لسعة الحب!!!

[Facts researcher]

وفي النهاية ياحشيش الأمر متروك ليك ، بس صدقني انت محتاج اشباع نفسي و عاطفي من خطيبتك ، و لازم تصارحها أنك محتاج لده جداً. و شوف نتيجة المصارحة دي ايه ؟

مش عيب يا حشيش انك تطلب ده من خطيبتك أبداً ، وهي أكيد

ستقدر ده تماماً . لو حصل أن هي لم تقدر احتياجك ده ، يبقه فعلاً انت فعلاً لن تستطيع أن تكمل معها المشوار ، سواءً كانت الزميلة دي

موجودة و لاّ لأ في حياتك ، لأنك سترى الأرق و الأجمل في كل يوم وفي كل حين ، و ستشعر دائماً بعدم الرضا و الإشباع العاطفي

انت محتاج جرعة حنان من خطيبتك :cool: صح ؟

وسلامي ،

أخوك ،

فاكتس

[nora]

أسألك سؤال من غير هزار :

حشيش ، انت شفت ما يسرك من جمالها أمام عينك :D  ، (واحد من الصحابة اسمه جابر بن عبدالله كان يتلصص على مراته قبل أما يتجوزها عشان يشوف سيقانها وهي بتغسل الأواني وده حديث صحيح ، ايه رأيك  :neutral: - ياريت حد يجيبه ياجماعة )

أقصد هل رأيت منها ما يسرك أم لا ؟؟ أي ما يشبع رضاك من الجمال أم لا؟

عارف يا حشيش الموضوع ده ((خطيييير جداً)) و قليل اللي فهمه صح.

أنا مثلاً طبعاً عايز أتجوز واحدة جميلة عشان أنا بسافر كتير في أوروبا (باريس ، لندن ، ميلانو، روما، برشلونه ...) عشان شغلي ، فلازم يكون عندي حتة الإشبعاع دي. ولكن طبعاً مع أساسيات الخلق ، وأهلها يكونوا ناس كويسين.

حشيش ، الكلام اللي أنا قلتهولك ده مش تخاريف و لا هزار ، أنا جد معاك قوييييييي . و صدقني ده في صلب الدين ( طبعاً بعد كتب الكتاب بيكون الموضوع مطلوب أكتر ) ،

حشييييييييييييييييييييييش ، صارح خطيبتك و قل لها أنك عايز تشوفها أجمل و أرق إنسانه في الوجود ، عايز تشوفها أجمل واحدة في عيونك وصوتها يكون أحلى صوت بتسمعه . وبعد كده انزل مصر حتى لو اسبوع .

مش عيب ياحشيش أبداً إن الراجل يكون عايز اشباع نفسي من خطيبته ، مش عيب أبداً إنه يطلبه من خطيبته ، وده في الدين كمان. و صدقني ده اللي انت عوزه

مش ممكن ياحشيش تكون خطيبتك حجر ومش هاتحس انك محتاجلها في الحته دي بالذات لو قلتلها كده قبل أما تنزل مصر . أي بنت لما تسمع الكلام ده من خطيبها هاتفهم  خطيبها محتاجلها أد ايه

انا معاك في الكلام ده والله انا استفد من كلامك جدا جدا شكرا ليك بجد والله انا حسيت بكلامك لاه طالع من البك بجد ......

"نزوه وعدت" عقبال منقول كده عن حشيش :twisted: :twisted:

[Set_Amina]

أنا قلتلك ازاي تكتشف هل فعلاً أنت عايز زميلتك و لا لأ .

أنا رأي أنك تسأل عن البنت دي الأول ، وبعد كده تسأل البنت وجهاً لوجه إذا كانت موافقة تتجوزك ، وإيه طلبتها /quote]

البنت اللبنانية لو وافقت على الجواز من حشيش تبقى بنت لا تملك القدرة على التفكير بأقل شيء من الأصول، مش علشان حشيش وحش لا سمح الله ولكن لأن حشيش اعجب بيها وهو خاطب ورابط بنت من بنات الناس على اسمه.. وعليها ان تدرك ان طول الشعر ولونه البراق ومعاهم حتة هالا مالهاش حل كانا السبب في سهر الليالي ودقة الطبلة العمال على بطال في قلبه، مع انه من الممكن تطلع في الآخر باروكة ولا شعر ملزوق وتبقى حوسة.

