يوميات ......نحفةوأخواتها .!!!

[badroora]

نجفة خرجت من المنزل هاربة وقررت عدم العودة الى بيت ابيها حيث زوجة الاب والمعاملة القاسية ولا لبيت الام حيث زوج الام وقسوته.

كان لنجفة أشقاء من الاب والام ولكن ليس لها اى اخوات من اب واحد وام واحدة فكنت تعتبر البنت الوحيدة .

كانت نجفة متمردة للغاية تهوى كل ماهو صعب وغريب ومثالى لذلك كانت ملولة من كل ما هو تقليدي .

خرجت نجفة فى يوم عاصف وتوجهت الى الترعة وظلت تفكر فى الانتحار ولكن قلبها لن يطاوعها

خافت للبلهارسيا تستفرض بها فقررت الانتحار بطريقة اكثر شياكة

ذهبت نجفة الى المدينة المجاورة وتنكرت فى ثوب غريب حتى لا يتعرف عليها احد ليس

لخوفها من ابويها ولكن لانها كانت تود الهروب من كل شيء .

الاهل ......المكان .........الاقارب ......الذكريات ...........حتى من نفسها .

نجفة متعلمة لاخر مراحل العلام معها دبلوم تدريب مهنى قسم لاسلكى وكانت بتفهم فى كل الالكترونيات بحكم تخصصها ومن كتر ثقتها بنفسها

كانت بتفوت عليها حاجات ومن ضمن هذا الحاجات هى حملها لموبايل اريكسون 688 وكان مزود بخدمة الجي بي اس

وكل اشقائها كانوا يحملون نفس الموديل لانه من تصميم وخرط نجفة.

وبعد ان قطعت نجفة الاف الاميال لكى تبعد عن كل يشيء يذكرها بنفسها او احتمالية مقابلة اى شخص ممن يتعرف عليها .

وعلى الرغم ان نجفة كانت حريصة كل الحرص على الا يعرف مكانها احد واذا فجأة

اغنية خلاص مسافر ودى كانت نغمة موبايل الكتعة .

نجفة.........الو مين نجفة ماتت

ناش ........انتى يا بت يخيبك ايه اللى وداكى عند مراجيح مولد النبي ابوكي فارش هناك النهاردة عشان اليوم عطلة

نجفة........وانتى ايش عرفك انى عند المراجيح

ناش .......يوه يا نجفة ماهو موقعك متحدد اهو على الموباين (ناش كانت لدغة فىحرف اللام )

نجفة.....بسرعة قفلت الموبايل وواصلت الهروب بعيدا عن بلدتها ......

توقفت نجفة عن الجرى لتلتقط انفاسها وجلست بجوار عمود نور جنب سوبر ماركوه وغلبها النعاس فنامت واذا بصوت بتاع الروبابكيا يفيقها من نومها وهو ينادي روبابيكيا .

فقامت نجفة من النوم مفزوعة وواصلت الهروب الا ان وصلت الى مكان مهجور تغطية خيوط العنكبوت من الخارج .

كان هذا البيت المهجور يشبه بيت جدتها البيت الذي ولدت فيه وترعرعت الى ان كبرت فحنينها لبيت جدتها الهاربة منه جعلها تدفع الباب وتدخل .

وفى اثناء دخولها وجدت حراس البيت والجو ساكت وهاديء جدا هووووووووووووس .

خلعت نعليها وتسللت الى داخل البيت وظلت تلف وتدور فى المكان تبحث عن اى حد ربما تعرفه .

واثناء بحثها رن موبايلها مرة اخرى وكانت النغمة هذه المرة الدنيا خربانة والشباب هربانة

نجفة ...الو مين .

رقم غير ظاهر ....انتى دخلت هنا وانت غير مصرح لكى بالدخول .

نجفة.......انت ولا انتى مين احنا هنهزر ولا ايه .

رقم غير ظاهر .......انا حارس المكان وانتى لن تحصلي على تصريح للدخول .

نجفة.......تصريح ليه ؟ هو انا داخلة المتحف المصري .

الرقم الغير ظاهر .......عموما مكانك محدد بالجي بي اس وسوف نقبض عليكى فى الحال .

نجفة........يا دى الحظ والجي بي اس اللى فضحنى فى كل حتة اروحها دا .

وبسرعة البرق جريت نجفة تستخبي من البلدية عشان ميقبضوش عليها ..........

يُتبع .

تم تعديل 1 يوليو 2008 بواسطة Badria Mekkawy

[galaxy]

تسجيل حضور وانصراف......قصدي حضور وضحك وهتابع ان شاء الله.....لو جت سيرتي انا عندي حرف الراء علي بسيط كدا....بيشاور عقله يعني......بس عشان السيناريو والحبكه الدراميه........ :closedeyes:

[nash]

أنتي متأكده أني لادغه في اللام ولا خانفه؟؟ :closedeyes:

أنا بدات اشك... :unsure:

المهم بسرعه كده في النهايه ينفع اقتلك عادي؟؟ wst:: clp::

[vipwithyou]

متااااااااابع .. بس على فكرة راجعت كل الحروف عندى لقيتها سليمة والحمد لله

بس عندى بنت اخويا مريم ( مريومه حبيبتى ) عندها حرف الراء بتيجى تقول ريرى ( ليلى )

بس هنظبطهولها ان شاء الله

بس أجمل حاجة فى البت بنت أخويا العسل دى انك تيجى تسأليها

س : مريم ..

