مهندس كهرباء ناجح فى مصر و عرض عمل بالسعودية

[mtmohee]

السلام عليكم ورحمة الله وبركاته

انا قعدت ادور كتير على حد اسأله وبصراحه لاقيت المنتدى ده وفكرته عجبتنى قوى

علشان مش اطول عليكم انا مهندس كهرباء دفعة 2006 وعندى 24 سنة وشغال فى شركة كبيرة جدا فى مصر ومرتبى 2000 جنيه صافى بعد الضرائب والتأمينات وراضى ومبسوط والحمد لله

وجالى عقد عمل فى السعودية فى شركة كبيرة جدا ومحترمة فى الرياض بس ليها فرعين تانين واحد فى جدة وواحد فى الخميس

بس هما قالولى انت معانا فى الرياض بنسبة كبيرة جدا بس طبعا هيتكتب فى العقد انى موافق اشتغل فى اى مكان فى المملكة

المهم العرض اللى مبعوتلى كالاتى:

مرتب اساسى : 4000 ريال

اوفر تايم ثابت (يعنى هتاخده هتاخده على كلامهم):500 ريال

بدل سكن: 600 ريال او سيتم توفيره بواسطة الشركة(يعنى لو السكن بتاعهم مش عاجبنى هاخد البدل ده واتصرف انا)

بدل مواصلات: 350 ريال او سيتم توفيره بواسطة الشركة(برضو نفس الكلام لو مش عاجبنى مواصلاتهم اخد البدل ده )

واجازة شهر كل سنة بتزاكر الطيران ومدفعوة الاجر

والتأمين هيبقى حسب سياسة الشركة.

انا اعزب وحتى مش خاطب او مرتبط بس انا فى حيرة كبيرة جدا انتوا عارفين الغربة صعبة.

فياريت لو تفيدونى افادكم الله وانصحونى لوجه الله وقولولى ايه رأيكم فى العرض ده.

انا معرفش العيشة فى السعودية عاملة ازاى ولا الاسعار ايه نظامها.

وياترى العرض ده كويس اساسا ولا وحش.

ياريت ياجماعه متبخلوش عليا بالنصيحة ربنا يكرمك

وجزاكم الله خيرا ومتشكر ليكم كلكم واسف على الاطالة والازعاج

تم تعديل 4 يوليو 2008 بواسطة mtmohee

[قاهرى]

مدام انتى مستريح فى مصر متخاطرش وتتغرب وتتبهدل

خليك فى مصر احسن اسمع الكلام

الموضوع مش موضوع مادى وبس الموضوع انك مش هتلاقى نفسك فى الغربة

وحتى الى شغلين هنا بيقولوا يجلنا بس اقل من الى احنا بنخدة هنا فى مصر ونرجع مصر

خليك فى بلدك يانى احسن والله

اخوك

قاهرى مهندس مدنى فى الامارات

[قاهرى]

حاجة تانية كمان يا باشمهندس هنا البلد مش مضمونة

يعنى باختصار لو قاقولك مع السلامة وقتها مش هتلاقى ولا شغل هنا ولا فى مصر

لا خليك فى مصر احسن والله بكتيرررررر من هنا

[mtmohee]

مدام انتى مستريح فى مصر متخاطرش وتتغرب وتتبهدل

خليك فى مصر احسن اسمع الكلام

الموضوع مش موضوع مادى وبس الموضوع انك مش هتلاقى نفسك فى الغربة

وحتى الى شغلين هنا بيقولوا يجلنا بس اقل من الى احنا بنخدة هنا فى مصر ونرجع مصر

خليك فى بلدك يانى احسن والله

اخوك

قاهرى مهندس مدنى فى الامارات

متشكر جدا ليك يا اخ قاهرى ومتشكر اكتر على النصيحة

بس احب اقولك ان الحمد لله فعلا راضى ومبسوط فى مصر بس انا عندى طموح وعاوز اكبر وعاوز ابقى احسن

وبرضو علشان تبقى عارف انا من اسرة متوسطة يعنى من الاخر محلتيش غير مرتبى بس فى مصر

ولا بابى هيجوزنى ولا مامى هتجيبلى العربية يعنى من الاخر هاعتمد على نفسى علشان اكون نفسى

وانا لو هاتغرب فطبعا الناحية المادية هتبقى مهمة جدا بس انا برضو عاوز احقق ذاتى والاقى نفسى وابقى حاجه مهمة.

