الي محاوراتية باريس

[Scorpion]

الأخوة الأعزاء المقيمين بباريس او سبق لهم الأقامة بها ... أطمع منكم في مشورة من فضلكم ...

اذا كان لدي 4 ايام و نص أقضيها هناك .. فما هو افضل برنامج يتيح لي زيارة جميع معالمها السياحية المعروفة .. و تلك الأخري التي عادة لا تكون موجودة في أي دليل سياحي ... مثلآ اين أجد الأنس و الجن و الملائكة بتوع طه حسين .... هناك يومآ كاملآ بالطبع سيطير في أورو ديزني و الا حلت علي لعنة حونيور ...

شيئآ آخر .. أين استطيع أن أجد مطاعم بنت حلال بها ....

و هنيالك يا فاعل الخير و الثواب ...

[الاسكندرنى]

مساء الخير يا سكوربيون ,,,,

ده حوار كان دار بينى و بين الدكتور مسامح

من باب الادب و المساعدة قررت انى اضيفه ليك هنا لعلك تجد فيه ما تريد

خير يا بتاع هولندا ,,, عاوز ايه

و ماله يا صاحبى ,,, دحنا حنريحوك و نجبولك كل اللى انت عاوزه ,,,,,,,, وش ريا و سكينه

بس قولى ناوى على اسبوع ولا ويك اند سريع

اه هو ده عيبه ,,,,,,, يعنى لازم العربيه ,,,,, بص يا دكتور

لو فيه اولاد مع حضرتك يبقى مافيش مفر من العربيه لكن لو انت و المدام بس يبقى قضيها سائح احسن مليون مرة

شنطة على كتفك و خريطة بالاعنجليزى و الترام واى والباص وخلاص

بص الحوار ده فيه قسمين

لو انت من القاهرة و عشت هناك و بتسوق فى القاهرة يبقى عادى جدا باريس بالنسبة ليك السواقه

الجزء التانى

لو انت تقصد الانتقال من مكان لاخر الشوارع من الساعة 4.3 الى 6.00 فى حالة انغلاق تام و الصبح كمان من الساعة 6.00 الى 9.00 بهدلة و طبعا لو حتيجى سائح نقول تبداء يومك من 9.30 تبقى عشرة على عشرة

ثانيا لو انت معاك عناوين بس و معتقد انك حتعرف تمشى لوحدك يبقى سامحنى حضيع يومك تسال على العنوان

بص نصيحتى تعال ب GPS اوربا تسلك هنا هواء لو معكش اتصل بيا ابعتلك واحد سريع السريع كارت فرنسا و عيش

ياباشا اماكن الانتظار فى انتظارك بس تعالى انت بس قربها ايه بس ديه تحت الارض اللى انت عاوز تزورها

يعنى تحت اللوفر مثلا بارك اربع ادوار

قلعة VERSAILLES البارك بتاعها اول الشارع يعنى مش حتغلب فى البارك

بس اسعاره نار يا حبيبى نار

30 دقيقة 1.5 مثلا و تختلف شويه من بارك لبارك يعنى بتاع اللوفر اغلى من VERSAILLES و الاغلى منهم هما الجوز بتاع ايفل يا خويه

CHAMPS ELYSEES..

شارع الشانيلزيه كبيره قهوة رينو و تخرج منه تتفرج على جورج الخامس و محل FANC و بعدين محل بيتزا هناك عشرة على عشرة على فكرة هناك حتلاقيهم برده زى مصر اتفضل يا بيه و اتفضل يا استاذ و يشدوك من الشارع و تعقد نفسك يا ولده باكبر محلات و ماركات العالميه انصحك بلاش دخل الكام معرض بتوع العربيات هناك لا بيجو ةلا مرسيدس ولا نيسان يا ابنى انت لسه فى عز شبابك و محتاجينك

الشارع ده لازم زيارة نهاريه للتعقيد و زيارة مساء للرومانسيه

ARC DE TRIOMPH ...

هنا بقى لما توصل اخر الشارع كده تلاقى قوس النصر مش عارف ايه لازمته بس كويس ابن حلال يعنى على ايداك اليمين فيه شارع اول شارع بعد الشنليزيه حتلاقى مبنى المحروسة السفارة

LE LOUVRE..

متحف اللوفر ,,,, ده عاوز يوم يا صاحبى اربع ادوار اييييييييييييييييييييييييييييييه ادينا الصحة يارب

احلى ما فيه الجزء المصرى وايييييييييييييييييه كبير ياباشا حوائط كاملة ولاد الحرميه و غرف

فى الجزء الاسلامى برده جامد

LA TOUR EIFFEL..

