سؤال هام عن إجراءات تأشيرةعمل فى السعودية

[hhanafy]

السلام عليكم ورحمة الله

انا مهندس و عندى فرصة عمل فى مدينة جدة.اعمل حاليا فى دبي.فكانت المفاجأة إنهم طلبوا منى النزول إلى مصر لإنهاء إجراءات الفيزا.وعليه فعندى أسألة محددة وهى:

1- هل يمكنى عمل الكشف الطبي والتحاليل الطبية المطلوبة قبل إرسالهم للفيزا على القنصلية؟أى هل احتاج اى مستند او اى رقم من القنصلية او شركة الإستقدام لعمل هذة الكشوفات؟

وذلك لأننى لابد أن ارجع لدبي لإنهاء بعض الإلتزامات فعليه اريد ان اكسب بعض الوقت.

2- ما هى تكاليف هذة الكشوفات؟.

3- ما هى المستشفيات المصرية المعترف بها لدى القنصلية؟

4- ما هى افضل الأماكن السكنية فى مدينة جدة وأسعارها (مطلوب شقة غرفة او غرفتين وصالة)؟وما هو نظام الدفع شهرى ام سنوى؟

5- انا معى رخصة دبي فهل يمكنى إستخدامها او إستبدالها فى السعودية؟

جزاكم الله خيرا

[saidkotb]

نعم تستطيع عمل هذه التحاليل بمصر بدون انتظار لقدوم التأشيرة وبدون مساعدة مكاتب او شركات من اي نوع ولكن هناك بعض التنبيهات يجب اخذها بالاعتبار مثل:

*نتيجة تحليل فيروس سي مدة صلاحيته لدى السفارة هو شهر حيث يتم تقديم الاوراق لهم خلاله.

*نتيجة اختبار جامكا مدته شهرين.

وبالنسبة للتكاليف فهي :

*مائة وعشرون جنيها لفيروس سي - ويتم اجراؤه في المعامل المركزية لوزارة الصحة بجوار مجلس الشعب.

*مائة وثمانون جنيها لاختبار جامكا - في احد خمس مستشيفات معتمدة لديهم ويتم اختيار احداها بواسطة الكمبيوتر ليتم اعطائك جواب تحويل للمستشفى لاجرائه.حيث يجب عليك الذهاب اولا لمكتب جامكا بجوار القنصلية السهودية بجاردن سيتي.

هذا يا اخي الحبيب ما استطيع افادتك به اما باقي اسئلتك فاتركها للاخوة الافاضل رواد المندى للرد عليها.

[hhanafy]

الله يكرمك.نورتنى.

ولكن اريد بعض الإيضاح بخصوص اختبار جامكا.

حيث إنك ذكرت إنى سوف أذهب لمكتب إختبارات جامكا بجانب السفارة لتحديد المستشفى وأخذ منهم جواب موجهه للمستشفى.فهل ذلك لا يتطلب رقم التأشيرة او اى رقم او مستند يرسل لى من الكفيل.ام اذهب لهم بدون اى شئ وفقط اطلب منهم إنى إريد عمل اختبار جامكا.

هم الأن فى السعودية بيعملوا الإجراءات الأن حيث قالوا لى إنها هتأخذ اسبوعين او ثلاثة.فاصلا هل هذا صحيح ام سوف تأخذ اكثر من ذلك.

مع خالص الشكر على مساعدتك

[vipwithyou]

لا يتطلب تحويل جامكا الى اى ارقام خاصة بالتأشيرة

يمكنك انهاء كافة الفحوصات دون توفر اى ارقام

شكرا

[hhanafy]

أشكرك كثيرا على معلوماتك.

