أفيدونى لو سمحتم هل سعر هذة التأشيرة للسعودية مناسب أم لا

[KEKOKEKO]

عرض على أحد المعارف تأشيرة سفر للسعودية وهى قابلة للتفاوض قليلا:

15000 جنيه تأشيرة سائق خاص

17000 جنيه عامل زراعى

21000 جنيه تأشيرة عامل

و هناك شخص أخر أعرفه سوف يوفر لى العمل هناك بالسعودية

فأرجو من أصحاب الخبرة فى مجال السفر أن يفيدنى هل ذة الأسعار غالية أم أنها مناسبة .

وما هى أسعار تأشيرة السفر للسعودية حاليا وهل الرواتب فى السعودية الأن مجزية

أنا محتار جدا هل أقبل هذا العرض أم لا ساعدونى لو سمحتم وشكرا لكم .

[vipwithyou]

اللى اقدر انصحك بيه انك ما تسافرش على مهنه سائق او عامل زراعى او راعى او مزارع او اى حاجة من دى خالص

لكن اذا عامل عادى توكل على الله

لكن ..

موضوع الفلوس دة مش هأقدر أفتيك فيه انت اللى تقدر تحددة بنفسك لأن دى حاجة نسبية بتختلف من تقييمى لتقييمك لتقييم أى شخص آخر

انت اللى تقدر تحدد اذا كان سعرها كويس ولا لا

بناء على امكانياتك ثم ماذا ستعمل هناك وبكم راتب ويستاهل ولا لا

وضمانات الفيزا ومعايير أخرى الشخص نفسة اللى بيشترى الفيزا هو اللى يقدر يحكم عليها

يعنى انا ممكن مثلا اقولك كويس وغير يقولك غالية وغيرى يقولك ياااااه سعرها يجنن .. كدة يعنى

فهمت

هنا للتعقيد ( مقتبسة من الأخ الفاضل أسد )

شكرا

[iloveegypt]

اياك ان تاخد تاشير ة عامل زراعى او سائق

لكن عامل عادى اتوكل على الله وهى من الناس اللى سمعتهم بيقولوا انها فى حدو12000-14000 ريال سعودى

وربنا يكرمك

[عمرو طمان]

ابعد نهائى عن عامل زراعى وعامل تربية مواشى وسائق خاص وغير كده من المهن ماتخافش وان كنت هاتختار بينهم يبقى عامل بس بدون اى نقاش ولا مجادلة ودا للأسباب التالية :

أولا : لو ربنا كرمك بالشغل وحبيت تغير المهنة يبقى تنسى موضوع تغيير المهن التلاتة المذكورين دول الا لو كان كفيلك يعرف امير من امراء السعودية يخدمك فيها ودا طبعا شبه مستحيل

ثانيا : لو حبيت تستقدم زوجتك طبعا مش هاتعرف هاتحاول تعمل زيارة ليهم واللى بتكون مدتها 3 شهور وتجدد ليهم 3 مرات يعنى تفضل معاك طول السنة وبعد كده تنزل برضه مش هاتعرف بالمهن دى اما لو انت عامل بس ممكن تغير المهنة بسهولة ولو مغيرتهاش تقدر تعمل زيارة لزوجتك واولادك وتجددها[

تم تعديل 1 يوليو 2008 بواسطة عمرو طمان

[se_ Elsyed]

هناك معلومة ناقصة .. وهي إياك وأي مهنة مهما كانت إن شالله لو طبيب ولكن على كفالة فردية .....

والكفالة نوعان :

1- كفالة على مؤسسة أو شركة .... ودي ما فيش فيها مشاكل في النقل من شركة لشركة بس ما تكونش عامل تربية مواشي او عامل زراعي .

2- كفالة فردية ... ودي بتبقى على شخص فرد ... زي حارس إستراحة .. طباخ ... سائق خاص ...عامل زراعي .... إلخ ...

والدولة هنا تحارب موضوع إتجار الأفراد في التأشيرات وحتى وقت قريب كان كل واحد سعودي ممكن يجيب له كام عامل تحت كفالته ويقعد يتاجر ويبيع في البشر وي إمام يبيع لهم التأشيرة وييجوا ينقلوا كفالتهم ... أو يخليهم على كفالته ويسرحهم يشتغلوا في السوق وياخد منهم مقطوعية شهرية .. وأرعف ناس هنا بيعلموا ملايين من الموضوع ده بشكل شهري وكل اللي بيعمله إنهم بيفرض عليهم إتاوة شهرية نظير إنه سايبهم يشتغلوا براحتهم .

وبالتالي ممنوع منعاً باتاً نقل كفالات الاجانب من شخص فرد إلى شركة ...

[عمر المختار]

يا جماعة أنا عايز رأيكم ضرورى أنا مهنتى بالجواز اختصاصى تسويق ومعروض على عرضين تأشيرة حرة اختصاصى تسويق على جدة ب25 الف غير اللى هادفعه فى السعودية وبعدين مش رايح على شغل بس الفكرة انى استخرج رخصة قيادة هناك وابدأ ابحث عن عمل مناسب والعرض الآخر فرصة عمل بشركة ساكو للأدوات بالسعودية والمرتب 2000 ريال فقط العمل بائع فى معرض بس التأشيرة اللى جاية عامل عادى يعنى مفيش رخصة ولا استقدام والعقد عامين متواصلين دون نزول وبعد كدا كل سنة أيهما أفضل شكراalaagado76@yahoo.com

[Nileman]

يا جماعة أنا عايز رأيكم ضرورى أنا مهنتى بالجواز اختصاصى تسويق ومعروض على عرضين تأشيرة حرة اختصاصى تسويق على جدة ب25 الف غير اللى هادفعه فى السعودية وبعدين مش رايح على شغل بس الفكرة انى استخرج رخصة قيادة هناك وابدأ ابحث عن عمل مناسب والعرض الآخر فرصة عمل بشركة ساكو للأدوات بالسعودية والمرتب 2000 ريال فقط العمل بائع فى معرض بس التأشيرة اللى جاية عامل عادى يعنى مفيش رخصة ولا استقدام والعقد عامين متواصلين دون نزول وبعد كدا كل سنة أيهما أفضل شكراalaagado76@yahoo.com

لو عندك خبر كويسة لا تقل عن سنتين و لغة انجليزية قوية توكل على الله و اشتري التأشيرة

[herohero]

بمناسبة أسعار التاشيرات حد ياجماعه عنده خلفية عن أسعار التاشيرات للمهندسين وليكن "مهندس كهرباء"

[asamee]

بمناسبة أسعار التاشيرات حد ياجماعه عنده خلفية عن أسعار التاشيرات للمهندسين وليكن "مهندس كهرباء"

يا جماعة انا طبيب ومسافر تبع مكتب التوظيف

وعايز اعرف ثمن التأشيرة كام؟

الرجاء الرد لو حد عارف

وجزاكم الله خيرا