وانا كلامك ده كله بفكر فيه فعلا وهو اللى مخلينى متردد وبفكر كتير قوى.

جزاك الله خيرا على المشورة وربنا يكرمك

[النجم الثاقب]

ومبسوط والحمد لله

انا اعزب وحتى مش خاطب او مرتبط بس انا فى حيرة كبيرة جدا انتوا عارفين الغربة صعبة.

نصيحة منى ليك .... خليك فى مصر .

[adrianocrespo]

لو العقد سنة واحدة.............روح جرب....ليه لا

لو مستريحتش استحمل السنة دي باي طريقة و ارجع بلدك

[Dr.mmfriend]

نصيحه من اخوك دكتور

خليك فى مصر

4000 ريال ميستاهلوش الغربه يا راجل

انت بتاخد فى مصر 2000

حرام تتغرب على ضعف مرتبك فقط

احنا دكاترة بناخد فى مصر 250 جنيه وبتغرب على 4000 يعني مرتب مضروب فى 10 اضعاف

صراحه انا لو مكانك وباخد فى مصر مرتب كويس ومبسوط زيك اتغرب ليه؟؟؟؟؟؟

والراى الاخير ليك

[لولا]

السلام عليكم ورحمة الله وبركاته

انا قعدت ادور كتير على حد اسأله وبصراحه لاقيت المنتدى ده وفكرته عجبتنى قوى

علشان مش اطول عليكم انا مهندس كهرباء دفعة 2006 وعندى 24 سنة وشغال فى شركة كبيرة جدا فى مصر ومرتبى 2000 جنيه صافى بعد الضرائب والتأمينات وراضى ومبسوط والحمد لله

وجالى عقد عمل فى السعودية فى شركة كبيرة جدا ومحترمة فى الرياض بس ليها فرعين تانين واحد فى جدة وواحد فى الخميس

بس هما قالولى انت معانا فى الرياض بنسبة كبيرة جدا بس طبعا هيتكتب فى العقد انى موافق اشتغل فى اى مكان فى المملكة

المهم العرض اللى مبعوتلى كالاتى:

مرتب اساسى : 4000 ريال

اوفر تايم ثابت (يعنى هتاخده هتاخده على كلامهم):500 ريال

بدل سكن: 600 ريال او سيتم توفيره بواسطة الشركة(يعنى لو السكن بتاعهم مش عاجبنى هاخد البدل ده واتصرف انا)

بدل مواصلات: 350 ريال او سيتم توفيره بواسطة الشركة(برضو نفس الكلام لو مش عاجبنى مواصلاتهم اخد البدل ده )

واجازة شهر كل سنة بتزاكر الطيران ومدفعوة الاجر

والتأمين هيبقى حسب سياسة الشركة.

انا اعزب وحتى مش خاطب او مرتبط بس انا فى حيرة كبيرة جدا انتوا عارفين الغربة صعبة.

فياريت لو تفيدونى افادكم الله وانصحونى لوجه الله وقولولى ايه رأيكم فى العرض ده.

انا معرفش العيشة فى السعودية عاملة ازاى ولا الاسعار ايه نظامها.

وياترى العرض ده كويس اساسا ولا وحش.

ياريت ياجماعه متبخلوش عليا بالنصيحة ربنا يكرمك

وجزاكم الله خيرا ومتشكر ليكم كلكم واسف على الاطالة والازعاج

الموضوع عشان تحكم فيه صح لا زم تكون عارف الزياده السنويه فى راتبك

فى مصر حتكون كام ؟

العرض المعروض عليك كمهندس خبرته العمليه بسيطه مقبول لأن اصلا

حدود راتب مهندس كهربائي بدون خبره بتكون من 4000-6000 كراتب اساسي

وطبعا حتزيد مع زياده الخبره وممكن تبقى الضعف بعد من 4-5 سنين.

انت اكتر واحد عارف ظروفك واحتياجاتك هناك واذا كان اللااتب ده

حيوفرلك شقة وعربيه ويجوزك او لأ. خصوصا انك بتقول ان محدش حيساعدك.

وفى الأخر بالنسبه للعرض اللى اتعرض عليك فهو يسمحلك بتوفير مبلغ كويس

منه كل شهر.

يعنى لو السكن والمواصلات عليهم انت حتتحمل الأكل والشرب والمكالمات

لمصر ومصاريف اخرى فى حدود 1000 ريال يعنى ممكن توفر 3000 ريال فى الشهر.

لأنه فى عزاب هنا بيصرفوا فى حدود 700 ريال كمان.

وبرضه أسأل الجهه الى قدمت العرض عن مقدار الزياده السنويه فى الراتب.

على فكره الشركات الكبيره هنا بتكون محترمه قوى فى التعامل مع الموظفين

واهل البلد نفسهم يتمنوا يشتغلوا فيها.

وياريت تتطلع اكتر هنا على تجارب الناس اللى بتشتغل هنا واللى بتفكر تنزل

مصر لأنك حتستفاد كتير.

وعلى فكره الرياض لوحدها فيها اكتر من نص مليون مصرى.. يعنى حتلاقى

اصحاب وحبايب كتير :happy:

[لولا]

مدام انتى مستريح فى مصر متخاطرش وتتغرب وتتبهدل

خليك فى مصر احسن اسمع الكلام

الموضوع مش موضوع مادى وبس الموضوع انك مش هتلاقى نفسك فى الغربة

وحتى الى شغلين هنا بيقولوا يجلنا بس اقل من الى احنا بنخدة هنا فى مصر ونرجع مصر

خليك فى بلدك يانى احسن والله

اخوك

قاهرى مهندس مدنى فى الامارات

[/quot

بس يا بشمهندس الناس اللى انت بتقول عليها دى

ونفسها ترجع مصر ولو حتى بنص الراتب اللى بتاخده فى الغربه

بتقول كده بعد متكون جابت الشقة والعربيه والمهر والشبكة

وتكاليف الجواز والعفش وتحويشه

على القد برضه فى البنك. وده هو الواقع.

وبعدين 4000 ريال راتب صافى مش حيصرف منه سكن ولا مواصلات

يعتبر كويس.

احسب كده 2000 جنيه شهريا راتب صافى حيصرف منه مواصلات

ومصاريف شخصيه ويزنق على نفسه حيوفر فى الأخر 1000 جنيه

.. 1000 جنيه بقى لواحد معندوش حد يساعده ولا شقة ولا عربيه

ولا عفش ولا شبكة ومصاريف جواز ..يبقى عايزله كام سنه يوفر؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[عصام أبوالفتح]

توكل على الله يا باشمهندس

ويمكن متبقاش مبسوط بالراتب ده فى السعودية لكن هاتقدر تتجوز وتكون حياة .. وده احسن من راتبك فى مصر وانت مبسوط ومش هاتعرف تتجوز الا فى اواسط العمر

تحياتى وتمنياتى بالتوفيق

[لولا]

توكل على الله يا باشمهندس

ويمكن متبقاش مبسوط بالراتب ده فى السعودية لكن هاتقدر تتجوز وتكون حياة .. وده احسن من راتبك فى مصر وانت مبسوط ومش هاتعرف تتجوز الا فى اواسط العمر

تحياتى وتمنياتى بالتوفيق

:blink: bv:- bv:-

[mohmaher]

نصيحة من أخ لك و مهندس مصري .. أعيش في السعودية - الرياض منذ 10 سنوات تقريبا ...

لا تقبل أى عرض أقل من 8000 ريال وأقصد 8000 ريال شامل مرتبك و البدلات المختلفة هذا بالاضافة لتذاكر سفرك أت و العائلة اذا كنت متزوج و بالاضافة الى التأمين الصحي لك ولأفراد عائلتك.

الأسعار زادت هنا و السكن سعره زاد ...

لابد ان تتأكد من وجود فقرة في العقد تنص على الزيادة السنوية في الراتب ...

لا تعتد بالوعود الشفهية .. كله أونطه و تهريج .. أنت مهندس ماترخصش نفسك .. ولو قبلت أى تنازل .. اشرب من ده للصبح ..