[Proud Muslim]

الأخ Facts Researcher

حشيش ، انت شفت ما يسرك من جمالها أمام عينك  ، (واحد من الصحابة اسمه جابر بن عبدالله كان يتلصص على مراته قبل أما يتجوزها عشان يشوف سيقانها وهي بتغسل الأواني وده حديث صحيح ، ايه رأيك  - ياريت حد يجيبه ياجماعة )

أظن أن الحديث الذي تقصد هو عن الصحابي المغيرة بن شعبة رضي الله عنه ..

حَدَّثَنَا الحسن بن علي الخلال، وزهير بن مُحَمَّد، ومحمد بن عَبْدُ الملك. قَالوا: حَدَّثَنَا عَبْدُ الرزاق، عَن معمر، عَن ثابت، عَن أَنَس بْن مَالِك؛

أن المغيرة بن شعبة أراد أن يتزوج امرأة. فقال له النَّبي صلَّى اللَّه عليه وسلَّم: (اذهب فانظر إليها. فإنه أحرى أن يؤدم بينكما).

ففعل. فتزوجها. فذكر من موافقتها.

و أذكر أنني سمعت تكملة للقصة أنه ذهب و تسلق شجرة حتى ينظر اليها ..لماذا ؟؟

حتى لا يجرحها و لا يحرجها ..

لكن موضوع سيقانها ده مستحيل ..

هؤلاء صحابة كرام يا أخي العزيز .. لا يصح أبدا أن نقول أن أحدهم ذهب لينظر الى سيقان امرأة !!

عبد الله بن جابر رضي الله عنه فقال له الرسول صلى الله عليه و سلم .. ( هلا بكرا تلاعبها و تلاعبك ) عندما تزوج الصحابي الجليل من ثيب و لو يتزوج بكر .

و الله من وراء القصد .

[Facts researcher]

انا معاك في الكلام ده والله انا استفد من كلامك جدا جدا شكرا ليك بجد والله انا حسيت بكلامك لاه طالع من البك بجد ...... 

الأخت العزيزة نورا ،

شكراً كثيراً على ما قلتيه. فعلاً الكلام اللي قلته طالع من قلبي ، لأني بشوفه كتير في ناس بتعذب نفسها بنفسها . للأسف يا جماعة هناك الكثير من الأزواج و المخطوبين لا يهتموا أبداً بموضوع الإشباع العاطفي و النفسي و الوجداني . و المصيبة أن الطرف اللي محتاج - سواءً ست و لا راجل - لما بيحتاج للإشباع العاطفي ده يستحي يقول بشكل صريح و واضح عندما يحس بجفوة المشاعر . لازم كل راجل و كل ست ، كل خاطب و مخطوبة تهتم جداً جداً بالإشباع العاطفي ده .

ياجماعة الموضوع جد الجد مش تهريج ، هو احنا ايه؟ حجر :shock:

ربنا يوفق الكل لما يحبه و يرضى ، ويبعد الشرور عن أُسَرنا .

وربنا يوفقك يانورا في حياتك ويتمم عليك السعادة .

[crossfield]

الاخت كروس

سيبنا من كلام الهزار اللي في باب دعوة للابتسام

و خلينا نتكلم جد شوية بدون تأثير المعارك الحامية الوطيس هناك

معلش يا أستاذ طفشان لكن أكيد فيه شئ من التعلق بيه البنت بطبيعتها رومانسية  :oops:

صح

بس افضل تكمل في رومانسية

او هو يكمل في جواز مش مقتنع به

و الا كل واحد يشوف مستقبله الاصلح له؟

العلاقة غير متينة

و غير مبنية على شئ معين

زي ما قال مصري ابرود و محمد فوكس و فاكتس و غيرهم فوق

الشعور بالذنب او عقدة الذنب هنا تجاه البنت الغلبانة دي يجوز انه يدمرها هي قبل حشيش مستقبلا لو اتجوزا

يعني لو بعد سنة من الزواج

حصلت مشاكل و في طفل

احتمالات انها تتجوز تاني بقت ايه؟

صفر

اما الان فهي تجربة من تجارب الحياة و عدت و خلاص

و اتعملت منها حاجة

صح؟

صح ؛لكن لو الموقف كان بالعكس كان هيبقى ايه شعوره هوه؟يعنى مش هيحس انه اطعن فى كرامته و كلام الأفلام اياه ده ؟ ثم السبب بصرلحة يفقع لما هوه مش مقتنع بيها أصلاً ارتبط بيها ليه؟هيه ذنبها ايه؟ايه يتصرع فى الارتباط من أصله أو تحت ضغط أى حد؟

والدته اللي اختارت

و هو كان going with the flow

يعني ماشي مع الموضوع

و لا مقتنع و لا مش مقتنع

و لو تفتكري

من كام شهر

طلبت فرح بربع اللي محوشه!!!!

