ايه اكتر حاجة بتوحشك فى مصر

[لولا]

الاخوة الافاضل م ايهاب ا ياسر ا المصرى الاخت لولا ا سيد متولىا مصرى جدا ا سكادا كلكم فكرتونى بمصر

بس ياريت بلاش النظارة البسوداء لكل حاجة فى مصر وخصوصا فى هذا الموضوع لان الغرض الساسى ذكر الايجابياتالمرة دى علشان خاطرى وشكرا لمداخلاتكم الجيلة

نرجو لموضوعنا

اكتر حاجة بتوحشنى فى مصر ضحكة النا س الجميلة

رمضان فى مصر روعة

العيد صلاته تجنن (فى الاستاد والله يا مهندس ايهاب :happy: )بضحك معاك لحسن تزعل

وحشتنى الدورات الررمضانية بتاعت الكورة بس انا احشن واحد يشجع

وحشنى حلقات تحفيظ القران فى المسجد واحلى صحبة فى الدنيا كانت بتاعت المسجد

وحشنى ريحة هوا مصر رجعلك قريب B)

والله العظيم هم يضحك وهم يبكى.

احب اشكر صاحب الموضوع الأصلى على مشاعره الجميله دى.

انا طبعا مقصدتش النظاره السودة بالمعنى الحرفى للكلمه ولا حتى كل الكلام

انا بس كنت حاسه بغصه فضيعة انى حتى الحلم مش قادره اكمله

فى حاجة اسمها السخريه من الآلم.. يعنى ممكن تبقى موجوع قوى

وتضحك . بس الغريبه بقى ان ساعتها يجى حد يقفش فى كلامك

كده من غير اى وجه منطق ويطلعك شتمت البلد!!

انا قلت ان مصر مش حتوحشنى طالما مش مستحميه

ده على سبيل السخريه..لأن طبعا شوقى لمصر عمره

ما كان باشكل التافهه ده! يعنى مليون حاجة حلوه قلتها

وحشنى فى مصر اتمسحت قصاد تعبير ساااااااااااااااااااخر واحد

مش مقصود اصصصصصصصصصصصصصصلا بمعناه الحرفى.

بصراحة لا تعليق!

واسجل احترامى لكل واحد هنا وبعتبر الكل هنا زى اخواتى.

وعشان ننهيها بإبتسامة الأخ اللى سأل عن مصادر الإشتياق

للحواوشي اقوله.. انها مصادر مبنيه على الطفاسه بعيد عنك..

ولذاذه اللحمه الضانى وقرمشه العيش المصرى وقزازة كولا معاها..

مع طبق طرشي طبعا B)

تم تعديل 5 يوليو 2008 بواسطة لولا

[Yasser_71]

من متابعتى للمنتدى من فترة أقترح عمل منتدى جديد باسم محاورات الكنديين :happy:

ماعرفش لية الناس تاعبة نفسها

فريق فى كندا ومغرم بيها وعاوز يثبت انه اختار صح وعاوز يقنع الباقى بكدة عن طريق ابراز وتضخيم كل مساوئ مصر (وهيه كتير وموجودة وكلنا عارفينها)

فريق تانى بيحب مصر وبيموت فيها ومش عاوز يسلم بانهيارها وعاوز يتمسك بكل أمل فى بقائها كحضن دافئ ومكان جميل يجمع كل ذكرياته الجميلة

الحقيقة مافيش فريق هيقنع التانى لان كل فريق له مبرراته ودوافعة واسبابه

عن نفسى (واتمنى رجلى ماتجيش فى الخناقة B) ) عشت 5 سنين فى أمريكا وعندي طفلين يحملوا الجنسية الامريكية وأحب أروح تانى أمريكا لفترات محدودة وعمري ما حبيت ولا حلمت ولا فكرت ولا سعيت انى أعيش هناك علي طول لا في أمريكا ولا كندا

مش معنى كدة ان مصر فيها استادات أحلى أو خضرة أحلي أو مستشفيات أحلى بس أنا باحسيها من ناحية تانية

لو قضيت عمرى كله في مصر أو كندا وقابلت ربنا يوم القيامة هيكون راضى عنى أكتر في أي مكان

جاوب مع نفسك بأمانة (مش لازم ع المنتدى) وتوكل على اللة

نقطة أخيرة

مش كل اللي في مصر وطنيين ومش كل اللى برة بياعين

لكن أكيد كلنا مصريين ويا ريت نخدم مصر في أي مكان والأهم نرضى ربنا

تحياتى

[عصام أبوالفتح]

قبلة على كف الحبيبة أمى .. وعلى كف الغالى أبى

مفيش حاجة تعادلهم فى الكون كله

مصر معنى مجرد يتجسد الان فقط فى الأهل والأحبه .. ودول بجد اللى بيوحشونى .

جميع الصور الاخرى التى تجسد هذا المعنى انهارت تماما واصبحت معانى سلبية تبعث على الضيق والاحباط بل والاشمئزاز .

[محمد عبدالعزيز]

وعشان ننهيها بإبتسامة الأخ اللى سأل عن مصادر الإشتياق

للحواوشي اقوله.. انها مصادر مبنيه على الطفاسه بعيد عنك..

ولذاذه اللحمه الضانى وقرمشه العيش المصرى وقزازة كولا معاها..

مع طبق طرشي طبعا

يا أخت لولا أنا ماكنتش بأسخر من كلامك.

بالعكس أنا حسيت بكل كلمة قلتيها وعارف إنتى تقصدى إيه كويس

أنا بس حبيت أوضح للأخ اللى بيسألنى عن الإحصائيات والبيانات وتحليل البيانات إن الموضوع بيتكلم عن مشاعر وأحاسيس مش عن تعداد سكان مصر.

يارب ترجعى مصر بالسلامة وتشوفى وتعملى كل اللى وحشك فيها.

تم تعديل 5 يوليو 2008 بواسطة محمد عبدالعزيز

[iloveegypt]

ايه حكاية الحواوشى وهل له علاقة بالعولمة والميتافيزيقيا wst::

يصراحة فكروتونى بحاجة بردة بتوحشنى فى مصر كان هناك محل كبدة مشهور بجوار محطة مصركان طلبة الجامعة مسمينه على هو هو

بس كان بيعمل كبدة نار وكان زحمة موووووووت

وبصارحة كورنيش النيل فى الصعيد يجنن لان النيل اكثراتساعا فى مصر الوسطى والصعيد

ولا الاقصر واسوان اجمل من الخيال

ويصراحة انا من عشاق المترو حتى لو زحمة فهو مثال للانضباط والاحترام والجمال بس عيبه محطة مبارك :blink:

تم تعديل 6 يوليو 2008 بواسطة iloveegypt

[لولا]

الناس الطيبه اللى قال عنهم منير:

ناس بتبكش لجل تعيش

حابس حابس عفريت كابس

ينزل قالع يطلع لابس

واللي بيرقص ع المسامير

واللي بإبره بيفحت بير

واللي بينفخ في المزامير

يفضل ينفخ لما يموت .

[yassir]

بصراحة كلام بيقطر سم وسواد ...

الإخوة اللي قرفانين من مصر .. تأكدوا تماماً هي تبادلكم نفس الشعور ... وتتمنى ان تعيشوا وتموتوا وتندفنوا بعيداً عنها ... فارض مصر لا يُمكنها أن تحتوي شخص بهذا السواد وهذا الكُره لها ....

يا ريت والله العظيم لو طلبات سحب الجنسية بترتبط بالعاطفة والأُمنية .. كنت أول واحد طلب سحب الجنسية عنكم ...