ج : نعم ..

س : قولى انتى آسفة ..

ج : انتى آسفة ..

س : لا يا مريومة قولى انتى آسفة ..

ج : انتى آسفة .. ( الله فى ايه الناس دى مش فاهمة ولا ايه ونظرة تعجب عسل بصراحة )

س : طيب قولى انا آسفه ..

ج : يااااااه بسيطة .. انتى آسفة

ههههههه

بس

[هيليوم]

بما أن الصفه "الكتعه" لا تبدو -حتى الآن- ذات ضروره دراميه فى القصّه هل يمكن تعديلها بأى شكل بحيث لا تشير لعيب خلقى قد يكون البعض ابتلى به؟

هذه فقط ملحوظه يمكن تجاهلها لكن الإشاره لعيوب خلقيه كالحول و الكتع فى سياق ضاحك قد يؤذى شعور البعض

[badroora]

بما أن الصفه "الكتعه" لا تبدو -حتى الآن- ذات ضروره دراميه فى القصّه هل يمكن تعديلها بأى شكل بحيث لا تشير لعيب خلقى قد يكون البعض ابتلى به؟

هذه فقط ملحوظه يمكن تجاهلها لكن الإشاره لعيوب خلقيه كالحول و الكتع فى سياق ضاحك قد يؤذى شعور البعض

طبعا ممكن اغير الاسم ....... بس بصراحة اول مرة اعرف ان الكتع دا عيب خلقى انا اقتبست الاسم من فيلم عمرو دياب لما كانت الكتعة

رئيسة العصابة فيه نعيمة الصغير .......لكنى والله ماعرف انه عيب خلقى ...

عموما شكرا للتنبيه وساقوم بالتعديل حالا... :lol:

[النيل حبيبي]

البرج اللي فاضل حيطير

[vipwithyou]

بدرية حرام عليكى طيرتى برج الراجل اللى فاضله نشترى انا وهو ابراج منين بقى

كملى ..

[مصري جدا]

كده برضك يانجفه تلمي الطلبه والأساتذه..وبعض اولياء الأمور وتطلعي علي المولد وتسيبوا المصيف ...ده أسمه كلام ....طب كملي لما نشوف أخرتها ....دي ولا تخاريف محمد صبحي

تم تعديل 1 يوليو 2008 بواسطة مصري جدا

[مصري جدا]

تخاريف} محمد صبحي {...

دي كلمه علي سبيل المجامله وليس التريقه ....لزم التوضيح حتي لايحدث التماس في الأسلاك

[vipwithyou]

ايوة شكل نجفه هربت من المولد على شركة الكهرباء

علشان مصرى بيقول اسلاك

مش باقولك يا نجفة طيرتى كل الابراج

كملى بقى ..

[badroora]

البرج اللي فاضل حيطير

استاذ النيل ..........ليه ايه اللى حصلي .....سلامة الابراج يمك ....... :unsure:

[badroora]

الاعزاء ........جلاكسي منورة .......هو كلنا كسر كدا مافيناش حد صاغ سليم .......وبينطق صح :closedeyes:

نوشة .........منورة يا قومر

تامورة .........ابقي قابلنى لو بنت اختك .......عرفت تنطق ريري تانى .......اسألنى ......اعرف واحدة بقي عندها 31 سنه ولسه مش بتعرف تنطق الراء :closedeyes:

العزيز ...مصري جدا .......نجفة اللى هنا غير نجفة اللى هناك ....تشابه اسماء فقط .

ميغسي بالكوم لكم كلكلم

[galaxy]

هو كلنا كسر كدا مافيناش حد صاغ سليم .......وبينطق صح

نعمل ايه بس يا يدور :closedeyes: .........الله غالب .

بس هي مش لدغه خالص الحمدلله....بس الفكرة اني بنطقها بطريقه اسبسيال شويه....بس لا هي ياء ولا واو ولا لام ولا اي حاجه من دول....ومحدش بياخد باله الا اللي يدقق بس....غير كدا كله تحت السيطرة :closedeyes:

[vipwithyou]

تامورة .........ابقي قابلنى لو بنت اختك .......عرفت تنطق ريري تانى .......اسألنى ......اعرف واحدة بقي عندها 31 سنه ولسه مش بتعرف تنطق الراء :closedeyes:

الله يبشرك يا بدور دا أنا هاروح أمسك البت النهاردة ومش هأسيبها لغاية لما تقول حقى برقبتى قصدى تقول ريرى

[قائد المدفعيه الهولنديه]

كملى يا استاذه انا قاعد مستنى اهو و شكلى مشل رايح الشغل لحداما تخلصى القصه