دة كلام؟

ليه؟ هي مش الخطوبة فترة يعرفوا فيها بعض اكثر؟ و كل واحد حر يكمل او لأ؟

للدرجة دى العماية سهلة بالنسبة لكم :cry: واحدة راحت واحدة جات مكانها !!!!!!!! :mad: :mad: :mad:

لسة بتحكمي بعواطفك بس

مش هي دي النقطة خالص

الخطوبة مش فارس على حصان ابيض

و كلام الافلام دة

دي فترة تعارف

لو واحد و واحد حصل توافق يكملوا

ما حصلش، يبقى كل واحد يجرب حظه مع حد تاني و خلاص

بما ان الاستاذ قاعد في بلد تانية و مش بيشوفها و لا بيعرفها يبقى مافيش ارتباط عاطفي او تبادل افكار و أراء، زي محمد فوكس ما قال (برافو!)

وده كان أدعى لأنه ميخطبش أصلاً طالما ناوى على سفر و عارف ان مفيش فرصة انه يعرف خطيبته و يدرسها ؛يبقى كان ليه من أصله؟؟ لزوم الوضع الاجتماعى يعنى :twisted:ما كان يستنى لما يستقر فى مصر مثلاً .

الله اعلم بالتفاصيل

كل واححد بيدور انه بعد ما يشتغل حيتجوز

و لو في عمل مافيهوش حد

او معندوش فرصة يقابل واحدة مناسبة

يبقى مافيش غير جواز الصالونات

يعني يفضل مضرب مثلا؟

كل واحد و ظروفه

بصراحة الواحد اتعقد من اللى بيشوفه و بيسمعه ؛كل ده عشان واحدة بالألوان  :twisted:

دة السبب الظاهر

بس يبدو ان السبب الحقيقي هو:

- انه مافيش بينه و بين خطيبته رابط حب او عشرة او تفاهم او او

- انها طلبت منه طلبات لم يستسغها

اللبنانية (او الملونة زي ما بتقولي) يبدو انها المنبه اللي بيصحيه

انا رأيي احسن لها انه مايكملش لو مش مقتنع

في النهاية

الامر بيد حشيش

و هو الذي يجب ان يقرر لنفسه

أستاذ طفشان :

أنا مقصدتش أبداً ان حشيش يكمل مع خطيبته على الوضع ده بالعكس أنا شايفة ان الموضوع مش محتاج تفكير ؛طالما مش مقتنع بيها و مش مالية عنيه يبقى ليه يكمل؟حرام عليه وقتها ده يسيبها بقى تشوف حالها ميفضلش معلقها كده و هوه دماغه فى حته تانية .أنا شايفة برضو ان علاقته بيها مش قد كده لأن الغربة المفروض كانت تخليه يتعلق بيها أكتر distance makes heart grow fonder

مش دايماً البعيد عن العين بعيد عن القلب .

باحث كتب:

أولاً معظم الشباب في مصر - أو بلاش معظم ؛ نسبة ماتقلش عن 30-40% لو كنا متشائمين - من اللي بيتجوز دلوقت مسافر برة ، وبيتجوز وهو مسافر ، لأن معظمهم ما يقدرش يسيب برة بعدما حقق النجاح في عمله بره ، والسن بيتقدم بيه ، يعمل إيه ! طب أنا أختي اتجوزت كده تماماً . و كان جوزها مهندس في السعودية وهي في آخر سنه في الكلية و أمه سألت على أختي وبعدها هو نزل من السعودية و الله العظيم أسبوع بس و خطبها ، وبعد 5 شهور اتجوزو ، وربنا بارك ليهم ، ليه؟؟؟ لأن كان في ألفة كبيرة جداً بينهم ؛ الأسباب في الألفة دي بعد ربنا :

حضرتك بتتكلم عن حالات خاصة أو استثناء يعنى أنا أعرف ان الخطوبة تعارف ؛ازاى يحصل تعارف لو افترضنا ان مفيش معرفة مسبقة بين الولد و البنت غير الأهل فقط ؟؟؟؟ همه الأهل همه اللى هيتجوزوا؟ ثم واضح ان الأخ حشيش مهتم بحته الشكل و أكيد قارن بين خطيبته و بين زميلته اللبنانية على الأساس ده و بس ؛طالما بيتمنى واحدة تانية من دلوقتى يبقى بعد كده هيعمل ايه ؟ بجد يا حشيش و الله أنا مش بتحامل عليك و لا حاجة بس بجد سيب خطيبتك فى حالها لأن طالما المبدأ موجود عمرك مهتبطل مقارنات و ممكن تندم بعد كده و هتعيشوا انتوا الاتنين تعساء فعلاً . و معلش اذا كانت لهجتى فى الكلام حادة شوية أصل بنات الناس مش لعبة تخطب النهاردة و لما تطلع واحدة أحسن شكلاً أو حتى موضوعاً تقول لخطيبتك باىباى .اتروى قبل ما تختار و صدقنىالطمع وحشgrasp all,lose all ربنا يوفقك للى فيه الخير.