برجاء من باقى الإخوة الرد على باقى إستفساراتى.بخصوص السكن وتكلفته فى جدة.ورحضة القيادة وهكذا

[vipwithyou]

السكن فى جدة فى غرفة واسعة بـ 10000 ريال وفيه غرفتين تلاقيهم بـ 12000 ريال وغرفتين وصاله تلاقيهم بـ 14000 ريال وكل ما تطلع للشمال الاسعار دى تتلغى وتزيد كتير طبعا ً

الرخصة لا ادرى ينفع ولا لا بس لو معاك رخصة مصرية يبقى سهل تطلع السعودية بسرعة ان شاء الله من غير مدرسة يعنى

شكرا

[hhanafy]

مع خالص الشكر.

[ABO ADAM]

الاخ hhanafy انا ظروفى زيك بالظبط عايز اعرف منك حاجتين:

1- اية رأيك فى النقلة من دبى الى جدة

2 - لازم يبعتونى مصر عشان اخلص الاوراق مع العلم انى معايا مراتى و ابنى فى دبى

و شكرا

[hhanafy]

الاخ hhanafy انا ظروفى زيك بالظبط عايز اعرف منك حاجتين:

1- اية رأيك فى النقلة من دبى الى جدة

2 - لازم يبعتونى مصر عشان اخلص الاوراق مع العلم انى معايا مراتى و ابنى فى دبى

و شكرا

والله انا لسة هروح وأشوف جدة.للعلم انا خايف بس ايضا دة طبيعى لأننى سوف اذهب لمكان جديد.ومن خلال بحثى عن هذا الموضوع اريد ان اشارك حضرتك ما استنتجته:

1- جدة ارخص بنسبة 30 % فى المعيشة.

2- السكن لو هتسكون فى مكان زى القصيص عندنا مثلا فى شقة غرفتين وصالة هتدفع ما بين 25 - 35 الف.ودة ارق الأسعار عندهم.ولو هتسكون فى مجمع سكنى مقفول بأمن و... فى نفس الشقة هتدفع 50 الف.وفى امكان اخرى ممكن تدفع 15-20 الف سنوى.

3- السيارات سعرها ارخص من سعرها فى دبي(مثلا هوندا اكورد فى دبي سعرها حوالى 83 الف ونفسها فى السعودية 65,300 الف) بس بيحتاجوا مقدم وفى شركات ايضا من غير مقدم بس بفوائد اعلى.الفائدة البنكية هناك اعلى من دبي وشكلها الإجراءات مش سهلة مثل دبي.

4- شغل الزوجة:لو بتشتغل فى دبي ودخلكم معا فأعمل فى حساباتك إنها سوف تجد صعوبة هنا فى إيجاد شغل يكاد يكون مستحيل.

5- الحرية:مش زى دبي.بس انت متجوز يعنى ممكن تروح كل الأمكان والمحلات هناك بسهولة مع زوجتك.

6- المساواة:فى دبي لا تجد فرق بين احد وخصوصا فى الدوائر الحكومية ولكن هناك سوف تشعر بإنك مواطن من الدرجة الثانية.بس فى ناس هناك بيقولوا دة مش فارق كبير"انا معرفش ومجربتش".

7- تعليم الأطفال:فى دبى نار وغالى بس فى جدة اقل فى الأسعار بس فى الجودة ايضا.

8-موضوع التأشيرة والمهنة عليها مهم جدا وخلى بالك منه اوعى يكتبلك عامل او مزارع او سائق.طلما انت جى من دبي وللأسف مش من مصر افرض عليهم طلباتك بس فى المعقول .

9-سوف تحصل على التأشيرة من مصر وتعمل كل الإجراءات والكشوفات الطبية هناك وشكلها معقدة شوية فأعمل حسابك فى توفير الوقت لها(غير دبي).

من الأخر:

التوفير المادى فى جدة احسن المعيشة والمتعة والخروج فى دبي احسن.

انا مش بتكلم عن الدين والتدين فى موضوعى لأنه بيختلف من شخص إلى اخر فليس كونك هتعيش فى جدة هتبقى متدين والعكس صحيح.الفدين والتدين هى علاقة بين العبد وربه .نعم ظروف ومكان معيشتك لهم تأثير فى حياتك بس مش 100 %.