فما أسهل إنك تقول مصر مش مستحميه أو مصر ما وحشتنيش لإنها ياي فيها حاجات وحشة ... او تقعد في التكييف وتقعد تعد المساويء اللي فيها .. اللي إنتو نفسكو كنتوا سبب من مسببات تلك المساويء بسلبيتكم ومصمصة شفايفكم .... فّا لم تكن قدمت شيئاً لها ... فالأولى لك ان تسكت وتتوارى بعيداً عن الأنظار لإنك لا تستحق أن تنتمي لتلك الأرض الطيبة التي قابلت إحسانها لك بكل جحود وتعالي لمجرد إنك مسكتين قرشين في إيدك ومعك جواز سفر أخر تحسبه إنه تذكرة الدخول للجنة ... !!!!!!!

وأتمنى من كل قلبي إن ربنا يوعد كل واحد بيكره مصر بالشكل ده .. ربنا يوعده بأولاد عاقين يقولوا له في يوم من الأيام : ما اعطلكش أنا سايبك وماشي لإنك مش مستحمي .. او إنت يابا راجل فقير .. فلما تتغني إن شاء الله ويهبط عليك الذهب والفضة من السماء أبقى أشوف هارجعلك ولا لأ ..

آه بالمناسبة ... حاولوا كده تعرضوا التنازل عن جنسياتكم المصرية اللي قرفانين منها لأي حد مالوش وطن زي إخوتنا الفلسطينيين وشوفوا هايندفع لكم كام فيها ....

واتمنى ان نقابلكم بإذن الله يوم القيامة ونرى زرعكم وغرسكم لأودلاكم في تلك البلاد ..... زي ما هانشوف كده أبو وام واجداد باراك أوباما بعد ما كانوا مسلمين موحدين بالله وفجأة طلع لهم إبن تحول للمسيحية وبقى يحلف بالطلاق في كل مقابلة إنه لا مسلم ولا يعرف حاجه عن الإسلام بل اصبح يتنصل ويتهرب من كل رمز إسلامي حتى المحجبات اللي كانوا جايين بكل نية صافية يسلموا عليه .. وكل ده الأب والام هما اللي مسئلين عنه .. لإنك ما تحطش البنزين جنب النار وتقعد تعيط وتقول الدنيا ولعت

وبما إنكم إخترتوا الدُنيا .. فبإذن الله نشوف يوم القيامة عملتوا إيه لنفسكم ولأودلاكم في الأخرة ...

يا سلام على ديموقراطيه الحوار و احترام رأى الأخر, و طبعا أى رد يخالف الأراء و الاتهامات المطروحه يحذف للشخصنه أو نألفه أى أى عذر أخر ....شى طبيعى يعنى عشرات السنين من التربيه فى ظل قانون الطوارىء حيفرز ايه ....أحتقرار لرأى الأخر و كلامكم بيقطر سم و يارب تموتوا و اللى يرد أو يفتح بقه ......أحذفها انا علشان أحرمك حضره المشرف الفاضل من المتعه دى ...

ياسلام شعور جميل أكتب اللى انا عايزه ...أقولهم أنكم السبب فى خراب البلد أمال أصل لما كنت فى مصر كنت قائد المعارضه و مكنتش الحكومه تقدر تمرر أى قانون من تحت عينينا...تعذيب ايه ...كلام فاضى ده كل واحد فى مصر يقدر يشارك فى المعارضه و الأصلاح من غير ما حد يلمسه ....دول خونه المهاجريين دول فاكريين نفسهم قال ايه حيعرفوا يربوا عيالهم ال ...كلام فارغ ...لازم ينزلوهم مصر علشان يتربوا بين أمهات المسلمين و الصحابه هناك و يطلعوا عندهم شخصيه ناضجه و متدينين زى كل شباب مصر ...دا فى مصر المحرك الرئيسى لمجريات الحياه هو الدين و احترام الشرع ...كل القوانين مصدرها الشريعه ...أمال

شى طبيعى أن يقدم المشرف الفاضل طلبات بسحب الجنسيه و ياريت كمان يرفق بطلب بسحب الأنتماء الدينى و التقدم بطلب لحكومات الدول التى تحتضن المهاجريين دول بطلب لأضافه كلمة كافر فى جوازاتهم لأنهم تجرؤا و انتقدوا مصر ....و بسخريه كمان ...يا نهار أسود ...للدرجه دى وصلت بيكم الخيانه ...

مفيش ضروره لبذل مجهود كبير فى الرد على ما تضمنه التعليق ...لانه حيحذف ...أمال ديموقراطيه لاتتجزأ ....بس أنشاء الله حنتقابل يوم القيامه و ساعتها حنسأله أنت ليه كتبت فى الكتاب الى بعتهولنا... المستضعف يهاجر ...مش كان المفروض يقاوم و يترمى فى السجن و يثور و عساكر الأمن المركزى يضربوه بالجذمه ...مش المفروض انه يقول رايه فى الجرايد و يتخطف و يجردوه من ملابسه فى الشارع و يترمى علشان يكون عبره لغيره....ليه قلت للمستضعف هاجر مش قاوم ....ساعتها حنعرف اذا كان اللى عملناه فى عيالنا كان خير ولا شر ...و الف ألف شكر من مهاجر من الخونه اللى مصر بتكرهم من كل قلبها على الرد الملىء بالتعبيرات الأيجابيه و التقارب من رأى الأخر و نصائح المسلم لأخيه ...أعتقد أى حد من الصحابه مكنش ممكن يكتب أرق من كده لمختلف معه فى الرأى ...

[moheltohamy]

والله يا أخ ياسر ، الحكاية زادت عن حدها بجد مؤخراً...

لدرجة إني - أنا نفسي - ممنوع من أن أذكر كلمة الرقابة ، أو الإشراف (مجرد الذكر) في مداخلاتي!!!

يعني إنتا خرجت من مصر ، وقلت هتترحم من الكبت والحجر على صوتك ، وحتى التجمع المصري ده قلت أخيراً اللي عاوز حاجة هيقولها... بس برضه كله زي بعضه! الرقـ **** موجودة في كل مكان

المفروض اللي بيحبها يقول ، واللي بيكره فيها حاجة يقول برضه ، ده أبسط قواعد حرية الرأي!

ولما أكون زعلان من أمي ، أنا حر أعاتبها ، ولا أقول لها يا ماما إنتي وحشة عشان عملتي كذا وكذا! لكن على يبدو دي أم السادة المشـ ***** فقط! واحنا يمكن أبناءها بالتبني

ومش انتا لوحدك اللي هتتحذف على ما يبدو!

[Alshiekh]

يا سلام على ديموقراطيه الحوار و احترام رأى الأخر, و طبعا أى رد يخالف الأراء و الاتهامات المطروحه يحذف للشخصنه أو نألفه أى أى عذر أخر ....شى طبيعى يعنى عشرات السنين من التربيه فى ظل قانون الطوارىء حيفرز ايه ....أحتقرار لرأى الأخر و كلامكم بيقطر سم و يارب تموتوا و اللى يرد أو يفتح بقه ......أحذفها انا علشان أحرمك حضره المشرف الفاضل من المتعه دى ...