برج ايفل تروح كده على الساعة 5 بعد الظهر ولازم تشرب قصدى لازم تطلع للدور التالت و من ناحية حتشرب فا انت حتشرب طابور ولا طابور الجمعيه بالمناسبة اطلع اسانسير و انزل سلالم و تمتع بكل دور على فكرة فى الدور الاول مطاعم حلوة بس بلاش اتقل على الرز اللى يخصك من الدور الاول المتحف بتاع البرج

و العرض ثلاثى الابعاد انت مش حتدفع حاجة غير التذكرة بتاعت الصعود المهم تنزل منه باليل و اتفرج على الانوار و عيش باريس مدينة الانوار ,,, و بعد النزول تروح على شط نهر السين و تاخد مركب نهرى و تتعشاء عليه على فكرة مش غالى اوى فى المعقول يعنى حاكم انا عارف الناس بتوع هولندا دول

LE JARDIN DU LUXEMBOURG..

حديقة يوجد بعا اندر انواع الزهور و النباتات ,,,, و مش جوى ولا نظامى فا معرش عنها غير انا كويسه بالسكر يعنى

PLACE DELA CONCORDE..

من الاخر تقدر تقول الميدان المصرى بتاع المساله الفروعونيه

NOTRE DAME..

كنيسه تعتبر من الاقدم و الاكبر و فيها فن بدرجة اكثر من رائعه

BAUBOURG..

متحف الفن الحديث بلاش لو غاوى جنون روح ورزقك على الله

LE SACRE COUER MONTMARTRE..

LE LIDO ..

بالغة المصرية كبارية بس عائلى محترم شويه على معايرهم بس حلو مافيش قلق كبير يعنى

LA PLACE VENDOME

الميدان ده بقى للمدام تسبها تنطلق فيه و انت تروح تسلم على حبيبك و ابن بلدك محمد الفايد فى فندق LE RITZ

معلش نسيت اقولك اكبر محلات المجوهرات و اكبر مصنعى الحلى سوء ذهبية او ماس فى المكان ديه

و ربنا يقدرك على المدام بقه

عموما يامسامح باشا انا يشرفنى انى اتعرف عليك ,,,,,, بس للاسف انا ساكن فى مدينة تانيه غير باريس

انا ساكن فى NANTES عموما لو حتقعد اسبوع يبقى بتسهيل ربنا كله ليه حلول

و رقم تليفونى حتلاقيه فى رسالة خاصة دلوقتى لو احتجت حاجة اكيد حتكلمنى صح ؟؟؟

و بالمثل ,,, يشرفى ايضا التعرف عليك ,,,,, ولو احتاج اى حاجه اخرى راسلنى لبعث لك رقمى

[Scorpion]

عزيزي الأسكندرني ...

بجد أشكرك من كل قلبي علي المعلومات دي ... و أتمني أني اردهالك اليوم اللي تقرر تيجي حدانا .... و بالمرة اشكر الد. مسامح اللي خلانا ما نضيعش وقت و يكون فيه برنامج جاهز كده ... و ان كنت نويت اقديها مترو بلا وجع دماغ .. و لا نقف في اشارة و لا ندور علي باركينج .. و لا أقف في كل ناصية اقول سيلفو بليه هو فين برج ايفل مش شايفه ...

انا بصيت بصة علي نانت و لقيتها حاجة زي القاهرة الأسكندرية .... علي العموم لو تقدر و تعملها و تنزل باريس لا بروشان فان سومان حتشرف فعلآ بمعرفتك ...

اشكرك فعلآ يا اسكندرني و لك مني كل تحية ...

:wub:

[الاسكندرنى]

انت نازل امتى تحديدا ؟؟؟

[Scorpion]

كمان 3 ايام ....

بالمرة يا أسكندرني .... الجو عامل ايه .. انا بصيت علي الأرصاد الجوية لقيتها شوية بتمطر و شوية سحب غامقة و بالليل ممكن توصل ل 10 درجات .... يعني ينفع الواحد ييجي مصيف ... و الا نجيب جاكيتات معانا ....

معلش تقلت عليك بس من عشمي ...

[الاسكندرنى]

يعنى على يوم الجمعه ,,,,, ممكن يبقى فيه نصيب ,,,,, عموما محتاج تليفونك ؟؟؟ او تقولى نازل فى جورج الخامس ولا عند حبيبك فى الريتس (le ritz)

تيجى الصبح ماشى تعالى مصيف بالليل انت وحظك يا سكوب ,,,,, انت عارف فرنسا اسمها الحقيقى هرنشا فهى بحالات ساعة تروح و ساعة تيجى

المهم و الملاحظ من بدايه هذا الصيف ان ايام الشغل الجو بديع و شمس و درجة حرارة بين 25 و بين 31 زى النهاردة مثلا

و ايام الويك ايند الجو بيبقى رصاصى و متعرفش حتروح على فين ؟؟؟ بس اخر نشرة اخبار بتقول

بكرة 31 بعد بكره فيها امطار و بعض الامطار ليوم الخميس ,,,,, بس امطار صيف

المهم هات معاك جاكيت من الاخر