تعالو يا مصريات يا جميلات نتكلم شوية

[زهرة البحر]

السلام عليكم ورحمة الله وبركاته

اخواتى المصريات الحبوبات والاكيد الجميلات لان مفيش مصرية مش جميلة حتى وان كانت متوسطة الجمال فمقياس الجمال هنا هو جمال الروح وخفة الظل ولا يوجد مصرية لا تحمل صفات الجمال المتنوعة

تعالو بقى نتجمع ونقرب من بعض اكتر . ربما تكون فينا واحدة مقيمة جديدة فى جدة ومحتاجة صداقة جديدة اومعرفة عنوان مكان او خدمة معينة .. او حتى نفسها تفضفض مع اخواتها فى الغربة

تعالو نمد ايدينا لبعض فى الغربة ونقرب من بعض اكتر ونساعد بعض ولو حتى نفسيا

نفسى اسمع اراءكن موافقات ام لستن متفرغات ومشغولات

ياريت نبدا ونتعرف على بعض

وانا اهو الاول

الاسم اكيد زهرة البحر :rolleyes:

الاقامة لم اتم السنة فى جدة :rolleyes:

المهنة تبحث عن عمل وقاعدة البيت والوحدة حتجننى وبقى مخى كله فى الحلل والبوتاجاز

وعندى طفلة وطفل هم اللى مونسينى فى غربتى

يلا بقى متتاخروش على وياريت نجدد الموضوع دايما علشان يتقرى على طول

تقبلو تحياتى

[فالحة هانم]

الأخت الفاضلة / زهرة البحر :rolleyes:

موضوعك ممكن يفيد أخوات كتير . . حتى لو مش مقيمين في جدة . . المهم في الفضفضة على حد قولك

وأقدم نفسي

الإسم فالحة هانم

الإقامة جدة مش من كتير أوي

المهنة قاعدة زيك في البيت وبأدور على شغل وعلى الله التساهيل

عندي بنت واحدة سنتين . . ومش بتخليني اقعد كتير على الكمبيوتر اصلا علشان بتزهق لوحدها فلازم اقعد العب معاها . . وده بصراحة اقل حقوقها .

معظم وقتي بأقضيه في المطبخ والفرجة على برامج الطبخ وبرامج التووك شو . . وبأصحى متأخر مع الأسف :rolleyes: ومش عارفة اغير نظام نومي ونوم بنتي . . بس بأحاول :rolleyes:

يالا في إنتظار بقية الأعضاء . . تقبلوا تحياتي

[لولا]

اختى زهرة البحر..

بصراحه يشرفنى اكون اول وحده اشارك فى موضوعك.

انا اتولدت فى الغربه وعشت كل سنين الدراسه لغايه ثانوى

وبعدين نزلت مصر درست الجامعة واتخطبت واتجوزت بعد التخرج

على طول وعلى طول رجعت هنا مع جوزى..وبقالى سنتين.

بالنسبه للزهق الحمد الله بشتغل فى شركة وعندى برضه اصحاب وعلاقات

فى البلد عشان عشت فيها كتير مع اهلى.

لسه معنديش اولاد..بس بحلم ببنت حلوه تملا على البيت :happy:

عرفت منك انك حتبدئي مشروع حضانه وكنت علقت على موضوعك

فى topic:jeddah first meeting ويارب تكونى استفدت.

بالنسبه للسن اللى قررت تحدديه فهو كويس. لأن فعلا تغيير

البامبرز بيبقى صعب قوى . وتحضير اللبن والسيرلاك..وهيصه :blink:

وبرضه كلامك صح انهم لازم يكونوا من وسط اجتماعى معين

.. عجبتنى قوى مسأله تحفيظ القران دى.

تخيلى انت كده حتشتغلى وتاخدى اجر صدقة جاريه مدى الحياه

على كل كلمه حتحفظيها الأولاد من القران.

دعواتى لك بالتوفيق وطبعا طمنينا عليك. عايزة اعرف اللى حيحصل

معاك بعد ما تبدئي الشغل.

وبالنسبه للزهق انا عايزة اقترح عليك حاجة وانت ادرى اذا كانت

تناسبك او لا.

حاولى ديما تتعرفى على الناس اللى حوليك..جيرانك فى العماره

حتى لو ماكنوش مصريين.. لأن التعرف على جنسيات تانيه لا تتخيلى

قدى ايه هو ممتع وبيوسع افاق الواحد ويقربه من بقيه الشعوب وعاداتها.

انا مش عارفه ليه لاحظت من صغرى ان فى ناس كتير ستات وبنات مصريات

مبيحبوش يصاحبوا غير من مصر.. وانا شايفة ان الحاجة دى غلط..

وبتخلى الإنسان متقوقع على نفسه وثقافة بلده بس.

انا عندى صديقة انتيم اردنيه بعتبرها اكتر من اختى واتعلمت منها الكتير

واهلها بيعتبرونى بنت تانيه ليهم.

وصاحبه تانيه سودانيه قلبها اطيب قلب فى الوجود..وعرفت منها ياما عن عادات

يوم الحنه والفرح عند السودانين.

اما بالنسبه للبنات السعوديات هنا فانا كان عندى اصحاب زمان وكانوا طيبين قوى

وحاليا فى الشغل اكتر البنات حوليا سعوديات وبنحب بعض قوى ..ومبحسش

باى فرق بين اسلوب حياتنا وبينهم لأن البنات هنا فى جده بجد كلاس ومنفتحين

قوى على كل الحضارات .. وهما اصلا ولاد ناس .. بتعلم منهم حاجات حلوه قوى

وطبخات وحلويات تجنن وكل يوم والتانى وحده منهم تلاقيها جايبه نوع حلو خرافة

مع القهوة السعوديه وبنقعد احلى قعده.

وانت بعد فتره انشاء الله حتوسعى دائره اصحابك ومعارفك وحتعرفى ازاى تستثمرى

وقتك بأحسن شكل.

[زهرة البحر]

السلام عليكم ورحمة الله وبركاته

الاخت فالحة هانم

الاخت لولا

اهلا بكم وسعيدة جدا بردكم والله وانا بقرا ردودكم على طول وبتعجبنى اوى

اما بالنسبة لموضوع الحضانة فانا والحمد لله بدات بالفعل بس بدات واحدة واحدة يعنى جانى اطفال كتير وسن كبير ومختلف وجنسية سعودية بس انا رفضت ناس كتير علشان فى مبادئ معينة واسس انا وضعتها ومش عاوزة المادة تضغى عليها ادعولى المشروع ينجح

يعنى انا عندى دلوقتى بنت واحدة وبنتى فى سن بعض وفى لسه الاسبوع القادم ان شاء الله بنت كمان حتيجى بس انا مش مستعجلة علشان انجح

ادعولى بجد

لان الموضوع مش سهل و امانة كبيرة

اتمنى نتعرف اكتر على بعض لو عندكم وقت وماسنجر ممكن نشات على الهوت ميل مثلا او الياهو ايه رايكم تبعتوه على الخاص

يلا سلام علشان اشوف البناويت الحلوين دول

فى رعاية الله

[~Heba~]

الله عليكم قعدتكم حلوة و فضفضتكم كمان

كان نفسى اشارك بحاجة مفيده انا عايشة فى مصر و مقدرش اتواصل معاكم الا من هنا

بحبكم كلكم :wub:

عقلى الباطن:يا كسوفى من لولا مقمتش بالواجب معاها و رحبت بيها wst::

[Diab]

للرفع والتذكير

أنا ليس لي ناقة ولا جمل بس يهمنا ان الناس تكون علي تواصل

سلام عليكم

[blue sky]

احب انضم ليكوا لاني انشاء الله مسافرة الشهر الجاي

انا اسمي BLUE SKY طبعا ده NICK NAME و ده لاني بعشق اللون الازرق

انشاء الله هشتغل في احدى الجامعات و عندي 25 سنة

عموما انا كنت عايزة اعرف منكو المعيشة عندكوا ازاي

و نظام الحياه ازاي

و ياريت تقبلوني صديقة ليكو

لاني زي ماتقولوا كده اول مرة اتغرب

اه نسيت اقولكوا اني انا مش رايحة جدة انا انشاء الله رايحة الجنوب

تم تعديل 25 يوليو 2008 بواسطة blue sky

[ترنيم]