ياسلام شعور جميل أكتب اللى انا عايزه ...أقولهم أنكم السبب فى خراب البلد أمال أصل لما كنت فى مصر كنت قائد المعارضه و مكنتش الحكومه تقدر تمرر أى قانون من تحت عينينا...تعذيب ايه ...كلام فاضى ده كل واحد فى مصر يقدر يشارك فى المعارضه و الأصلاح من غير ما حد يلمسه ....دول خونه المهاجريين دول فاكريين نفسهم قال ايه حيعرفوا يربوا عيالهم ال ...كلام فارغ ...لازم ينزلوهم مصر علشان يتربوا بين أمهات المسلمين و الصحابه هناك و يطلعوا عندهم شخصيه ناضجه و متدينين زى كل شباب مصر ...دا فى مصر المحرك الرئيسى لمجريات الحياه هو الدين و احترام الشرع ...كل القوانين مصدرها الشريعه ...أمال

شى طبيعى أن يقدم المشرف الفاضل طلبات بسحب الجنسيه و ياريت كمان يرفق بطلب بسحب الأنتماء الدينى و التقدم بطلب لحكومات الدول التى تحتضن المهاجريين دول بطلب لأضافه كلمة كافر فى جوازاتهم لأنهم تجرؤا و انتقدوا مصر ....و بسخريه كمان ...يا نهار أسود ...للدرجه دى وصلت بيكم الخيانه ...

مفيش ضروره لبذل مجهود كبير فى الرد على ما تضمنه التعليق ...لانه حيحذف ...أمال ديموقراطيه لاتتجزأ ....بس أنشاء الله حنتقابل يوم القيامه و ساعتها حنسأله أنت ليه كتبت فى الكتاب الى بعتهولنا... المستضعف يهاجر ...مش كان المفروض يقاوم و يترمى فى السجن و يثور و عساكر الأمن المركزى يضربوه بالجذمه ...مش المفروض انه يقول رايه فى الجرايد و يتخطف و يجردوه من ملابسه فى الشارع و يترمى علشان يكون عبره لغيره....ليه قلت للمستضعف هاجر مش قاوم ....ساعتها حنعرف اذا كان اللى عملناه فى عيالنا كان خير ولا شر ...و الف ألف شكر من مهاجر من الخونه اللى مصر بتكرهم من كل قلبها على الرد الملىء بالتعبيرات الأيجابيه و التقارب من رأى الأخر و نصائح المسلم لأخيه ...أعتقد أى حد من الصحابه مكنش ممكن يكتب أرق من كده لمختلف معه فى الرأى ...

الفاضل / 'yassir' لن أرد نيابة عن العضو الذى هاجمته فهو كفيل بأن يرد عن اتهاماتك له.

لكن مالفت نظرى انك لم تفرك بين النقد للنظام او لسلوكيات الناس ، والتنكر للبلد التى انجبتك وعلمتك والتى بدون ذلك ماكان لك ان تجلس الى الكمبيوتر لتتنكر لها ، بما انك فى كندا فأنت تعلم كم تتكلف دراسة الهندسة التى درستها فى مصر على حساب دافعى الضرائب فى مصر وعلى حساب الفقراء الذين لم يكن لهم حظا من التعليم ، لتأتى فى النهاية انت او غيرك وتتنكرون لفضل مصر وفضل اهل مصر عليك وعلى غيرك..

ياسيدى الفاضل هل انت لاجئ سياسى؟ وتريد ان تصور لنا انك انما تركت مصر هربا من السجون والعتقلات المفتوحة للسياسيين والتى تصور مصر وكأنها معتقل كبير يبلغ عدد نزلائه 80 مليون؟

كلنا مهمومون بأمر مصرنا وبأمر اهالينا فى مصر ، حتى لو هاجرنا وتمتعنا بالعيش فى دول المهجر ، فلا يزال تنتابنا غصة عندما نتذكر تراب مصر ، حوائط مدارسنا وكلياتنا ، لماذا الجحود ونكران الجميل؟

[Alshiekh]

عندما أضطر رسول الله صلى الله عليه وسلم للهجرة من مكة الى المدينة ، نظر إلى مكة وقال:

ما أطيبك من بلد وأحبك إليّ! ولولا أن قومي أخرجوني منك ما سكنت غيرك.

قالها وهو هاربا من مكة لينجو بحياته بعد أن قررت قريش وكفار مكة قتله واتفقوا على ذلك.

هجرها ولكنه ماكرهها وماكره قريش ، بل انه عاد اليها فى اول فرصة للعودة ولم يخربها او يقتل اهلها حقدا وانتقاما ممن اخرجوه منها.

الا يكون لنا فى رسول الله اسوة حسنة؟

صدقونى كل حاجة فى مصر بتوحشنى ، يمكن باكون زعلان من السلبيات الموجودة ، ولكن لو فكرنا ليه السلبيات دى موجودة ، وايه دورنا كأناس مثقفين شوفنا العالم وشوفنا الحاجات اللى نفسنا ننقلها لبلادنا ؟ احنا مش علينا دور ، والا احنا اتعودنا نأخذ وبس؟

أنا عشت فى الجيزة ، وفى السبتية لبعض الوقت ، وعشت معظم حياتى فى اسكندرية ، قضيت خدمتى العسكرية مابين انشاص والفردان وسرابيوم وابو سلطان وفايد ، وصدقونى انى لما افتكر حتى رمل الصحراء بيوحشنى ، كورنيش اسكندرية ، وترام الرمل بيوحشنى ، ايام لما كنت فى مصر كنت ساعات اروح شارع شعراوى فى لوران علشان اتفرج على مدرستى الابتدائى ، كنت اروح ثروت مخصوص علشان اشوف مدرستى الاعدادى ، باكوس علشان اشوف مدرستى الثانوى.

كل حتة فيكى يااسكندرية بتوحشنى ، لما افتكر السبتية وافتكر البيت اللى سكنت فيه لبعض الوقت وهدم فى زلزال 1992 ، اشعر بالألم على الرغم من انه كان بيت متهالك وقديم .

محطات الاتوبيس والترام اللى اتعلمنت استنى البنت عندها علشان ترمى نظرة او ابتسامة بتوحشنى ، شاطئ سيدى بشر وميامى بيوحشونى ، حتى صخور شاطئ السراى والبوصة والسنارة بيوحشونى. ياه ياه. البيوت الحيطان ... احنا اتعلمنا ننطق بابا وماما فى مصر ، او حتى امه وآبه اتعلمناها فى مصر ، مش عارف ليه البعض معرفش يتعلم حب بلده !!!

كل حاجة بتوحشنى بس الظاهر انا عاطفى شوية او ان البعض السكينة لسه سارقاه ، لكن اعتقد اننا بنتمنى نندفن فى مصر.

تعرفوا ، ياسلام على الصدف ، انا باكتب الكلام واغنية " بين شطين وميه عشقتك عينيا ... ياغليين عليا ياأهل اسكندرية " شغالة فى التليفزيون على الفضائية المصرية

الناس اللى عايشة بره فى اوروبا او امريكا الشمالية شافوا الحياة هناك شكلها ايه ، ليه مابيحاولوش ينقلوا التجارب اللى شافوها من الشعوب وليس فقط الحكومات الى من يعرفونهم ، والا احنا بنطلع بره علشان نمتع نفسنا وبس؟

متهيأ لى كفاية كده احسن انا جوايا كثير.

[moheltohamy]

الفاضل / 'yassir' لن أرد نيابة عن العضو الذى هاجمته فهو كفيل بأن يرد عن اتهاماتك له.

يا نهار أبيض

كفيل؟ دا كفيل ونص! انتا هتقول لي؟!!

وربنا يستر ع اللي هيحصل!

