حلم ابنى بيتك

[مونتى]

مشروع ابنى بيتك فرحه حلمت بها قديما ان تكون الدوله عون الشباب فى بناء بيته ( عش الزوجيه ) وتم اطلاق المشروع

السوال ماهى جدوى المشروع الان مع الزيادة فى اسعار المواد ( اسمنت & حديد & تشطيبات)

وما هو دعم الحكومه

خمسه عشر الف جنيه على ثلاث دفعات هل هذا معقول فكرنى هذا الوضع بفيلم لعادل امام لما اختلس فلوس وكانوا بيتفاوضوا معاه يرجع الفلوس !!!!!!!!!!!!!!!!!!!!!!!!!!!!!!! بس كفايه علشان انا بسخن على طول هبدا اتكلم فى السياسه

عــــــــــــــ :rolleyes: ــــــــا شق بلدى

[sayed metwally]

فعلا ياأخ مونتى

مشروع ابنى بيتك دا مشروع فاشل بكل المقاييس

الله يكون فى عون الشباب اللى عاوز يتجوز واللى كان فاكر إن مشروع ابنى بيتك دا حلم ولكن الحلم فى حقيقته

سرااااااااااااااااااااااااااب

[se_ Elsyed]

كنت عايز أفتح موضوع عن هذا المشروع بعد ما سمعت في برنامج البيت بيتك يوم السبت من الأسبوع الماضي عن شيء أثار فزعي ودهشتي وخزعبلاتي السمعية والبصرية

فلقد تلقى المذيع محمود سعد مكالمة من رئيس مجلس إدارة جمعية مشروع إبني بيتك وهي جمعية عاملينها الناس اللي مشتركين في المشروع ده وتضم أكثر من 40 ألف أُسرة اللي فجر قنبلة بإنهم لما راحوا لأستخراج تراخيص البناء من أجهزة المدن التابعين لها أكتشفوا إن الدولة حددت لهم شكل التشطيب الداخلي بالتفاصيل من حيث نوعية الرخام والسيراميك والكهرباء وادوات السباكة .... إلخ

فرد محمود سعد بسخرية : تلاقيهم عايزين ينفعوا تاجر معين للرخام وتاجر للسيراميك ..

ولخطورة الموضوع طلب منه محمود سعد إنه ييجي البرنامج أمس ومعاه المستندات الخطيرة التي تفيد ذلك ..

وللأسف لم أتابع حلقة الأمس ..

حد شاف الحلقة امبارح ويا ترى الراجل ده جه واتكلم ؟

[محمد عبدالعزيز]

أنا شفت الحلقة

الراجل جه واتكلم وكان فى مسئولين عن المشروع مش فاكر مناصبهم بالتحديد.

بس لما اتفتح موضوع التشطيبات الداخلية, رد المسئول عن المشروع وقال إن دى حاجة استرشادية, طبعاً كلام مايدخلش العقل.

فقام رد عليه رئيس مجلس إدارة الجمعيةو قال له بس العقد مش بيقول إنها استرشادية, عشان كده الموظفين بتوع التراخيص متمسكين بالالتزام بالتشطيبات الداخلية المحددة.

المهم المسئول عن المشروع اعترف إن ده خطأ وحيصلحه بإنه يصدر تعليمات للموظفين بعد الالتزام إلا بالتشطيبات الخارجية فقط وإن التشطيبات الداحلية استرشادية.

هو ده اللى أنا فاكره فيما يخص التشطيبات الداخلية والخارجية.

[se_ Elsyed]

يبقى قشطه قوي والموضوع بخ على كده وزي مانا سميته قبل كده " مشروع إخرب بيتك " .....

يا سلام على البرنامج الإنتخابي للسيد الرئيس ... ده ولا برنامج " عالم الحيوان " يا جدع

[طه بدر]

بس لما اتفتح موضوع التشطيبات الداخلية, رد المسئول عن المشروع وقال إن دى حاجة استرشادية, طبعاً كلام مايدخلش العقل.

فقام رد عليه رئيس مجلس إدارة الجمعيةو قال له بس العقد مش بيقول إنها استرشادية, عشان كده الموظفين بتوع التراخيص متمسكين بالالتزام بالتشطيبات الداخلية المحددة.

المهم المسئول عن المشروع اعترف إن ده خطأ وحيصلحه بإنه يصدر تعليمات للموظفين بعد الالتزام إلا بالتشطيبات الخارجية فقط وإن التشطيبات الداحلية استرشادية.

هو ده اللى أنا فاكره فيما يخص التشطيبات الداخلية والخارجية.

زمان كان فى اعلان عن تنظيم الاسرة بتاع الست كريمة مختار كان ياتى فيه فلاح جالس على الارض ليقول للست

انا ما بقتش فاهم الطب ده خالص

وقد كان هذه الاعلان المسخة شعارنا جميعا فى هذا الوقت كما لو كان المطلوب من الناس جميعها ان تفهم الطب والهندسة وكل واحد عرف يقرا يبقى بتاع كله

الكارثة انه الان ولانعدام الثقة فى بعضنا البعض عندما يتحدث مسئول بما هو بديهى للمختصين يكون الرد الجاهز من الجميع

طبعاً كلام مايدخلش العقل

الموضوع ياسادة فى غاية البساطة

هذه التشطيبات رخام والا بلاط او غيره واردة وبنص القانون فى قانون تنظيم البناء

يعنى ليست اختراع لمشروع ابنى بيتك او غيره وهى تحدد المواد المسموح بها

حتى لا يقوم احد ببناء بيته بالبوص او الصاج او علب الكرتون ويقول مافيش قانون يحدد لى المواد والتشطيبات

