لسعة الحب!!!

[Facts researcher]

أخويا حشيش ،

عاوز أقولك إني مش ها قدر أكمل معاك لأن في حاجة ها تخليني انقطع عن المنتدى لمدة مش أقل من أسبوع أو يمكن أكتر.

بس أنا قلت كل اللي عاوز أقوله ليك . اقرأ الكلام اللي كتبته كويس ليك بعد مداخلتك الأخيرة ، كل اللي عايزينه منك انك تتروى في الأمرين: فسخ الخطوبة ((عشان ماتندمش)) ، و ارتباطك بهلا ((عشان ماتندمش ندم أقوى من الندم الخاص بفسخ الخطوبة))

سلامي ليك ،

أخوك

الباحث عن الحقائق

[goold]

اخى حشيش

ياترى تفسر بأيه أثنين اعرفهم حبوا بعض جدا جدا هى من ذوات الشعر الأصفر وبيضه جداً حلوة انبهر بده كله اهلها مش اد كدة .. وبعد الزواج وانجاب اطفال ينفصلوا واصبحوا فعلاً لا يطيقوا بعضهم وخلال سنوات الزواج منزاعات كثيرة وشبه انفصال ؟؟؟

تزوج ثانية احبها طبعا اقل جمالاً من الاولى ولكنه فكر جيدا قبل الزواج فى امور الحياه .. عاشوا كونوا اسرة متينة جدا وبينضرب بهم المثل ..

بس بقة هو طبعاً كان فى جزء كبير من متاعب الزواج الاولى الذى انبهر فيه بالجمال فقط هو ايضاً رومانسى ..

فى نقطة اخرى كل كلمه قالوها هنا فى المنتدى لازم تاخد بيها هو كلام مهم اوى .

ولكن بالنسبة لأعمال البيت ده يعنى مفيش حد كامل والبنت بعد الزواج بتهتم وبتتعلم كل حاجة ومش قضية الكل بيتعلم ..

وفى نقطة مهمه الحب مهم جدا لو اكتملت معه باقى العوامل التى تؤدى الى زواج ناجح يعمر ..

ذى الوجبه التى شرحها الاستاذ طفشان يعني الاكل بيتكون من بروتين و نشويات و دهون و خضروات

اي وجبة مافيهاش توازن تبقى مش متكاملة و تسبب المرض

يعني لو كله حلويات و مافيش بروتين و لا خضار يبقى امساك و تخمة و الذي منه مع ان النشويات و الحلويات شئ محبوب

ربنا يوفقك .. خذ رأى الوالدة ايضاً ..

[Horus]

أخى العزيز حشيش

فيه مثل امريكى سمعته ...و يهمنى احكيهولك

بيقول ان الطبيعه ظلمت الرجاله ...

و ادتهم كميه من الدماء ..تكفى لتشغيل

شى واحد فقط at a time :lol: :lol: :D

ف لو الدماء ملئت (قلبك) بالحب ..

لن يكون هناك ما يكفى لتشغيل العقل.

خللى بالك

[Horus]

موش عاوزحد يفهمنى غلط ... :D :D :D

أنا مش بأخوفك يا ابو حشيش يا اخويا .. انا بس قلبى عليك وعايزك تاخد حذرك..

أنما اذا كنت عاوز رايى .. و بمنتهى الصراحه و الوضوح و رزقى على الله .....

أتكل على الله يا ريس .. :) :D :D

الصنف اللبنانى ده ما بيجييش فى العمر غير مره واحده و بس - ده اذا جه أصلا -

و انا لو منك ... و مع كل الكلام عن الحذر و العقل الخ ...الخ ...

سوف اتجه و افتح ذراعى و قلبى و جيبى ل بيروت و روايح بيروت ...

هو النفر منا بيعيش كام مره ... :cool:

الف مبروك يا حشيش يا أخويا...