[محمد عبدالعزيز]

صدقونى كل حاجة فى مصر بتوحشنى ، يمكن باكون زعلان من السلبيات الموجودة ، ولكن لو فكرنا ليه السلبيات دى موجودة ، وايه دورنا كأناس مثقفين شوفنا العالم وشوفنا الحاجات اللى نفسنا ننقلها لبلادنا ؟ احنا مش علينا دور ، والا احنا اتعودنا نأخذ وبس؟

الناس اللى عايشة بره فى اوروبا او امريكا الشمالية شافوا الحياة هناك شكلها ايه ، ليه مابيحاولوش ينقلوا التجارب اللى شافوها من الشعوب وليس فقط الحكومات الى من يعرفونهم ، والا احنا بنطلع بره علشان نمتع نفسنا وبس؟

أحييك يا أستاذ محمد, أعتقد الفقرتين اللى فى الاقتباس دول بيلخصوا الاختلاف فى وجهات النظر بيننا وبين بعض الأخوة المهاجرين, واللى بصراحة أنا ماكنتش قادر أقولهم فى أى مداخلة تانية عشان مايجيش واحد من الأخوة المهاجرين ويقول: "اتفضل, مصر قدامك ورينا حتعمل لها إيه".

وأنا أعلم من مداخلات أخرى لحضرتك أنك مهاجر, وأن هذه الكلمات سيكون لها مصداقية أكثر عندما تخرج من مهاجر زيه زيهم.

لما واحد فينا بيقول الكلام اللى حضرتك قلته ده, بيقولوا علينا إما عاطفيين أو حاقدين وبنحسدهم على النعمة اللى هما فيها أو إننا عشان ماشفناش بلاد تانية غير مصر فاحنا جاهلين و مش قادرين نفهم بيتكلموا عن إيه.

أحييك مرة أخرى يا أستاذ محمد وربنا يكتر من أمثالك.

[لولا]

الأخت الفاضله لولا,

حبيت بس أوضحلك هنا فى الموضوع الجديد أنى لاكان قصدى أن أصيبك بدش بارد و لاحاجه ,أنا كنت بعلق بسخريه , لافندت أراء و لاطرحت أدله و لاكان فى كلامى أحصائيات , كان مجرد سخريه بتسمعى زيها كل يوم من عمر أديب لو كنت من متابعيه ....و لاكان قصدى أفسد موضوعك بكل أمانه ....و عذرا اذا تسببت فى اخراجك من حاله العشق الوطنى بمداخلتى فى موضوعك السابق ووعد منى لن أتدخل بأى راي فى أى موضوع لكى.... حرصا على عدم افساد متعه المشاركيين بموضوعاتك القيمه ...

...مستقيل و لا بدمع العين أمضى و لاحاجه ....بس حأطوى هذه الصفحه من رأيى و أمضى.....مع الأعتذار لكاظم الساهر ....

الأستاذ الفاضل ياسر.

على فكره انا عارفه كويس انت كان قصدك ايه. وفاههه انك كنت بتعلق بسخريه .. وانا كمان ريت برضه

بسخريه..وما بين السخريه والسخريه كان الألم!

عموما لم انظر بتاتا لك ويشهد الله تعالى انك تعمدت افساد شيء لا حوار ولا موضوع.

المشكله يا ياسر انك كنت شديد الصدق ! والصدق يأتى من شده الآلم!

لم ارى يوما احدا يتألم فيكذب! ورغم ذلك من قال ان الجميع حولك سيفهم صدقك.

الموضوع الذى تتحدث عنه تمت المزايدات عليه بشكل غير مقبول من البعض وذلك فقط

هو ما ازعجنى ( راجع موضوعى تقدر توصف مصر فى كلمتين).

لقد تم تفسير الغضب والوجع من السلبيه والنظام والنهب الذى تعرضت له البلد وتدنى اخلاق

البعض بأنه رده تستحق الصلب!

فى موضوعاتى ستكون هناك دوما وابدا مساحة عريضه للراى الآخر مهما كان.. لأن الآخر

سيظل موجودا حتى لو انكرناه وانكرنا حقه فى الحياه!

فى موضوعاتى سيكون هناك دائما الرقى والإحترام للغير فى اسلوب الطرح والنقاش

وحتى الجدل .

لذلك استغرب ان تقرر انك ستقاطع كافه مواضيعى !!

ولو حدث واختلفنا يوما فى راى سأكون انا انا.. وستظل انت الآخر. وانا دوما احترم الآخر.

نحن هنا فى منتدى حوارى ياسيدى ليس المطلوب فيه موافقه كافه الآراء لراى واحد

ولا كافه المشاعر لشخص واحد. المساحة كبيره وتتحمل دوما الراى والراى الآخر.

اتمنى ان تسحب الإستقاله. لأن الإستقاله مرفوضه

ثم الا تعتقد ان الحوار الهادى قد يغير الكثير من نظرتنا للأمور؟

عندما يكون هناك مراهق فى البيت له راى معين. هل سيقوم الأب برمى

الإبن فى الشارع لأنه غير راضى عن تفكيره وكلامه ام يحاول مناقشته بهدوء

وبحب ومنطقيه ؟ هذه هى يا جماعة هى روح الإسلالالالالالالالالالالالام.

وهذا الإسلوب المتعصب الذى يصدر من البعض لم يكن ليكون سمه الإسلام

يوما. الرسول صلى الله عليه وسلم كان يحترم الجميع حتى لو وصلت درجة

الإختلاف معهم فى الديانه . وتحضرنى حكايه عن الرسول عندما كان جالس مع صحبه

فمرت جنازة يهودى من امامه فقام واقفا. فقال له صحبه: لما تقف يا رسول الله والجنازة

ليهودى؟ فرد الرسول فى اروع درس للبشريه: اوليست روح .

روح!

روح يهودى احترمها الرسول !

ونحن هنا ماذا؟ كلنا ارواح !

اليس من اولى ان نتخذ من رسول الله قدوه لنا.

سأكون فى انتظار مشاركاتك الدائمه فى مواضيعى وكافة الزملاء المحترمين هنا

والزميلات العزيزات الفاضلات.

باحبها...وألعن أبوها بعشق زي الداء, شعر صلاح جاهين

[لولا]

عندما أضطر رسول الله صلى الله عليه وسلم للهجرة من مكة الى المدينة ، نظر إلى مكة وقال:

ما أطيبك من بلد وأحبك إليّ! ولولا أن قومي أخرجوني منك ما سكنت غيرك.

قالها وهو هاربا من مكة لينجو بحياته بعد أن قررت قريش وكفار مكة قتله واتفقوا على ذلك.

هجرها ولكنه ماكرهها وماكره قريش ، بل انه عاد اليها فى اول فرصة للعودة ولم يخربها او يقتل اهلها حقدا وانتقاما ممن اخرجوه منها.

الا يكون لنا فى رسول الله اسوة حسنة؟

صدقونى كل حاجة فى مصر بتوحشنى ، يمكن باكون زعلان من السلبيات الموجودة ، ولكن لو فكرنا ليه السلبيات دى موجودة ، وايه دورنا كأناس مثقفين شوفنا العالم وشوفنا الحاجات اللى نفسنا ننقلها لبلادنا ؟ احنا مش علينا دور ، والا احنا اتعودنا نأخذ وبس؟

أنا عشت فى الجيزة ، وفى السبتية لبعض الوقت ، وعشت معظم حياتى فى اسكندرية ، قضيت خدمتى العسكرية مابين انشاص والفردان وسرابيوم وابو سلطان وفايد ، وصدقونى انى لما افتكر حتى رمل الصحراء بيوحشنى ، كورنيش اسكندرية ، وترام الرمل بيوحشنى ، ايام لما كنت فى مصر كنت ساعات اروح شارع شعراوى فى لوران علشان اتفرج على مدرستى الابتدائى ، كنت اروح ثروت مخصوص علشان اشوف مدرستى الاعدادى ، باكوس علشان اشوف مدرستى الثانوى.

كل حتة فيكى يااسكندرية بتوحشنى ، لما افتكر السبتية وافتكر البيت اللى سكنت فيه لبعض الوقت وهدم فى زلزال 1992 ، اشعر بالألم على الرغم من انه كان بيت متهالك وقديم .

