بعد 13 سنة فى السعودية أفكر فى العودة

[raouf]

first at all I am sorry to write in English since i don't have an Arabic Keyboard

I am old here but that is the first time replay

I totally agree with Mrs Karmen

what you are thinking is the same as my father did in 1988 the only change that we have a building not only a small flat also 1 brand new car + 350.000 pound

we works also in government

whith next 5 years he speends all the money

take my advice stay there and don't even think to return back

Note : I am working in Saudi 4 years now and when i go for vacation in Egypt i cannot even complete it and dreaming with the time of returning back to Saudi

تم تعديل 4 يوليو 2008 بواسطة raouf

[سليمان بك]

واحد اعرفه تحول من موظف الى مستثمر واصبح شريك في شركة وعنده شركة في مصر

الشركة اللي في مصر دخلها من بيع انتهاجها للشركة اللي في السعودية

هو بيفضل انه يعيش في السعودية ولا يعيش في مصر برغم انه ممكن يعيش في مصر ويخلي فيه مدير للشركة اللي في السعودية خاصة ان حصته فيها صغيرة

ومع ذلك هو بيفضل العكس

العيش في السعودية وليس العيش في مصر

قلة المشاكل والبعد عن التوترات الاسرية وانتظام الحياة نسبيا قياسا للوضع في مصر

والاهم من وجهة نظرة انخفاض معدلات الضوضاء

[moma]

أشكركم بجد لأني مكونتش متوقع إن هلاقي إهتمام بالشكل دة وخاصة إن دي أول مرة أشارك في منتديات وانا إشتركت بالمنتدي لأني كنت أبحث عن موضوع معين ولقيت إن المنتدي جميل ورائع

انا مش من ( ميت عساس ) زي ما أخي ( الحازم حسن ) توقع انا من بلد إسمها ( ميت عنتر ) مقابل المنصورة من ناحية الغربية لنهر النيل

لكن حبيت بس أوضح بعض الأمور

أنا صحيح مرتاح جدا ماديا ومستقر أسريا وأحافظ علي صلاتي قدر إستطاعتي والحمد لله انا هنا في مدينة ( الدمام ) وهي مدينة حلوة وفيها متنزهات كتير وكورنيش جامد وكمان عندنا جيران بنخرج كلنا مع بعض حتي في الأسواق يعني تدخل العمارة تشعر إنك فعلا في مصر الأولاد بيلعبوا في المدخل ويصرخوا ويضربوا بعض وخناقات عاملين جو حلو هما صحيح مزعجين بس هنقول أيه ( عيال )

ده الوجه الحلو من الغربة

خليني أقولكم علي الوجه ( اللي مش حلو ) توفت الوالدة رحمة الله عليها ولم أراها ومن بعدها الوالد يرحمة الله ولم أراه أيضا وناس كتير غاليين علي قلبي نفس الشيء طبعا ده لا يساوية مال ولا كنوز الدنيا

واللي يحزن أكثر إني بشعر إني غريب بين الناس لما أكون في إجازة طباعي وأسلوبي حتي طريقة الكلام الناس بتستغرب منها لدرجة إن الوالد رحمة الله عليه قالي ( إنت طيب زيادة عن اللزوم والناس بتضحك عليك في التعاملات المالية ) يعني كان عاوز يقول إن الناس ( بتستعبطني ) او ( بيستغلوني )

طبعا الوضع ده مخليني مش مبسوط لأن في النهاية دي بلدي ولازم هرجع ليها يوم من الأيام وأتمني إن أولادي يكونوا طبيعيين في وسط زملائهم ولا يشعروا إنهم مش قادرين يتعايشوا مع أصحابهم زي ما هما عايشين

كمان فيه سبب تاني وهو إن عندنا عمارة جديدة تعتبر شبه مهجورة مع إنها لوكس لأن بعد وفاة الوالدين أصبح الموجود في البيت أخ واحد بس والباقيين مسافرين