في النهاية أنصحك برفض العرض حيث أنه سيء للغاية ...

[nightmare]

انا متابع المحاورات من فترة ليسة بالقليلة وبصراحة مش عارف كل اما واحد يبعت يسأل على عقده معظم الأعضاء في المحاورات يعجزوه ويقولوله لا خليك في مصر وما تقبلش أقل من 8000 او 10000 ريال .

بصراحة الردود دي جابتلي عقدة وحسيت انى شغال ببلاش هنا علي الرغم ان راتب الواحد ولله الحمد معدي ال 3000 ريال وحسيت ان معظم الأعضاء عيشين في دنيا غير دنيتنا اللى احنا عايشين فيها وليس لديهم فكره عن الوضع في مصر , الأرقام دي دلوقتى أرقام خيالية ولاتدفع الا لأصحاب المراكز الحساسة فقط يعني استشاري كبير او مدير صاحب خبرة فوق ال 10 سنوات , وابسط مثال لرئيس الحسابات اللى كان بيسأل انه يرجع مصر والا لأ ده بقاله أكثر من 13 سنة هنا ومرتبه 8000 ريال وده بعد 13 سنة.

الناس هنا أو اصحاب الشركات هنا بمعني اصح علي دراية كاملة بالوضع في مصر وبيستغلوه اسوأ إستغلال والعقود حالياً في مصر لا تتجاوز 4000 ريال الا لصاحب الخبرة الكبيرة في عمله انما الطبيعي دلوقتى انك تلاقي مدرس جاي علي 1500 ريال او مهندس جاي علي 2000 او 2500 وانا اعرف ناس دكاترة بشري وصيادلة جايين علي 2500 و 2000 كمان

اما نصيحتي للمهندس اللى بيسأل فبقوله اتوكل علي الله ووافق علي الفور , عقدك أكثر من ممتاز وخاصة انك لسه خريج جديد وقدامك الفرصة هنا إن شاء الله إنك تكون نفسك وتحقق كل اللى بتتمناه .. وبكررها عقدك ممتاز ولا تتنازل عنه وابدأ وبسرعة في تخليص اوراقك وربنا يجيبك بالسلامة ويوفقك.

تم تعديل 4 يوليو 2008 بواسطة nightmare

[سهران]

يا جماعة ما حدش بيبتدي حياته كبير ......... الا ما ندر و هو أستثناء لا يمكن القياس عليه ....... لما يكون راتب المهندس المبتديء اللي ممكن يوافق عليه في تقديركم 8000 ريال ........ يبقى المهندس بعد عشر سنين خبرة في السعودية مرتبه كام ؟؟؟30000 ريال مثلا ........ طبعا ده موجود لكنه أستثناء مش قاعدة .... لو فتحنا موضوع عن بدايات رواتب الأعضاء المغتربين كيف بدأت و الى أين أنتهت هاتكون مفاجأة لأنفسنا يمكن لأننا بنقيس على وضعنا دلوقتي بعد سنين الغربة .

الطبيعي ان الأنسان يبتدي بداية معقولة و بعدها بيكبر بتوفيق ربنا و مع الوقت و الأجتهاد و الخبرة ....

نصيحتي يا باشمهندس ......... لو حوشت ألف جنيه في مصر يبقى بحسبة صغيرة عاوزلك 20 سنة عشان يتقفل عليك باب و تتجوز فقـــــــــط ( بأعتبار انك مرتبك هايزيد برضه في مصر )

لو كنت كونت بيت و أسرة كانت نصيحتي لك بقت خليك مكانك ............لكن فرص التقدم هنا أكتر خاصة لو الشركة كبيرة و مستقرة ....... بداياتنا كانت أسوء من بداياتك و بالكفاح و الأجتهاد تتحسن الأحوال ..... مش هاتزيد مصاريفك في المعتاد عن 1000 ريال و يمكن أقل طالما أنك زي حالاتنا من أسرة متوسطة مش مدلل أوي و لا واخد على التبذير .

كلنا بدأنا صغيرين و بفضل الله و بأجتهادك هاتكبر و التوفيق يذهب عادة لمن يستحقه و ما حدش في مشوار حياته بيبتدي من حيث أنتهى الآخرين .......

دعواتي لك بالتوفيق و القرار قرارك فكر فيه بتروي و أستخير ربنا .

تم تعديل 4 يوليو 2008 بواسطة سهران

[لولا]

انا متابع المحاورات من فترة ليسة بالقليلة وبصراحة مش عارف كل اما واحد يبعت يسأل على عقده معظم الأعضاء في المحاورات يعجزوه ويقولوله لا خليك في مصر وما تقبلش أقل من 8000 او 10000 ريال .

بصراحة الردود دي جابتلي عقدة وحسيت انى شغال ببلاش هنا علي الرغم ان راتب الواحد ولله الحمد معدي ال 3000 ريال وحسيت ان معظم الأعضاء عيشين في دنيا غير دنيتنا اللى احنا عايشين فيها وليس لديهم فكره عن الوضع في مصر , الأرقام دي دلوقتى أرقام خيالية ولاتدفع الا لأصحاب المراكز الحساسة فقط يعني استشاري كبير او مدير صاحب خبرة فوق ال 10 سنوات , وابسط مثال لرئيس الحسابات اللى كان بيسأل انه يرجع مصر والا لأ ده بقاله أكثر من 13 سنة هنا ومرتبه 8000 ريال وده بعد 13 سنة.

الناس هنا أو اصحاب الشركات هنا بمعني اصح علي دراية كاملة بالوضع في مصر وبيستغلوه اسوأ إستغلال والعقود حالياً في مصر لا تتجاوز 4000 ريال الا لصاحب الخبرة الكبيرة في عمله انما الطبيعي دلوقتى انك تلاقي مدرس جاي علي 1500 ريال او مهندس جاي علي 2000 او 2500 وانا اعرف ناس دكاترة بشري وصيادلة جايين علي 2500 و 2000 كمان

اما نصيحتي للمهندس اللى بيسأل فبقوله اتوكل علي الله ووافق علي الفور , عقدك أكثر من ممتاز وخاصة انك لسه خريج جديد وقدامك الفرصة هنا إن شاء الله إنك تكون نفسك وتحقق كل اللى بتتمناه .. وبكررها عقدك ممتاز ولا تتنازل عنه وابدأ وبسرعة في تخليص اوراقك وربنا يجيبك بالسلامة ويوفقك.

للأسف انا كمان لاحظت نفس الموضوع يا بشمهندس.

دول مهندسين الكهربا المتخرجين من اولاد البلد نفسها يتمنوا

بس يشتغلوا فى اى شركة محترمة وبياخدوا راتب زى اللى اتعرض

هنا.

بجد مش فاهمه ليه الناس بتقدم نصايح مبالغ فيها للناس اللى فى

مصر ومحتاجة مننا نصيحة بصفتنا احنا اللى هنا وعارفين الوضع.

انا مع الكلام اللى بتقوله.. انا اتولدت هنا واعرف ناس كتير قوى

من اهل البلد نفسهم واعرف رواتبهم كام وبعرف رواتب المصريين

اللى حوليا وبناء عليه اوافقك الرائ انه يقبل ويتوكل على الله.

[لولا]

يا جماعة ما حدش بيبتدي حياته كبير ......... الا ما ندر و هو أستثناء لا يمكن القياس عليه ....... لما يكون راتب المهندس المبتديء اللي ممكن يوافق عليه في تقديركم 8000 ريال ........ يبقى المهندس بعد عشر سنين خبرة في السعودية مرتبه كام ؟؟؟30000 ريال مثلا ........ طبعا ده موجود لكنه أستثناء مش قاعدة .... لو فتحنا موضوع عن بدايات رواتب الأعضاء المغتربين كيف بدأت و الى أين أنتهت هاتكون مفاجأة لأنفسنا يمكن لأننا بنقيس على وضعنا دلوقتي بعد سنين الغربة .

الطبيعي ان الأنسان يبتدي بداية معقولة و بعدها بيكبر بتوفيق ربنا و مع الوقت و الأجتهاد و الخبرة ....

نصيحتي يا باشمهندس ......... لو حوشت ألف جنيه في مصر يبقى بحسبة صغيرة عاوزلك 20 سنة عشان يتقفل عليك باب و تتجوز فقـــــــــط ( بأعتبار انك مرتبك هايزيد برضه في مصر )

لو كنت كونت بيت و أسرة كانت نصيحتي لك بقت خليك مكانك ............لكن فرص التقدم هنا أكتر خاصة لو الشركة كبيرة و مستقرة ....... بداياتنا كانت أسوء من بداياتك و بالكفاح و الأجتهاد تتحسن الأحوال ..... مش هاتزيد مصاريفك في المعتاد عن 1000 ريال و يمكن أقل طالما أنك زي حالاتنا من أسرة متوسطة مش مدلل أوي و لا واخد على التبذير .

كلنا بدأنا صغيرين و بفضل الله و بأجتهادك هاتكبر و التوفيق يذهب عادة لمن يستحقه و ما حدش في مشوار حياته بيبتدي من حيث أنتهى الآخرين .......

دعواتي لك بالتوفيق و القرار قرارك فكر فيه بتروي و أستخير ربنا .

:blink: bv:- bv:- جزاك الله خيرا على الرائ الصادق.

[ALFARES]

الأخ العزيزmtmohee

في البداية أحب أن أقول لك لا خاب من إستشار وأنت هنا تستشير فئة جربت الغربة وسافرت واشتغلت هنا وهناك

المهم عايز أقولك كويس أنك بتستشير

عموما انا لي في السعودية8سنوات وأعمل محاسب

وخد مني الكلام المفيد والعملي

أولا صلي صلاة الإستخارة وفوض أمرك لله وقل دائما حسبي الله الذي لا إله إلا هو عليه توكلت وهو رب العرش العظيم وخصوصا بعد صلاة الفجر سبع مرات يوميا لان الرسول عليه الصلاة والسلام قال لنا من قالها سبع مرات بعد صلاة الصبح كفاه الله شر ما أهمه في ذلك اليوم

ثانيا تعالى نحسبها مع بعض كويس

هنقول ان صافي راتبك4000ريال شهريا

هنقول ان مصاريفك الشهرية هتكون1000ريال مع ان ده هيكون كتير لانك هتسكن في سكن الشركة وهتركب مواصلات الشركة يعنى انت ممكن تكون مصاريفك في حدود600ريال لو انت ولد واعي ومدبر المهم قلنا1000ريال تحسبا لاي ظروف

يعني انت هتصفي ان شاء الله في الشهر3000ريال بمعنى36000ريال في السنة ومعدل تغيير عملة الريال أمام الجنيه المصري حالياً1.4جنيه/ريال يعني بالمصري هتعمل في السنة36000×1.4=50400جنيه مصري ان شاء الله مع افتراض ثبات سعر العملة

طبعا هتاخد كمان نصف شهر بدل أجازة سنويا ماعلينا احنا عملنا حسبتنا على الراتب فقط

أعتقد هذا المبلغ بالنسبة لك كشاب عمره24عام يعتبر دخل ممتاز في بداية حياتك

ثالثا وانت اللى ترد عليها بينك وبين نفسك هتقدر تحوش كام في مصر كل سنة؟؟؟

تعالى نتكلم في موضوع الغربة ومرارتها والكلام ده

الغربة هذه الايام غير ايام زمان لان الاتصالات بقت سهلة جدا والنت والتواصل مع الاهل والاصدقاء اصبح متيسر جدا للجميع وبالتالى خفت مرارة الغربة

والمهم انك انت بتبني مستقبلك وحياتك ولازم شوية تعب خصوصا انك مازلت صغير السن

تعالى اقولك حاجةكمان حلوة

انت في السعودية هتقدر ان شاء الله انك تعمل عمرة وتحج الى بيت الله وتقضي الفريضة وياسلام لو عرفت تجيب الوالد والوالدة كمان يبقى هو ده المكسب الحقيقي

نتكلم كمان في حاجة مهمه موضوع الخبرة في العمل

انت هنا اكيد هتشتغل في تخصصك وفي مجالك ولازم تعرف هنا ان حجم الأعمال كبير وكتير ويمكن هتشوف هنا حاجات وتتعلم نظم جديده عليك وان شاء الله خبرتك هتزيد وهتتحسن