محطات الاتوبيس والترام اللى اتعلمنت استنى البنت عندها علشان ترمى نظرة او ابتسامة بتوحشنى ، شاطئ سيدى بشر وميامى بيوحشونى ، حتى صخور شاطئ السراى والبوصة والسنارة بيوحشونى. ياه ياه. البيوت الحيطان ... احنا اتعلمنا ننطق بابا وماما فى مصر ، او حتى امه وآبه اتعلمناها فى مصر ، مش عارف ليه البعض معرفش يتعلم حب بلده !!!

كل حاجة بتوحشنى بس الظاهر انا عاطفى شوية او ان البعض السكينة لسه سارقاه ، لكن اعتقد اننا بنتمنى نندفن فى مصر.

تعرفوا ، ياسلام على الصدف ، انا باكتب الكلام واغنية " بين شطين وميه عشقتك عينيا ... ياغليين عليا ياأهل اسكندرية " شغالة فى التليفزيون على الفضائية المصرية

الناس اللى عايشة بره فى اوروبا او امريكا الشمالية شافوا الحياة هناك شكلها ايه ، ليه مابيحاولوش ينقلوا التجارب اللى شافوها من الشعوب وليس فقط الحكومات الى من يعرفونهم ، والا احنا بنطلع بره علشان نمتع نفسنا وبس؟

متهيأ لى كفاية كده احسن انا جوايا كثير.

الأستاذ الفاضل القدير محمد.

ارفع قبعتى احتراما لك. ولأسلوب مداخلتك الراقى جدا والمليء بالمشاعر

الصادقه المحترمه.

وللهدوء فى اسلوب النقاش.. والرقى فى التعبيرات.

[لولا]

عندما أضطر رسول الله صلى الله عليه وسلم للهجرة من مكة الى المدينة ، نظر إلى مكة وقال:

ما أطيبك من بلد وأحبك إليّ! ولولا أن قومي أخرجوني منك ما سكنت غيرك.

قالها وهو هاربا من مكة لينجو بحياته بعد أن قررت قريش وكفار مكة قتله واتفقوا على ذلك.

هجرها ولكنه ماكرهها وماكره قريش ، بل انه عاد اليها فى اول فرصة للعودة ولم يخربها او يقتل اهلها حقدا وانتقاما ممن اخرجوه منها.

الا يكون لنا فى رسول الله اسوة حسنة؟

صدقونى كل حاجة فى مصر بتوحشنى ، يمكن باكون زعلان من السلبيات الموجودة ، ولكن لو فكرنا ليه السلبيات دى موجودة ، وايه دورنا كأناس مثقفين شوفنا العالم وشوفنا الحاجات اللى نفسنا ننقلها لبلادنا ؟ احنا مش علينا دور ، والا احنا اتعودنا نأخذ وبس؟

أنا عشت فى الجيزة ، وفى السبتية لبعض الوقت ، وعشت معظم حياتى فى اسكندرية ، قضيت خدمتى العسكرية مابين انشاص والفردان وسرابيوم وابو سلطان وفايد ، وصدقونى انى لما افتكر حتى رمل الصحراء بيوحشنى ، كورنيش اسكندرية ، وترام الرمل بيوحشنى ، ايام لما كنت فى مصر كنت ساعات اروح شارع شعراوى فى لوران علشان اتفرج على مدرستى الابتدائى ، كنت اروح ثروت مخصوص علشان اشوف مدرستى الاعدادى ، باكوس علشان اشوف مدرستى الثانوى.

كل حتة فيكى يااسكندرية بتوحشنى ، لما افتكر السبتية وافتكر البيت اللى سكنت فيه لبعض الوقت وهدم فى زلزال 1992 ، اشعر بالألم على الرغم من انه كان بيت متهالك وقديم .

محطات الاتوبيس والترام اللى اتعلمنت استنى البنت عندها علشان ترمى نظرة او ابتسامة بتوحشنى ، شاطئ سيدى بشر وميامى بيوحشونى ، حتى صخور شاطئ السراى والبوصة والسنارة بيوحشونى. ياه ياه. البيوت الحيطان ... احنا اتعلمنا ننطق بابا وماما فى مصر ، او حتى امه وآبه اتعلمناها فى مصر ، مش عارف ليه البعض معرفش يتعلم حب بلده !!!

كل حاجة بتوحشنى بس الظاهر انا عاطفى شوية او ان البعض السكينة لسه سارقاه ، لكن اعتقد اننا بنتمنى نندفن فى مصر.

تعرفوا ، ياسلام على الصدف ، انا باكتب الكلام واغنية " بين شطين وميه عشقتك عينيا ... ياغليين عليا ياأهل اسكندرية " شغالة فى التليفزيون على الفضائية المصرية

الناس اللى عايشة بره فى اوروبا او امريكا الشمالية شافوا الحياة هناك شكلها ايه ، ليه مابيحاولوش ينقلوا التجارب اللى شافوها من الشعوب وليس فقط الحكومات الى من يعرفونهم ، والا احنا بنطلع بره علشان نمتع نفسنا وبس؟

متهيأ لى كفاية كده احسن انا جوايا كثير.

الأستاذ الفاضل القدير محمد.

ارفع قبعتى احتراما لك. ولأسلوب مداخلتك الراقى جدا والمليء بالمشاعر

الصادقه المحترمه.

وللهدوء فى اسلوب النقاش.. والرقى فى التعبيرات.

احببت ان اضيف ايضا. ان مقوله الإختلاف فى الراى لا يفسد للود قضيه حتما

موجوده هنا.

ولكن والحق يقال ما رايته انا كقارئه لكلام ياسر لم اشعر انه مصرى متنكر لمصر

وكل ما يظهر من كلام الأخ انه ناقم وبشده على النظام فى مصر وقد وضح ذلك

والأسباب وراء ما يشعره. والأخ موجوع من اشياء كثيره فى البلد .. وعندما قال دى مش بلدى

دى مسخ كان واضحا جدا انه يقصد كل ما شوه مصر.. وجه مصر الذى كنا نعرفه منذ الأزل

..من الناحيه الأدبيه كلمه مسخ تعنى تشوه الوجه.. تعنى القبح .. ووجه مصر لا ينكر احد منا انه قد شوه وانه ما عاد كما كان .. فهل لو قال الطفل لأمه انا خائف من حضنك يا ماما.. وشك بقى وحش

قوى.. اتظن انها ترميه للسباع وتغضب من كلامه لأنه يجب ان لا يرى الطفل امه سوى ست الحسن

وجميله الجميلات .. وحلوه يا بلدى .. وشويه غزل فى البلد .

ما هى مصر .. سألت هذا السؤال فى موضوع اوصف مصر .. مصر اشياااااااااااااااء

واشياء. ولكن روح مصر هى ارض مصر.. وارض مصر لا يمكن ان بشوهها احد

ولكن المعالم مشوهه وياسر وامثاله كثيرون .لا نملك انكار ما يشعلرون ولا ما يفكرون

بهذه الطريقه لأنه رغم نقمه يحب هذه الأرض مثلنا جميعا.. لأنها ارض الجميع.لأنها وطن.

وكونه مهاجر

لا يمنحنا الحق فى اتهامه انه بهجرته قد تجنى على البلد او انكر انها قد ربته او علمته

او او ..

