تعيش حياتك وتوفر ااقل ولا تحرم نفسك وتوفر اكتر

[لولا]

أنا بأقول للى عايز يصرف كل مرتبه اوكى ماشى موافقك بس لكل طفل عندك من يوم ما يتولد

ضع له صندوق خاص به لأن مش عارف فى دفاتر توفير ولا لا فى الخارج

شوف البنت بعد 20 سنه تكون انت حوشت لها كام

500*12*20 = 120000 ريال يعنى بالمصرى 180000 جنيه تقريبا ً

شوف المبلغ دة يعمل ايه ليك ولبنتك وقتها

والولد كذلك

احسبوها من الاول كويس يا جماعة

انشالله تعيشوا كويس وبس توفروا المبلغ ده لكل طفل

دعوة بجد لكل اب وهتدعولى لو عملتوا كدة

أستاذ تامر..

اكيد مفيش حد فى الدنيا مهما شفنا انه عايش كويس حيكون بيصرف

كل مرتبه 100% .. طبعا ده لا يمكن ابدا ولا يقبله عقل او منطق.

الأسر المصريه غالبا تتغرب عن مصر فى بدايه حياتها لتوفير أساسيات

يكون الزوجين فى سعى لتوفيرها .. سواء شقه.. عفش .. عربيه..تحويشه

تساعد على مشروع ..وكده. وفعلا كله بيحقق الهدف الحمد الله.

بس بعد كده ونتيجة فطره الأب ولأم فى حب اولادهم الشديد بيضحوا

بكام سنه كمان غربه زياده عشان شقق كما لأولادهم.

وبعد الوصول للهدف .. تظهر اهداف أخرى..مثل فرش الأولاد..عربيات الأولاد

الخ الخ ....الى مالا نهايه. ويضيع كل العمر فى الغربه زى ما بشوف بيحصل

لأغلبيه المغتربين.

عشان كده انا قلت إن مساعدة الأولاد ليها حدود.. يعنى عند الشقة.. وخلينا

نقف شويه.. معقول يكون اللى بعد كده حق مكتسب لأبنك عليك؟

هل مفروض تعيش فى الغربه 25 سنه عشان تعمل كل ده.. ولا كفايه 10 سنين

وتكون وفرت أساسيات الحياه ليك وليهم.

طب لو كل ده واجب على الأهل الناس اللى مبتشتغلش فى الدول العربيه

تعمل ايه.. وتبص ازاى فى عين اولادها وهى مقصره فى واجباتها نحيتهم.

انا اظن انه يجب ان تكون هناك موازنه بين توفير احتياجات الأولاد المستقبليه

وانك ترجع برضه بلدك وانت فى صحتك انت ومراتك تعيشوا يومين حلوين.

وساعتها ابنك مش حيجى يقولك ليه ياباب متغربتش كمان سنتين وجبتلى عربيه؟

انت ساعدته فى شقه على قدك حتى لو كانت 60 متر هو بقى يكمل المشوار.

وربنا يفرحك بيه ويرزقك برزقه. ويارب الحال يتحسن فى مصر على الأقل للأجيال

اللى جايه دى.. وتفاءل ياعم يمكن تحصل معجزة ومتعرفش لو مسك البلد

جمال مبارك يمكن تبقى خضراااااااااااااااااااااااااااا :rolleyes:

وميرسي على موضوعك بتاع بيوحشك ايه فى مصر..لأنه بجد هايل وخلانى

اطلع جزء من اللى فى قلبى نحيه مصر.

[لولا]

احفظ قرشك الأبيض ليومك الأسود ... احنا في زمن مادي ...و والله لو دارت عليك الدنيا لن ينفعك بعد الله

الا نفسك وقرشك ... في هذا الوقت اقرب الناس لك قد يتخلى عنك في وقت الشدة .. خصوصآ اذا كان موضوع مادة

رأيي يا مدام لولا مع التوفير قدر المستطاع خصوصآ للمغترب ... بشرط الا يصل الى درجة البخل المنهي عنها خلقآ وشرعآ

وحكاية اصرف ما في الجيب يأتيك ما في الغيب .. غلط .. ولا اعرف احد اتبع هذة القاعدة الا وندم اشد الندم .

انت تقول يأخى راكان انه يجب على المغترب التوفير قدر المستطاع..احم.. احم :rolleyes:

المشكله ان هذا المستطاع يختلف من شخص لأخر..

انت هنا كما قرات وجدت حكايات لناس كان المستطاع عندها توفير كل الراتب

والعيش على زبادى..او صلصله..او بواقى خضار.. ايا يكن.

المهم ان درجة تحديد المستطاع يراها كل شخص بمنظور مختلف وذلك ما تسبب

فى حالات وفاه تلك النماذج. الإسلام يا اخى راكان هو دين وسطيه. والتوسط

فى الأمور هو خير الحلول . والزياده فى التوفير تحكمها ظروف اخرى..

لأن كل واحد له خلفيته البيئيه والثقافيه والإجتماعيه والفكريه اللتى تجعله

يختلف فى توجهاته عن الآخر. وفى ما يراه ضرورات او كماليات.

والتوفير فى النهايه يجب ان يكون بدون ضرر او ضرار.

ولا يوجد شئ حتما اسمه اصرف اليوم وسياتى غدا. ولكن العقل

زينه العقلاء. والإحتياط للزمن ضرورى.

ونحن كمسلمين نشأنا على الحديث النبوى(اعمل لدنياك كأنك تعيش

ابدا، واعمل لأخرتك كأنك تموت غدا).

وشكرا جزيلا على مداخلتك فى الموضوع.