معادلة شهادة الثانويه العامه السعوديه بمصر

[زهرة الجبل]

السلام عليكم و رحمة الله و بركاته

أخواتي و إخواني الأفاضل و الفضليات

الموضوع بإختصار أن أختي حصلت على الثانويه العامه من المملكه العربيه السعوديه

هي أخدت سنه ثالثه فقط من هناك

و المفروض إنه سيتم الأخذ بنتيجة سنه ثالثه فقط في مكتب التنسيق

سؤالي الآن ... ***ما هي طريقة عمل المعادله للشهاده السعوديه لتمكينها من الإلتحاق بالتنسيق تبع مكتب تنسيق الجامعات المصريه؟

يعني (1)يتنقص تقريباً كم % من مجموعها الحاصله عليه من هناك؟

هي مجموعها من هناك 99,1 حالياً و ده المجموع النهائي بعد جمع نتيجة الترمين

لأن الثانويه هناك نظام ترم أول و تاني

و إن شاء الله لسه المستوى الرفيع ستأخذه من مصر و ده ممكن يعطيها 1,5 % ذياده فوق ال 99,1% لو حصلت على درجته كامله

و ممكن تكون معلوماتي عن درجات المستوى الرفيع مخطئه الله اعلم ... يا ريت اللي يعرف يفيدني

و (2) هل صحيح أن بيكون للحاصلين على الثانويه من الخارج تنسيق خاص بهم و أعلى من العادي بعد المعادله كمان؟

أرجو من عنده علم أو تجربه سابقه يفيدني و أشكركم جميعاً مقدماً

تحياتي و دمتم بخير

أم كريم

تم تعديل 29 يونيو 2008 بواسطة زهرة الجبل

[madzoro]

:closedeyes:

اولا الف الف مبروك لاخت حضرتك و سبحان الله تبارك الله و يارب يحفظها من كل شر

المجموع ممتاز جدا باذن الله

هو التنسيق في مصر بالنسبة للشهادات المعادلة بيختلف عن تنسيق الثانوية المصرية

بمعنى ان التنسيق بيتم ما بين كل شهادة و ما يماثلها من نفس الدولة ------ السعودية مع السعودية ---- و الكويتية مع الكويتية ..... وهكذا

و كل شهادة لها عدد مقاعد في كل كلية

يعني ممكن يكون عدد المقاعد المتاحة في كلية الطب للشهادة السعودية 10 مثلا .... فا لو المتقدمين ذكروا في ورقة الرغبات كلية الطب و كان عددهم 50 هايخدو اول 10 فقط حسب النسبة الاعلى طبعا و لو واحد فقط هو اللي عايز كلية الطب هايدخلها و لو جايب 50%

بالنسبة لحساب النسبة المئوية بتجمعي درجات المواد العلمية فقط ( لا نحسب درجات المواد الدينية و تقريبا البدنية و الفنية مش فاكر ) و تتقسم على الدرجة القصوى لنفس المواد و في الغالب لو درجات المواد الدينية هي اللي مقصرة في المجموع النسبة المئوية بتزيد بعد المعادلة

ده حصل معايا سنة 1996 من السعودية كنت جايب 91% بعد المعادلة وصلت 93.8% و مع المستوى الرفيع وصلت 96.8% و الحمدلله دخلت كلية هندسة بس جامعة حلوان

بس ان شاء الله لا تقلقي على اختك باذن الله الرغبة الاولى هتتوفق فيها

بالتوفيق

[madzoro]

بخصوص المستوى الرفيع اظن ان النظام اختلف عن السنة اللي اتخرجت منها

تحياتي

[زهرة الجبل]

أخي الفاضل madzoro

اشكرك جزيلاً للرد

ربنا يطمنك .. أنا كانت معلوماتي إن المعادله دي بتقل فيها 2 أو 3 %

هو مجموعها ال99,1% ده هو المجموع النهائي بعد حذف المواد الدينيه و درجاتها من المجموع الكلي

على كل حال إن شاء الله ربنا كريم

أشكرك جزيلاً مره أخرى جزاك الله كل خير و ربنا يوفق الجميع يا رب

تحياتي

أم كريم