[se_ Elsyed]

أنا كنت منتظر أشوف ردود أخوانا فى المنتدى وفعلاً قريت كلمات وزنها دهب والله ، شوف يا حشيش أنا هاكلمك كاخ له عشم عندك يعني ماتزعلش .

- من أمتى يا حبيبي الواحد بيقدر يحكم على واحده أنها مناسبة له علشان كل اللى يعرفوا عنها أن شعرها أصفر وعنيها خضرا ؟

- أنت بقى لك خاطب ييجي 6 او 7 شهور وبتقول أنك بتكلم خطيبتك تقضية واجب كل أسبوع ... طب أزاي !!! أومال الشعر الجاهلي اللى بتقرأه لأبو العلا الحمصاني اللى واجع دماغنه بأشعاره بتقوله لمين ... يابني دى فترة الخطوبة أحلى فترة ترص فيها كلام .

- وبعدين تعالى هنا أش عرفك أن الحته اللبناني دى لما تصارحها بحبك وهيامك هاتبدلك نفس المشاعر مش يمكن تقولك سوف خيو حشيش أنت مابتلبألي أنا بدي واحد مابيستحماش متل يوري مرأدي أو واحد مدمن متل جورج وسوف ..... عندك أستعداد تبقى زي دول ؟

- أخرج من حالة المراهقة المتأخره دي يا حشيش ياخويا ... وتذكر دائماً " فأظفر بذات الدين تربت يداك " ... وبكره لما تتجوز هاتدعى للحاجه والدتك على حسن أختيارها لبنت الحلال اللى تقدرك وتسعدك وتجيبلك حشاشيش صغيرين تفخر بهم..... من خلال تجارب المجربين ثبت أن أختيار الأهل عمره مايخيب لأنهم لهم رؤيا طويلة المدى مش شعر أخضر وعيون صفرا.

وبصراحة بأه ومن الأخر اللى بعد الأخر أنا مع أختيار جبنة البقرات الثلاثة ... لأنه ده اللى بيعمر الدماغ ...

[moody00x]

وبصراحة بأه ومن الأخر اللى بعد الأخر أنا مع أختيار جبنة البقرات الثلاثة ... لأنه ده اللى بيعمر الدماغ

أنا معاك يا عم سيد والله وكل واحد عاقل ومتزن فعلآ يعرف إن الجملة دى خلاصة الخلاصة بعد تجارب معملية دامت سنين وسنين ...بس ما تقولهاش قدامهم إنت عارف دلوقتى هايفتكرو نفسهم إيه ....خصوصآ بعد المعركة الخالدة بينا داحس والغبراء....

:oops: :cry: :oops:

[Facts researcher]

crossfield كتبت :

حضرتك بتتكلم عن حالات خاصة أو استثناء يعنى أنا أعرف ان الخطوبة تعارف ؛ازاى يحصل تعارف لو افترضنا ان مفيش معرفة مسبقة بين الولد و البنت غير الأهل فقط ؟؟؟؟ همه الأهل همه اللى هيتجوزوا؟ 

أولاً أنا مش ها أرد على اللي كتباه عن حشيش ، لأن الموضوع بتاعه مهواش مقارنات شكليه وبس هو اللي متأثر بيها ، وتقدري تقري اللي أنا كاتبه ليه على الأقل في آخر اتنين بوست اللي أنا كاتبهم لحشيش. ممكن يكون فيها حتة مراهقة ، بس الأساس عنده هو الإتزان العاطفي اللي مش موجود عنده ، وممكن يصلحوه و فوراً زي ما قلتله ، ويريت تبصي على اللي كتباه زميلتك نورا و تخليها تشاركك أفكارها في النقطة دي. وكمان حتة الإتزان العاطفي دي ذكرها أخويا سي السيد في كلامه فوق .