ارجو ان اكون قد احسن الرد على سؤالك

[ABO ADAM]

الاخ hhanafy

ألف ألف شكر يا باشا و ربنا يخليك و يوفقك فى جدة ان شاء اللة

متشكر جدا على وقتك

كان ليا استفسار كمان هل ممكن اشحن نفس السيارة احسن انا لسة شاريها

انا مرتبى حاليا 15000ومراتى لا تعمل وبادفع ايجار فى الشارقة 45000 ايجار

انا مهندس خبرة 7 سنين اية رأيك لو اخذت نفس الاوفر فى جدة

و لو تعرف اى كمبوند كويس انصحنى

و ألف شكر تانى يا باشا

[hhanafy]

الاخ hhanafy

ألف ألف شكر يا باشا و ربنا يخليك و يوفقك فى جدة ان شاء اللة

متشكر جدا على وقتك

كان ليا استفسار كمان هل ممكن اشحن نفس السيارة احسن انا لسة شاريها

انا مرتبى حاليا 15000ومراتى لا تعمل وبادفع ايجار فى الشارقة 45000 ايجار

انا مهندس خبرة 7 سنين اية رأيك لو اخذت نفس الاوفر فى جدة

و لو تعرف اى كمبوند كويس انصحنى

و ألف شكر تانى يا باشا

انا معرفش حضرتك متخصص فى اى مجال فى الهندسة.برجاء التوضيح.

بالنسبة للسيارة على ما عتقد إنه ينفع لأنهم دول فى مجلس التعاون الخليجى.بس الإجراءات والتكاليف معرفش بالضبط.

بالنسبة للكمبوند كان واحد معايا فى الشغل الجديد هو اللى قال لى تلك المعلومة لأنه ساكن هناك وهو قال لى إسمه بس للأسف انا مش فاكره اوى.ممكن حضرتك تفتح الموضوع دة على المنتدى ونأخذ رأي باقى الأخوة. وخلينى احاول افتكر اسمه ولو إفتكرته هرسل لك.على الأقل نأخذ معانا ونبقى جيران wst::.

على فكرة انا مهندس كمبيوتر.

[ABO ADAM]

[

انا معرفش حضرتك متخصص فى اى مجال فى الهندسة.برجاء التوضيح.

بالنسبة للسيارة على ما عتقد إنه ينفع لأنهم دول فى مجلس التعاون الخليجى.بس الإجراءات والتكاليف معرفش بالضبط.

بالنسبة للكمبوند كان واحد معايا فى الشغل الجديد هو اللى قال لى تلك المعلومة لأنه ساكن هناك وهو قال لى إسمه بس للأسف انا مش فاكره اوى.ممكن حضرتك تفتح الموضوع دة على المنتدى ونأخذ رأي باقى الأخوة. وخلينى احاول افتكر اسمه ولو إفتكرته هرسل لك.على الأقل نأخذ معانا ونبقى جيران .

على فكرة انا مهندس كمبيوتر.

سلام عليكم يا باشمهندس hhanafy انا مهندس معمارى وباشتغل فى ال business development انا لسة ما وفقتش عل المرتب باحاول اجيب آخرهم هى شركة construction فى دبى بس ال position فى جدة و ان شاء اللة نكون جيران

[tahereyad]

الأخان الفاضلان أبو آدم و اتش حنفي,, أنا برضه مهندس أجهزه و تحكم,, و ليه نفس ظروفكم و تساؤلاتكم,, أنا هاسافر أستلم الشغل في جده بعد العيد مباشرة,, و هانزل مصر ان شاء الله يوم 10 رمضان,, يوم النصر. هل ممكن فالعشرين يوم الباقيه من رمضان أخلص باقي الاجراءات بتاعت التأشيره؟؟

اذا كان ممكن نتابع مع بعض تطورات الانتقال من دبي لجده و نستفيد من تجارب بعض,, لو مافيش مشكله هابعتلكم رقم تليفوني عالخاص.

