مشكلة مع نقل الكفالة

[ابو مازن]

تحية طيبة لكل المشاركين فى المنتدى الجميل .

اود عرض مشكلتى يمكن الاقى حل عند الاخوة الافاضل . مشكلتى هى انى اعمل فى السعودية من اربع سنوات فى جدة وكنت جاى على كفالة الشركة فى مهنة مهندس حاسب الى , وكانت خبرتى فى الوقت دة اربع سنوات فى مجال الصيانة والدعم الفنى ولانى مكنش عندى خبرة فى السفر فكان راتبى 2000 ريال وبعد سنة اتجوزت ومراتى معايا هنا فى الغربة وشوية شوية اصبح راتبى الحالى 3500 ريال يشمل كل شى . والمشكلة هى انى اعمل فى مجال غير مجالى حيث انى اعمل مندوب مشتريات للشركة وشغل الكمبيوتر بسيط جدا جدا , ودة عملى ازمة نفسية مستمرة ودورت على وظيفة تانية ولقيت حاجات كويسة بس المشكلة فى نقل الكفالة لان معظم الوظايف عايزة نقل كفالة ونقل الكفالة عندنا فى الشركة من المحرمات التى من المفروض ان محدش يطلبها نهائى .. وسؤالى هو ازاى انقل كفالة مع عدم موافقة الكفيل وهو مستثمر فى جدة وانا من اول ما جيت السعودية وانا على كفالتة وفية كمان ملحوظة مهمة وهى انى معايا جواز سفرى ومحدش فى الشركة يعرف الموضوع دة . ياريت الاخ سى السيد يفيدنى بخبرتة و ياريت تشاركونى فى المشكلة لانى بفكر اهرب على مصر لو استمر الوضع الحالى .

اسف على الاطالة واتمنى من المشاركين الاهتمام . وشكرا

[أسد]

في السعودية لا يمكنك نقل الكفالة إلا بموافقة الكفيل الحالي ... فيجب أن تحصل على موافقة من الكفيل لنقل الكفالة .. هذا أمر مفروغ منه ..

موضوع ان جوازك معاك ... مش حيفيدك في حاجة لأن لابد من الحصول على موافقة الكفيل كما أسلفت ..

أما حكاية انك بتفكر انك تهرب على مصر . لا أدري ما الداعي لذلك .. فيمكنك التقدم باستقالتك وتسافر إلى مصر بدون هرب .. وبشكل طبيعي ..

أتمنى لك التوفيق

[ابو مازن]

شكرا جزيلا على اهتمامك ولكن الغرض من عرض مشكلتى هو الاستفسار عن كيفية التقدم الى مكتب العمل و شكوى الكفيل من عدم موافقتة على اعطائى نقل الكفالة