السلام عليكم: جميل منكم قوى التواصل ده وربنا دايما يجمعنا على خير فى طاعته ومحبته :roseop:

أنا أختكم أم هاجر وده أسم حقيقى لأن ابنتى الكبرى اسمها هاجر وعندى طفل كمان

أنا مش مقيمة باستمرار فى جدة ولكن حضرت مرة كانت 4 شهور والله أعلم هاجى تانى امتى

بس أحب أكون فى تواصل معاكم حتى ولو لم أكن فى جدة فهل تقبلونى؟؟؟؟؟؟؟؟؟؟؟ :closedeyes: :rolleyes:

بس مشكلتى انى مش بقدر أقعد على النت كتير فاسمحولى بالتغيب عليكم كل فترة والتانية :unsure: :unsure:

[tahereyad]

برغم ان الموضوع للمصريات و ممنوع دخول الرجالة,, لكن مجرد ذكر اسم جده (اللي حصلت فيها مؤخرا علي عقد عمل و ان شاء الله هاتنقل لها من دبي) خلاني أدخل علطول منغير مافكر في اي فروق طبقيه :scooter:

أنا باحاول دلوقتي أجمع أكبر قدر من المعلومات عن جده و عن الانتقال من دبي لجده,, و يارب تكتبن معلومات ماديه مفيده زي أسعار الخضار و الفاكهة,, و الاماكن الترفيهيه للعائلات و النساء و الأطفال و المدارس و ربنا مايوقعكن فضيقه.. و ان شاء الله لما اروح و استقر,, هابقي أعمل أكّونت لمودام عالحوارات و اخليها تتسلي معاكن.

سلامو عليكم

[مملكة الاحزان]

السلام عليكم ورحمه الله وبركاتة اختكم لسة عضوة جديدة فى المنتدى وفرحت قوى لما لقيت مصريات حلوين زيكم بيشاركوا وفعلا فكرة حلوة اقترحتها زهرة وهو ان كلنا نكلم مع بعض علشان نتسلى فى الغربة دية ..... اما بالنسبة ليا عشت فى جدة 3 سنوات والوقتى اتنقلت الرياض بسبب ظروف شغل جوزى ولاسف مش عارفة اتاقلم معاها خالص ونفسى ارجع تانى جدة وطبعا اللى محتاج يستفسر على اى حاجة فى جدة انا فى الخدمة

[زهرة البحر]

السلام عليكم ورحمة الله وبركاته

اخواتى الحبوبات

وحشتونى كتير معذرة كنت مشغولة سوية لم استطع الدخول على الموقع

يارتى اخبارك ايه فى الغربة

عاملين ايه

منذ فترة والاخت فالحة هانم ولولا لم يشاركو فى الموضوع

الاخوات

مملكة الاحزان وام هاجر وbgue sky

اهلا بيكم طبع فى الموضوع واتمنى ان تشاركو معى فى هذ ال الملتقى وحيقيى نفسى نقرب اكتر ونطون فى عون بعض فى هذه الغربة

الاخ tahereyad

اهلا بك وزوجتك فى جدة وان شاء تعجبك اوى الحياة هنا بس على فكرة الاسعار فى جدة مش رخيصة بالمقارنة مع باقى مدن المملكة

على كل حال الاخت لولا لها خبرة كبيرة بجدة وعلى ما اعتقد انها شلركت فى موضوع كتبت فيه كل شىء عن الحياة فى جدة

اتمنى انها تتواصل معنا

وعلى فكرة يا لولا انا بدات مشروع استضافة الاطفال وادعيلى انه يكمل على خير حتى الان الوضع ماشى كويس جدا

بدات ببنت واحدة مع بنتى فى نفس سنها وبدات اعلمهم بعض الاداب الاسلامية وبدات معهم بحفظ القران وربنا ييسير واكمل المشوار علشان احقق هدفى

اتمنى اسمع منكم قريب

غى رعاية الله

[زهرة البحر]

الرفع والتذكرة

[alaashabana]

ممكن اشارك معاكم :sad: واخليكم تشاركو معايا فى الموضوع بتاعى wst:: .. وان شاء الله هضرب كل المواضيع فى المنتدى ...

هاااااا موافقين ولا اشوفلى موضوع تانى اتكلم فية.