والله يا استاذ محمد يعلم الله عندما دخلت الموضوع لقراءت ردك كم احترمت اسلوبك

الهادى العبارات فى الكلام.. وكميه المشاعر التى وردت فى كلامك عن البلد فى الحديث

ولكن امانه الحديث وابداء الراى من وجهه نظرى الشخصيه ترى ان هناك كم هائل

من الهجوم قد انصب على الشاب وان الطريقه التى عبر بها س س عن رايه كانت

خاليه تماما من حدود احترام شخوص الآخرين. ونحن اولا واخيرا بشر كل يملك

نفسه فى الرد على قدر استطاعته. وياسر رد على الهجوم وكان جليا من رده

انه قد جرح من كلام س س الذى اتخذ المنحى الشخصى .

وانا نفسي انزعجت من هذا الأسلوب فى الرد او الدفاع او النقاش ايا تكن الصوره

التى يرى فيها س س نفسه ولكنى حاولت جاهده تمالك نفسي لأنى لا احب

الإنسياق وراء هذا النوع من الإستقزاز الذى قد يؤدى الى عواقب تقلل من قدرى او قدر من امامى

ولكن الرد من س س يا استاذ محمد وصل لمرحله نعت المهاجرين بأولاد الخواجات اللى تلاقيهم

حتى مبيدفعوش زكاه ربنا!!!!!!!!!!!!!!!!!!!!!!!!!!!

هل هذا مقبول ؟ استحلفك بالله هل هذا الكلام مقبول

لقد سعيت للرد على هذا الكلام بمنتهى الأدب وبإقتضاب شديد حتى لايتسع الموضوع

اكثر فما كان من س س غير ان محى الكلمات التى تدينه من الفاظ اولاد الخواجات

وان المهاجرين مبيدفعوش زكاة ربنا من موازين الكلام وتجاهل ما قاله ثم عاد للحلبه مره اخرى كا لحمل الوديع وكاننى

مجنونه عندما رددت عليه. ويظهر فى ردى عليه كلمه الزكاة شي بين العبد وربه

فهل كنت مجنونه عندما ذكرتها وتطرقت لها اذا لم يكن هو اصلا من استخدم

اداء هذا الركن من اركان الإسلام بشكل غير مقبول ونصب نفسه اله عالم بالغيب

ومطلع على ما تخفى السرائر والقلوب ؟!

ارجوا ان يكون هناك تقبل لكلامى لأنى لا اسعى هنا سوى لأن تعم المشاعر

الطيبه بين الجميع.

تم تعديل 8 يوليو 2008 بواسطة لولا

[yassir]

الفاضل محمد,

رغم أختلافنا فى الرأى لم أجد فى ما كتبت ما يسبب ألما فى صدرى أو مراره فى حلقى , وجدت وجهة نظر مختلفه و اعتراض على قول و أتفاق فى الأخر و تساؤلات , فاسمحلى أجيبك على التساؤلات لأبرىء ساحتى و أوضح الأمر...

لكن مالفت نظرى انك لم تفرك بين النقد للنظام او لسلوكيات الناس ، والتنكر للبلد التى انجبتك وعلمتك والتى بدون ذلك ماكان لك ان تجلس الى الكمبيوتر لتتنكر لها ، بما انك فى كندا فأنت تعلم كم تتكلف دراسة الهندسة التى درستها فى مصر على حساب دافعى الضرائب فى مصر وعلى حساب الفقراء الذين لم يكن لهم حظا من التعليم ، لتأتى فى النهاية انت او غيرك وتتنكرون لفضل مصر وفضل اهل مصر عليك وعلى غيرك..

1-لم يكن المقام يسمح بطرح مقاله طويله أتطفل بها على موضوع الفاضله لولا لأشرح فيها كل سلبيه و من المتسبب فيها , كنت اعتقد أنا وصلنا لمرحله من النضج السياسى الذى يسمح لنا دون اشاره مباشره من المسئول عما آل ايه الوضع فى مصر ...كنت أعتقد أن الجميع يعلم من يحمل وزر و تبعه الأمر و سيسأل عنه يوم القيامه .أنا لم أحمل الناس أى مسئوليه , فالناس ياسيدى قبل عمر بن عبد العزيز هى الناس بعد توليه ....الذى تغير هو عمر بن عبد العزيز .....

2-أما فيما تفضلت به من أنى أجلس للكومبيوتر لأتنكر لها فردى تعلمه أنت أكثر منى , لأنك أطلعت على موضوعاتى سابقا و أضفت فيها فى أحد المرات , هل كل ما أوضحت فيها من جوانب الحياه فى كندا و توضيحات للمهاجريين المصريين و المهندسين يصنف من باب التنكر لأهلى ...

3-هل اعضاء المنتدى الذين قابلتهم هنا و تزاورنا و أعنتهم بمعرفتى للحياه هنا يصنف من باب التنكر ؟ و انا فى هذا المقام لاأذكر ذلك تفاخرا و انما استشهد به من باب دفع تهمه التنكر لأهلى...مصر كما أوضحت الأخت لولا مسبقا ليست الشوارع و البيوت و نيل و غير ذلك من مشاهد الحياه اليوميه , مصر هى الناس و التكافل و التعاون معهم لايشترط أى يحدث فى داخل الأحداثيات التى تحدد الحدود المصريه ...على العكس العون فى الأغتراب أوقع و أهميته أكبر .....

4- هناك أصرار على تسميه ما تحصل عليه فى مصر تعليم و أننا نحصل عليه بالمجان ,أنت أقدر ان كنت من مهاجرى الولايات المتحده على المقارنه بين الاتعليم بالمجان و التعليم بفلوس , ولايتسع المجال لتحليل مدى العلاقه بين التعليم و الحياه العمليه فى مصر و الخارج و أعتقد أنك تعلم تصنيف الجامعات المصريه و ترتيبها على مستوى العالم ......

ياسيدى الفاضل هل انت لاجئ سياسى؟ وتريد ان تصور لنا انك انما تركت مصر هربا من السجون والعتقلات المفتوحة للسياسيين والتى تصور مصر وكأنها معتقل كبير يبلغ عدد نزلائه 80 مليون؟

- أنا لست لاجىء من أى نوع سياسى أو غير سياسى ,أنا مهاجر مثل الاف المهاجرين و حصلت على الجنسيه أنا و عائلتى و لم أكن يوما هاربا أو مدانا أو مراقبا و لم أكن يوما مسجون سابق بأى تهمه ....و لكن هل يجب أن يعاقب الأنسان على مشاعره ....هل عندما خرجنا هنا فى أونتاريو ألافا ضد حرب العراق سأل أحد ...هو أنت عراقى ...

هل عندما أحضر لقاءات البيت الفلسطينى لأسمع حكايات من حضر فتره الأربعينيات و قصص من هدمت بيوتهم و شردت أسرهم و أتعاطف مع هذا يجب أن أكون فلسطينى المولد ....

هل عندما أناصر سورى أو لبنانى يرشح نفسه لأى منصب فى مجلس المدينه أو برلمان المقاطعه يشترط على أن أكون من جلدته و الأ شك فى نصرتى له و أهدافها ...

الشعور بالمسلم فى محنته لا يحتاج الى توصيف أو تبرير , يحتاج فقط الى صدق فى المشاعر و بقدر ما كانت المشاعر صادقه ...كانت الرد قاسيا .....

كلنا مهمومون بأمر مصرنا وبأمر اهالينا فى مصر ، حتى لو هاجرنا وتمتعنا بالعيش فى دول المهجر ، فلا يزال تنتابنا غصة عندما نتذكر تراب مصر ، حوائط مدارسنا وكلياتنا ، لماذا الجحود ونكران الجميل؟

هناك كلمه أعتقد ناقصه فى عبارتك ...أحسبك تقصد ... حتى لو دفعنا الى الهجره و ليس هاجرنا .... منذ متى ياسيدى عشق المصريين الهجره و طرقوا أبواب سفارات الدول ... و من قال أن المهجر متعه , لو أن الهجره و أقتلاع الجذور من الأرض متعه... فخروج الروح ترفيه ...و السؤال أستراحه ...و الحساب أستجمام .... و لكن البديل هو التنازل المستمر ...ليس ماديا فغالبيه من يهاجرون لا يحتاجون المهجر من أجل جنى الأموال على العكس ...نحن الذين نفيد المهجر بأموالنا و أخلاقياتنا ...فنحن لانلقى أهلنا فى ملاجىء الكهول و العجزه لتنفق الحكومه عليهم بل نحمل أهلنا فوق رؤوسنا و لن نوفيهم قدرهم مهما فعلنا ....نحن ندفع ضرائب مثل المواطن الذى ولد بالمهجر بل و تستثمر أموالنا قبل أن تطأ أقدامنا أرض المهجر ....

الغصه التى تصيبك ياسيدى فدليل على ما أقول , ربما أنت تحلم بالمكان أما انا فأحلم أن يكون مثل مانرى هنا ,أنت تتذكر الماضى و أنا أرى الحاله التى آل اليها المكان بعد أن أمتدت اليه يد الأهمال ,انت تحن للمكان ....مجرد حنين ...أما انا فأتحسر عما سيكون عليه مستقبل الباقى بعدنا فى المكان و قد أعتورته المشاكل من كل جانب ....

مجرد أختلاف فى مواقع الكراسى و لكن فى النهايه الكل متفرج .....

[TorontoBack]

الفاضل محمد,

رغم أختلافنا فى الرأى لم أجد فى ما كتبت ما يسبب ألما فى صدرى أو مراره فى حلقى , وجدت وجهة نظر مختلفه و اعتراض على قول و أتفاق فى الأخر و تساؤلات , فاسمحلى أجيبك على التساؤلات لأبرىء ساحتى و أوضح الأمر...

لكن مالفت نظرى انك لم تفرك بين النقد للنظام او لسلوكيات الناس ، والتنكر للبلد التى انجبتك وعلمتك والتى بدون ذلك ماكان لك ان تجلس الى الكمبيوتر لتتنكر لها ، بما انك فى كندا فأنت تعلم كم تتكلف دراسة الهندسة التى درستها فى مصر على حساب دافعى الضرائب فى مصر وعلى حساب الفقراء الذين لم يكن لهم حظا من التعليم ، لتأتى فى النهاية انت او غيرك وتتنكرون لفضل مصر وفضل اهل مصر عليك وعلى غيرك..

1-لم يكن المقام يسمح بطرح مقاله طويله أتطفل بها على موضوع الفاضله لولا لأشرح فيها كل سلبيه و من المتسبب فيها , كنت اعتقد أنا وصلنا لمرحله من النضج السياسى الذى يسمح لنا دون اشاره مباشره من المسئول عما آل ايه الوضع فى مصر ...كنت أعتقد أن الجميع يعلم من يحمل وزر و تبعه الأمر و سيسأل عنه يوم القيامه .أنا لم أحمل الناس أى مسئوليه , فالناس ياسيدى قبل عمر بن عبد العزيز هى الناس بعد توليه ....الذى تغير هو عمر بن عبد العزيز .....

2-أما فيما تفضلت به من أنى أجلس للكومبيوتر لأتنكر لها فردى تعلمه أنت أكثر منى , لأنك أطلعت على موضوعاتى سابقا و أضفت فيها فى أحد المرات , هل كل ما أوضحت فيها من جوانب الحياه فى كندا و توضيحات للمهاجريين المصريين و المهندسين يصنف من باب التنكر لأهلى ...

3-هل اعضاء المنتدى الذين قابلتهم هنا و تزاورنا و أعنتهم بمعرفتى للحياه هنا يصنف من باب التنكر ؟ و انا فى هذا المقام لاأذكر ذلك تفاخرا و انما استشهد به من باب دفع تهمه التنكر لأهلى...مصر كما أوضحت الأخت لولا مسبقا ليست الشوارع و البيوت و نيل و غير ذلك من مشاهد الحياه اليوميه , مصر هى الناس و التكافل و التعاون معهم لايشترط أى يحدث فى داخل الأحداثيات التى تحدد الحدود المصريه ...على العكس العون فى الأغتراب أوقع و أهميته أكبر .....

4- هناك أصرار على تسميه ما تحصل عليه فى مصر تعليم و أننا نحصل عليه بالمجان ,أنت أقدر ان كنت من مهاجرى الولايات المتحده على المقارنه بين الاتعليم بالمجان و التعليم بفلوس , ولايتسع المجال لتحليل مدى العلاقه بين التعليم و الحياه العمليه فى مصر و الخارج و أعتقد أنك تعلم تصنيف الجامعات المصريه و ترتيبها على مستوى العالم ......

ياسيدى الفاضل هل انت لاجئ سياسى؟ وتريد ان تصور لنا انك انما تركت مصر هربا من السجون والعتقلات المفتوحة للسياسيين والتى تصور مصر وكأنها معتقل كبير يبلغ عدد نزلائه 80 مليون؟

- أنا لست لاجىء من أى نوع سياسى أو غير سياسى ,أنا مهاجر مثل الاف المهاجرين و حصلت على الجنسيه أنا و عائلتى و لم أكن يوما هاربا أو مدانا أو مراقبا و لم أكن يوما مسجون سابق بأى تهمه ....و لكن هل يجب أن يعاقب الأنسان على مشاعره ....هل عندما خرجنا هنا فى أونتاريو ألافا ضد حرب العراق سأل أحد ...هو أنت عراقى ...

هل عندما أحضر لقاءات البيت الفلسطينى لأسمع حكايات من حضر فتره الأربعينيات و قصص من هدمت بيوتهم و شردت أسرهم و أتعاطف مع هذا يجب أن أكون فلسطينى المولد ....

هل عندما أناصر سورى أو لبنانى يرشح نفسه لأى منصب فى مجلس المدينه أو برلمان المقاطعه يشترط على أن أكون من جلدته و الأ شك فى نصرتى له و أهدافها ...

الشعور بالمسلم فى محنته لا يحتاج الى توصيف أو تبرير , يحتاج فقط الى صدق فى المشاعر و بقدر ما كانت المشاعر صادقه ...كانت الرد قاسيا .....

كلنا مهمومون بأمر مصرنا وبأمر اهالينا فى مصر ، حتى لو هاجرنا وتمتعنا بالعيش فى دول المهجر ، فلا يزال تنتابنا غصة عندما نتذكر تراب مصر ، حوائط مدارسنا وكلياتنا ، لماذا الجحود ونكران الجميل؟

هناك كلمه أعتقد ناقصه فى عبارتك ...أحسبك تقصد ... حتى لو دفعنا الى الهجره و ليس هاجرنا .... منذ متى ياسيدى عشق المصريين الهجره و طرقوا أبواب سفارات الدول ... و من قال أن المهجر متعه , لو أن الهجره و أقتلاع الجذور من الأرض متعه... فخروج الروح ترفيه ...و السؤال أستراحه ...و الحساب أستجمام .... و لكن البديل هو التنازل المستمر ...ليس ماديا فغالبيه من يهاجرون لا يحتاجون المهجر من أجل جنى الأموال على العكس ...نحن الذين نفيد المهجر بأموالنا و أخلاقياتنا ...فنحن لانلقى أهلنا فى ملاجىء الكهول و العجزه لتنفق الحكومه عليهم بل نحمل أهلنا فوق رؤوسنا و لن نوفيهم قدرهم مهما فعلنا ....نحن ندفع ضرائب مثل المواطن الذى ولد بالمهجر بل و تستثمر أموالنا قبل أن تطأ أقدامنا أرض المهجر ....

الغصه التى تصيبك ياسيدى فدليل على ما أقول , ربما أنت تحلم بالمكان أما انا فأحلم أن يكون مثل مانرى هنا ,أنت تتذكر الماضى و أنا أرى الحاله التى آل اليها المكان بعد أن أمتدت اليه يد الأهمال ,انت تحن للمكان ....مجرد حنين ...أما انا فأتحسر عما سيكون عليه مستقبل الباقى بعدنا فى المكان و قد أعتورته المشاكل من كل جانب ....

مجرد أختلاف فى مواقع الكراسى و لكن فى النهايه الكل متفرج .....

مش انا قولتلك.ما تريح دماغك يابواسكندر و خليك كووووول

[Alshiekh]

الفاضل محمد,

رغم أختلافنا فى الرأى لم أجد فى ما كتبت ما يسبب ألما فى صدرى أو مراره فى حلقى , وجدت وجهة نظر مختلفه و اعتراض على قول و أتفاق فى الأخر و تساؤلات , فاسمحلى أجيبك على التساؤلات لأبرىء ساحتى و أوضح الأمر...

هناك كلمه أعتقد ناقصه فى عبارتك ...أحسبك تقصد ... حتى لو دفعنا الى الهجره و ليس هاجرنا .... منذ متى ياسيدى عشق المصريين الهجره و طرقوا أبواب سفارات الدول ... و من قال أن المهجر متعه , لو أن الهجره و أقتلاع الجذور من الأرض متعه... فخروج الروح ترفيه ...و السؤال أستراحه ...و الحساب أستجمام .... و لكن البديل هو التنازل المستمر ...ليس ماديا فغالبيه من يهاجرون لا يحتاجون المهجر من أجل جنى الأموال على العكس ...نحن الذين نفيد المهجر بأموالنا و أخلاقياتنا ...فنحن لانلقى أهلنا فى ملاجىء الكهول و العجزه لتنفق الحكومه عليهم بل نحمل أهلنا فوق رؤوسنا و لن نوفيهم قدرهم مهما فعلنا ....نحن ندفع ضرائب مثل المواطن الذى ولد بالمهجر بل و تستثمر أموالنا قبل أن تطأ أقدامنا أرض المهجر ....

الغصه التى تصيبك ياسيدى فدليل على ما أقول , ربما أنت تحلم بالمكان أما انا فأحلم أن يكون مثل مانرى هنا ,أنت تتذكر الماضى و أنا أرى الحاله التى آل اليها المكان بعد أن أمتدت اليه يد الأهمال ,انت تحن للمكان ....مجرد حنين ...أما انا فأتحسر عما سيكون عليه مستقبل الباقى بعدنا فى المكان و قد أعتورته المشاكل من كل جانب ....

مجرد أختلاف فى مواقع الكراسى و لكن فى النهايه الكل متفرج .....

الآخ الفاضل / 'yassir'

ربما لم تصلك رسالتى بالمعنى الذى قصدته أنا.

ياأخى ياحبيبى انا لم اتهمك ولا يمكننى ان اتهم اى عضو بانه ناكر لبلده او ناكرا للجميل.

كل مافى الأمر اننى استخدمت اسلوب نستخدمه عندما نجد ان واحدا من اخوتنا عامل امه او ابوه بطريقة نراها قاسية ، فنحاول ان نذكره بفضل الاب والام عليه حتى ولو كان هذا الفضل فى مرحلة الطفولة فقط ، كان هذا كل مافى الأمر.

ولكننى واثق من ان كلنا تقريبا نحزن ويدمى قلبنا ان نرى هوان بلدنا على الامم ونتمنى لها ان تقف شامخة عالية حاضنة لابناءها وليست طاردة لهم.

نريد مصرنا جاذبة للناس من انحاء العالم كما كان فى الماضى.

واعتقد اننى ذكرت فى بداية مداخلتى قول الرسول عليه الصلاة والسلام عندما هاجر من مكة ، وكذلك نحن ، نقولها كما قال الرسول ، لولا اننا اضطررنا لان نسكن ديارا غير ديارنا ماسكناها ، وكلنه التطلع لحياة اقتصادية افضل ، ويارب نرجع علشان نندفن فيها بالقرب من جثامين احبابنا واجدادنا.

[yassir]

كل مافى الأمر اننى استخدمت اسلوب نستخدمه عندما نجد ان واحدا من اخوتنا عامل امه او ابوه بطريقة نراها قاسية ، فنحاول ان نذكره بفضل الاب والام عليه حتى ولو كان هذا الفضل فى مرحلة الطفولة فقط ، كان هذا كل مافى الأمر.

ولكننى واثق من ان كلنا تقريبا نحزن ويدمى قلبنا ان نرى هوان بلدنا على الامم ونتمنى لها ان تقف شامخة عالية حاضنة لابناءها وليست طاردة لهم.

نريد مصرنا جاذبة للناس من انحاء العالم كما كان فى الماضى.

واعتقد اننى ذكرت فى بداية مداخلتى قول الرسول عليه الصلاة والسلام عندما هاجر من مكة ، وكذلك نحن ، نقولها كما قال الرسول ، لولا اننا اضطررنا لان نسكن ديارا غير ديارنا ماسكناها ، وكلنه التطلع لحياة اقتصادية افضل ، ويارب نرجع علشان نندفن فيها بالقرب من جثامين احبابنا واجدادنا.

الأخ الفاضل محمد ,

مداخلتك المهذبه المحترمه ليست مستغربه منك على الأطلاق فهذا ما تعودناه منك , اتفق معك فى أمنياتك . و لنا فى رسول الله الأسوه الحسنه فى كل شىء فهو قدوتنا و مرجعنا فى أى مما شجر بيننا..... عسى الله أن يرضيه عنا و نستحق شفاعته .

[لولا]

بقلم الشاعر احمد فؤاد نجم :

أنا مصرى أبن مصرى وليا الشرف

برغم المهانة برغـــــــــــــــم القرف

برغم الزبالة اللى مالية الشــــــوارع

برغم الفســـــــــــاد اللى بيه أعترف

سمو معـــــــــــــــالى رئيس الوزارة

نتيجة موظف بسيـــــــــــــط أنحرف

برغم المجاعة اللى داخلين عليهــــــا

وفينا اللى عـــــــايش حياته فى ترف

برغم البطــــــــالة فى أوضة وصالة

برغم أن أخر جنيـــــــــــــه اتصرف

برغم طـــــــــــابور الصباح السخيف

وكل منايا يادوب كــــــــــــــام رغيف

برغم أسايـــــــــا لمنظر عشايـــــــــــا

وأقول مش مهم يــــــــــا واد نام خفيف

برغم إنى شايف بــــــــــلاوى وساكت

وعايش مطنش كـــــــــــــــــأنى كفيف

برغم وزارة رئيسهـــــــــــــــا حرامي

وشوفوا البجاحـــــــــــــة يقولوا نظيف

برغم الســـــــــــلام اللى غرقت بناسها

برغم العيـــــــال اللى ساكنة الرصيف

برغم حكومة شعـــــــــــــارها الكلام

ورغم رئيسنــــــــــــــــا عليه السلام

ورغم أن كله يــــــــــــــا عالم بيغلى

إلا كرامتى بترخص قــــــــــــــــوام

برغــــــم إنى عايش في بلدى فريسة

ووجبة شهية لبعض اللئـــــــــــــــــام

برغم أن كـــــــــــــل تاريخك يا بلدى

فعهد جنابه كـــــــــــــلام فوق رخام

برغم ده كله يــــــــــــا مصر بحبك

وطظ فيهم ودا آخر كلام