[amir]

لو فى قلبك شكوى منى

اشكى منى .. لوم عليا

http://www.salmiya.net/songs/abelhalim/ram...delhaleem72.ram

[وسام]

اهه يبقى كدة اخر التطورات

اللبنانى -------> you winn extra level

المصرى--------> GAME OVER insert another coin

(صعبانة عليا البنت و هيا بتطلبه على الموبايل و تجيلها رد .....يا خيتى الرجم اللى تبيه مو بالخدمة تأكدى زين من الرجم وافعصى الجوال مرة تانية ) :) :D :D :D

ولا عزاء للسيدات

:D :D :D

انا عندى امل انشاء الله حيرضى عنى و يرزقنى بحتة لبنانى فى الجول انا كمان :shock: :shock:

[حشيش]

الأخوة والأخوات الأعزاء

مهما قلت فلن أوفيكم حقكم من الشكر والتقدير على ما أبديتموه من النصيحة الخالصة لى من واقع خبرتكم وتجاربكم الشخصية وقد ندمت على أننى لم أشرككم معى فى مشكلتى منذ البداية وكتمت ما يدور بقلبى وعقلى فى داخلى لمدة تزيد على الشهر أنطويت خلاله على نفسى مما أدى إلى وصولى إلى ما يشبه الأكتئاب والشلل التام فى التفكير وهذا من الفوائد العظيمة لما يدور هنا فى هذا المنتدى الرائع من تواصل فكرى ونفسى مع نخبة من العقول والخبرات التى يذخر بها هذا الموقع الفريد...وجدت أنه من الواجب على أن أقول هذه الكلمات المتواضعة للتعبير عن شكرى وامتنانى للجميع...

حشيش

أديب ومفكر

[الطفشان]

فينك يا عم حشيش؟

تلاقيك خلاص فكشت مع دي و اتجوزت دي!

ما هو المنتدى كان عطلان بقى و الدنيا سايبة! و مافيش ضابط و لا رابط

احنا رجعنا تاني و نصر على تحكيم العقل و ليس العواطف فقط!

[Farah]

انت فين ياحشيش

لا جيت ولا طليت

هل بتتعالج من السعه

ولا رسيت علي بر

مش تطمني عليك

عوزين نعرف وصلت فين مصر ولا لبنان

الفرح فين عشان نحجز

[الطفشان]

خرج و لم يعد

حشيش عبده حشيش

يرتدي جلباب ازرق مقلم

ولدي حشيش

عد الى المنتدى

و لن يضربك الادفايزر و لا المنسقين

والدتك قلقة عليك و لا تنام الليل

[goold]

خرج و لم يعد

حشيش عبده حشيش

يرتدي جلباب ازرق مقلم

ولدي حشيش

عد الى المنتدى

و لن يضربك الادفايزر و لا المنسقين

والدتك قلقة عليك و لا تنام الليل

ازيكم

انا بقه هفتن

هو انا شوفته فى منتدى الجيران عارفينه

وهايم فى الــ هو فيه

زى ماعرفناه بيطلع كلام من القلب وبيخوش على القلب علطول يلسعه

[mnman]

حشيش.... يارافع راس الشباب المصري...... فينك يا شانا تشوفي و تسمعي.... الشاب المصري مفيش احسن من كدة......

ندخل في الجد.... شكلك خلاص زي مقال الاستاذ طفشان وقعت ولا حد سمي عليك.... انا شايف موضوع التلت شهور دة فكرة كويسة... بس خلي عقلك دايما صاحي و متنيمهوش في العسل.....

وكما قال الشاعر الي معرفوش :

حبيبي لهلب فؤادي و شعوطة وسواة

ودب في قلبي سيخ زي الكباب وشواة

أيش قولت قيس لليلي .. راح وقالها أوواة..

[حشيش]

خرج و لم يعد 

حشيش عبده حشيش 

يرتدي جلباب ازرق مقلم

أخى العزيز الطفشان

الحالة هباب على الأخر...فوالدها غير موافق على إرتباطها بى برغم من أن والدتها موافقة...فهو لا يرغب فى إرتباطها بغير لبنانى حسب ما قالت لى...ولكن على ما يبدو فإن السبب الغير معلن هو سبب مادى بحت فوالدها له تجارة كبيرة فى لبنان والبحرين حسب ما علمت وهى إبنته الوحيدة على أخوين...لا أدرى ماذا يظن بى؟؟؟...يعنى تفسيرى الشخصى أن فكرته عنى قد تكون من منطلق إنى داخل على طمع برغم إنى أخر واحد فى العالم ممكن يكون كده...من جهة أخرى أتمرن حالياً كل يوم أمام المرآة فى البيت على الكلمات التى سوف أقولها لأهل خطيبتى لفسخ الخطوبة وكلمات أجهزها لوالدتى وأخرى لخالى (مع الإنبطاح أرضاً) لزوم نفس الشئ...قرأت ديواناً للأديب........ولا بلاش.......

ازيكم 

انا بقه هفتن 

هو انا شوفته فى منتدى الجيران عارفينه 

وهايم فى الــ هو فيه

الأخت العزيزة جولد...شكراً على كلماتك الرقيقة...ربنا يخليكى...أنا بالفعل أكتب حالياً وقائع حفل تسليمى جائزة نوبل عن رائعتى (هيثم وتامر ووليد) فى منتدى آخر...ليس لشئ إلا للبعد عن مقص الرقابة...

وكما قال الشاعر الي معرفوش : 

حبيبي لهلب فؤادي و شعوطة وسواة 

ودب في قلبي سيخ زي الكباب وشواة 

أيش قولت قيس لليلي .. راح وقالها أوواة..

أخى العزيز منمن

هذه الكلمات الرائعة هى للشاعرة الرقيقة (إنفشاخ صبرى) وهى من عائلة فنية مرموقة فأختها الكبرى هى الأديبة المعروفة (إنفلات وجدى) وأختها الصغرى هى النحاته العالمية (إندفاع فكرى).....

[الطفشان]

فوالدها غير موافق على إرتباطها بى برغم من أن والدتها موافقة...فهو لا يرغب فى إرتباطها بغير لبنانى حسب ما قالت لى...ولكن على ما يبدو فإن السبب الغير معلن هو سبب مادى بحت فوالدها له تجارة كبيرة فى لبنان والبحرين حسب ما علمت وهى إبنته الوحيدة على أخوين...لا أدرى ماذا يظن بى؟؟؟...يعنى تفسيرى الشخصى أن فكرته عنى قد تكون من منطلق إنى داخل على طمع برغم إنى أخر واحد فى العالم ممكن يكون كده...

أمال لو عرف انك خاطب واحدة تانية

و مرتبط عاطفيا ببنته، و متقدم لها

حيعمل ايه؟

خد بالك ان عندهم نقطة "لبناني يتجوز لبنانية" برضه

لان الفجوة الثقافية و اختلاف الخلفيات و العادات و اللهجات ممكن يعمل مشاكل

بمعنى انك تقول كلمة مثلا و هي عيب عندهم

او العكس

او تعبير معين

او موقف اجتماعي

طبعا التقارب في الجنسية و التربية و الثقافة و كدة بيخللي الحاجات دي احتمالاتها اقل

طب معلش

سؤال بايخ، بس رد على نفسك (مش مهم في المنتدى)

ماذا ستفعل أنت لو رفض والدها رفض تام؟

ماذا ستفعل هي لو رفض والدها رفض تام؟

ما هو موقفك من خطيبتك في جميع الاحوال (تركها في جميع الاحوال، ابقاءها ك"أستبن" لو فركشت مع لبنان، الخ)

جاوب على هذه الاحتمالات بينك و بين نفسك

من جهة أخرى أتمرن حالياً كل يوم أمام المرآة فى البيت على الكلمات التى سوف أقولها لأهل خطيبتى لفسخ الخطوبة وكلمات أجهزها لوالدتى وأخرى لخالى (مع الإنبطاح أرضاً) لزوم نفس الشئ...

ربنا يعينك

و يعين خطيبتك، لان مالهاش اي ذنب في اللي حصل

ليس لشئ إلا للبعد عن مقص الرقابة...

زعلتني بجد يا حشيش!!!

هو احنا مش ناقشنا ليه فيه مقص و فيه حذف و حدود المسموح؟

و ان الكلام مع الاصدقاء من الرجال، غير الكلام في صالون فيه حماتك و والدتك مثلا؟

ما هو باقي الناس هنا عشرات و عشرات بيكتبوا من غير التلميحات و الالفاظ اياها

افهمها بقى يا شيشو!

[بنت شعنونة]

الحالة هباب على الأخر...فوالدها غير موافق على إرتباطها بى برغم من أن والدتها موافقة...فهو لا يرغب فى إرتباطها بغير لبنانى حسب ما قالت لى...ولكن على ما يبدو فإن السبب الغير معلن هو سبب مادى بحت فوالدها له تجارة كبيرة فى لبنان والبحرين حسب ما علمت وهى إبنته الوحيدة على أخوين...لا أدرى ماذا يظن بى؟؟؟

"وش مفروووووووسسسسس"

اديك ها تسيب خطيبتك

وتترفض من اللبناني

حشيش

لو كللللللللل الكلام دا كان بجد

يبقى لازم تقف دقيقة حداااااد على نفسك

وبعدين تبصصصصصصص كويس اوي

انت مقتنع باللي بتعمله دا بجد؟؟؟؟؟!!!!!!!

"وش مصدوم اوووووي"

[Masrawy Abroad]

بص يا حشيش

أول حاجة لازم نتفق ان الجواز قسمة ونصيب...يعني واحد يترفض أو واحد يتقبل ده كله قسمة ونصيب ولا يوجد فيها انتقاص لان الجواز برضه قسمة ونصيب...ونقطة ان والدها عاوز يجوزها للبناني...ده رأيه من حقه...زي ما واحد مصري يرفض يجوز بنته للبناني

ولنفترض الموضوع لم يتم.....

عاوزك تسأل نفسك: ألم يكون هذا الموضوع اختبار ليبين مدى ضعف الانجذاب والعلاقة مع زوجتك المستقبلية (خطيبتك)؟

أنت لو عاوز تتجوز لمجرد تقضية واجب ولإلحاح وضغط الأهل عليك....يبقى اتكل على الله ولكن برضه اسأل نفسك: هل أنت مبسوط ومقتنع؟ هل تراها رفيقة دربك وحبيبتك وأم أولادك؟؟

خدعوك فقالوا:

-الحب بييجي بعد الجواز بالعشرة (ده كلام خالتي ستوتة اللي كلام أونطة الصراحة...الحب أساسا بيقل بعد الزواج نتيجة فتور جذوة الحب والانجذاب فما بالك اذا انعدم الحب من اساسه!!)

- اتجوز اللي بتحبك (جميل اتجوز اللي بتحبني ...بس يا ترى هل انا بحبها؟؟؟ لازم يكون الحب مشاعر متساوية بين الطرفين

اختلف مع مناصري خطيبتك ومناهضيك:

- الحقيقة انتم تظهرون ان حشيش سيكون جاني على خطيبته وظالم......ولكني ارى ان الظلم الكبير هو ان حشيش يربطها بيه...ليه يظلمها معاه...ويظلم نفسه؟؟

- انا مريت بتجربة شبيهة لموضوعك يا حشيش...وانسحبت من الموضوع بهدوء..وحسيت براحة كبيرة بعدها ..طبعا البنت اتأثرت شوية ولكن مفيش شهور قليلة جدا واتخطبت هي لشاب تاني واتجوزت بعدها...لأنني ليه اضحك على نفسي وبعدين نتجوز وشويه وتخلف والاقيني برضه لسه ببحث عن الحب الضائع وحاسس بالتعاسة وأوصل للحل متأخر جدا رغم انه كان امامي من قبل زواجي وهو (أنا ما بحبش مراتي واكبر غلطة اننا اتجوزنا!!)....أنا الأن الحمدلله خاطب وها اتجوز قريبا...والحمدلله ألف حمد على خطيبتي لانني بحبها ومقتنع بها 100000%....يعني الخطيبة السابقة اتجوزت...وانا الحمدلله وجدت نصفي الحلو وزيادة. أليس ذلك أفضل للجميع؟

- يعني لا حشيش هو اللي ها يوقف سوقها ولادياولو......

طبعا انا لا احرضك يا حشيش على فسخ خطوبتك....انا فقط عاوزك تكون صادق مع نفسك...عشان تكون سعيد...ستجد معظم الناس بتقولك رأيها من واقع تجاربها الشخصية وبتغليب العاطفة على المنطق كعادتنا ...ولكن نحن نريد الرأي الموضوعي...ونريد صراحة مع النفس

[crossfield]

لا حول و لا قوة الا بالله

مفيش حاجة بالساهل أبداً

نصيحتى ليك يا حشيش الصمود طالما مقتنع

و طالما والدتها موافقة زن على دماغها انت و هلا لحد منشوف اخرتها ايه مع بيها :)

بينى و بينك حتة اختلاف الجنسية دى برضو المفروض تكون حاسب حسابها يعنى

لكن لو كله فى التمام

و لو انت مستموت قوى كده و ده اللى انا حساه

يبقى استلوحوا فيها بجد لحد ما يوافق

المهم هى بس تكون شرياك قوى هى كمان .

المهم طول النفس و التناحة و الغتاتة و الرخامة .

ادعى ربنا يعملك اللى فيه الخير

و فى كل الحالات تأكد من ان اللى هيحصل بإذن الله خير

صح يا مؤمن؟ :)

[Cleo]

بص يا حشيش 

أول حاجة لازم نتفق ان الجواز قسمة ونصيب...يعني واحد يترفض أو واحد يتقبل ده كله قسمة ونصيب ولا يوجد فيها انتقاص لان الجواز برضه قسمة ونصيب...ونقطة ان والدها عاوز يجوزها للبناني...ده رأيه من حقه...زي ما واحد مصري يرفض يجوز بنته للبناني

ولنفترض الموضوع لم يتم.....

عاوزك تسأل نفسك: ألم يكون هذا الموضوع اختبار ليبين مدى ضعف الانجذاب والعلاقة مع زوجتك المستقبلية (خطيبتك)؟ 

أنت لو عاوز تتجوز لمجرد تقضية واجب ولإلحاح وضغط الأهل عليك....يبقى اتكل على الله ولكن برضه اسأل نفسك: هل أنت مبسوط ومقتنع؟ هل تراها رفيقة دربك وحبيبتك وأم أولادك؟؟

خدعوك فقالوا:

-الحب بييجي بعد الجواز بالعشرة (ده كلام خالتي ستوتة اللي كلام أونطة الصراحة...الحب أساسا بيقل  بعد الزواج نتيجة فتور جذوة الحب والانجذاب فما بالك اذا انعدم الحب من اساسه!!) 

- اتجوز اللي بتحبك (جميل اتجوز اللي بتحبني ...بس يا ترى هل انا بحبها؟؟؟ لازم يكون الحب مشاعر متساوية بين الطرفين

اختلف مع مناصري خطيبتك ومناهضيك:

- الحقيقة انتم تظهرون ان حشيش سيكون جاني على خطيبته وظالم......ولكني ارى ان الظلم الكبير هو ان حشيش يربطها بيه...ليه يظلمها معاه...ويظلم نفسه؟؟

- انا مريت بتجربة شبيهة لموضوعك يا حشيش...وانسحبت من الموضوع بهدوء..وحسيت براحة كبيرة بعدها ..طبعا البنت اتأثرت شوية ولكن مفيش شهور قليلة جدا واتخطبت هي لشاب تاني واتجوزت بعدها...لأنني ليه اضحك على نفسي وبعدين نتجوز وشويه وتخلف والاقيني برضه لسه ببحث عن الحب الضائع وحاسس بالتعاسة  وأوصل للحل متأخر جدا رغم انه كان امامي من قبل زواجي وهو (أنا ما بحبش مراتي واكبر غلطة اننا اتجوزنا!!)....أنا الأن الحمدلله خاطب وها اتجوز قريبا...والحمدلله ألف حمد على خطيبتي لانني بحبها ومقتنع بها 100000%....يعني الخطيبة السابقة اتجوزت...وانا الحمدلله وجدت نصفي الحلو وزيادة. أليس ذلك أفضل للجميع؟ 

- يعني لا حشيش هو اللي ها يوقف سوقها ولادياولو......

طبعا انا لا احرضك يا حشيش على فسخ خطوبتك....انا فقط عاوزك تكون صادق مع نفسك...عشان تكون سعيد...ستجد معظم الناس بتقولك رأيها من واقع تجاربها الشخصية وبتغليب العاطفة على المنطق كعادتنا ...ولكن نحن نريد الرأي الموضوعي...ونريد صراحة مع النفس

أنا مع هذا الكلام قلبا و قالبا.... مفيش حاجة اسمها الواحد يتجوز واحدة مابيحبهاش و اللى يغصبه على كدة "تأنيب الضمير".... كفاية إنه هايكون حاسس إنه عايش معاها "غصب" بالظبط زى إحساس البنت اللى تعيش مع واحد غصب... مهما كان ملاك معاها هاتفضل مش طايقاه لأنه مفروض عليها...

غلطة حشيش الوحيدة إنه اتسرع فى الموافقة على الخطوبة منها... بس عموما كلنا بيغلط... بس مش كلنا بيتطلب منه إنه يدفع حياته ثمن لغلطته...

ربنا يقويك يا حشيش.... بس اتأكد فعلا إن البنت بتحبك و متمسكة بيك بجد.... لو كدة... يبقى "إنها الحرب إذن" إعملوا محور شر (أنت - هلا - والدة هلا) ضد والدها ....

يعنى لو عنده عمارتين فى بيروت ممكن تأجر صعايدة يكسروا إزازها بالطوب "وش بن لادن"

قصدى يعنى تحاولوا تأثروا عليه و هلا و والدتها يحاولوا يضغطوا عليه بكل الطرق الممكنة (يعنى مثلا يتهموه إنه بيساعد حزب الله أو تنظيم القاعدة) "وش جورج بوش الصغير"

والله ولى التوفيق..

[الطفشان]

شئ مشجع و صحي ان نرى آنستين في المنتدى يردوا هذه الردود

أنا مع هذا الكلام قلبا و قالبا.... مفيش حاجة اسمها الواحد يتجوز واحدة مابيحبهاش و اللى يغصبه على كدة "تأنيب الضمير".... كفاية إنه هايكون حاسس إنه عايش معاها "غصب" بالظبط زى إحساس البنت اللى تعيش مع واحد غصب... مهما كان ملاك معاها هاتفضل مش طايقاه لأنه مفروض عليها...

كلام جميل جدا

مش لانه تسرع او انضغط عليه او او او

يبقى يعيش بقية حياته (و حياة البنت) ثمن للحظة تسرع او ضغط او او او

غلطة حشيش الوحيدة إنه اتسرع فى الموافقة على الخطوبة منها... بس عموما كلنا بيغلط... بس مش كلنا بيتطلب منه إنه يدفع حياته ثمن لغلطته...

تمام كدة

[linux]

لبنانى مود ON

شـو ؟!

دخيلك الله ... شو ها الحكا ؟

عم بتئول ها الزالاما ما بدوه يعطينك اياها؟

ما ها الحكى ؟ بدك ابلش لك ها الموضوع ... آمرك خى أكرم.

لبنانى مود OFF

شوف يا معلم حشيش ...

أنا لما كتبت فى الموضوع فى الأول خالص و نصحتك بلبخة العفريت الأنجولى ما كنتش أعرف أنك كنت بتتكلم جد ... كنت فاكرك عايش لسه فى لحظة الأبداع بتاعت حكاية الجطة و العملية سرحت على الغويط و أنت لاتتقن فن العوم!

طالما الموضوع طلع جد و الزملاء و الزميلات بالمنتدى نصحوا و أفتو و زعلوا و فرحوا و خلافه ... كلامى هنا ها يكون مكرر (زى العسل يعنى ... بلاش مخك يروح لبعيد!).

حقيقى رأى هنا عن تجارب و مش هجص ... و أتوقع منك أنك تتجاهلة و تضرب بيه عرض و طول الحائط و تقولى المساحة قد أيه!

ليه؟

علشان أخوك كان ها يعمل كده بالظبط لو حد عايز ينصحه ... اللى فى دماغى معشش زى مايكون جوز غربان و بايضين فى قلب كرنبة تحت الأرض مدفونة فى غيط فلاح أسمة مجاهد و بيروى اليمة الشرقية كل يوم تلات و مقاسم البيت مع أخوة عويس و أختة ساهيير (على فكرة ... العبارة دى انا واخد حق أختراعها و متسجلة بأسمى فى السمبلاوين، محافظة بهسنا بأقليم البنجاب).

الخلاصة الأتى:

- بص للمستقبل (بس ما تبحلقش لعينك توجعك) ... الجمال فانى و الأخلاق و التفاهم باقية (خطيبتى الأولى كانت تبارك الخلاق ... بس أرجل و أشد من صحابك اياهم بتوع المدفعية)

- لبنانية يعنى عربية و بتتكلم عربى (ماشى عربى أمور) انا مش شايف أى مشاكل هنا (خطيبتى التانية كانت فلسطينية)

- كله بعد الجواز واحد ... طبيخ و غسيل و عيال و ماما جاية تزورنا !! حكم عقلك و قلبك مع بعض

- لو فعلا مش ها تكون مخلص لخطيبتك، ما تعلقش بنات الناس معاك أكتر من كده (أخوك عمل كدة مع خطيبته الخامسة)

- الجمال مش كل حاجة (خطيبتى الساتة كانت أمها سويسرية و شديدة الجمال ... بس عليتها ما تئلعهاش من رجلك لا مؤاخذة)

- أهم حاجة الديانة تكون واحدة علشان لما الحواشيش البمبينو يشرفوا أن شاء الله ما يكونش فيه مشاكل (أنا سبت خطيبتى التاسعة بسبب الموضوع ده)

بالشفا أن شاء الله و عدى الخميس الجاى علشان تستلم الأشعة.

_____________________________

لينكس الجن لينكس و ولده خردل

عطار الغورية اللى لقى تذكرة داوود