يعنى المواد محددة فى قانون المبانى ويتم نقلها بالمسطرة فى جميع اشتراطات بيع الاراضى فى المدن الجديدة منذ انشائها فى نهاية السبعينات

هى هى لم تتغير وليقرا كل من اشترى قطعة ارض كراسة الشروط التى استلامها ويقارنها بقانون البناء

ناتى بقى لموضوع الالتزام بما فى الكراسة

طبقا للقانو ن برضة

التشطيبات الداخلية وتغيرها ليست مخالفة بناء ولا تحتاج اساسا لتصريح ولا تخضع لاشراف الاجهزة ولا تقوم الاجهزة بمراجعتها او استلامها

حد سمع عند حد خذ مخالفة علشان دهن شقته بلاستيك او جير او حتى سابها محارة

حد سمع عن رخصة لتركيب سيراميك او نسف حمام

طبعا لا

لان هذا كلام خايب يتحدث به ناس اول مرة يقروا كراسة شروط ويجلس كل منهم امام الكاميرات يتحدث دون فهم او وعى بالنظام او القانون وما يجب ان يتم

كلام فارغ وفرقعة اعلامية علشان الجرايد تكتب والبرامج الفضائية تستضيف والناس تتفرج وتتكلم على مواضيع بدون اساس علمى او خبرة لنترك فى النهاية الموضوعات الهامة والحقيقة والتى تحتاج للمناقشة

التشطيب بلاستيك او ورق حائط

الارضية اسمنت او رخام كرارة

المهم يناقشوا ازى يعرفوا يبنوا سقف واربع حيطان يتلموا فيهم

ام موضوع التشطيب فليس اساسا بندمطروح للمناقشة او المخالفة

ابقى ابنى وبعدين نتكلم فى لون الحيطة وشكل السيراميك وطقم الحمام بلدى والا جاكوزى wst::

تحياتى

تم تعديل 6 يوليو 2008 بواسطة طه بدر

[محمد عبدالعزيز]

أنا آسف يا أخى العزيز طه إذا كانوا الكلمتين دول ضايقوك, أنا والله ولا مقدم فى المشروع ولا لى فيه أى حاجة, ده أنا بس لما سى السيد سأل مين شاف الحلقة, نقلت اللى شفته وسمعته بخصوص الموضوع مجرد خدمة مش أكتر.

بس ماتنساش برضه إن المسئول كان المفروض يوضح الموضوع زى ماحضرتك وضحته كده, بينما هو فى الحلقة وأمام الجميع اعترف إنه خطأ وإنه حيصدر تعليمات بتصحيحه. مش دى حاجة غريبة منه برضه ولا إيه؟

واعتقد برضه مسألة انعدام الثقة اللى حضرتك ذكرتها فى مداخلتك عليها عامل برضه, وتجاربنا كلنا مع الحكومة وموظفينها خير دليل, أنا بصراحة لو مكان أى واحد مقدم فى المشروع وشفت العقد بالشكل ده لازم أشك, إذا كانت المواد دى استرشادية يبقى لازم يذكر ده فى العقد صراحة, ويذكر كمان كل البدائل المسموح بيها مش الرخام والسيراميك بس.

[طه بدر]

شكرا استاذ محمد على ردك وصدقنى انا لم اقصد به اى شىء شخصى فلكل جزيل الشكر على تفضلك بالرد اولا وثانيا

الفكرة انى كثيرا ما اذكر قول جحا وهو يحدث ابنه الذى طلب ان يعلمه الخيابة فقال قوله الحكيم

تعال فى الهيفة واتصدر

فهذا عزيزى هو ما يحدث بالضبط وخلط المصطلحات هو ما يودى لذلك وكما يقول الاجانب ان الشيطان يكمن فى التفاصييل ودعنى اوضح لك

اولا ما يتسلمه جميع الحاجزين ليس عقدا ؟؟؟؟؟؟؟؟؟؟؟؟؟؟؟

انما هو كما يعرف الجميع كراسة الشروط والمواصفات الخاصة بالارض التى تم التخصيص عليها

والبنود الموجودة بها هى التى تحدد نسبة البناء والارتفاعات وغير ذلك من القواعد التى يجب ان يلتزم بها السكان حفاظا على مستوى المنطقة وحتى لا تقوم فى دماغ واحد فيقوم بعمل عشة بوص او غرفتين صاج ويقول هى كده وانتم لم تحددوا مواصفات للبناء

علشان كده يتم تسليم الشروط التى تحدد مواد البناء والتشطيبات التى تضمن اولا سلامة المبنى من اجل الحفاظ على سكانه وسكان المنطقة كلها بالاضافة الى مواد التشطيب الخارجى التى تضمن ايضا الوصول لمظهر مقبول للمنطقة ككل

وصدقنى وعن خبرة ان مواد التشطيبات الت توجد فى القانون المصرى كحد ادنى هى التى ينفذها اخواننا فى افقر منطقة فى مصر يعنى محارة وطرطشة وبس

اما الداخلى فما يوجد به فهو ما يقوم به الجميع فى اى بيت محارة ودهانات ونجارة خشب اما الباقى فهو مجرد اضافة لا يستطيع احد ان يجبرك عليه

شكرا لردك مرة اخرى

تحياتى