أنا عرفت أن ممكن تصدر السياره من دبي للسعوديه بس في نسبة جمارك,, و لسه بسأل علي الاجراءات.

الرخصه السواقه بتاعت دبي بتستبدل برخصة السعوديه علطول,, بدون امتحانات , علي حسب اللي مكتوب في قانون المرور السعودي.

بالنسبه للتقديم للمدارس هايكون فيه مشكله ولا لأ؟؟ لأن العام الدراسي هايكون ابتدي فعلا بعد العيد؟؟ هل هايكون لسه في فرصة التقديم؟

ربنا يوفقنا جميعا ان شاء الله..

[hhanafy]

انا هنتظر رقم تليفونك لكى نتكلم.وهرسل لك رقم تليفونى ايضا

[elcamello]

السلام عليكم .. انا تقريبا ظروفي مشابهة من ناحية اني بأستخرج تأشيرة عمل في السعودية بس الفرق اني في مصر و اللي حصل ان التأشيرة سيتم ارسالها لي في خلال اسبوع و انا حبيت اكسب وقت بأني اروح اعمل الفحوصات المطلوبة و اعمل الفيش و التوثيق و كل حاجة علشان انا اعرف ان القنصلية بتأخد اجازة في اخر 10 ايام من رمضان... المهم انا ذهبت للمعامل المركزية اللي في شارع الشيخ ريحان و هناك قالولي ان جواز السفر لازم يكون مسجل علي النت.. و ان دة بيتم عن طريق القنصلية او مكتب السفريات اللي انا تابع لة.. المهم انا رحت ناحية القنصلية و هناك فية مكتب معروف بجانب القنصلية ممكن تعمل فية تسجيل النت دة... بس هناك في المكتب دة قالولي لازم يكون معايا الفيزا ( واضح انة اجراء جديد) ... سؤالي دلوقتي هو :

هل ينفع اجيب رقم الفيزا او صورة منها يبعتوهالي بالايميل و بالرقم دة او الصورة دي اعمل تسجيل النت ؟ انا عارف ان السؤال دة كان لازم اسألة في المكتب هناك جنب القنصلية بس انا اخدت بعضي و مشيت!

السؤال التاني

هل هناك تعارض بين اني اقوم بموضوع التسجيل دة بنفسي و بين ان يكون فية مكتب سفريات هو اللي حايخلص لي التأشيرة؟ بمعني هل يجب اني انتظر لحد ما تيجي الفيزا و المكتب يأخدها و هو اللي يعمل كل حاجة و الا عادي؟

شكرا للمساعدة و رمضان كريم علي الجميع

[الباشمهندس ياسر]

ربنا يوفقكم

بس انا عايز اسال سؤال واحد

حد يسيب الامارات و يروح السعودية ؟!!!!!!!!!

[ahmedkamal]

صحيح حد يسيب الامارات ويروح السعوديه حيث نظام الكفيل ع اصله وما ادراك ما نظام الكفيل ع اصله ياريت تبقى عارف نظام العمل كويس ف السعوديه هعارف ان الامارات غاليه بس برده السعوديه مش المعيشه فيها ببلاش كمان سقف المرتبات مش عالي لان مفيش منافسه سيادتك لو اشتغلت ف شركه ونقلت كفالتك عليهم قابلني عشانتنقل بعد عقدك ما يخلص حتى ده اذا محققتش نجاحات عندهم وساعتها ممكن يرفض يديك نهائي وساعتها يا سيدي تبقى شايف فرص ممتازه ف السعوديه وانت قاعد بتتفرج لانك مربوط بالكفيل سيدي الفاضل هنا الكفيل زي ابوك هل حد بيقدر يغير اسم ابوه بسهوله