ماذا يريد الازواج و ماذا تريد الزوجات؟

[الطفشان]

في الآونة الاخيرة ظهرت عدة موضوعات ذات طابع فكاهي في باب دعوة للابتسام

مثلا:

- أنواع النساء

- عشر أسباب ليه الولد أحسن من البنت

- صورة كوميدية: حنفي و فكيهة

- المقارنة بين الشاب اللبناني و الخليجي و المصري

و غير ذلك مما يعكس الصراع الازلي بين الجنسين

و يبدو لي مما نوقش هناك ان هناك الكثير مما يجب دراسته و تقصيه و معرفة اسبابه

فقد خلق الله النساء و الرجال مختلفين، ليس فقط من الناحية الجسدية، و لكن ايضا من ناحية العواطف و التفكير و الميول

فالسؤال هو:

- ماذا تريد الزوجات من الازواج؟

و

- ماذا يريد الازواج من الزوجات؟

و بما ان هناك الكثير من الشباب الغير متزوج من الجنسين، فليكن كلامهم (كلامهن) على ما ينشدنه في زوجة (زوج) المستقبل

و هذا الموضوع جدي، و ليس فيه الهزار الذي اعتدناه في دعوة للابتسام

[DARWEEN]

ماشي ياطفشان ... بجد بجد ... وسيبنا من الهزار بتاع باب الأبتسامات

الحمد لله سبحانه وتعالى أنا لاأطلب من زوجتي أكثر مماتقوم به بالفعل ... ربنا يخليهالي بجد ...

أنا في عينيها دائما أول وآخر هدف ... عارفه ربها ... البيت زي الفل دايما والأولاد دائما تمام .. وأي مشكلة أقع فيها بتكون جنبي للنهايه

طبعا لابد من شوية قلق وقمص من وقت لآخر على حاجات هايفه (وبيني وبينك .. كتير أنا بأكون مغلس بدون سبب ) :D :D

وكأعتراف شخصي صريح مني ... في كتير من الأحيان بيكون الشعور بالملل من ناحيتي أنا مسبب في البيت شوية عكننة لكن بأتغلب عليها بالسفر لأي مكان في نهاية الأسبوع أو بخروجة ظريفة

آه آه .. نسيت حاجة ... نفسي مراتي تخفف من موضوع الشوبنج ده أحسن هوه دا اللي قارفني :twisted: :twisted: والمشكلة أن بعد 4 ساعات لف برضه مش بتشتري حاجه ...

(والله هي مش جانبي وأنا بأكتب الكلام ده )

[الطفشان]

نستخلص من كلام الاستاذ داروين، ان شكواه (و هي ليست بصفة دائمة) هو من الاتي:

- الملل

- اللف على المحلات بدون شراء شئ

بالنسبة لي، موضوع الشوبنج حله انها تاخذ العربية و تروح المكان اللي عايزة تعمل فيه شوبنج من غيري

او اني اخذ حاجة اقراها، و اقعد في مكان في المول و تروح تعمل اللي هي عايزاه و تيجي

صحيح هي في الاول كانت عايزاني معاها باستمرار، بس انا بأطق من جنابي (و رجالة كثير زيي)، و في النهاية دة الحل اللي توصلت له

[DARWEEN]

بالنسبة لي، موضوع الشوبنج حله انها تاخذ العربية و تروح المكان اللي عايزة تعمل فيه شوبنج من غيري 

او اني اخذ حاجة اقراها، و اقعد في مكان في المول و تروح تعمل اللي هي عايزاه و تيجي 

ياسلام ياخويا ...

تنزل هي وأقعد أنا بالعيال ...

