مؤتمر القمه المنتدواتي المصري بين المنتديات الأربعه

[seeem]

أفكار جيدة جداً ...

أحييك يا نسر ... bv:- tv_: :happy:

[Scorpion]

عزيزي النسر ...

الأفكار كلها كويسة والله .. ( ما عدا حكاية كلمة افتتاحية للمؤتمر ) ... لكن معلش ... اخوك عنده شوية تجارب تخليني اخاف من كللللللل الكلام ده .....

لأن كل ما دخلنا في تنظيم مؤتمرات و مين حيشيل الليلة هنا .. و مين اللي حينظمها هناك ... العملية بتبهوق و تنام مننا .. و يوم ورا يوم الحماس يفتر .. و الفكرة تموت من قبل ما تتولد ....بالعكس لو بسطنا التنفيذ و حددناه في نقط صغيرة قابلة للتنفيذ ... الموضوع ممكن يتحرك ببساطة .... و كل ما قطع مسافة .. كل ما نسبة نجاحه بتزيد ....

انا تصوري بسيط جدآ للحملة دي ... و ثقتي لا حدود لها اننا لو ابتديناها صح حنحرك كرة جليد حتكبر لوحدها ....

كل منتدي حيكون له مطلق الحرية في مراسلة جميع الهيئات المستطاعة .. و في موضوع "حد هنا ضليع في الأنجليزي" فيه نماذج مختلفة لرسائل ممكن كل منتدي يطرحها للنقاش و يغير في صيغتها و يبتدي ينظم مراسالاته للهيئات المختلفة .... ده حيكون التمهيد .. اللي معاه في نفس الوقت حيكون ماشي حاجة نعملها كلنا مع بعض و بدون أي تغيير ... و هي اضافة الأسماء علي ال petition اللي موجودة اولريدي و لما نوصل للعدد اللي نشوفه مناسب ... نبعته كرسالة نهائية ... و في نفس الوقت لازم نلاقي طريقة تخللي الميديا المصرية نفسها تتكلم عن الحملة دي ....

دي الخطوة الأولي .. الخطوة التانية هي تطبيق نفس الفكرة علي الجانب الإيطالي و الألماني .. و ان كنا لازم نستني شوية دلوقتي لحد ما تهدي عملية السياح اللي اتخطفوا .... يعني لجل الحظ من دون الجنسيات كلها لازم يطلعلنا في البخت طلاينة و المان يتخطفوا في مصر ... علي العموم ده مش حيمنع اننا نبتدي ندور علي صيغة للحملات اللي حتتوجه للرأي العام الأيطالي و الألماني اول ما نخلص من الجانب الأنجليزي...

كلمة السر في الكلام ده كله حتكون التواضع و انكار الذات ... و اللبيب بالأشارة يفهم ...

كبداية أدعوك لنشر ال English petition في المنتديات اللي تعرفها ... و دعوة الناس اللي فيها بنشرها في المنتديات او في المجموعات اللي هما مشتركين فيها ... و طبعآ الدعوة دي مفتوحة لكل الزملاء هنا انهم يبتدوا ينشروها ....نعتبرها زي رسالات الموبايل اللي بتجيلنا و بعدين نبعتها بدورنا لعشر تنفار ....

http://www.PetitionOnline.com/egypt30/petition.html

تحياتي و احتراماتي دائمآ .....

[bentmasria]

فكرة هايلة وباذن الله تتم بنجاح ربنا معاكم ممكن حد يدلنى فين منتدى المطاريد بجد والله انا مابقيتش بدخل بانتظام وموش متابعة زى زمان لظروف خاصة لكن لو مؤتمر او لقاء بنوايا صافية وود حقيقى فمرحبا بكل من يدعو ويشارك والجميع اخوة واصدقاء فى حب الوطن السنا كذلك

البنت المصرية

[Scorpion]

آدي يا أم مادا الرابط بتاع المطاريد

و مبادرة ايجابية منك للمساهمة في الحملة ....

po::