المهم ؛

دلوقت انتي بتقولي ان انا بتكلم عن حالات استثنائية . معلش اسمحيلي أن أقولك أنك مش شايفه الدنيا أصلاً . ازاي ؟؟

بصي كده على أي واحد من الرجالة والستات اللي أكبر مننا ؛ كلهم متجوزين عن طريق العيلة ، وما كانش ولا واحد منهم يعرف مراته قبل كده أو شافها في جامعة و لا في نادي ، كل الموضوع اختيار الأهل وقعدة متكررة في بيت العروسة لمدة أسبوع أو كبيره اسبوعين قبل الخطوبه ، وبعد كده بيتخطبوا . ومعظم الجوازات الكويسة بتكون عن طريق اختيار أم الزوج ( و أم البنت ""دلوقت في الزمن ده"" بتختار لبنتها لما تعرف ان في عريس ابن ناس و كويس ، وياريت تسألي الحاجة و الدتك ربنا يكرمها ). وده أساس الألفة الأسرية اللي نابعة من تمازج الأهلين. يعني صحيح العريس و العروسة ما كلموش بعض قبل كده ، لكن الأسرتين عارفين بعض كويس و ده مربط الفرس .

وصدقيني

فعلاً جوازات الأهل هي اللي بتعمر و ربنا طارح فيها البركة،

ويجعله عامر :roll:

الباحث عن الحقائق

[Facts researcher]

الأخ حشيش ،

اكتب ليك تاني لألخص لك النقاط المهمة في مناقشتي معك ، لأني حرييييييص جداً جداً عليك ياحشيش ، لأن ممكن شباب كويس جداً يضيعوا ورا الشمس من الموضوع ده. أرجو منك قراءة هذا التلخيض :[/

أولاً :

أن السبب الحقيقي لما أنت فيه "هو انك مش عارف ايه هي الحجات اللي تخليك تنجذب لإنسانة "، و الدليل على ذلك هو:

انك حاسس بهشاشة العلاقة بينك و بين خطيبتك حتى قبل أما تشوف زميلتك ، وحاسس بتقضية واجب من مكالمات في التليفون مع خطيبتك حتى قبل أما تظهر الزميلة دي أمام عينك ؟ صح

اذاً :

ظهور الزميلة مش عامل حقيقي والأساسي لما أنت فيه لأنك حسيت بما أنت فيه قبل حتى هما تشوفها .

ثانياً:

أن واضح انك محتاج اشباع عاطفي، طيب ليه ما حسيتش بيه مع خطيبتك ، هل أعطيتها الفرصة أم لا ؟ منت ممكن بتكون بتكلمها من غير نفس يا حشيش يا خويا . وعشان كده لازم تعمل الآتي :

صارح خطيبتك و قل لها أنك عايز تشوفها أجمل و أرق إنسانه في الوجود ، عايز تشوفها أجمل واحدة في عيونك وصوتها يكون أحلى صوت بتسمعه . وبعد كده انزل مصر حتى لو اسبوع .

مش عيب ياحشيش أبداً إن الراجل يكون عايز اشباع نفسي من خطيبته ، مش عيب أبداً إنه يطلبه من خطيبته ، وده في الدين كمان. و صدقني ده اللي انت عوزه من خطيبتك : اشباع عاطفي

وهي أكيد ستقدر ده تماماً . لو حصل أن هي لم تقدر احتياجك العاطفي ده ، يبقه انت فعلاً لن تستطيع أن تكمل معها المشوار ، سواءً كانت الزميلة دي موجودة و لاّ لأ في حياتك ، لأنك سترى الأرق و الأجمل في كل يوم وفي كل حين ، و ستشعر دائماً بعدم الرضا و الإشباع العاطفي.

لكن أنا متأكد أن خطيبتك لما تسمع بالرغبة دي منك هتتحرك قوام ، وأنها مش حجر ، واتسمعك أحلى وأرق كلام أجدع من ميت هلا.

صدقني ياحشيش صارح خطيبتك باللي أنت عايزه ، وده مش عيب يابني ؛ و أنا متأكد إنك ها تشوف نتيجة ايجابية انشاء الله .

ولو سلبية ( بس خليك عادل في حكمك ) يبقى فعلاً هي اللي مش عايزاك ، لأنها لا تهتم أصلاً بإشباعك عاطفياً .

فهمتني يا حشيش . :!:

روح دلوقت صلي و اقرأ قرآن و قبل ما تنام اقرأ المعوذتين . وقوم بعدها فوراً اتصل في أقرب وقت بخطيبتك و قولها الكلمتين اللي أنا قلتهم ليك

دول .