لا ياعم شكرا

[بنت شعنونة]

لن اتمنى اخلاما وردية او احلم بما لا يمكن ان يوجد

ولكن "كنت" اتمنى في زوجي ان يكون انــســان

بمعنى انه يحترمني ويحبني ويراعي ربنا فيا

وانه يكون انسان محترم ويعرف معنى كلمة المسؤولية قبل كل شيء

وان الزواج عبارة عن مسؤوليتي في رقبته

زي ما هوا مسؤوليتي في رقبتي

وانه ما اشتراش مجرد جارية او قطة تعمله ونس في البيت وقت ما هوا يحب

وغير كدا يخرج مع اصحابه

انا احترم الحرية الشخصية جداااااا والعائلية ايضا

وعارفا اني انا كمان مش ها اشتري جوزي يعني من حقه يخرج ويجي ويروح مع اصحابه بس يكون دا مش على حسابي يعني بالعدل

وبرضه العلاقات بين العائلات تكون بالعقل

وقبل كل شيء

اتمنى ان اتزوج انسان يتفهم مسؤولياتي التي احملها على عاتقي اينما حللت

واعتفد انه صعب ...

الا سؤال صحيح

بالمرة

يعني ايه جواز اصلا؟

بجد نفسي حد يفهمهولي

[Facts researcher]

وقبل كل شيء

اتمنى ان اتزوج انسان يتفهم مسؤولياتي التي احملها على عاتقي اينما حللت

واعتفد انه صعب ...

الأخت شانا ،

لو تكرمت توضحيلي :

1-ماهي تلك المسؤليات التي تحمليها أينما حللت ، ولماذا تجعلي تفهمه قبل كل شيء :idea:

2- و لماذا تعتقدين أنه صعب أن يتفهم ذلك ؟

شكراً مقدماً على التوضيح.

أخوك ،

الباحث

[بنت شعنونة]

حذفته

[بنت شعنونة]

على السيرة بس

مرة اتقدملي واحد قبطان عن طريق ان والدته شافتني مرة عند الكوافيرة وكلمت الكوافيرة وقعدت معايا مرتين وعجبتها وكدا

وسالت عليا وانبسطت

والمرة التالتة جابت ابنها القبطان (35سنة) وشافني وعجبته

المهم اتفقنا نتقابل في نادي عشان تشوف بابا وكدا يتكلموا حبة تعارف على حبة جد

رحت يومها انا وبابا وزوجته واخي الصغير كان عنده وقتها 3 سنين

الجلسة استمرت نص ساعا بعدها طلعت تجري واتفركش الموضوع

وكان تفسيرها للكوافيرة

"اييييييه دا؟؟ دي عندها اخ عنده 3 سنين؟؟؟"

ناس عجب :? :? :oops:

[Salwa]

ايه يابنتى الخبطة دى؟؟؟

انا كنت فى حالى.......بعيد.......اسمع...ارى.....لا اتكلم.

بقالى 3 شهور وعشر ايام معاكم.....

صحيتم كل البراكين الخامدة.

صحيتم النيام من اهل الكهف.

كل ده بيحصل دلوقت ؟؟؟؟؟ البنت هى المسئولة عن اخواها..الشباب.

ميعرفوش يتعشوا لوحدهم؟؟؟

جالى ضغط....بجد...بجد.

طيب قلتى زوجة والدك...وسكتنا....ولو انه غير منطقى ولا كلام ناس

عاقلة ..ربنا يخللى باباكى..انك تكونى ملزومة بيها..

الا اذا كان باباكى كاتبلك كل اللى عنده بأسمك؟

مش ممكن...

انتى بتهزرى مش كدة؟؟

سلامى.

[بنت شعنونة]

ماما سلوى

والله اخواتي لوحدهم لو سبتهم ممكن يناموا من غير عشا ان شالله طول العمر

دا كباية المية تبقى قدامهم ما يهونش عليهم يقوموا يودوها المطبخ

هما اتربوا على كدا

واديني بحاول دا غير انه ما يعرفوش يجيبوا ايييييي طلب للبيت من السوق

كدا يعني

:roll: :roll: :roll: :oops: :cry: :oops:

[Salwa]

آسفه ياشانا ياحبيبتى..

عاوزة أعلق بكلام كتير قوى قوى قوى.....وحاسكت.

امال الغربة والعذاب فى الخليج ...كان ليه..؟

وجوازك..؟

واشمعنى الضحية تكون البنت.؟؟؟؟؟

الدين وكل حاجة بتقول..الرجال.../الرجال قوامون على الناس/

وليس العكس؟

طيب...كل واحد يتحمل مسئولية نفسه..

لخبطونى...فين الصح بتاعكم؟؟

سلامى.

[بنت شعنونة]

:D :D :D

هما سموني شعنونة من شووووووووية :D :D

عموما ماحدش اجبرني على حاجا غصب

صحيح الظروف فرضت عليا 70% من دا

لكن انا اللي اخترت بقيت ال 30% للمصلحة العامة

وكفايا احسن ها يقولولي خرجتي عن الموضوع

واخد كرت احمرررررر بعد كدا :roll: :roll: :roll: :oops: :cry: :oops: :D :D :D :D :D :D

[Facts researcher]

حذف بمعرفتي :oops:

[بنت شعنونة]

كلامك يا اخي الباحث

صفعة قوية على الوجه

بجد ما كانش نفسي فيها في الوقت دا خااااااالص

بس ماشي :roll:

ممكن اكون معقدة....

اه ليه لا...:D

انا مش ملاك عشان ابقى مش معقدة

بس عارفا عقدي الحمدلله تماما وحاطا ايدي عليهم عقدة عقدة

كلام حضرتك ممكن يكون صحيح في حدود اللي انا كتبته

لآني طبعا ما اقدرش اوضح اكتر من كدا في كلامي للأسف :oops: :cry: :oops:

بس صدقني يا اخي الباحث

لست ممن ينتمي لوجه واحد من الحقيقة

و والله بقعد اقلب فيها كذا مرة صدقني ومن كذذ منظور

همسة...

في كلمة واحدا ممكن انسان يقولها بحسن نية تقتل انسان تاني بحسن نية برضه

ومن غير زعل

كلامك جرحني فعلا....

بس اوعدك افكر فيه بجدية.. :D :D :D

[Facts researcher]

الأخت الغاليه الدكتورة شانا ،

ليه تقولي كده ان أنا أجرحك. أولاً ما عاش و لا وعي اللي يجرحك ، أنا خايف عليك كأخ أكبر من أن تقتلي كل حاجة جميلة جواك .

أنا هنا لما قصدت أقول الكلام ده ، كان قصدي أن أقول :

أنت فيك حجات زي القمر و الفل كمان ، بس انت اللي مش واخده بالك.

سامعاني يا دكتوره . في كل انسان ملكة ، وانت فيك الشهاده لله مالكات كتير ، وجميلة و هايلة كمان و بعتز جداً جداً بيك هنا في المنتدى.

[بنت شعنونة]

الله يخليك يا رب يا باحث

وربنا يكرمك ان شاء الله

:D

وكدا احنا خدنا كرت احمر كلنا رسممممممي يعني :D :D

اسفين يا استاذ طفشاااااان :oops: :cry: :oops: :D

اسفة جدا والله على الخروج عن الموضوع سمااااح :roll: :roll: :D :D

[crossfield]

أغلب المشاكل الزوجية اللى بشوفها فى الوسط المحيط بيبقى سببها عقدة التملك و السبب بيبقى فى رأيى دايماً ان كل واحد من الاتنين بيتعامل مع التانى من مبدأ انه بقى مضمون فى ايده و حكايةtake someone for granted دىأكتر حاجة بتسبب المشاكل لأن ده بيخلى كل واحد يعمل ما بداله من غير ما يراعى شعور الطرف التانى :?

دى حاجة ؛الحاجة التانية و يمكن أنا اتكلمت عنها قبل كده وهيه عدم المساواة أو العدل فى توزيع الأدوار المنزلية بالتالى طرف من الاتنين بيبقى عليه حمل كبير و مضغوط و التانى مبيحاولش يشيل معاه المسئولية أو يخففها عنه شوية

سبب كمان : احياناً أو غالباً بيبقى سوء اختيار من الأول ؛واحد أو واحدة يعز الهم زى عينيه و يدور عليه بمنكاش ؛واحدة موراهاش غير الفسح أو الخروج و أهلها و أصحابها و البيت آخر حاجة ؛الخ...

لكن السبب اللى بيحرق دمى بقى فى ده كله الحموات الفاتنات و أكيد فى ناس هنا اتقرصت من الحكاية دى ؛ أنا بشوف حموات و الله لو سابوهم على شارون مهتقوم لاسرائيل قومة تانى بس ربنا ميوريكم و بلاش أكمل أحسن الموضوع كده هيوسع منى و هتقلبوا عليه المواجع بجد :( .