نصيحتي لك اتكل على الله وسافر وان شاء الله مش هتندم بس افتكرني بدعوة لما تزور الحرم ان شاء الله

بس خلي بالك من حاجة مهمه ان تكون بنود وشروط العقد واضحة وكل شئ مكتوب علشان لاقدر الله حصل أي خلافات لا يضيع حقك

وأرجو أن أكون أجبتك

[مصري أصيل]

أخي الكريم

أنا شايف أن العرض معقول بالنسبة لمهندس أعزب حديث التخرج . بس أنا عايزك تحسبها بينك و بين نفسك و ده لأني أعرف مهندسين زملاء ليا وصلوا لمرتبات هايله جداً في مصر و لو أتعرض عليهم أي عمل في الخليج هيرفضوا .

أنت شوف زمايلك القدام في الشركة لو مرتباتهم بتزيد بصورة كويسة أنصحك تكمل عندك. و لو المرتبات بتاعهم بعد فترة ما توصلش لطموحك يبقي أتوكل علي الله و سافر . العرض معقول جداً بس لازم تشوف موضوع الزيادة السنوية لأنه موضوع مهم جداً زي ما نصحك الزملاء.

و نصيحة أخيرة .... لو سافرت و أتوكلت علي الله ديماً دور علي الأحسن يعني ما تركنش في الشركة دي كتير . أول ما تلاقي شغل أحسن و هتنتقل ليه بدون مشاكل أنقل علي طول .

و أبقي طمنا لو سافرت أن شاء الله.

[mtmohee]

انا متشكر ليكم كلكم ياجماعه والله العظيم انا مبسوط بردودكم كلها ومش عارف اشكركم ازاى

بالذات الاخت الفاضلة لولو (ده انا حسيت انها مهتمة بالموضوع اكتر منى :blink: )

جزاكم الله خيرا جميعا

انتوا عارفين ياجماعه انا مقتنع بالعرض وعقلى بيقولى انه كويس وناس كتير قالتلى ده ميترفضش

بس تقدروا تقولوا انى خايف وعاوز حد يشجعنى بس ويقولى اتوكل على الله.

انا متشكر مرة تانية لكل الناس اللى اديتنى ثقة اكتر وقالتلى وافق

ومتشكر برضو للناس اللى نقضوا العرض وقالولى انه مش كويس بس كان نفسى يبقى فى نقض موضوعى شوية يعنى يقولى مثلا خلى بالك من كذا اوعى تقبل كذا او ترفض كذا زى الاخ اللى اتكلم على الزيادة انها لازم تبقى موجودة فى العقد صريحه

بس اعتقد ان الناس اللى بتتكلم عن المرتبات الكبيرة دى كلامها مبالغ فيه شوية زى ما قال الاستاذ عصام و الاخ nightmare و الاخ سهران

و متشكر للاخ الفاضلALFARES على رده الموضوعى والرائع والمقنع جدا

وشكر ا مرة اخرى للاخت لولو ومتشكر ليكم كلكم ياجماعه على النصيحة والرأى انا فعلا حسيت انى بستشير اخواتى واهلى

وياريت لو حد عنده اى نصايح تانية ميبخلش عليها بينا ان يهمنى اعرف رأيكم وربنا يوفق الجميع ويكرمك كلكم

[النجم الثاقب]

ومبسوط والحمد لله

انا اعزب وحتى مش خاطب او مرتبط بس انا فى حيرة كبيرة جدا انتوا عارفين الغربة صعبة.

نصيحة منى ليك .... خليك فى مصر .

أخى الفاضل انا كتبت ردى مكنش قصدى ان العرض وحش .. بس حسيت من كلامك عن الغربه انك مرتبط بأهلك مثلا او شىء من هذا القبيل .. كان لى صديق مقدرش يستحمل الغربه و رجع قبل ما يكمل سنة .. لا شك ان احساس الغربة قاسى جدا ، لكن لو حبيت تسافر و تجرب مش هتخسر حاجه .. أعتقد العرض كويس .