أيضا فيه أملاك أراضي زراعية وأراضي مباني تركها الوالد محتاجه اللي يتابعها هي صحيح مش عزبة لكن بفلوس كتير

أسف للإطالة لكن خليني أسأل السؤال بصورة مباشرة

لو معاك فلوس في مصر خلينا نقول نصف مليون تشغلها إزاي ؟؟؟؟

[كارمن]

يا استازى الفاضل انا لو معايا نص مليون اشيلهم فى البنك واعيش من الفوائد لانك مش هتقدر تدير اى مشروع وزى ما والدك قال بيستغلوك ودة مش عيب فيك لسمح اللة انما دة حالنا كلنا لاننا مازلنا نحتفظ باخلقنا ولان الحياة هنا سهلةفنفسيا انت مرتاح ومتغيرتش انما فى مصر ودى بلدى وفوق راسى انما العيب فى الناس النفوس اتغيرت وانا بعزورهم تمامامتطلبات الحياة كتير الناس تعبانة وبالتالى دة بيظهر فى تعاملتهم انا بنزل مبعرفش اتعامل مع الناس وبطريقتهم وبتعب بلاش قول انا فى الغربة من سنين انا وزوجى والمشكلة في انا انا ليا اخ عايش فى مصر بيقول لزوجى انت متنزلش من عندك خالص انت باخلاقك دى مش هتعرف تتعامل مع الناس وهتضيع فلوسك فى ظرف سنة (اللى هى اخلاق محترمة) وهتضيع فلوسك اخلاقك كانت تنفع فى زمن تانى واخيرا كل واحد ادرى بظروفة وما يناسبة ودة مجرد راى شخصى جداااااااااااااااااا مع تمنياتى بالتوفيق فى قرارك

[محمد عبدالعزيز]

هو ليه معظم الأخوة المغتربين مش بيفكروا إنهم يرجعوا لأنهم عاوزين يعيشوا مستريحين وعاوزين يعيشوا بعيد عن الدوشة وبعيد عن التوتر وبعيد عن حرق الدم والأخلاق الوحشة اللى فى مصر؟

هى دى طبعاً أهداف كويسة, بس ماكنتش أتخيل إننا بقينا ...... للدرجة دى, وأنا كاتب نقط عشان ماقولش كلمة تزعل حد.

كلنا خلاص بقى هدفنا العيشة المستريحة ونحط قرشين فى البنك نعيش من فوايدهم؟

مابقاش لنا دور ولا هدف فى الحياة إلا إننا نعيش مستريحين من فوايد القرشين اللى فى البنك وبس؟

طب بالله عليكم, لو كان اللى قبلنا - على سبيل المثال الجنود اللى شاركوا فى حرب أكتوبر- فكروا فى العيشة المستريحة كنتم وصلتم للى وصلتوا ليه دلوقتى؟

ليه مايبقاش عندك هدف أسمى إنك توجد الحياة الكريمة دى فى بلدك لك ولأولادك من بعدك, وتعلم أولادك من بعدك يعملوا زيك وهكذا.

اعذرونى إنى أقول لكم عمرنا ماحنتقدم ولا نشوف تقدم ولا رقى مادام الأغلبية العظمى مننا بتفكر بالطريقة دى, وخلينا بقى نعيش اليومين اللى باقيين لنا واحنا مستريحين, ومش مشكلة الخراب اللى ممكن يحصل بعد كده.

أنا عارف طبعاً إننا عندنا مشاكل كتيرة, وأزمات كتيرة, بس حد يقول لى على دولة من الدول المحترمة دلوقتى مكانش عندها مشاكل ولا أزمات, كل الدول عندها مشاكل وأزمات, بس أهلها مش بيفكروا فى العيشة المستريحة وبس, وإذا كان هما مش بيؤمنوا إن فى آخرة ولا فى جنة ولا نار ولا فى ثواب عظيم فى الآخرة وبيعملوا اللى احنا بنعحب بيه ده كله, مش أولى إننا يا مؤمنين نعمل كده طمعاً فى ثواب الآخرة؟

ولا احنا خلاص... حجينا واعتمرنا وبعتنا قرشين للناس الفقرا اللى فى مصر, كده ماحدش له حاجة عندنا نعيش بقى مستريحين اليومين اللى باقيين لنا؟

[iloveegypt]

بص لنازى ما قلت لحضرتك هتلاقى ناس تسودلك العيشة فى مصر كان الخليج او اوربا جنة

بص الرجوع لمصر هو الافضل علشان الاولاد صحيح مصر فيها عيوب بس انا عشت فى مصر 30 سنة عمر ماضابط ولاحتى مخبر عاملنى وحش(طبعا يوجد تجاوزات لا احد ينكرها) طيب انا هديك مثال هنا فى السعودية 2 من الشرطة اغتصبوا فتاة عربية وخطفوها من والدها هل ححد يستطيع التعميم طبعا لا دى اسمها حالات فردية بس من الاخر معظم المصريين الل بيعيشوا برة فرتات طويلة متعودوش على العيشة فى مصر رغم ان فى مصر حرية سياسية ودينينة اكبر يكتر من الخليج بس هو الموضوع فلو س اكتر وبس سيبك من الل بيقولك العيشة فى مصر سودة والله والله العيشة فى مصر احلى بكتير من الخليج

ثانيا هذا الخيار افضل لاولادك اجتماعيا وتربويا

واخير بص يا سيدى انا لى زملائى قعدوا 10 سنسين وفكيك على مصر محدش يعرف يتكلم معاهم دلقتى بسم الله ما شاء الله احسن من اى حد قاعد 30 سنة عملو ايه هم عملو اتحادملاك وبدوا يبنوا ابراج سكنية يطلع البرج يببعوه ويطلعو البرج الثانى بعد توزيع الارباح مشرو مضمون ان شا ءالله 200% بس اهم حاجة تكون المجموعة امينة واتوكل على الله ولسه فى ناس بعدى هتسودلك العيشة فى مصر

[أسد]

حترجع مصر .. إن عاجلاً أم آجلاً ..

خاصة إذا كنت بتشتغل في الخليج ..

هذا الأمر ليس إختياري .. بل هو إجباري ..

والمسألة مسألة وقت ..

مفيش حاجة اسمها ماترجعش .. ماترجعش كده وخلاص .. مش بمزاجك .. لازم حترجع في يوم من الأيام ..

ولكن .. وللإجابة على سؤالك .. لو رجعت (سواء بمزاجك أو غصب عنك) ومعاك فلوس .. تعمل بيها إيه ..

إعمل بيها أي حاجة .. بشرط ..

إنك تكون بتفهم فيها .. لو حاجة مابتفهمش فيها .. وشايف كل الناس بتكسب منها .. وكل الناس نصحتك بيها ماتعملهاش ..

لازم تكون بتفهم في النشاط اللي حتعمله .. مفيش فيها كلام دي ..

معظم اللي شفناهم رجعوا مصر .. وعملوا مشروعات وفشلت .. فكروا في حاجات مابيفهموش فيها .. وفكروا بمنطق الكفيل ..

إنه يعمل مشروع أي كان .. مش مهم يكون بيفهم فيه أو متخصص فيه .. ويجيب ناس تشتغل وهو يلم الغله فقط ..

طبعاً الكلام ده لا ينطبق على مصر .. الوضع مختلف جداً ...

ببساطه .. شوف انت بتفهم في ايه .. واعمله .. وشوف المكان اللي انت عايش فيه ينفع فيه المشروع ده ولا لأ ..

وربنا يوفقك

[moma]

بسم الله الرحمن الرحيم

والصلاة والسلام علي رسول الله

بداية أشكر كل من ساهم برأية لكن للأن لم أستقر علي رأي

لكن علشان الصورة تبقي أوضح خليني أسأل بطريقة تانية

أبحث عن فكرة مشروع بصرف النظر عن هل البيئة في مصر صالحة أم لا ؟؟

أرجو كل من لديه فكرة مشروع حتي ولو كانت بسيطة أن يشاركنا بها ربما أنتفع بها أنا أو أي شخص بالمنتدي

[Rakan]

يعني خلاص ناوي تسيبنا يا moma وترجع مصر ... هانت عليك العشرة يا راجل ... : )

ادخل على هذا الرابط وسوف تجد اكثر من 100 دراسة جدوى لمشاريع مختلفة :

http://www.kenanaonline.com/page/4493

الدراسات متعوب عليها و ممتازة .. يعيبها انها قديمة شوي والأسعار و التكاليف يجب

عليك تعديلها بما يتناسب مع الوضع الحالي

والله يوفقك يا باشا وين ما كنت .

[moma]

الأخ / RAKAN

أشكرك أخي الكريم علي إهتمامك

وبعدين مين قال إني هنساكم

الله وحده يعلم كم تعلقت بهذة البلد وكم أحببتها بصرف النظر عن تصرفات بعض القلة من السعودين لكن في النهاية لي فيها ذكريات جميلة وأصدقاء لن أنساهم العمر كلة

وبعدين كمان يا عمي إحنا لسه بنفكر وندرس الأمور من كل جانب

ومهما طالت بنا الغربة لازم نرجع تاني لأهلنا وناسنا ولا تلومني في ذلك أخي راكان

[HDarwish]

بلدياتي العزيز ..

أسف إتأخرت عليك في الرد لكن بسبب بعض إنشغالات العمل

لكن لإني حاليا في نفس الحيرة التي تنتابك لذا رغبت في المشاركة ولو بالقليل ربما يساهم في انتهاء حيرتي وحيرتك ايضا

بعد تفكير عميق في مشاريع متعددة توصلت حاليا إلى مشروع وهو مخزن أدوية

المشروع كل تكاليفه مساحة ارض (من ثلاث سنين كنت أعرف إنها 120 متر لكن حاليا سمعت إنها يحب ألا تقل عن 500 متر) وسيارة مكيفة ومجهزة لنقل الأدوية

فكر في المشروع

تمنياتي القلبية بالتوفيق

أخوك حسن درويش

محلة الدمنة سابقا .. توريل حاليا .. المنصورة

[moma]

شكرا لك أخي حسن درويش

ولكن هل لديك مزيد من الإيضاحات حول مشروع مستودع الأدوية لأن أخويا عارض عليا أشارك طبيب صيدلي عندنا في البلد ومش عارف أيه ظروف المشروع ده وكيفية تسويقة وكم يحتاج من العمالة وهل يشترط إن المالك يكون طبيب

[AbouAlhooool]

Dear Brother('s)

I am sending you from US, and my opinion, dont go back to egypt for now. You have a good position and a good job and a good income.

, the situation in Egypt, is not encouraging.You can go back when you dont have such a job.

As for the kids, you can send them evry summer to live with family..etc..

As they said, dont risk what you've built in 13 years.

Good luck

تم تعديل 5 يوليو 2008 بواسطة AbouAlhooool

[النجم الثاقب]

أستاذ moma إليك موقع شبكة المشروعات العربية الصغيرة

http://arabproject.net/vb/index.php

[moma]

جزاك الله خيرا أخي ( النجم الثاقب )

وأشكر الجميع علي إهتمامهم

[HDarwish]

بلدياتي العزيز ،،،

بعد تمحيص وتدقيق لمدة طويلة توصلت إلى بعض المعلومات والتي ربما يكون لها الفائدة

أولا فيه فرق كبير بين كلمة مستودع أدوية ومخزن أدوية

لإن المستودع ده بيكون زي التوكيل كده يعني لو هتعمل مستودع المفروض إنك حتتعامل مع منتج واحد من الشركة الأم سواء بئا كانت الشركة دي مصرية أو سعودية أو حتى أجنبية وبعد كده مخزن الأدوية بياخد من المستودع اللي هو الوكيل علشان يوزع على منافذ البيع واللي هيا الصيدليات ... وأظن إن دي صعبة في الوقت الحالي .. إحنا لسه بنقول يا هادي

والعكس المخزن بياخد من الوكيل او صاحب المستودع يعني علشان يوزع على الصيدليات ويطلع له نسبة خصم حلوه

ثانيا موضوع إن المالك لازم يكون صيدلي أو طبيب دي عرفت من صديق ليا في مصر إن موضوع مخزن الأدوية زيه زي الصيدلية لازم يكون المالك طبيب زي معظم المستثمرين في الصيدليات بيكونوا يا اما مشاركين طبيب أو صيدلي أو بيكتبوها باسمه في مقابل راتب معين.

ثالثا أنا اتأكدت فعلا ان لازم المساحة لا تقل عن 500 متر (وده الشرط التعجيزي اللي خلاني ألغي الفكرة بالنسبة ليا في الوقت الحالي)

رابعا المكان لازم يكون مجهز بحيث تكون بيئة صالحة وغير ضارة للادوية بمعنى أنه يكون مكان نظيف وعامل أرفف وبنظام معين علشان تقدر تاخد الترخيص بتاع وزارة الصحة وإدارة الصيدليات

خامسا جهاز كمبيوتر مجهز ببرامج محاسبة أو برامج إدارة المخازن

سادسا بالنسبة للعمالة على ما أظن مش هتحتاج أكثر من 3 - 4 موظفين (سائق، مدير المخزن، عاملين)

وعلى فكرة أنا نفس الشيئ صاحب الصيدلية اللي في عمارتنا عارض عليا برضه إني أعمل معاه المشروع ده

وبيحكيله عنه وبيقول إن ربحيته ممتازه ..

يارب أكون قدرت افيدك ..

تميناتي ليك بالتوفيق وللمسلمين جميعا

[HDarwish]

إيه ده يا عم ...

بصراحة النجم الثاقب كفى ووفى ...

حقيقي موقع جميل وكنت بدور على حاجة مشابهه له من زمان...

ألف شكر

[geeemooo]

بسم الله الرحمن الرحيم

السلام عليكم ورحمة الله وبركاتة

السادة الكرام رواد المنتدي محتاج النصيحة

انا إنسان مصري أعمل في السعودية من 13 سنة تقريبا وظيفتي رئيس حسابات في شركة كبيرة وأتقاضي راتب حوالي 8000 ريال لم أستفد من غربتي كثيرا لأني كنت مبذر ولم أدرك ذلك إلا عندما تزوجت في عام 2003 خرجت من الزواج لا أملك إلا مبلغ 15000 جنية صحيح أنا صرفت حوالي 120000 جنية لبناء وتأثيث شقتي الكائنة في منزل ملك لي ولأخوتي ... المهم الأن لدي طفلين الكبير عمرة 4 سنوات والصغري 8 شهور ولا أريد أن يتعلم إبني هنا بالسعودية بمعني أنني قررت الرحيل من السعودية نهائيا كحد أقصي عندما يبلغ إبني 6 سنوات ....... ولو سارت الأمور كما أخطط لها بإذن الله سيكون الوضع بعد سنتيين ( عام 2010 ) كالتالي

1- مبلغ مدخر حوالي 350000 جنية

2- سيارة موديل 2008 ( طبعا إحنا حاليا عام 2010 )

فأنا أمام خيارين

الأول هو أن أستمر في السعودية وخاصة أن الراتب يوجد به زيادة سنوية

الثاني هو الإلتزام بما قررت سابقا بالرحيل من السعودية عام 2010

مع العلم إني لدي خبرات في زراعة ( الخضار ) فقط وأيضا عائلتي كانت تمتهن مهنة تجارة المواشي والجزارة وأنا شخصيا أحتاج للقليل من الخبرات لإتقانهم

انا من محافظة الدقهلية وأسكن بقرية ملاصقة لمدينة المنصورة

فهل تؤيدوني في قراري بالرحيل من المملكة أم الإستمرار ؟؟؟

في حالة تأيدكم لقرار الرحيل فما هي تصوراتكم لفرص الإستثمار أمامي في ظل المعطيات الموضحة

مع العلم أن عمري الأن 37 سنة ولي ميراث من الوالد رحمه الله ولكن أعتبر ذلك خارج حساباتي

أرجو منكم ألا تبخلوا علي بالنصيحة

وجزاكم الله خيرا

بص يا ياباشا

معاك واحد كان قاعد فى السعودية وشغال مدير حسابات بس مش بالمرتب ده الى انت بتاخده كان اقل بكتير وكانت معايا مراتى وبنت وكنت عايش مبسوط سيارتى كانت موديل 2002 وشقة مش بدفع فيها ولا ريال

وبعدين فكرت زى حلاتك كدة انى انزل واستقر فى مصر

الى عاوز اقولهولك انا نزلت واشتغلت فى شركة كبيرة جدا فى المنصورة (على فكرة انا بلدياتك) وباخد مرتب عالى جدا يعنى فى حدود 3000 جنيه وعندى شقة تمليك وانشاء الله هاجيب سيارة قريب ومع ذلك بندم اشد الندم وبضرب نفسى ميت جزمة انى فكرت التفكير ده وعلى رأى صاحبنا انا كان نفسى يجى ويعضنى مش فى كتفى لا لالالالالالالالالا فى دماغى الى فكرت التفكير ده

بص انا مش بشجعك على القعدة انا باقولك ماتنزلش الا لما عيالك يدخلوا الجامعة عشان تقدر تصرف عليهم وتجوزهم

والمعيشة عندك مهما كانت متعبة مش هاتكون زى المعيشة هنا فى مصر عشان كل حاجة هنا صعبة ومتعبة

وهاقولك حاجة شوف كدة لما تنزل اجازة هاتقدر تستحمل القعدة ولا لا صدقنى شسعورنا كلنا لما كنا بننزل اجازة كنا بنيجى على شهرين كدة ونكون عاوزين نرجع تانى مابالك بقة لو استقرييت هاتكره حياتك واليوم الى انت فكرت فيه انك تنزل

وربنا يهديك للطريق السليم

نصيحة ........................... خاليك خليك كككككككككككككككككككككككككككككككك

[كارمن]

هو ليه معظم الأخوة المغتربين مش بيفكروا إنهم يرجعوا لأنهم عاوزين يعيشوا مستريحين وعاوزين يعيشوا بعيد عن الدوشة وبعيد عن التوتر وبعيد عن حرق الدم والأخلاق الوحشة اللى فى

حضرتك متخيل ان الغربة دى بمزاجنا او اننا محاولناش نعيش العيشة الكريمة دى فى مصر وفشلنا ولا مبسوطين واحنا عايشين لوحدنا بدون اهل نفرح ونحزن لوحدنا هو دة سهل ومين قالك اننا هنا مش شايفين المر فى الشغل والكفالة وما ادراك ما الكفالة استعباد اسال اى حد فى الخليج عنها ثم ان لما واحد يتغرب 3 او 4 سنين يقدر ينزل عادى ويعيش لكن لما واحد يتغرب 20 سنة دة ينزل يعمل اية لسة هيبدا من الصفر وهو فى بدايات الخمسين ويعمل اسم لمشروعة امتة وهو بعيد عن البلد لايعرف ظروفها ولا اية المشروع اللى ينجح او يفشل فيها وطبعا هيلاقى الف واحد يقنعة بالف مشروع علشان يحقق اى استفادة من وراة دة حتى اصحابة زمنهم نسيوة ثم ان اول اسباب النجاح انك تعرف ظروف البلد اللى هتقيم فيها المشروع وهتنتج اية وتبيع لمين ومين المنافس لك دا احنا بننزل مصر نتوة فى شوارعها وككلامك دة لانك عايش فيها مبعدش عنها ولا جربت غيرها اتعودت يعنى وبعدين مين قالك اننا هنا بنعمل فلوس ونبعت وخلاص اتحداك لو اى حد متغرب عمل حاجة او راجع ثرى دة بالكتير يشترى شقة ويفرشها انا هنا 13 سنة مش عارفة املك ابسط المقومات اللى تجعلنى انزل وابدا مشروع احنا عايشين وبس انا للان مش عارفة اشترى شقة تليق بسنين الغربة والحرمان اللى عشناها سهل اوى تاخد قرار بالنزول لو لوحدك انما عندك اولاد ومدارس لو نزلت لا هلاقى زيها ولامعايا ادخل بالدولار وبعدين كلها ارض ربنا بنسعى فيها وبعدين احنا قربنا من 80 مليون لو قلنا 10 خارج مصر عندك 70 يطورو ويعمرو دا احنا شايلين عبء عن البلد ثم انة ببيقول 350 هما دول يعملو اية دلوقت دى مش فلوس انا طبعا مش قصدى moma دة حال كل المصريين فى الخارج ودخلهم تقريبا كدةثم ان فى مثل يقولك لو اديت كل فلوسك للفقراء مافعلت شىء سوى ان عدد الفقراء زادو واحد والبركة فيك

[كارمن]

هو ليه معظم الأخوة المغتربين مش بيفكروا إنهم يرجعوا لأنهم عاوزين يعيشوا مستريحين وعاوزين يعيشوا بعيد عن الدوشة وبعيد عن التوتر وبعيد عن حرق الدم والأخلاق الوحشة اللى فى

حضرتك متخيل ان الغربة دى بمزاجنا او اننا محاولناش نعيش العيشة الكريمة دى فى مصر وفشلنا ولا مبسوطين واحنا عايشين لوحدنا بدون اهل نفرح ونحزن لوحدنا هو دة سهل ومين قالك اننا هنا مش شايفين المر فى الشغل والكفالة وما ادراك ما الكفالة استعباد اسال اى حد فى الخليج عنها ثم ان لما واحد يتغرب 3 او 4 سنين يقدر ينزل عادى ويعيش لكن لما واحد يتغرب 20 سنة دة ينزل يعمل اية لسة هيبدا من الصفر وهو فى بدايات الخمسين ويعمل اسم لمشروعة امتة وهو بعيد عن البلد لايعرف ظروفها ولا اية المشروع اللى ينجح او يفشل فيها وطبعا هيلاقى الف واحد يقنعة بالف مشروع علشان يحقق اى استفادة من وراة دة حتى اصحابة زمنهم نسيوة ثم ان اول اسباب النجاح انك تعرف ظروف البلد اللى هتقيم فيها المشروع وهتنتج اية وتبيع لمين ومين المنافس لك دا احنا بننزل مصر نتوة فى شوارعها وككلامك دة لانك عايش فيها مبعدش عنها ولا جربت غيرها اتعودت يعنى وبعدين مين قالك اننا هنا بنعمل فلوس ونبعت وخلاص اتحداك لو اى حد متغرب عمل حاجة او راجع ثرى دة بالكتير يشترى شقة ويفرشها انا هنا 13 سنة مش عارفة املك ابسط المقومات اللى تجعلنى انزل وابدا مشروع احنا عايشين وبس انا للان مش عارفة اشترى شقة تليق بسنين الغربة والحرمان اللى عشناها سهل اوى تاخد قرار بالنزول لو لوحدك انما عندك اولاد ومدارس لو نزلت لا هلاقى زيها ولامعايا ادخل بالدولار وبعدين كلها ارض ربنا بنسعى فيها وبعدين احنا قربنا من 80 مليون لو قلنا 10 خارج مصر عندك 70 يطورو ويعمرو دا احنا شايلين عبء عن البلد ثم انة ببيقول 350 هما دول يعملو اية دلوقت دى مش فلوس انا طبعا مش قصدى moma دة حال كل المصريين فى الخارج ودخلهم تقريبا