أخوك

الباحث

[Nageb Suror]

بسم الله الرحمن الرحيم

السلام عليكم ورحمة الله وبركاته

كلاكت تانى مرة نجيب و الهنلين كىبرد بتعزب و انا بكتب بسب الانلىن كي بورد

بعد المقدمة الالمفرود تحن الب الادمنز علياويسبوني اكب بلاتين حروف احب أساهم في الموضوع حة بكلمتين

حشيش لازم ىاخد خطوة رجولية مع احترامى لىة لازم ىحدد إىة المكله بشجاعه

بصراه مزنش إن شكلتهذنب خطبطه

الان هو يعرفش لو البنانية معجبة بية و هو دة همه الاكبر

ثم يعني لو خطبته مش مليا عينه ىبأ خطبها لىه من الأول

الحطوبه معناها أكتناع بنسب

[Nageb Suror]

بنسبة 90% و انك خطب حاجه مرحلىه لغىت متجز نفسك مدىان

ىعنى الغلت كان من الأول لكن مكن ىكون ملحه لأن الواحدمكن بلعشره ىحب علا نلام الناس

شوف نظام البنانىه إىه ىعنى ادرسها و متخلىهاش تس بنفسها عالغاضي

جس نبض ىعنى و متتلأش أعزار ماديه عشان تخالص من خطبتك نزام مدىات و كدة

و لو سمحت هتجرأ و أؤل شوف لو عندها أستعداد تثتصحبك سعتها اموضوع هيبان

من ىر زعلال الانسا أديءه بنسبة 50% عشان البنت لبنانية

و بصراحة اا شىفاحسن بنت بنات مصر و يورىا أأأأموتفى سوريا

أاأطع دراعي لو حد فاهم حاجه بس مش زنبي حد يتوسطلى ونبي

و تجيه كبيره

[Nageb Suror]

mido, shiko, seafood and linux, and koko :cool:

:? :? :? :? :? :roll: :mad: :twisted:

[Nageb Suror]

this is a quick tranlsation to the above posts which I am sure now way u will able to understand

i was saying the main issue is with hashesh not knowing aslan what the leb girl feels like. I dont think guilt is a major factor for him, he simply wants the other girl to love him and that is his main concern for now.

The mistake was commited early on lamaa 7'atb when he had no feelings for his fiance.

Engagment is not like what many claimed it to be a period for studying each other....dah kalam hags (sorry y3ny)

when u let some one be ur daughter slash sis fiance it means to u commtinet with 90% rate, it means u r waiting untill both are ready financially or whatever.

7shesh should take bold manly step and test the leb girl and see if she is into him, he should check if she is playfull, if she is willing just to date him wala is she marriage material. If she proved to begood and has feelinsg for him then and only then we should consider the guilt factor, other wise itcould be considered a nazwah and the negagemnt could be saved, and i feel 90%this is what will happen.

el anesat ady2oh zydah 3shan el bent lebnayah wa el mwdo3 dah bygeb artkryah lbnat masr (m3 at7ramy awy awy)

although ana moktn3 en a7san banat banatna wa banat sorya,....wa amoot fe bnat sorya el 72e2ah

a final word to mr hashesh 7'lek shoga3 m3 nfsek and u r responsible to follow up about the developments :oops:

and again sorry for the latin letters bass keda ana 3mlt el 3lyah wa bsaa7ah gebt a7'ry.....law fe ban go ahead and ban..ya atel ya m2tol...wa el 3ndoh kelmah 7elwah y2olha ya7'wna

[Salwa]

ياأخ نجيب....متزعلش...أنا بجد فاهماك..والرك على النية....؛؛؛؛

طبعا حشيش بيه هو كمان فاهماك..

على فكرة ده باين عليه بانتومايم....بس واضح برضه.

والله بجد احييك...لأنك لا تيأس..

انا اول ماحاولت اكتب عربى..شفت العذاب..وبعدها شوية شوية حاتتعود...

سلامى.

[crossfield]

facts researcher wrote

دلوقت انتي بتقولي ان انا بتكلم عن حالات استثنائية . معلش اسمحيلي أن أقولك أنك مش شايفه الدنيا أصلاً

:shock: :shock: :shock:

:roll: :roll: :roll: :roll:

يا سيدى انت مستقصدنى ليه بس ؟أنا مش ضد جواز الصالونات كل واحد حر فى الطريقة اللى يتجوز بيها أنا ضد ان الواحد ميديش لنفسه فرصة خالص انه يبقى قريب من خطيبته و لو فترة حتى؛ تبقى فترة الخطوبة كلها سفر و غربة ؟؟؟؟!!!!!!!! متخلصنا بقى يا حشيش و تتجوز أى واحدة فيهم خلينا نخرج من الباب ده سلام :twisted: :twisted:

[moody00x]

؟أنا مش ضد جواز الصالونات كل واحد حر فى الطريقة اللى يتجوز بيها أنا ضد ان الواحد ميديش لنفسه فرصة خالص انه يبقى قريب من خطيبته و لو فترة حتى؛ تبقى فترة الخطوبة كلها سفر و غربة ؟؟؟؟!!!!!!!!

