ماذا يريد الازواج و ماذا تريد الزوجات؟

[الطفشان]

بس عندى سؤال تانى معلش حضرتك متزهقش و تقول الله يخرب الجواز عاللى هيتجوز :) 

انتوا ليه بتخافوا لما الست يبقى معاها شهادة عالية ماجستير أو دكتوراة مثلاً؟؟؟ و النبى ما تقوللى عدم ثقة فى النفس ؛ الواحد من دول يبقى نافشلى ريشه و محسسنى انه واثق قوى من نفسه و أول ما تحصل مشكلة كل عقد النقص تطلع مع انه متعلم برضو(بس مش ماجستير)؟و الله العظيم ما عندى العقدة دى خاااااااالص و لا بحب أستعرض الحكاية دىعشان متقولوش انى يمكن أنا اللى باترسم عليه.

في رأيي

الاشكال مش في الرجالة اصلا

و لا في الستات كمان

الاشكال في المجتمع

لانه حط المؤهل و الشهادة في موضع تقديس و تبجيل

و مكانتك في المجتمع تقاس (بنسبة كبيرة) بالشهادة

حتى لو مش بتشتغل بيها اصلا

كام مرة شفتي واحد او واحدة دارسة س من الحاجات و بيشتغل في ص؟

كثير جدا مش كدة؟

بس وقت الجواز يسالوا : هو (او هي) معاهم شهادة ايه؟

قبل ما يقولوا يشتغل ايه، او ماديا ايه، او اخلاقه

صح؟

سبب دة النظرة الدونية من المتعلم للفلاح

يعني حب تمايز بالشهادة (انا متعلم و انت جاهل، انا احسن منك!)

و جزء منها تاريخي (كان ايام الفراعنة الفلاح يحب ابنه يتعلم الكتابة عشان يشتغل في الحكومة، زي بالضبط لوقت قريب نظرة الفلاح للميري!)

و جزء منها بعد الثورة و اختفاء طبقة البورجوازيين (اصحاب الاعمال الصغيرة و الحرفيين)

فالناس اليوم (شئنا ام لم نشأ) بتبص لتكافؤ الشهادة

يعني بكالوليوس و ليسانس

و صنايع و ثانوي

نظرة مجتمع ليس الا

شئ مفروض علينا رضيناه ام كرهناه

[farasha79]

بعد التحيه

بصراحة انا شايفة ان اساس اي علاقه ناجحه بين الزوجين 3 حاجات

1- الاحترام

2-الثقه

3- المشاركة

و ده اهم حاجه بدور عليها في شريك حياتي القادم ( اللي مش باين له ملامح حتى الان) :oops:

و اكيد زي ما انا عاوزاه يحترم و يحب اهلي يبقى انا كمان لازم ابدله المثل و بالعكس اللي له خير في اهله اكيد هيكون ليه خير في بيتي و مع اهلي

و على فكره من اهم اسباب حدوث الملل بين الزوجين ( المرأه) مع احترامي يا بنات..

يعني الرجل لما يلاقي الاهتمام المستمر و المشاركه و الوقوف بجانبه في السراء و الضراء من قبل زوجته استحاله يمل منها بالعكس تقوى العلاقه اكثر و مدام الزوجين بقوا في بيت واحد مافيش حاجه اسمها تنازلات ( احس كلمه تنازل دي غرور و تعالي ) ان اي طرف هيتنازل,, و من ضمن اسباب الملل في البيوت على فكره الروتين القاتل كل يوم زي الثاني اللي بنعمله النهارده هو نفسه اللي عملناه امبارح بس الذكيه هي الي تضيف حاجه جديده في حياتها مع زوجها لكسر الملل و التقرب اكثر منه