ماذا يريد الازواج و ماذا تريد الزوجات؟

[الطفشان]

شعنونة قالت:

دلوقتي الجواز بقى عامل زي

العريس والعروسة مدان حتى تثبت برائته

و شاكوش رد:

تجد فى النهاية أن المصرى و المصرية عندهم عقد نفسية

و هي دي المشكلة:

الشعب كله بيعاني من بعض

امراض اجتماعية في كل شئ

شوف سواق التاكسي بيعامل الناس ازاي

و الا الموظف بيقابلهم ازاي

و الا الحكومة بتعامل الشعب ازاي

و الا الناس في الطابور ازاي

و الا الناس مكشرة و الا مبتسمة

لذلك المشكلة ممتدة الى الجواز

و بتتضخم فيه بشدة

و بالتالي فالنتيجة

فرح بمرتب سنتين يعني

فقر و عنطزة

[crossfield]

سؤال :

ايه حدود التنازلات فى العلاقة الزوجية؟؟؟؟؟يعنى امتى يبقى التنازل اهانة و مش مسموح بيه ؟ و هل كل واحد من الطرفين المفروض يبقى ليه استقلالية فى أمور معينة؟زى ايه؟؟؟

[shakoosh]

ممكن أسأل الأخت كروسفيلد ماذا تعنين بالتنازلات؟ و أعطنى مثال على الإستقلالية ؟

لأن كلمة تنازل معناه تنازل عن حق ..بمعنى أن الرجل يضغط على زوجته لكى تتنازل عن حق لها...مثلا لكى يعطيه إحساس بالقوة و السيطرة...إذا فعل رجل ذلك ..ليس له سوى معنى واحد وهو خلل و ضعف فى شخصية الرجل مع عقدة نقص مركبة.. و هذا النوع لايستحق أى إحترام..لأن الإنسان الذى له ضمير سوف يراعى حق الآخرين قبل حقوقه ..

كل إنسان مستقل و لكنه يشارك الآخرين تحت ضوابط متفق عليها..و إذا لم تحترم الإستقلالية الذاتية .. سوف يتحول عش الزوجية إلى سجن..و إذا لم تكن هناك ضوابط للمشاركة .. سوف تتفكك العلاقة الأسرية..و الإستقلالية ليست معناها أن كل فرد يفعل ما يريد.. و لكنها إحترام ذات الآخر كإنسان و إحترام إستقلالية التفكير و التصرف .. فليس من المعقول أن أتزوج إمرأة ناضجة فى السن ثم أملى عليها طول الوقت ما الذى تفعله و ما الذى لا تفعله..لأنها ليست قاصر.. المفروض أن كل واحد يعرف حقوقه و واجبته تجاه الآخر .. و أن هناك تفاهم مشترك ..

[moody00x]

سؤال : 

ايه حدود التنازلات فى العلاقة الزوجية؟؟؟؟؟يعنى امتى يبقى التنازل اهانة و مش مسموح بيه ؟ و هل كل واحد من الطرفين المفروض يبقى ليه استقلالية فى أمور معينة؟زى ايه؟؟؟

سؤال أساسآ مالوش معنى العلاقة الزوجية ليست بها تنازلات.....

لأن مفهوم العلاقة ومضمونها الفعلى يناقض تمامآ كلمة تنازلات

[Facts researcher]

سؤال : 

ايه حدود التنازلات فى العلاقة الزوجية؟؟؟؟؟يعنى امتى يبقى التنازل اهانة و مش مسموح بيه ؟ و هل كل واحد من الطرفين المفروض يبقى ليه استقلالية فى أمور معينة؟زى ايه؟؟؟

سؤال أساسآ مالوش معنى العلاقة الزوجية ليست بها تنازلات.....

لأن مفهوم العلاقة ومضمونها الفعلى يناقض تمامآ كلمة تنازلات

كلام سليم بالطبع يا أخ مودي ، ولكن المصيبة في مجتمعنا المصري أن الناس تشورون جميعاً ( خصوصاً النساء في الأغلب ) أن أي فعل تفعله لتحاول ارضاء الزوج يسمى تنازل ، وسبب ذلك هو ما أشار اليه الأخ شاكوش و الطفشان بالعقد النفسية في المجتمع و التي يجعل رواسبها تطفح على عقول الناس (رجال و نساء)في تعاملهم مع اي موقف اجتماعي كالزواج . ولهذا فإن أمر التعامل بين الزوجين يجب أن تحمه القاعدة الإجتماعية التاليه و التي ذكرتها مسبقاً :

ان الافعال التي يفعلها الطرفين الزوج أو الزوجة ليُرضي كل منهما الآخر لا يجب أن نقول عنها أنها تنازل بأي حال ولكن نقول عنها أنها

((دليل تمسك)) كل طرف بالآخر و ذلك لقناعة كل منهما بالآخر .

أكررها :

((دليل تمسك)) كل طرف بالآخر ، و ذلك لقناعة كل منهما بالآخر

[crossfield]

يا جماعة على مهلكوا عليه ؛رفقاً بالقوارير :)

أنا بسأل هوه ايه السؤال حرم :shock: :shock:

بلاش نسميها تنازلات يعنى؟؟؟ مش قصدى ان الواحد يغير رأيه فى حاجة عادية أو يبقى مرن شوية عشان الأمور تمشى أو عشان يسعد الطرف التانى لكن مثلاً يعنى لو واحد فجأة طلب من مراته انها تسيب شغلها ؛هل ده مش تنازل مثلاً؟ لو طلب منها انها تقطع صلتها بفلانة عشان حاسس انها بتخرب عليهم حتى لو ده مش حقيقى ؟ لما الزوج يحاول يقطع مراته من أهلها و هيه تستجيب لده مش يبقى تنازل ده؟ أنا بشوف ان مش كل أوامر الزوج لازم تبقى مطاعة يعنى الأمر يكون بالمستطاع فقط ؛عشان كده كان سؤالى .امتى يكون من حق الزوجة انها تقول لأ و العكس برضو .يا ريت الأخوة المتزوجين يوضحوا لى النقطة دى شوية .

حكاية الاستقلالية محدش وضحها شوية غير الأخ شاكوش .لكن يا ريت افهم برضو حدودها ايه؟ يعنى ايه حدودالاستقلاليه اللى الرجل السوى يسمح بيها لزوجته؛و العكس . أكيد طبعاً الخروج و الدخول بغذن ؛ماشى ؛ ايه تانى؟؟؟

[moody00x]

شوفى يا قارورة يا بنتى ...من الناحية الدينية على الزوحة أن تطيع زوجها فى كل شئ ماعدا الحرام أو ما يغضب الله طبعآ فيه أحاديث كتيرة فى الموضوع لكن أنا باقف عن حديث ما معناه أن إمرأة أطاعت كلام زوجها فى عدم زيارة والدها المريض ثم مات أبوها ولم تخرج لوداعه تنفيذآ لرغبة الزوج وعندما بلغ الرسول صلى الله عليه وسلم قال إن الله غفر للوالد نظير طاعة الزوج

الجيل الصاعد بقى عايز يسميها تنازلات ..براحتكو..

من الناحية إلاجتماعية الراجل هو القائد وبالتالى رؤية القائد تكون دائمآ أبعد نظرآ لأن مسئولية وصول السفينة لبر ألأمان وإن ظهرت من الخارج أنها مسئولية مشتركة لكن ااحقيقة ألأكيدة أن القيادة مسئولية شخص واحد وهو الرجل

طبعآ هذا لايمنع المشورة فقد تكون للزوجةوجهة نظر أعمق أو غائبة عن الزوج

وإن كان ده نادرآ طبعآ لتغلب العاطفةعلى العقل عند المرأة

وبعدين فى حاجة مهمة...واضح إنك قلقانة من التحكمات وألأوامر من الزوج

هما طريقين مالهمش تالت

يأما حضرتك إقتنعتى بوجهة نظره وبالتالى بتنفذى رغبته يبقى إنتى كده شكرتى ربنا على نعمة التفاهم واتقيتى ربنا بطاعة للزوج

يأما ماقتنعتيش بكلامه لكن نفذتى رغبته وهنا قد يكون الجزاء أو الثواب أكبر لأنك أقرنتى الطاعة مع الصبر

والشاكر والصابر لهم الفضل عند الله ...إذآ لو نظرنا لأى موضوع نظرة دينية هتلاقى كل حاجة سهلة..لذلك قلت لك فى الاختيار موضوع الدين مهم جدآ

[crossfield]

حاضر يا سيادة القائد :)

الصبر من عندك يا رب :twisted:

لكن سيادتك برضو ماافدتنيش فى حتة الأستقلالية :mad: :mad:

[moody00x]

حاضر يا سيادة القائد

الصبر من عندك يا رب 

أنا قلت مافيش فايدة .....شاطرين بس فى نحن غربا عك والحرية والاستقلالية وكلام النظام العالمى الحديث

استقلالية إيه يا قارورة

:mad: :twisted: :twisted: :twisted:

[Facts researcher]

حاضر يا سيادة القائد :) 

الصبر من عندك يا رب :twisted: 

لكن سيادتك برضو ماافدتنيش فى حتة الأستقلالية  :mad:  :mad:

لا أعرف في الدين شيء اسمه استقلالية للزوجة سوى في مالها ، وأن هذا المال من الممكن ان تنفق منه الزوجة على الأسرة في حالة تعثر الزوج للإنفاق لسبب ما ، أو حتى الزوجة تجعل الرجل يشارك في مالها ان أرادت هذا و قد فعلته ام المؤمنين خديجة رضوان الله عليها في تجارتها عندما كان يشرف عليها الرسول

أما اسقلاليه اخرى فلم اسمع عنها اطلاقاً .

الأخت العزيزة ، لو فكرتي في الموضوع من منطلق انه تحكم ، بصراحة سوف تتعبي جداً ، وهذا من المؤكد سيخلق لكي المشاكل وراء الأخرى مع زوجك ، حيث انك سوف تعترضين كثيراً على كل ما يقوله ، مما يجعله دائماً في حالة عصبية ليست سهلة .

ياريت تفكر دائماً ((بشكل مريح))

[بنت شعنونة]

والله يا كروساية انت سكر

:)

يعني هوا احنا عاوزين نتجوز عشان نستقل

ما احنا مستقلييييييييييين اهو :? :?

البنت بتتجوز عشان تشارك

تشارك جوزها افراحها حبها حنانها اهتمامها مشاعرها

نكدها ما يضرش :D :D

اكيد في استقلاليه من منطلق وامرهم شورى بينهم

بس الراي النهائي بيكون للزوج في القرارت المصيرية

اعرف ناس سايبين شؤون البيت كلها للست وهما عليهم الباقي

وبعدين موضوع الشغل جا يا كروساية

بالعقل كدا

مين ابقالك

زوج كويس مراعي ربنا فيكي

او شغل ها تمشي منه عاجلا ام اجلا؟

كلام الأخوة صح

احنا وظيفتنا نقف ورا ازواجنا عشان هما يمشوا ع الطريق الصح

ولو هما مشيوا صح

صدقيني كل حاجا في حياتنا احنا كمان ها تكون صح :)

[الطفشان]

سؤال :

ايه حدود التنازلات فى العلاقة الزوجية؟؟؟؟؟

الاجابة تختلف باختلاف المجتمع و الزوجين و الشخصين

لا يوجد One size fits all

من اول تعريف ما هو التنازل

يعنى امتى يبقى التنازل اهانة و مش مسموح بيه ؟

مافيش قاعدة

بس حاقولك امثلة

كام مرة شفتي حد من محيط معارفك مراته متسلطة و جوزها بيمشي لها كل حاجة من غير مناقشة؟ يعني راكبة و مدلدلة رجليها

كام مرة شفتي راجل شخصيته طاغية و لاغي تماما شخصية مراته؟

دي امثلة في ال extreme

لكن غالبا ما الموضوع بيبدأ من طرف شخصيته مهزوزة او ماعندوش ثقة في النفس، و عايز يثبت وجوده بمناسبة و بدون مناسبة

او شخص بيبقى دة بسبب رد فعل. الطرف التاني حاول يسيطر و يتحكم فهو قال اتعشى بيهم قبل ما يتغدوا بيا

و لو طرف مشى كلام التاني في سبيل الحب و المعزة و العشرة، مش شرط يبقى تنازل

بل مجرد حبه للاخر يدفعه انه يفعل هذا الامر من اجل الله اولا او علاقتهم ثانيا

أنا بشوف ان مش كل أوامر الزوج لازم تبقى مطاعة يعنى الأمر يكون بالمستطاع فقط

الحد هنا هو الطاعة واجبة الا ما فيه معصية

"لا طاعة لمخلوق في معصية الخالق"

و الحديث المذكور دة عمري ما سمعت عنه

و هل كل واحد من الطرفين المفروض يبقى ليه استقلالية فى أمور معينة؟ زى ايه؟؟؟

يعنى ايه حدودالاستقلاليه اللى الرجل السوى يسمح بيها لزوجته

الاستقلالية موجودة في أشياء كثير

مثلا الاتقلالية المالية مكفولة بالشرع

يعني المرأة لها ذمتها المالية المستقلة

و هناك اشياء تخضع لتقديرك و تقدير الطرف الاخر

يعني هل تشتغلي؟

هل لكي اصدقاءك تشوفيهم كل اسبوع في المادي مثلا؟

هل لكي هواياتك؟

و نفس الكلام عليه برضه

و لذلك التوافق مطلوب

لان لو هناك في فارق كبير في التفكير

ستكون هناك مشاكل

لانه ممكن يستخدم سلاح طاعة الزوج للتحكم او هي كدة!

فتستخدمين حق الاستقلال

و ممكن سلاح الدموع او النكد

الخ

و كله مشاكل

اذا الامر راجع الى شخصية كل منكما و الخلفية الاجتماعية و الدينية

[الطفشان]

كروساية

بعد ان قرأت باقي تعليقات الاخوة

اظن ان الموضوع اساسا هو خوف و شك

يعني مش عايزة اسيب له شبر يقوم يطلب متر

هل انتي متخوفة من الزواج الى هذا الحد؟

ام من شخص معين

لو هذا هو الموضوع (الخوف الزائد) ، اذن بلاش زواج خالص او بلاش الشخص دة من قصيره

كل واحد له comfort zone (منطقة ارتياح) في الامور الاجتماعية و الدينية و المالية

و تختلف من شخص لاخر و مجتمع لاخر

يجب ان تناسب هذه المنطقة الطرف الاخر

يعني اما ان تعدليها او يقبلها

و الا ...

[crossfield]

ياه للدرجة دى أنا مرعبة :)

شوفى يا شعنونة مكنش قصدى خالص الاستقلال التام أو الموت الزؤام ...أنا مشكلتى انى مستقلة عموماً و عايشة حياتى لوحدىىىىىىىى و عشان كده واخدة على الوحدة و زهقت من ده ؛ لكن برضو عملية التكيف و التعود على شخص غريب عنى ويبقى جزء من حياتى أو مركز ليها ده بيقلقنى شوية عموماً ؛يعنى مش باتكلم على شخص محدد. رغم انى محتاجة المشاركة دى نفسياً لكن باقلق منها متعودتش عليها ؛أنا النماذج اللى بشوفها مش مشجعة خالص و بحس ان أغلب البيوت المصرية تعيسة للأسف.أنا أشيل مسئولية بيت كويس جداً لكن يبقى فيه حد معايا شايلها و نتناقش و نتخانق أهو ده بقى اللى يقلق .

كروساية

بعد ان قرأت باقي تعليقات الاخوة

اظن ان الموضوع اساسا هو خوف و شك

يعني مش عايزة اسيب له شبر يقوم يطلب متر

هل انتي متخوفة من الزواج الى هذا الحد؟

ام من شخص معين

لو هذا هو الموضوع (الخوف الزائد) ، اذن بلاش زواج خالص او بلاش الشخص دة من قصيره

كل واحد له comfort zone (منطقة ارتياح) في الامور الاجتماعية و الدينية و المالية

و تختلف من شخص لاخر و مجتمع لاخر

يجب ان تناسب هذه المنطقة الطرف الاخر

يعني اما ان تعدليها او يقبلها

و الا ...

بصراحة آآآآآآآه خايفة جداً . لكن العملية مش مسألة فرض رأى و تحكم و الله ؛انا محبش انى أمشى جوزى بالعكس أنا عايزة أرتبط بواحد شخصيته قوية عشان يقدر عليه :twisted: :twisted: و مش معنى ان شخصيته قوية انه يزعق و يجعجع لكن يكسبنى يقنعنى يعرف يضحك عليا من الأخر بأدب .و عشان كده لازم يبقى بااااارد و باله طويل .

نرجع لموضوعنا :انا اللى بيقلقنى فى الموضوع ده ان كل حاجة نسبية و مفيش مقاييس ثابتة .ربنا يستر هيه يا صابت يا اتنين عور :mad:

[بنت شعنونة]

كروساية يا حبيبة قلبي

مجرد انك تحس معاه بالامان

صدقيني كللللللللل دا ها تنسيه

وها تستعجلي الوقت اللي تبقى فيه مع جوزك في بيت واحد

زي نورا كدا :D

اسمعي الكلام واستخيري ربنا

وامسحي الماضي باستيكة بجد

وتعاملي مع العريس كانك اول مرة تعرفي راجل وكانك اول مرة في يحاتك يتقدملك عريس

وشوفي ايه الوضع :D

ولما الدنيا تأزم معاكي اوي اوي

بصي لوالدك و والدتك كويس اوووووووي

هتلاقي الدنيا من دا على دا.......

يخرب عقلي وانا عاقلة كدا وبتكلم بالحكمة

اجنننننننننن :D :D :D :D :D :D :roll: :roll: :roll: :) :) :D

[الطفشان]

شعنونة

عايزك تبروزي الكلام اللي في حالة العقل دة جنب شاشة الكمبيوتر

و لما يجيلك الحالةن و عايزة تكتبي مواضيع الاكتئاب و الاحباط، تقري اللي انت كتبتيه في حالة العقل!!!!

عشان كثير انتي بتقولي كلام زي كروس (و اكثر) و الرد ببيبقى مننا زي ردك عليها دلوقت!

ماشي؟

[بنت شعنونة]

والله العظييييييييييم

كنت عارفا انكوا ها تقولوا كدا :D :D :D

مااااااااااشي مااااااااااشي :roll: :roll: :) :) :D

ماهوا الكلالالالالالالالالام سههههههههل

بس ميييييييين اللي ينفز بقىىىىىىى :D :D :D :D :D :D

عاجبك كدا يا كروسااااااااية

كان لازم اعملك فيها نينا العااااااااااقلة يعنيييييييي :twisted: :twisted: :twisted:

بس فداكي يا ستى كلمتين عمي الطفشان دول :D :D :D

ان شاء الله لما اروح للميكانيكي ها اقوله يركبلي زرارررررررر عشان لما ادوس عليه يمسح اللي فااااااااات :twisted: :twisted: :twisted:

[الطفشان]

انا باتكلم جد

مش باتريق و الله

كل ما اردت اقوله انك تحطي نفسك في الوضع العكسي و تحاربي الاكتئاب و ماتستسلميش له

برواز او ذاكرة او حتى تحطي اللينك في ال favorites مش فارقة

[الطفشان]

عملية التكيف و التعود على شخص غريب عنى ويبقى جزء من حياتى أو مركز ليها ده بيقلقنى شوية عموماً

عادي

مش غريبة

لانك ماتعرفيهوش

طبيعي ان التخوف دة يبقى موجود

أنا عايزة أرتبط بواحد شخصيته قوية عشان يقدر عليه :twisted:  :twisted: 

و مش معنى ان شخصيته قوية انه يزعق و يجعجع 

لكن يكسبنى يقنعنى يعرف يضحك عليا من الأخر بأدب .و عشان كده لازم يبقى بااااارد و باله طويل .

مممممممم

طب و ليه يبقى الموضوع بصراحة من غير ضحك على بعض و لف و دوران؟

الرجالة بتوصل لمرحلة بتزهق من المهاتية و النقاش

و محاولات الاقناع

و عايزة تخلص من المناقشة او الجدل

بالذات لما تكون في وقت مش مناسب

يعني لسة داخل من برة و الدنيا حر مثلا

او مشاكل في الشغل

او مركز في قراية او كمبيوتر

او و هو مستعجل ينزل

سر بمليون جنيه: احسن وقت في اخر وجبة الغذاء او الفطار يوم الاجازة

او في العربية بعد فسحة حلوة

اما في الاوقات الغير مناسبة

فواحد بيسكت و خلاص

و واحد يزعق و يهلل

انا اللى بيقلقنى فى الموضوع ده ان كل حاجة نسبية و مفيش مقاييس ثابتة

كل الدنيا و الحياة كلها كدة

و كل ما تعرفي الموضوع دة بدري و تتأقلمي عليه كل ما تستريحي نفسيا في حاجات كثير

[crossfield]

ايه حكاية يحسسنىبالأمان دى يا شعنونة؟؟؟ شكلك كده منشنة على عسكرى يا لئيمة :)

عملية التكيف و التعود على شخص غريب عنى ويبقى جزء من حياتى أو مركز ليها ده بيقلقنى شوية عموماً

عادي

مش غريبة

لانك ماتعرفيهوش

طبيعي ان التخوف دة يبقى موجود

أنا عايزة أرتبط بواحد شخصيته قوية عشان يقدر عليه :twisted:  :twisted: 

و مش معنى ان شخصيته قوية انه يزعق و يجعجع 

لكن يكسبنى يقنعنى يعرف يضحك عليا من الأخر بأدب .و عشان كده لازم يبقى بااااارد و باله طويل .

مممممممم

طب و ليه يبقى الموضوع بصراحة من غير ضحك على بعض و لف و دوران؟

الرجالة بتوصل لمرحلة بتزهق من المهاتية و النقاش

و محاولات الاقناع

و عايزة تخلص من المناقشة او الجدل

بالذات لما تكون في وقت مش مناسب

يعني لسة داخل من برة و الدنيا حر مثلا

او مشاكل في الشغل

او مركز في قراية او كمبيوتر

او و هو مستعجل ينزل

سر بمليون جنيه: احسن وقت في اخر وجبة الغذاء او الفطار يوم الاجازة

او في العربية بعد فسحة حلوة

اما في الاوقات الغير مناسبة

فواحد بيسكت و خلاص

و واحد يزعق و يهلل

انا اللى بيقلقنى فى الموضوع ده ان كل حاجة نسبية و مفيش مقاييس ثابتة

كل الدنيا و الحياة كلها كدة

و كل ما تعرفي الموضوع دة بدري و تتأقلمي عليه كل ما تستريحي نفسيا في حاجات كثير

أيوه كده عايزين من النصايح دى كتيييييييير؛ بس عندى سؤال تانى معلش حضرتك متزهقش و تقول الله يخرب الجواز عاللى هيتجوز :)

انتوا ليه بتخافوا لما الست يبقى معاها شهادة عالية ماجستير أو دكتوراة مثلاً؟؟؟ و النبى ما تقوللى عدم ثقة فى النفس ؛ الواحد من دول يبقى نافشلى ريشه و محسسنى انه واثق قوى من نفسه و أول ما تحصل مشكلة كل عقد النقص تطلع مع انه متعلم برضو(بس مش ماجستير)؟و الله العظيم ما عندى العقدة دى خاااااااالص و لا بحب أستعرض الحكاية دىعشان متقولوش انى يمكن أنا اللى باترسم عليه.