك ، و الأخوة اللي بيقروا فاهمين أكيد انا بحاول أشوف ايه اللي لفت انتباهك كده و خلاك تلاقي حاجة انت مش ملاقيها في خطيبتك ))

نيجي للسؤال الهام جداًً لسيادتك :

طيب ايه اللي ناقص خطيبتك عشان تلاقي فيها الإشباع الجمالي ؟

[Facts researcher]

أسألك سؤال من غير هزار :

حشيش ، انت شفت ما يسرك من جمالها أمام عينك :D ، (واحد من الصحابة اسمه جابر بن عبدالله كان يتلصص على مراته قبل أما يتجوزها عشان يشوف سيقانها وهي بتغسل الأواني وده حديث صحيح ، ايه رأيك :neutral: - ياريت حد يجيبه ياجماعة )

أقصد هل رأيت منها ما يسرك أم لا ؟؟ أي ما يشبع رضاك من الجمال أم لا؟

عارف يا حشيش الموضوع ده ((خطيييير جداً)) و قليل اللي فهمه صح.

أنا مثلاً طبعاً عايز أتجوز واحدة جميلة عشان أنا بسافر كتير في أوروبا (باريس ، لندن ، ميلانو، روما، برشلونه ...) عشان شغلي ، فلازم يكون عندي حتة الإشبعاع دي. ولكن طبعاً مع أساسيات الخلق ، وأهلها يكونوا ناس كويسين.

حشيش ، الكلام اللي أنا قلتهولك ده مش تخاريف و لا هزار ، أنا جد معاك قوييييييي . و صدقني ده في صلب الدين ( طبعاً بعد كتب الكتاب بيكون الموضوع مطلوب أكتر ) ،

حشييييييييييييييييييييييش ، صارح خطيبتك و قل لها أنك عايز تشوفها أجمل و أرق إنسانه في الوجود ، عايز تشوفها أجمل واحدة في عيونك وصوتها يكون أحلى صوت بتسمعه . وبعد كده انزل مصر حتى لو اسبوع .

مش عيب ياحشيش أبداً إن الراجل يكون عايز اشباع نفسي من خطيبته ، مش عيب أبداً إنه يطلبه من خطيبته ، وده في الدين كمان. و صدقني ده اللي انت عوزه

مش ممكن ياحشيش تكون خطيبتك حجر ومش هاتحس انك محتاجلها في الحته دي بالذات لو قلتلها كده قبل أما تنزل مصر . أي بنت لما تسمع الكلام ده من خطيبها هاتفهم خطيبها محتاجلها أد ايه