ياسلالالالالالالالام بتقولى درر يا كروساية :oops: :cry:

أنا متفق معاكى والله ...لما جيت أتجوز كنت مسافر بس رجعت وخطبت 4شهور كنت باشوفها قبل ألأكل وبعده عشان يبقى فيه ألفة وعشرة ومشاعر تنمو كل يوم وبالفعل والله جابت نتيجة هايلة ...

[crossfield]

مش هرد عليك هنا تعالى لى هناك :twisted: :twisted: :twisted:

[Facts researcher]

كتبت كروس فيلد

Quote:

؟أنا مش ضد جواز الصالونات كل واحد حر فى الطريقة اللى يتجوز بيها أنا ضد ان الواحد ميديش لنفسه فرصة خالص انه يبقى قريب من خطيبته و لو فترة حتى؛ تبقى فترة الخطوبة كلها سفر و غربة ؟؟؟؟!!!!!!!!

حقك عالية يا أخت كروس ، و الله في فعلاً كلام في الجووووون ،

وكلام تمام ، و جميل جداً ، ما قدارش أقول حاجة عنه.

العذر و المغفرة والصفح يا أختنا العزيزة جداً

:oops: :cry: :oops: :D :D

[حشيش]

الأخوة والأخوات الأعزاء

أحييكم وأشكركم جميعاً من خالص قلبى على تفاعلكم مع ما أعانيه من صراع نفسى وصل إلى مرحلة أقل ما يمكن أن توصف به بأنها سيئة للغاية...قرأت تعليقاتكم عدة مرات...فليس لى هنا سوى صديقين مقربين ولكن المشكلة إن واحد منهم عنده ربع ضارب والتانى عنده ربع سليم :oops: :cry: :oops:...يعنى لو مشيت ورا كلامهم مش حروح فى داهية بس...ده جايز أروح السجن :D :D :D...إستمعت إلى صوت العقل المتحرر من أغلال التقاليد البالية التى قد تضر ولا تنفع متمثلاً فى أخى العزيز الطفشان...وصوت أخى العزيز فرى وهو يتحدث عن أمانة الكلمة ووجوب الإلتزام بها واحترام بيت الناس الذين وافقوا على خطبتى لإبنتهم وفتحوا لى بيتهم وألا أجرح مشاعرهم من أجل ما قد يكون نزوة...وإلى صوت الدين المتمثل فى أخى العزيز براود سائلاً الله عز وجل أن يديم عليه نعمة الإيمان الذى يرسم الطريق أمام صاحبه واضحاً جلياً لا لبس فيه...وصوت أخى العزيز فاكتس ريسرشر الذى أشعر له بامتنان شديد وأحس أنه يقول ما يجول بقلبى وعقلى كأننى أنا الذى أتحدث وليس هو...وصوت أخى العزيز سى السيد بحكمته المستمدة من تجارب السنين وخفة ظله وهو يشدد على أن أتمسك باختيار أمى لأنه بلا شك سيكون الإختيار الأقرب إلى الصواب...وإلى صوت الأخت العزيزة كروسفيلد التى أنقذت رائعتى هيثم وتامر ووليد مرتين من الهبوط إلى الصفحة الثانية وهى تتحدث بمشاعرها كمرأة عما يمكن أن يحدثه فكى لإرتباطى مع خطيبتى من أثر نفسى سئ لها ولأسرتها...وقرأت تعليقات الأخوات سلوى وست أمينة ونورا ما بين مؤيد ومعارض....وإلى الأراء القيمة لكلاً من الأخوة الأعزاء مصراوى أبرود وفارو ومودييوكس... الحقيقة كنت بالفعل فى حاجة إلى مشورتكم لأنى إلى هذه اللحظة لا أملك الجرأة الكافية لفتح هذا الموضوع مع والدتى خاصة بعد أن إتصلت بها هاتفياً منذ أيام للإطمئنان والسؤال عليها حيث بادرتنى بقولها (كنا لسه فى سيرتك أنا وخالك :shock: :shock: :shock: خالك أهو قاعد جنبى وعايز يكلمك :shock: :shock: :shock: والأن الكلام لخالى: ألو بقولك إيه حماك إتصل بيه علشان نتفق على ميعاد تنزل فيه تكتب الكتاب وأنا كلمته فى موضوع الموفنبيك ده وقلت له إنها تكاليف مالهاش لازمة وأقنعته إنكم أولى بالفلوس دى وإننا الأفضل نعمل كتب الكتاب فى قاعة الأفراح بتاعة القوات الجوية...عارفها اللى فى طريق صلاح سالم...ممتازة وأسعارها كويسة جداً وأنا حكلم لك الناس هناك أول ما تحدد الميعاد...خد أمك معاك أهه!!!!!!!!!!!!!!!!!!! :shock: :shock: :shock:..........إتلخمت ومعرفتش أقول حاجة خاصة وأن خالى ليس من السهل التحاور معه فى مثل هذه الأمور فهو عصبى المزاج وحاد الطباع بالإضافة إلى ذلك إيده تقيلة :D :D :D ....

بعد حوالى ثلاثة أسابيع من لقائى ب (هلا) كنت على ثقة أنها قد لاحظت إهتمامى بها وسئلتنى فى مرة إن كانت الديلة اللى لابسها دى دبلة خطوبة ولا كتب كتاب....فحكيت لها أننى قد خطبت منذ شهور قليلة ولكن لم يكن بينى وبين خطيبتى معرفة سابقة وأن الخطوبة كانت بناء على ترشيح أسرتى للفتاة...شعرت أنها قد بدى عليها الإرتياح لما قلته...فى اليوم التالى طلبت منها رقم تليفونها وكما توقعت سألتنى ليش بدى أحكى وياها فى التليفون نحنا ويا بعض طول اليوم فى البنك...فقلت لها إن المكان مش مناسب للكلام اللى بدى أحكى وياها فيه :D :D :D...رفضت طلبى وقالت لى برقة محمد أنا حاسة باللى بدك تقوله(مش ممكن الرقة دى...قطعنى حتت وارمينى فى الزيت :D :D :) ) لكن صدقنى أنا ما بكون مرتاحة لو إنك فكرت إنك تترك خطيبتك من شانى!!!!!...فقلت لها يعنى من حيث المبدأ إنتى مش مرتبطة فقالت لا مانى مرتبطة...بعد يومين من التفكير المتصل وصراع مع نفسى وقلة نوم وقهوة وسجاير شعرت أنى مرهق جداً ومش قادر أصحى الصبح علشان أروح الشغل فاتصلت برئيسى فى العمل وأبلغته أنى مريض ولن أتمكن من الذهاب إلى العمل اليوم ورحت فى نوم عميق...لم أذهب لنفس السبب فى اليوم التالى....فى المساء وكان أحلى مساء على الإطلاق (من أيام الثانوية العامة :) :) :) ) جاء صوتها على الهاتف مرتبكاً تسئل عنى وقالت لى لو تعرف اد ايش تسببت إلها فى حرج علشان تجيب رئمى (رقمى) من حسام (زميلى فى العمل)...تحدثت معها بصراحة عما أشعر به تجاهها وعن ما أعانيه من شعورى بالذنب تجاه خطيبتى وأسرتها ولكن هذا بلا شك سيكون أفضل لهم ولى...عرفت أنها تبادلنى نفس المشاعر ولكنها طلبت منى أن أتروى وأفكر طويلاً قبل أن أخذ قراراً بشأن إنهاء الخطوبة وأنه من الأفضل أن نعطى لأنفسنا مهلة ثلاثة أشهر قبل أن أقدم على فسخ الخطوبة فقد تتغير مشاعرنا (أنا وهلا) خلال هذه الفترة وسوف تكون فرصة لنا لمعرفة بعضنا البعض بصورة أعمق وأفضل....طبعاً أنا الأن فى حالة نفسية أفضل بكثير عما كنت عليه فى الأسابيع السابقة وكان ذلك من أهم الأسباب التى منعتنى عن المشاركة فى المنتدى خلال الشهر الماضى....مشكلتى الأن هى (المواجهة الشاملة) مع والدتى وخالى وخطيبتى وأهلها من جهة...وبين خراب جيبى من جهة أخرى :) :) :) حيث أننى أتحدث مع (هلا) كل يوم مابين 3-4 ساعات فى التليفون بعد الشغل...عموماً مشكلة الفلوس مقدور عليها المهم دلوقتى توقيت المواجهة :shock: :shock: :shock: