ايه اكتر حاجة بتوحشك فى مصر

[iloveegypt]

بصراحة انا بفكر فى مصر يوميا رغم ان معى اسرتى والحمدلله

بس اكترحاجة بتوحشنى بعد ابى وامى واخواتى واصحابى

منظر النيل ليلة 14 هجريا والقمر مكتمل ومنظر طلاب المدارس وهم راجعين بعد الدراسةومنطقة الحسين وقت الفجرونص البلد بالليل وهى زحمة وحاجات كتيرررررررررر يارب قر بالبعيد ويجى شهر 1 الجى علشان اكون عند حبيبتى مصر

وياريت كل الاخوة اللى نازلين اجازة يسلمولى عليها لحد ماانزل

[vipwithyou]

كل حاجة ما عدا الروتين

[capitshino]

1- وش الناس

2- وسط البلد (القاهرة)

[ahmedarab]

مصر كلها وحشتنى اوىىىى

وزى ما قال ...كل حاجة ماعدا الروتين والتلوث و .......... الحكومة

تحياتى

[هشام عباس]

النيل .......... نسمة هوا الليل في الصيف ........... ضحكة امي

[metwallly]

السلام عليكم ورحمة الله وبركاته

أكتر حاجة بتوحشنى فى مصر.........................عارفين أيه

................................................................

اللمة فى كل حاجة.............................

فى الأفراح.................................

فى كل المناسبات........................

حتى اللمة فى الأكل.......................

وأهم حاجة تجمعى أنا وأصدقائى يوميا فى السهرة

تم تعديل 3 يوليو 2008 بواسطة metwallly

[لولا]

أكتر حاجة بتوحشنى فى مصر..

هوا مصر اللى ببقى عايزة اخده كله جوه صدرى من ساعه ما بخرج من المطار..

انى اشوف ناس كتير ماشيه فى الشارع..من كل نوع..راجل..طفل..بنت..ست..

اشوف حياه حقيقيه فى الشارع(الحاجة دى مش موجوده فى البلد اللى عايشه

فيها دلوقت).

انى اوصل البيت فأنده على البواب اديله عشره جنيه وااقوله طلعلى الشنط..

(هنا البواب باشا لا بيشيل ولا بيحط.... الحاجة الوحيده اللى بيحطها هى من

قدرك انت لو اتجرات وطلبت منه حاجه )

اننا نفتح باب الشقة نلاقى ام محمد الداده راقعه الزعروطة اللى هيه وفاتحة

بقها كده :D

انك تبدأ بعد كده تشم روائح متبقاش عارف تحدد هى ايه بالضبط..

وتعقد تقول انتوا عاملين ملوخيه؟ طب كفته؟ طب محشي ؟ طب فراخ محمره؟

ولا دى ريحة مكرونه بالبشاميل؟ احسن تكون فته؟ معقوله عملتوا ممبار؟

خلاص اكيد باميه باللحمه الضانى ورقاق ؟ وشوربه لسان العصفور..وورق عنب؟

...وبعدين تلاقى نفسك دخلت على اوضه السفرة واتارى كل ده..مرصوص على الطربيز

والجماهير كلها حواليك تتمنى تحط الأكل فى بقك عشان ما تتعبش وتمد ايدك .

وبعدين بعد الأكل تقعد احلى قعده مع اهلك وحبايبك وترجع تتحضن من كل واحد شويه

عشان وحشته ;)

تانى يوم بقى نتشيك على الأخر ونروح انا وجوزى السينما ونشترى اكبر علبه فشار

من الكفتريا وندخل القاعة من بدايه الإعلانات عشان منفوتش حاجة ونديها فشار .

(البلد اللى انا متغربه فيها مفيهاش سينما عشان كده بنيقى مسعورين عليها لما بننزل)

بيوحشنى فى مصر لما بعد كده اروح انا وجوزى نقف على الكوبرى فوق النيل ويحط جوزى

ايديه عليا..فتلاقى مليون واحد معدى يقوله.. شيل ايدك

ونموت على نفسنا من الضحك. :lol:

بيوحشنى فى مصر اركب مركب شراعى فى النيل بالليل انا وجوزى ونسرح نتأمل

النجوم قدى ايه هى كتيره وبتلمع.

بيوحشنى فى مصر شندوتشات الكبده والسجق من عند القلعة وزيزو نتانه :rolleyes:

بيوحشنى فى مصر المصيف.. والبحر والسمك المشوى.

بيوحشنى فى مصر الاقى ناس كتير قوى بتسمع اغانى محمد منير فى عربياتها.

بيوحشنى فى مصر ادخل محل كشرى واغرق الطبق شطه وابقى باكل واعيط واضحك mfb:

بيوحشنى فى مصر اهل مصر الأصوله..

بتوحشنى وسط البلد.. عمايرها..شوارعها.. ريحتها..كل حاجة فيها.

بتوحشنى فى مصرزياره الهرم فى الشتا..

بيوحشنى فى مصر الحسين الفجر.. وكوبايه شاى فى الفيشاوى.

بيوحششنى فى مصر اشترى ترمس من العربيه واازقز فيه واتف على النيل

من فوق الكوبرى :lol:

بتوحشنى فى مصر البطاطا فى الشتا..

اّه نسيت بيوحشنى الشتا اصلا(البلد اللى انا فيها حر على طول)

بيوحشنى فى مصر منظر الشغالات الصبح وهما بينفضوا السجاجيد فى البلكونه.

وبيوحشنى صوت بتاع الروبابكيا بينده..

والراجل اللى بيبيع قوطة كمان.. معرفش ليه بيقول مجنونه ياقوووووووووووووووووطة :blink:

بيوحشى اشوف الشباب فى نادى التجديف بتتمرن..

بيوحشى اشوف اى فنان صدفة واقعد اتنطط زى الهبله واقول..هو ده اللى بيطلع

فى التلفزيون.

بيوحشنى فى مصر اتفرج على الكتب والمجلات مرصوصه على الرصيف.

بيوحشنى فى مصر جمال اسكندريه فى عز الصيف..وسحرها فى عز الشتا.

بيوحشنى فى مصر كازينوا هابى دولفين والقعده فيه.

ولسه حاجات ياما بتوحشنى تانى فى مصر.. بس خلينى اسيب فرصة

لغيرى يقول وحشه ايه فى مصر wst::

*على فكره محبتش ااقول اى حاجة سلبيه هنا عن مصر.. خلينا هنا

نحب مصر ونفتكرها بعيون العاشق اللى لايمكن يشوف عيوب حببته.

[ahmos1]

ترابها و كل حاجة فيها حلوة او وحشة وشوش الناس حتى لو مكشرة و شوارعها حتى لو مكسرة و ميتها حتى لو معكرة باموت فيك يا بلدى

[قائد المدفعيه الهولنديه]

بغض النظر عن اهلك و اصدقائك..... انا بحب منظر النيل وقت المغرب .........شوارعنا القديمه بالبيوت اللى فيها بالذكريات ........وقفت البلكونه الساعه 6 الصبح مع اول نفس هواء نظيف يدخل صدرك

[هشام عباس]

عارفه يا لولا وانا بقرأ كلماتك!!!!!!!1 جسمي أشعر وعنيه دمعت وبجد بجد وحشني في مصر كل الي قلتيه

[لولا]

ياخبر.. انا معرفش ازاى نسيت ااقول دى كمان..

بيوحشنى فى مصر اكل حمام محشي عند فرحات اللى فى الحسين

القطط تقعد تلف حواليه لما تبقى خلاص حتنط فى الطبق :blink:

بيوحشنى فى مصر ريحة الطرشي والمخلل فى المحل اللى المعادى

عند الكوبرى.. وببقى نفسي اشرب كوبايه ميه طرشي بحالها لما بروح هناك :rolleyes:

بيوحشنى فى مصر الفول اللى البواب بيجيبه الصبح.. والطعميه اللى بتبقى ملفوفه

بورق الجرايد ومع كده تبقى فى نظرك احسن من طعميه افخم محل.

بيوحشنى فى مصر منظر الناس اللى حاطة سبت فى البلكونه وبتنزل السبت لما

تبقى عايزة تشترى حاجة من اى بياع معدى.. بحب المنظر دا قوى :happy:

بيوحشنى فى مصر ان كل واحد بيبقاله اسم حركى لذيذ اصحابه بيلقبوه بيه..

يعنى مثلا ..هانى يبقى هانى دمدم..ليه عشان راسه كبيره شويه!

محمد يبقى محمد لبو سريع ..ليه عشان رجليه طويله وخطوته واسعة!

وليد..يبقى وليد ابن الناس الكويسه..عشان مؤدب وميشتمش!

حنان..تبقى حنان بنت زيزى الرقاصة عشان امها كانت زمان بتشتغل رقاصة!

وهكذا يعنى انتوا عارفين بقيه الألقاب..اللى بتحسسنى ان الشعب ده

الذ شعب عربى واخف دم فى الوجود.

بيوحشنى فى مصر لما بتجرى ورانا عيله صغيره انا وجوزى وتفضل تقول

ربنا يخليهالك يابيه..طب يا رب تتجوزو..ونبص لبعض ونضحك.

بيوحشنى فى مصر احضر حفلات محمد منير فى حديقة الاوبرا ..

ويبقى كل اللى حوليا مجانين منير زى انا وجوزى :rolleyes:

بيوحشنى فى مصر مولد النبى وحلاوة المولد.

بيوحشنى فى مصر ايسكريم المنجا والفراوله ابو نص جنيه اللى فى وسط البلد.

بيوحشنى فى مصر منظر الناس متجمع بتدبح فى العيد الكبير.

بيوحشنى فى مصراشترى لب وفول سودانى واازقزهم فى البلكونه العصريه.

بيوحشنى فى مصر اسرح مع اى اتنين ماشين مسكين ايد بعض وشكلهم بيحبوا بعض

قوى وافضل ابتسم وااقول فى نفسي يارب يتجوزا :rolleyes:

تفتكروا انا كده خلصت الحاجات اللى بتوحشنى فى مصر؟

صدقونى .. اكيد لسه فى كتيييييييييييييييييييييييييييييييييييييير

حاجات بتوحشنى فى مصر!

[ahmedarab]

أكتر حاجة بتوحشنى فى مصر..

هوا مصر اللى ببقى عايزة اخده كله جوه صدرى من ساعه ما بخرج من المطار..

انى اشوف ناس كتير ماشيه فى الشارع..من كل نوع..راجل..طفل..بنت..ست..

اشوف حياه حقيقيه فى الشارع(الحاجة دى مش موجوده فى البلد اللى عايشه

فيها دلوقت).

انى اوصل البيت فأنده على البواب اديله عشره جنيه وااقوله طلعلى الشنط..

(هنا البواب باشا لا بيشيل ولا بيحط.... الحاجة الوحيده اللى بيحطها هى من

قدرك انت لو اتجرات وطلبت منه حاجه :rolleyes: )

اننا نفتح باب الشقة نلاقى ام محمد الداده راقعه الزعروطة اللى هيه وفاتحة

بقها كده :D

انك تبدأ بعد كده تشم روائح متبقاش عارف تحدد هى ايه بالضبط..

وتعقد تقول انتوا عاملين ملوخيه؟ طب كفته؟ طب محشي ؟ طب فراخ محمره؟

ولا دى ريحة مكرونه بالبشاميل؟ احسن تكون فته؟ معقوله عملتوا ممبار؟

خلاص اكيد باميه باللحمه الضانى ورقاق ؟ وشوربه لسان العصفور..وورق عنب؟

...وبعدين تلاقى نفسك دخلت على اوضه السفرة واتارى كل ده..مرصوص على الطربيز

والجماهير كلها حواليك تتمنى تحط الأكل فى بقك عشان ما تتعبش وتمد ايدك .

وبعدين بعد الأكل تقعد احلى قعده مع اهلك وحبايبك وترجع تتحضن من كل واحد شويه

عشان وحشته

تانى يوم بقى نتشيك على الأخر ونروح انا وجوزى السينما ونشترى اكبر علبه فشار

من الكفتريا وندخل القاعة من بدايه الإعلانات عشان منفوتش حاجة ونديها فشار .

(البلد اللى انا متغربه فيها مفيهاش سينما عشان كده بنيقى مسعورين عليها لما بننزل)

بيوحشنى فى مصر لما بعد كده اروح انا وجوزى نقف على الكوبرى فوق النيل ويحط جوزى

ايديه عليا..فتلاقى مليون واحد معدى يقوله.. شيل ايدك

ونموت على نفسنا من الضحك.

بيوحشنى فى مصر اركب مركب شراعى فى النيل بالليل انا وجوزى ونسرح نتأمل

النجوم قدى ايه هى كتيره وبتلمع.

بيوحشنى فى مصر شندوتشات الكبده والسجق من عند القلعة وزيزو نتانه

بيوحشنى فى مصر المصيف.. والبحر والسمك المشوى.

بيوحشنى فى مصر الاقى ناس كتير قوى بتسمع اغانى محمد منير فى عربياتها.

بيوحشنى فى مصر ادخل محل كشرى واغرق الطبق شطه وابقى باكل واعيط واضحك

بيوحشنى فى مصر اهل مصر الأصوله..

بتوحشنى وسط البلد.. عمايرها..شوارعها.. ريحتها..كل حاجة فيها.

بتوحشنى فى مصرزياره الهرم فى الشتا..

بيوحشنى فى مصر الحسين الفجر.. وكوبايه شاى فى الفيشاوى.

بيوحششنى فى مصر اشترى ترمس من العربيه واازقز فيه واتف على النيل

من فوق الكوبرى

بتوحشنى فى مصر البطاطا فى الشتا..

اّه نسيت بيوحشنى الشتا اصلا(البلد اللى انا فيها حر على طول)

بيوحشنى فى مصر منظر الشغالات الصبح وهما بينفضوا السجاجيد فى البلكونه.

وبيوحشنى صوت بتاع الروبابكيا بينده..

والراجل اللى بيبيع قوطة كمان.. معرفش ليه بيقول مجنونه ياقوووووووووووووووووطة

بيوحشى اشوف الشباب فى نادى التجديف بتتمرن..

بيوحشى اشوف اى فنان صدفة واقعد اتنطط زى الهبله واقول..هو ده اللى بيطلع

فى التلفزيون.

بيوحشنى فى مصر اتفرج على الكتب والمجلات مرصوصه على الرصيف.

بيوحشنى فى مصر جمال اسكندريه فى عز الصيف..وسحرها فى عز الشتا.

بيوحشنى فى مصر كازينوا هابى دولفين والقعده فيه.

ولسه حاجات ياما بتوحشنى تانى فى مصر.. بس خلينى اسيب فرصة

لغيرى يقول وحشه ايه فى مصر

*على فكره محبتش ااقول اى حاجة سلبيه هنا عن مصر.. خلينا هنا

نحب مصر ونفتكرها بعيون العاشق اللى لايمكن يشوف عيوب حببته.

ياخبر.. انا معرفش ازاى نسيت ااقول دى كمان..

بيوحشنى فى مصر اكل حمام محشي عند فرحات اللى فى الحسين

القطط تقعد تلف حواليه لما تبقى خلاص حتنط فى الطبق

بيوحشنى فى مصر ريحة الطرشي والمخلل فى المحل اللى المعادى

عند الكوبرى.. وببقى نفسي اشرب كوبايه ميه طرشي بحالها لما بروح هناك

بيوحشنى فى مصر الفول اللى البواب بيجيبه الصبح.. والطعميه اللى بتبقى ملفوفه

بورق الجرايد ومع كده تبقى فى نظرك احسن من طعميه افخم محل.

بيوحشنى فى مصر منظر الناس اللى حاطة سبت فى البلكونه وبتنزل السبت لما

تبقى عايزة تشترى حاجة من اى بياع معدى.. بحب المنظر دا قوى

بيوحشنى فى مصر ان كل واحد بيبقاله اسم حركى لذيذ اصحابه بيلقبوه بيه..

يعنى مثلا ..هانى يبقى هانى دمدم..ليه عشان راسه كبيره شويه!

محمد يبقى محمد لبو سريع ..ليه عشان رجليه طويله وخطوته واسعة!

وليد..يبقى وليد ابن الناس الكويسه..عشان مؤدب وميشتمش!

حنان..تبقى حنان بنت زيزى الرقاصة عشان امها كانت زمان بتشتغل رقاصة!

وهكذا يعنى انتوا عارفين بقيه الألقاب..اللى بتحسسنى ان الشعب ده

الذ شعب عربى واخف دم فى الوجود.

بيوحشنى فى مصر لما بتجرى ورانا عيله صغيره انا وجوزى وتفضل تقول

ربنا يخليهالك يابيه..طب يا رب تتجوزو..ونبص لبعض ونضحك.

بيوحشنى فى مصر احضر حفلات محمد منير فى حديقة الاوبرا ..

ويبقى كل اللى حوليا مجانين منير زى انا وجوزى

بيوحشنى فى مصر مولد النبى وحلاوة المولد.

بيوحشنى فى مصر ايسكريم المنجا والفراوله ابو نص جنيه اللى فى وسط البلد.

بيوحشنى فى مصر منظر الناس متجمع بتدبح فى العيد الكبير.

بيوحشنى فى مصراشترى لب وفول سودانى واازقزهم فى البلكونه العصريه.

بيوحشنى فى مصر اسرح مع اى اتنين ماشين مسكين ايد بعض وشكلهم بيحبوا بعض

قوى وافضل ابتسم وااقول فى نفسي يارب يتجوزا

تفتكروا انا كده خلصت الحاجات اللى بتوحشنى فى مصر؟

صدقونى .. اكيد لسه فى كتيييييييييييييييييييييييييييييييييييييير

حاجات بتوحشنى فى مصر!

أرجوكى خلاص ...كفاية :rolleyes:

انا فاضلى جملتين من دول كمان و..هاقعد اعيط .....وهايبقى منظرى وحش اوىىى فى الشغل كدة ...الله يسمحك :rolleyes:

بس بجد فعلا انتى عندك حق فى كل كلمة قولتيها ..,على فكرة لو كتبتى قد الكلام دة 10 مرات برضة الحجات الجميلة اللذيذة والبسيطة فى نفس الوقت اللى فى مصر عمرها ما هتخلص

ساعات كتير اوىىى بحس ان احلى حاجة فى مصر هى البساطة اللى فيها وفى ناسها ....تحسى ان الناس كلها منطلقة

الناس باين على وشوشها الطيبة والبساطة بالرغم من كمية المشاك والهموم اللى ممكن تخلى اى شعب تانى ينتحر...... بس على مين :blink: ....الفول بيعمل احلى شغل :happy:

[ايهاب سالم]

بيوحشني في مصر أهلي فقط

[aimen]

والله يا ايهاب انت واد سكره

[scada]

بصراحة كل اللى قولتوه عن مصر بيوحشنى بالاضافة

ضربة مدفع رمضان وقت المغرب

صلاة القيام فى مصر والتهجد

يوم ماتش الاهلى والزملك وغاليا الاهلى بيكسب للاسف :rolleyes:

صلاة الجمعة وبعد الصلاة اجيب اهرام الجمعة واقرأبريد الجمعة

بيوحشنى منظرالكتب وخصوصا رجل المستحيل وملف المستقبل وكوتيل 2000

بيوحشنى منظر الاسر وهى ماشية فى الشارع ومعها الاطفال

بيوحشنى الشغل واحنا بنفطر مع بعض الساعة 8.30

بيوحشنى التليفونات لوغيبت يوم عن الشغل علشان يطمنو عليا

بيوحشنى منظر طلاب الثانوية العامة ايام الامتحانات فى صلاة الفجر وهم رايحين للامتحانات

بيوحشنى الرجا بتاع الفول ابو سمن بلدى نفطر عنده بعد صلاة الفجر(الطبق ب 3 جنيه علشان بس تعرفو انى ارستقراطى)

بيوحشنى رائحة البيوت

وبصراحة انا لازم اصاحبك مهندس ايهاب حبيبى لحد مخليك تموت فى مصر وتسيبك من كندا :rolleyes: :happy: :rolleyes:

[لولا]

بيوحشني في مصر أهلي فقط

أستاذ ايهاب.. انا ديما بتابع رودك من زمان..

وبص بقى انت لو قعدت تقول مهما تقول

انك معادى العيشة فى مصر ومش بتشتاق

للتفاصيل الحلوه دى فى الحياه .. برضه

مش حنصدقك.

انت يا عم اكتر واحد بتحب مصر وتشتاق لمصر..

بس مشكلتك انك عامل زى سنفور غضبان(فيلم كرتون :rolleyes: )

سنفور دا قلبه طيب قوى ..بس على طول زعلان من اى حاجة

حتى من دبان وشه :rolleyes:

زمان فى اعدادى كنت بحب اقرا روايات عبير( روايات رومانسيه :rolleyes: )

كانت ديما الحكايه بتدور حولين قصة حب شديده قوى بتجمع البطل

مع البطله.. بس الإتنين بقعدوا طول الروايه يعاندوا فى بعض.. ويكابروا

نفسيهم .. وبالعافيه لما فى النهايه البطله بتعترف بحبها للبطل :happy:

[ايهاب سالم]

بيوحشني في مصر أهلي فقط

أستاذ ايهاب.. انا ديما بتابع رودك من زمان..

وبص بقى انت لو قعدت تقول مهما تقول

انت يا عم اكتر واحد بتحب مصر وتشتاق لمصر.

امال انا زعلان عليها و على وضعها حاليا ليه

انا باحبها طبعا

بس من بعيد لبعيد

عشان لما بارجع لها

مش باحبها خالص

احنا بيتنا هنا حته من مصر

بنفطر فول و طعميه في الاجازة

وبناكل كشري و حوواشي و شاورمه و مش و لب و حمص الشام

محلات البقاله العربي هنا مش سايبه حاجه مش جايباها

و بنتفرج ع الفضائيه المصريه و باقي القنوات الفضائيه العربيه

و باشوف ماتشات الدوري و المنتخب

يعني عايش عيشة مصر بس على نضافه

زي ما كنت عايشها في قطر

بس لما بارجع مفرمة مصر

كل الحاجات دي مش بيكون لها طعم

عشان الخنقه

تم تعديل 3 يوليو 2008 بواسطة ايهاب سالم

[nizza la bella]

اكتر حاجة بتوحشنى هم الاهل والاصدقاء

[مونتى]

مصر كلها وحشانى

هوا العصارى على شط البحر الصحبه فى بحرى

الزحمه فى ميامى وسيدى بشر الله الله على محطه الرمل

عـــــــــــ :rolleyes: ــــــــــــاشق تراب مصر

[لولا]

بيوحشني في مصر أهلي فقط

أستاذ ايهاب.. انا ديما بتابع رودك من زمان..

وبص بقى انت لو قعدت تقول مهما تقول

انت يا عم اكتر واحد بتحب مصر وتشتاق لمصر.

امال انا زعلان عليها و على وضعها حاليا ليه

انا باحبها طبعا

بس من بعيد لبعيد

عشان لما بارجع لها

مش باحبها خالص

احنا بيتنا هنا حته من مصر

بنفطر فول و طعميه في الاجازة

وبناكل كشري و حوواشي و شاورمه و مش و لب و حمص الشام

محلات البقاله العربي هنا مش سايبه حاجه مش جايباها

و بنتفرج ع الفضائيه المصريه و باقي القنوات الفضائيه العربيه

و باشوف ماتشات الدوري و المنتخب

يعني عايش عيشة مصر بس على نضافه

زي ما كنت عايشها في قطر

بس لما بارجع مفرمة مصر

كل الحاجات دي مش بيكون لها طعم

عشان الخنقه

يا خرابى يأستاذ.. انت كده فكرتنى انى نسيت اقول على الحواوشي

اصلى بحبه موت :rolleyes:

على فكره انا عرفة انت قصدك ايه وحاسس بإيه..

انا جوزى ليه توجهات فكريه مشابهه ليك تماما

وقادره افهم كويس معنى ان مش كل الناس سابت

مصر عشان الفلوس. فى ناس ملقتش فى مصر

اساسيات انك تكون انسان محترم :rolleyes:

بس بلاش نتكلم على الحاجات دى هنا.

خلينا نشوف مصر زى ما بنحلم بيها..

مش لازم الواقع ديما يجرح حلمنا.