[masry]

  و السبب بيبقى فى رأيى دايماً ان كل واحد من الاتنين بيتعامل مع التانى من مبدأ انه بقى مضمون فى ايده و حكايةtake someone for granted  دىأكتر حاجة بتسبب المشاكل لأن ده بيخلى كل واحد يعمل ما بداله من غير ما يراعى شعور الطرف التانى :? 

تعليق صغير....مش لازم يكون فى احساس بعدم الامان علشان الطرفين يحافظوا على بعض. الطبيعى انى لما ابقى واثق ان الطرف الاخر عمره ما حيسيبنى ..... ده يخلى الاحترام و العلاقة تبقى اقوى مش العكس ابدا

[الطفشان]

سماح المرة دي يا شعنونة

بس ماتعمليهاش تاني

انتي كان عندك منتدي و عارفة الهم و العبء بتاع التنسيق

المهم

ولكن "كنت" اتمنى في زوجي ان يكون انــســان

بمعنى انه يحترمني ويحبني ويراعي ربنا فيا

وانه يكون انسان محترم ويعرف معنى كلمة المسؤولية قبل كل شيء

حتلاقيه

قولي ان شاء الله يا رب

بس اصبري و ماتبصيش للدنيا بنظارة سودا

اتمنى ان اتزوج انسان يتفهم مسؤولياتي التي احملها على عاتقي

يعني لما تتجوزي

حتروحي كل يوم تعشي اخواتك؟ و الا ايه يعني؟طب افرضي عشتي في بلد تانية؟

يتشردوا؟

يعني فكري بعقلانية شوية

على العموم دة برة الموضوع

[yasser6666]

نرجع لاصل الموضوع تاني ..سال الاستاذ طفشان سؤال مباشر وصريح

- ماذا تريد الزوجات من الازواج؟

و

- ماذا يريد الازواج من الزوجات؟

ورايئ الشخصي بصراحة هو ان كل واحد عايز يشوف الانسان اللي اختاره قبل الجواز مرة تانية بعد طول غياب ولو حتي لمدة يوم في الشهر!!! بعد عدة سنوات من الزواج بيصبح الازواج زي الاغراب ومعظم المشاكل بيكون سببها التغيير والتغيير المستمر في شخصية الزوج والزوج (بالاضافة الي التغيير في الشكل الخارجي كمان مثل الكرش وجلابية البيت والمدورة والمنديل ابو اوية كمان)...واقصد بطول الغياب ان الزوج بعد فترة يشتاق بشدة للشخص اللي تعرف عليه من كام سنة وكانت بتبهره بجمالها وبرافاناتها ورقة اسلوبها وكان بيقعد يتكلم بالساعات ومايزهقش ولكن بعد الجواز بكام سنة يصيبه مرض (الخرس المنزلي)لانه لايجد من يتكلم معه او لا يريدان يتكلم مع شخص لايعرفه معرفة قوية ((وهي الزوجة التي اصبحت غريبة عليه بعد ان اظهرت بعض الصفات اللي كان يجهلها فاصبح عقله الباطن يقوله ايه ده?? مين دي??ايه الوقعة المهببة دي??))....

وحتي لانظلم النساء فنفس المشكلة مع الرجال تجد الزوجة تتمني ان تعود لحظات الخطوبة والرومانسية والكلام المتنقي ولو عشر دقايق بس في اليوم وتشوف الواد الحليوة(برضة من غير كرش)اللي كان بيستناها علي الناصية بالساعات من غير ملل او تبرم!!! واللي كانت لو طلبت لبن العصفور كان عمل المستحيل وجابوه فاذا بها امام شخص اناني لايفكر الا في نفسه واصحابه واهله وانما البيت والزوجة فهما موجودين هما حيروحوا فين يعني???!!!

واخيرا عايز اقول لازم كل واحد يكون بطبيعته تماما قبل الجواز ويحاول بقدر الامكان الا يتغير بمجرد اتمام الزواج او يتخيل كل زوج او زوجة انه مازال في فترة الخطوبة ويظهر احسن ماعنده طول الوقت وكل الوقت...وكفاية كده :D :cool: :D :cool: :shock: